paliTIPITAKA Volume 16 - Sutta Pitaka 8

[470] Savatthiyam viharati ... tatra kho bhagava ... Candupama bhikkhave kulani upasankamatha apakasseva kayam apakassa cittam niccanavaka kulesu appagabbha . seyyathapi bhikkhave puriso jarudapanam va olokeyya pabbatavisamam va nadividuggam va apakasseva kayam apakassa cittam evameva kho bhikkhave candupama kulani upasankamatha apakasseva kayam apakassa cittam niccanavaka kulesu appagabbha . Kassapo bhikkhave candupamo kulani upasankamati apakasseva kayam apakassa cittam niccanavako kulesu appagabbho. [471] Tam kim mannatha bhikkhave kathamrupo bhikkhu arahati kulani upasankamitunti . bhagavammulaka no bhante dhamma bhagavamnettika bhagavampatisarana sadhu vata bhante bhagavantamyeva patibhatu etassa bhasitassa attho bhagavato sutva bhikkhu dharessantiti . atha

--------------------------------------------------------------------------------------------- page234.

Kho bhagava akase panim calesi seyyathapi bhikkhave ayam akase pani na sajjati na gayhati na bajjhati evameva kho bhikkhave yassakassaci bhikkhuno kulani upasankamato kulesu cittam na sajjati na gayhati na bajjhati labhantu labhakama punnakama karontu pana ^1- punnaniti yathasakena labhena attamano hoti sumano evam paresam labhena attamano hoti sumano . evarupo kho bhikkhave bhikkhu arahati kulani upasankamitum. {471.1} Kassapassa bhikkhave kulani upasankamato kulesu cittam na sajjati na gayhati na bajjhati labhantu labhakama punnakama karontu pana ^1- punnaniti yathasakena labhena attamano hoti sumano evam paresam labhena attamano hoti sumano. [472] Tam kim mannatha bhikkhave kathamrupassa bhikkhuno aparisuddha dhammadesana hoti kathamrupassa bhikkhuno parisuddha dhammadesana hotiti . bhagavammulaka no bhante dhamma bhagavamnettika bhagavampatisarana sadhu vata bhante bhagavantamyeva patibhatu etassa bhasitassa attho bhagavato sutva bhikkhu dharessantiti . tenahi bhikkhave sunatha sadhukam manasikarotha bhasissamiti . evam bhanteti kho te bhikkhu bhagavato paccassosum . bhagava etadavoca yo hi koci bhikkhave bhikkhu evamcitto paresam dhammam deseti aho vata me dhammam suneyyum sutva ca pana dhammam pasideyyum pasannava ^2- me @Footnote: ¹ Ma. Yu. panasaddo natthi . ² Ma. Yu. pasanna ca.

--------------------------------------------------------------------------------------------- page235.

Pasannakaram kareyyunti . evarupassa kho bhikkhave bhikkhuno aparisuddha dhammadesana hoti. {472.1} Yo ca kho bhikkhave bhikkhu evamcitto paresam dhammam deseti svakkhato bhagavata dhammo sanditthiko akaliko ehipassiko opanayiko ^1- paccattam veditabbo vinnuhiti aho vata me dhammam suneyyum sutva ca pana dhammam ajaneyyum ajanitva ca pana tathattaya patipajjeyyunti iti dhammasudhammatam paticca paresam dhammam deseti karunnam paticca paresam dhammam deseti anudayam paticca paresam dhammam deseti anukampam upadaya paresam dhammam deseti . evarupassa kho bhikkhave bhikkhuno parisuddha dhammadesana hoti. [473] Kassapo bhikkhave evamcitto paresam dhammam deseti svakkhato bhagavata dhammo sanditthiko akaliko ehipassiko opanayiko ^1- paccattam veditabbo vinnuhiti aho vata me dhammam suneyyum sutva ca pana dhammam ajaneyyum ajanitva ca pana tathattaya patipajjeyyunti iti dhammasudhammatam paticca paresam dhammam deseti karunnam paticca paresam dhammam deseti anudayam paticca paresam dhammam deseti anukampam upadaya paresam dhammam deseti . kassapena va hi vo bhikkhave ovadissami yo va panassa kassapadiso ovaditehi ca pana vo tathattaya patipajjitabbanti. Tatiyam. [474] Savatthiyam viharati ... tam kim mannatha bhikkhave kathamrupo @Footnote: ¹ Ma. opaneyyiko.

--------------------------------------------------------------------------------------------- page236.

Bhikkhu arahati kulupako hotum kathamrupo bhikkhu na arahati kulupako hotunti. Bhagavammulaka no bhante dhamma .pe. [475] Bhagava etadavoca yo hi koci bhikkhave bhikkhu evamcitto kulani upasankamati dentuyeva me ma nadamsu bahukanneva me dentu ma thokam panitanneva me dentu ma lukham sighanneva me dentu ma dandham sakkaccanneva me dentu ma asakkaccanti . Tassa ce bhikkhave bhikkhuno evamcittassa kulani upasankamato na denti tena bhikkhu sandiyati so tatonidanam dukkham domanassam patisamvedayati . thokam denti no bahukam .pe. lukham denti no panitam dandham denti no sigham tena bhikkhu sandiyati so tatonidanam dukkham domanassam patisamvedayati . asakkaccam denti no sakkaccam tena bhikkhu sandiyati so tatonidanam dukkham domanassam patisamvedayati . evarupo kho bhikkhave bhikkhu na arahati kulupako hotum.

The Pali Tipitaka in Roman Character Volume 16 page 233-236. https://84000.org/tipitaka/read/roman_item.php?book=16&item=470&items=6&pagebreak=1&modeTY=2 Classified by [Item Number] :- http://84000.org/tipitaka/read/roman_item.php?book=16&item=470&items=6&pagebreak=1&modeTY=2&mode=bracket Compare with The Pali Tipitaka in Thai Character :- https://84000.org/tipitaka/read/pali_item.php?book=16&item=470&items=6&pagebreak=1&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=16&item=470&items=6&pagebreak=1&modeTY=2 Study Atthakatha :- https://84000.org/tipitaka/attha/attha.php?b=16&i=470 Contents of The Tipitaka Volume 16 https://84000.org/tipitaka/read/?index_16 https://84000.org/tipitaka/english/?index_16