[389] Sāvatthiyaṃ viharati ... tatra kho bhagavā ... Dhātusova
bhikkhave sattā saṃsandanti samenti kusītā kusītehi saddhiṃ saṃsandanti
samenti muṭṭhassatino muṭṭhassatīhi saddhiṃ saṃsandanti samenti
duppaññā duppaññehi saddhiṃ saṃsandanti samenti . āraddhaviriyā
āraddhaviriyehi saddhiṃ saṃsandanti samenti upaṭṭhitassatino
upaṭṭhitassatīhi saddhiṃ saṃsandanti samenti paññavanto
paññavantehi saddhiṃ saṃsandanti samentīti . dvādasamaṃ .
[evaṃ sabbattha atītānāgatapaccuppannaṃ kātabbaṃ].
Dutiyavaggo dutiyo.
Tassa uddānaṃ
sattimaṃ 1- sanidānañca giñjakāvasathena ca
hīnādhimutti caṅkamaṃ 2- satāpāraddhasattamaṃ 3-
assaddhamūlakā pañca cattāro ahirikamūlakā
anottappamūlakā tīṇi dve appassutena ca
kusītaṃ ekakaṃ vuttaṃ suttantā tīṇi pañcakāti 4-.
[5]-
----------
@Footnote: 1 Ma. Yu. sattimā . 2 Yu. ca kammaṃ . 3 Ma. sagāthāasaddhasattamaṃ.
@Yu. sagāthaasaddhasattamaṃ.
@4 Yu. anottappamūlakā tīṇi dve appasasutena ca
@ kusītaṃ ekakā vututā suttantā tīṇi pañcakā suttaṃ.
@5 Ma. Yu. bāvīsati vuttā suttā dutiyo vaggo pavuccatīti.
Dasakammapathavaggo tatiyo
[390] Sāvatthiyaṃ viharati ... tatra kho bhagavā ... Dhātusova
bhikkhave sattā saṃsandanti samenti assaddhā assaddhehi saddhiṃ
saṃsandanti samenti ahirikā ahirikehi saddhiṃ saṃsandanti samenti
anottāpino anottāpīhi saddhiṃ saṃsandanti samenti asamāhitā
asamāhitehi saddhiṃ saṃsandanti samenti duppaññā duppaññehi
saddhiṃ saṃsandanti samenti . saddhā saddhehi saddhiṃ saṃsandanti
samenti hirimanā hirimanehi saddhiṃ saṃsandanti samenti ottāpino
ottāpīhi saddhiṃ saṃsandanti samenti samāhitā samāhitehi saddhiṃ
saṃsandanti samenti paññavanto paññavantehi saddhiṃ saṃsandanti
samentīti. Paṭhamaṃ.
The Pali Tipitaka in Roman Character Volume 16 page 196-198.
https://84000.org/tipitaka/read/roman_item.php?book=16&item=389&items=2
Classified by [Item Number] :-
http://84000.org/tipitaka/read/roman_item.php?book=16&item=389&items=2&mode=bracket
Compare with The Pali Tipitaka in Thai Character :-
https://84000.org/tipitaka/read/pali_item.php?book=16&item=389&items=2
Compare with The Royal Version of Thai Tipitaka :-
https://84000.org/tipitaka/read/byitem.php?book=16&item=389&items=2
Study Atthakatha :-
https://84000.org/tipitaka/attha/attha.php?b=16&i=389
Contents of The Tipitaka Volume 16
https://84000.org/tipitaka/read/?index_16
https://84000.org/tipitaka/english/?index_16
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]
