paliTIPITAKA Volume 16 - Sutta Pitaka 8

[137] Savatthiyam viharati ... tatra kho .pe. Avijjapaccaya bhikkhave sankhara sankharapaccaya vinnanam .pe. evametassa kevalassa dukkhakkhandhassa samudayo hoti. [138] Katamam jaramaranam kassa ca panidam jaramarananti iti va Bhikkhave yo vadeyya annam jaramaranam annassa ca panidam jaramarananti iti va bhikkhave yo vadeyya ubhayametam ekattham byanjanameva nanam. Tam jivam tam sariranti va bhikkhave ditthiya sati brahmacariyavaso na hoti annam jivam annam sariranti va bhikkhave ditthiya sati brahmacariyavaso na hoti . ete te bhikkhave ubho ante anupagamma majjhena tathagato dhammam deseti jatipaccaya jaramarananti .pe. Katama jati ... Katamo bhavo ... Katamam upadanam ... Katama tanha ... Katama vedana ... Katamo phasso ... Katamam salayatanam ... Katamam namarupam ... Katamam vinnanam .... [139] Katame sankhara kassa ca panime sankharati iti va bhikkhave yo vadeyya anne sankhara annassa ca panime sankharati iti va bhikkhave yo vadeyya ubhayametam ekattham byanjanameva nanam. Tam jivam tam sariram iti va bhikkhave ditthiya sati brahmacariyavaso na hoti annam jivam annam sariram iti va bhikkhave ditthiya sati brahmacariyavaso na hoti . ete te bhikkhave ubho ante anupagamma majjhena tathagato dhammam deseti avijjapaccaya sankhara .pe. [140] Avijjaya tveva bhikkhave asesaviraganirodha yanissa tani visukayitani visevitani vipphanditani kanici kanici katamam jaramaranam kassa ca panidam jaramaranam iti va annam jaramaranam annassa ca Panidam jaramaranam iti va tam jivam tam sariram iti va annam jivam annam sariram iti va sabbanissa tani pahinani bhavanti ucchinnamulani talavatthukatani anabhavangatani ayatim anuppadadhammani. [141] Avijjaya tveva bhikkhave asesaviraganirodha yanissa tani visukayitani visevitani vipphanditani kanici kanici katama jati .pe. katamo bhavo ... katamam upadanam ... Katama tanha ... Katama vedana ... katamo phasso ... Katamam salayatanam ... Katamam namarupam ... Katamam vinnanam .... [142] Avijjaya tveva bhikkhave asesaviraganirodha yanissa tani visukayitani visevitani vipphanditani kanici kanici katame sankhara kassa ca panime sankhara iti va anne sankhara annassa ca panime sankhara iti va tam jivam tam sariram iti va annam jivam annam sariram iti va sabbanissa tani pahinani bhavanti ucchinnamulani talavatthukatani anabhavangatani ayatim anuppadadhammaniti . Chattham. [143] Savatthiyam viharati ... nayam bhikkhave kayo tumhakam napi annesam . puranamidam bhikkhave kammam abhisankhatam abhisancetayitam vedaniyam datthabbam. [144] Tatra ^[1]- bhikkhave sutava ariyasavako paticcasamuppadanneva sadhukam yoniso manasikaroti iti imasmim sati idam hoti imassuppada @Footnote: ¹ Ma. Yu. kho. Idam uppajjati imasmim asati idam na hoti imassa nirodha idam nirujjhati yadidam avijjapaccaya sankhara sankharapaccaya vinnanam .pe. Evametassa kevalassa dukkhakkhandhassa samudayo hoti . avijjaya tveva asesaviraganirodha sankharanirodho sankharanirodha vinnananirodho .pe. Evametassa kevalassa dukkhakkhandhassa nirodho hotiti . sattamam. [145] Savatthiyam viharati ... yanca ^[1]- bhikkhave ceteti yanca pakappeti yanca anuseti arammanametam hoti vinnanassa thitiya arammane sati patittha vinnanassa hoti tasmim patitthite vinnane virulhe ayatim punabbhavabhinibbatti hoti ayatim punabbhavabhinibbattiya sati ayatim jatijaramaranam sokaparideva- dukkhadomanassupayasa sambhavanti evametassa kevalassa dukkhakkhandhassa samudayo hoti. No ca ^2- bhikkhave ceteti no ca ^2- pakappeti atha ca ^2- anuseti arammanametam hoti vinnanassa thitiya arammane sati patittha vinnanassa hoti tasmim patitthite vinnane virulhe ayatim punabbhavabhinibbatti hoti ayatim punabbhavabhinibbattiya sati ayatim jatijaramaranam sokaparidevadukkhadomanassupayasa sambhavanti evametassa kevalassa dukkhakkhandhassa samudayo hoti.

The Pali Tipitaka in Roman Character Volume 16 page 75-78. https://84000.org/tipitaka/read/roman_item.php?book=16&item=137&items=9 Classified by [Item Number] :- http://84000.org/tipitaka/read/roman_item.php?book=16&item=137&items=9&mode=bracket Compare with The Pali Tipitaka in Thai Character :- https://84000.org/tipitaka/read/pali_item.php?book=16&item=137&items=9 Compare with The Royal Version of Thai Tipitaka :- https://84000.org/tipitaka/read/byitem.php?book=16&item=137&items=9 Study Atthakatha :- https://84000.org/tipitaka/attha/attha.php?b=16&i=137 Contents of The Tipitaka Volume 16 https://84000.org/tipitaka/read/?index_16 https://84000.org/tipitaka/english/?index_16