paliTIPITAKA Volume 15 - Sutta Pitaka 7

[950] Savatthinidanam . bhutapubbam bhikkhave vepacitti asurindo abadhiko ahosi dukkhito balhagilano . atha kho bhikkhave sakko devanamindo yena vepacitti asurindo tenupasankami gilanapucchako . Addasa kho bhikkhave vepacitti asurindo sakkam devanamindam duratova agacchantam disvana sakkam devanamindam etadavoca tikiccha mam devanamindati . vacehi mam vepacitti sambarimayanti . Na tavaham vacemi yavaham marisa asure patipucchamiti . atha kho bhikkhave vepacitti asurindo asure patipucchi vacemaham marisa sakkam devanamindam sambarimayanti . ma kho tvam marisa vacesi sakkam devanamindam sambarimayanti. [951] Atha kho bhikkhave vepacitti asurindo sakkam devanamindam Gathaya ajjhabhasi mayavi maghava sakka devaraja sujampati upeti nirayam ghoram sambarova satam samanti. Catuttham accayasuttam [952] Ekam samayam bhagava savatthiyam viharati jetavane anathapindikassa arame . tena kho pana samayena dve bhikkhu sampayojesum . tatreko bhikkhu accasara . atha kho so bhikkhu tassa bhikkhuno santike accayam accayato deseti . so bhikkhu na patigganhati. [953] Atha kho sambahula bhikkhu yena bhagava tenupasankamimsu upasankamitva bhagavantam abhivadetva ekamantam nisidimsu . ekamantam nisinna kho te bhikkhu bhagavantam etadavocum idha bhante dve bhikkhu sampayojesum tatreko bhikkhu accasara atha kho bhante so bhikkhu tassa bhikkhuno santike accayam accayato deseti so bhikkhu na patigganhatiti. [954] Dveme bhikkhave bala . yo ca accayam accayato na passati yo ca accayam desentassa yathadhammam na patigganhati . Ime kho bhikkhave dve bala . dveme bhikkhave pandita . Yo ca accayam accayato passati yo ca accayam desentassa yathadhammam patigganhati. Ime kho bhikkhave dve pandita. [955] Bhutapubbam bhikkhave sakko devanamindo sudhammayam sabhayam deve tavatimse anunayamano tayam velayam imam gatham abhasi kodho vo vasamayatu ma ca mitte hi vo jara agarahiyam ma garahittha ma ca bhasittha pesunam atha papajanam kodho pabbatovabhimaddatiti. Pancamam akkodhasuttam [956] Evamme sutam ekam samayam bhagava savatthiyam viharati jetavane anathapindikassa arame. Tatra kho bhagava bhikkhu .pe. [957] Bhagava etadavoca bhutapubbam bhikkhave sakko devanamindo sudhammayam sabhayam deve tavatimse anunayamano tayam velayam imam gatham abhasi ma vo kodho ajjhabhavi ma ca kujjhittha kujjhatam akkodho avihimsa ca ariyesu vasati ^1- sada atha papajanam kodho pabbatovabhimaddatiti. Sakkapancakam. Tassuddanam ghatva dubbanniyamaya accayena akkodhano desitam buddhasetthena idam sakkapancakam. Sakkasamyuttam samattam. @Footnote: ¹ Ma. ca patipada. Ekadasasamyuttam devata devaputto ca raja maro ca bhikkhuni brahma brahmanavangiso vanayakkhena vasavoti. Sagathavaggo nitthito.

The Pali Tipitaka in Roman Character Volume 15 page 350-353. https://84000.org/tipitaka/read/roman_item.php?book=15&item=950&items=8&mode=bracket Classified by content :- https://84000.org/tipitaka/read/roman_item.php?book=15&item=950&items=8 Compare with The Pali Tipitaka in Thai Character :- https://84000.org/tipitaka/read/pali_item.php?book=15&item=950&items=8&mode=bracket Compare with The Royal Version of Thai Tipitaka :- https://84000.org/tipitaka/read/byitem.php?book=15&item=950&items=8&mode=bracket Study Atthakatha :- https://84000.org/tipitaka/attha/attha.php?b=15&i=950 Contents of The Tipitaka Volume 15 https://84000.org/tipitaka/read/?index_15 https://84000.org/tipitaka/english/?index_15