paliTIPITAKA Volume 14 - Sutta Pitaka 6

[333] Evamme sutam ekam samayam bhagava savatthiyam viharati pubbarame migaramatu pasade . atha kho ayasma anando sayanhasamayam patisallana vutthito yena bhagava tenupasankami upasankamitva bhagavantam abhivadetva ekamantam nisidi . ekamantam nisinno kho ayasma anando bhagavantam etadavoca ekamidam bhante samayam bhagava sakkesu viharati nagarakam nama sakyanam nigamo tattha me bhante bhagavato sammukha sutam sammukha patiggahitam sunnata viharenaham ananda etarahi bahulam viharamiti kacci metam bhante sussutam sugahitam sumanasikatam supadharitanti. [334] Taggha te etam ananda sussutam sugahitam sumanasikatam supadharitam ^1- . pubbe caham ^2- ananda etarahi ca sunnataviharena bahulam viharami . seyyathapi ananda ayam migaramatu pasado sunno hatthi gavassavalavena sunno jataruparajatena sunno itthipurisasannipatena . atthi cevidam asunnatam yadidam bhikkhusangham paticca ekattam evameva kho ananda bhikkhu amanasikaritva gamasannam amanasikaritva manussasannam arannasannam paticca manasikaroti @Footnote: ¹ Ma. Yu. supadharitam . ² Ma. paham.

--------------------------------------------------------------------------------------------- page227.

Ekattam . tassa arannasannaya cittam pakkhandati pasidati santitthati adhimuccati ^1- . so evam pajanati ye assu daratha gamasannam paticca tedha na santi ye assu daratha manussasannam paticca tedha na santi atthi cevayam darathamatta yadidam arannasannam paticca ekattanti . so sunnamidam sannagatam gamasannayati pajanati sunnamidam sannagatam manussasannayati pajanati . atthi cevidam asunnatam yadidam arannasannam paticca ekattanti . iti yam hi kho tattha na hoti tena tam sunnam samanupassati yam pana tattha avasittham hoti tam santam idamatthiti pajanati . evampissa esa ananda yathabhucca avipallattha parisuddha sunnatavakkanti bhavati. [335] Puna caparam ananda bhikkhu amanasikaritva manussasannam amanasikaritva arannasannam pathavisannam paticca manasikaroti ekattam . Tassa pathavisannaya cittam pakkhandati pasidati santitthati adhimuccati . Seyyathapi ananda asabhacammam ^2- sankusatena suvihatam vigatavalikam evameva kho ananda bhikkhu yam imissa pathaviya ukkulavikulam nadividuggam khanukantakadhanam ^3- pabbatavisamam tam sabbam amanasikaritva pathavisannam paticca manasikaroti ekattam . tassa pathavisanna cittam pakkhandati pasidati santitthati adhimuccati . so evam pajanati ye assu daratha manussasannam paticca tedha na santi ye assu daratha @Footnote: ¹ Yu. vimuccati . ² Yu. usabhacammam . ³ Yu. khanukantakadharanti dissati. @Si. khanukantakadharanti dissati.

--------------------------------------------------------------------------------------------- page228.

Arannasannam paticca tedha na santi atthi cevayam darathamatta yadidam pathavisannam paticca ekattanti . so sunnamidam sannagatam manussasannayati pajanati sunnamidam sannagatam arannasannayati pajanati . atthi cevidam asunnatam yadidam pathavisannam paticca ekattanti . iti yam hi kho tattha na hoti tena tam sunnam samanupassati yam pana tattha avasittham hoti tam santam idamatthiti pajanati . evampissa esa ananda yathabhucca avipallattha parisuddha sunnatavakkanti bhavati. [336] Puna caparam ananda bhikkhu amanasikaritva arannasannam amanasikaritva pathavisannam akasanancayatanasannam paticca manasikaroti ekattam . tassa akasanancayatanasannaya cittam pakkhandati pasidati santitthati adhimuccati . so evam pajanati ye assu daratha arannasannam paticca tedha na santi ye assu daratha pathavisannam paticca tedha na santi atthi cevayam darathamatta yadidam akasanancayatanasannam paticca ekattanti . so sunnamidam sannagatam arannasannayati pajanati sunnamidam sannagatam pathavisannayati pajanati . atthi cevidam asunnatam yadidam akasanancayatanasannam paticca ekattanti . iti yam hi kho tattha na hoti tena tam sunnam samanupassati yam pana tattha avasittham hoti tam santam idamatthiti pajanati . evampissa esa

--------------------------------------------------------------------------------------------- page229.

Ananda yathabhucca avipallattha parisuddha sunnatavakkanti bhavati. [337] Puna caparam ananda bhikkhu amanasikaritva pathavisannam amanasikaritva akasanancayatanasannam vinnanancayatanasannam paticca manasikaroti ekattam . tassa vinnanancayatanasannaya cittam pakkhandati pasidati santitthati adhimuccati . so evam pajanati ye assu daratha pathavisannam paticca tedha na santi ye assu daratha akasanancayatanasannam paticca tedha na santi atthi cevayam darathamatta yadidam vinnanancayatanasannam paticca ekattanti . So sunnamidam sannagatam pathavisannayati pajanati sunnamidam sannagatam akasanancayatanasannayati pajanati . atthi cevidam asunnatam yadidam vinnanancayatanasannam paticca ekattanti . Iti yam hi kho tattha na hoti tena tam sunnam samanupassati yam pana tattha avasittham hoti tam santam idamatthiti pajanati . Evampissa esa ananda yathabhucca avipallattha parisuddha sunnatavakkanti bhavati. [338] Puna caparam ananda bhikkhu amanasikaritva akasanancayatanasannam amanasikaritva vinnanancayatanasannam akincannayatanasannam paticca manasikaroti ekattam . tassa akincannayatanasannaya cittam pakkhandati pasidati santitthati adhimuccati . so evam pajanati ye assu daratha akasanancayatanasannam paticca tedha

--------------------------------------------------------------------------------------------- page230.

Na santi ye assu daratha vinnanancayatanasannam paticca tedha na santi atthi cevayam darathamatta yadidam akincannayatanasannam paticca ekattanti . so sunnamidam sannagatam akasanancayatanasannayati pajanati sunnamidam sannagatam vinnanancayatanasannayati pajanati . atthi cevidam asunnatam yadidam akincannayatanasannam paticca ekattanti . iti yam hi kho tattha na hoti tena tam sunnam samanupassati yam pana tattha avasittham hoti tam santam idamatthiti pajanati . evampissa esa ananda yathabhucca avipallattha parisuddha sunnatavakkanti bhavati. [339] Puna caparam ananda bhikkhu amanasikaritva vinnanancayatanasannam amanasikaritva akincannayatanasannam nevasannanasannayatanasannam paticca manasikaroti ekattam . tassa nevasannanasannayatanasannaya cittam pakkhandati pasidati santitthati adhimuccati . so evam pajanati ye assu daratha vinnanancayatanasannam paticca tedha na santi ye assu daratha akincannayatanasannam paticca tedha na santi atthi cevayam darathamatta yadidam nevasannanasannayatanasannam paticca ekattanti . so sunnamidam sannagatam vinnanancayatanasannayati pajanati sunnamidam sannagatam akincannayatanasannayati pajanati . Atthi cevidam asunnatam yadidam nevasannanasannayatanasannam paticca

--------------------------------------------------------------------------------------------- page231.

Ekattanti . iti yam hi kho tattha na hoti tena tam sunnam samanupassati yam pana tattha avasittham hoti tam santam idamatthiti pajanati . evampissa esa ananda yathabhucca avipallattha parisuddha sunnatavakkanti bhavati. [340] Puna caparam ananda bhikkhu amanasikaritva akincannayatana- sannam amanasikaritva nevasannanasannayatanasannam animittam cetosamadhim paticca manasikaroti ekattam . tassa animitte cetosamadhimhi cittam pakkhandati pasidati santitthati adhimuccati . So evam pajanati ye assu daratha akincannayatanasannam paticca tedha na santi ye assu daratha nevasannanasannayatanasannam paticca tedha na santi atthi cevayam darathamatta yadidam imameva kayam paticca salayatanikam jivitapaccayati . so sunnamidam sannagatam akincannayatanasannayati pajanati sunnamidam sannagatam nevasannanasannayatanasannayati pajanati . atthi cevidam asunnatam yadidam imameva kayam paticca salayatanikam jivitapaccayati . Iti yam hi kho tattha na hoti tena tam sunnam samanupassati yam pana tattha avasittham hoti tam santam idamatthiti pajanati . evampissa esa ananda yathabhucca avipallattha parisuddha sunnatavakkanti bhavati. [341] Puna caparam ananda bhikkhu amanasikaritva akincannayatana- sannam amanasikaritva nevasannanasannayatanasannam animittam

--------------------------------------------------------------------------------------------- page232.

Cetosamadhim paticca manasikaroti ekattam . tassa animitte cetosamadhimhi cittam pakkhandati pasidati santitthati adhimuccati . So evam pajanati ayam hi kho animitto cetosamadhi abhisankhato abhisancetayito . yam kho pana kinci abhisankhatam abhisancetayitam tadaniccam nirodhadhammanti pajanati . tassa evam janato evam passato kamasavapi cittam vimuccati bhavasavapi cittam vimuccati avijjasavapi cittam vimuccati vimuttasmim vimuttamiti nanam hoti khina jati vusitam brahmacariyam katam karaniyam naparam itthattayati pajanati . so evam pajanati ye assu daratha kamasavam paticca tedha na santi ye assu daratha bhavasavam paticca tedha na santi ye assu daratha avijjasavam paticca tedha na santi atthi cevayam darathamatta yadidam imameva kayam paticca salayatanikam jivitapaccayati . so sunnamidam sannagatam kamasavenati pajanati sunnamidam sannagatam bhavasavenati pajanati sunnamidam sannagatam avijjasavenati pajanati . atthi cevidam asunnatam yadidam imameva kayam paticca salayatanikam jivitapaccayati . iti yam hi kho tattha na hoti tena tam sunnam samanupassati yam pana tattha avasittham hoti tam santam idamatthiti pajanati . evampissa esa ananda yathabhucca avipallattha parisuddha paramanuttara sunnatavakkanti bhavati. [342] Yepi ^1- hi keci ananda atitamaddhanam samana va @Footnote: ¹ Yu. sabbattha ye. pisaddo natthi.

--------------------------------------------------------------------------------------------- page233.

Brahmana va parisuddham paramanuttaram sunnatam upasampajja viharimsu sabbe te imamyeva parisuddham paramanuttaram sunnatam upasampajja viharimsu . yepi hi keci ananda anagatamaddhanam samana va brahmana va parisuddham paramanuttaram sunnatam upasampajja viharissanti sabbe te imamyeva parisuddham paramanuttaram sunnatam upasampajja viharissanti . yepi hi keci ananda etarahi samana va brahmana va parisuddham paramanuttaram sunnatam upasampajja viharanti sabbe te imamyeva parisuddham paramanuttaram sunnatam upasampajja viharanti . tasmatiha ananda parisuddham paramanuttaram sunnatam upasampajja viharissamati ^1- evanhi vo ananda sikkhitabbanti. Idamavoca bhagava attamano ayasma anando bhagavato bhasitam abhinanditi. Culasunnatasuttam nitthitam pathamam. ------- @Footnote: ¹ Yu. viharissamiti.

--------------------------------------------------------------------------------------------- page234.

Mahasunnatasuttam [343] Evamme sutam ekam samayam bhagava sakkesu viharati kapilavatthusmim nigrodharame . atha kho bhagava pubbanhasamayam nivasetva pattacivaramadaya kapilavatthum pindaya pavisi . Kapilavatthusmim pindaya caritva pacchabhattam pindapatapatikkanto yena kalakhemakassa sakkassa viharo tenupasankami divaviharaya . tena kho pana samayena kalakhemakassa sakkassa vihare sambahulani senasanani pannattani honti . addasa kho bhagava kalakhemakassa sakkassa vihare sambahulani senasanani pannattani . disvana bhagavato etadahosi sambahulani kho kalakhemakassa sakkassa vihare senasanani pannattani sambahula nu kho idha bhikkhu viharantiti. [344] Tena kho pana samayena ayasma anando sambahulehi bhikkhuhi saddhim ghatayasakkassa vihare civarakammam karoti . atha kho bhagava sayanhasamayam patisallana vutthito yena ghatayasakkassa viharo tenupasankami upasankamitva pannatte asane nisidi . Nisajja kho bhagava ayasmantam anandam amantesi sambahulani kho ananda kalakhemakassa sakkassa vihare senasanani pannattani sambahula ^[1]- ettha bhikkhu viharantiti . sambahulani bhante @Footnote: ¹ Ma. Yu. etthantare nu khoti atthi.

--------------------------------------------------------------------------------------------- page235.

Kalakhemakassa sakkassa vihare senasanani pannattani sambahula bhikkhu ettha viharanti civarakalasamayo no bhante vattatiti. [345] Na kho ananda bhikkhu sobhati sanganikaramo sanganikarato sanganikaramatam anuyutto ganaramo ganarato ganasammudito so vatananda bhikkhu sanganikaramo sanganikarato sanganikaramatam anuyutto ganaramo ganarato ganasammudito yantam nekkhammasukham pavivekasukham upasamasukham sambodhisukham ^1- tassa sukhassa nikamalabhi bhavissati akicchalabhi akasiralabhiti netam thanam vijjati . yo ca kho so ananda bhikkhu eko ganasma vupakattho viharati tassetam bhikkhuno patikankham yantam nekkhammasukham pavivekasukham upasamasukham sambodhisukham tassa sukhassa nikamalabhi bhavissati akicchalabhi akasiralabhiti thanametam vijjati. {345.1} So vatananda bhikkhu sanganikaramo sanganikarato sanganikaramatam anuyutto ganaramo ganarato ganasammudito samayikam va kantam cetovimuttim upasampajja viharissati asamayikam va akuppanti netam thanam vijjati . yo ca kho so ananda bhikkhu eko ganasma vupakattho viharati tassetam bhikkhuno patikankham samayikam va kantam cetovimuttim upasampajja viharissati asamayikam va akuppanti thanametam vijjati . naham ananda ekam rupampi samanupassami yattha rattassa yathabhirattassa rupassa viparinamannathabhava na uppajjeyyum sokaparidevadukkhadomanassupayasa. @Footnote: ¹ Po. Yu. sambodhasukham.

--------------------------------------------------------------------------------------------- page236.

[346] Ayam kho panananda viharo tattha tathagatena abhisambuddho yadidam sabbanimittanam amanasikara ajjhattam sunnatam upasampajja viharati . tattha ce ananda tathagatam imina viharena viharantam bhagavantam upasankamitaro bhikkhu bhikkhuniyo upasaka upasikayo rajano rajamahamatta titthiya titthiyasavaka tatrananda tathagato vivekaninneva cittena vivekaponena vivekapabbharena vupakatthena nekkhammabhiratena byantibhutena sabbaso asavatthaniyehi dhammehi annadatthum uyyojanikapatisamyuttamyeva ^1- katham katta hoti . Tasmatihananda bhikkhu cepi akankheyya ajjhattam sunnatam upasampajja vihareyyanti tenananda bhikkhuna ajjhattameva cittam santhapetabbam sannisadetabbam ekodikatabbam samadahatabbam. [347] Kathancananda bhikkhu ajjhattameva cittam santhapeti sannisadeti ekodikaroti samadahati . idhananda bhikkhu vivicceva kamehi vivicca akusalehi dhammehi savitakkam savicaram vivekajam pitisukham pathamam jhanam ... dutiyam jhanam ... tatiyam jhanam ... catuttham jhanam upasampajja viharati . evam kho ananda bhikkhu ajjhattameva cittam santhapeti sannisadeti ekodikaroti samadahati . so ajjhattam sunnatam manasikaroti . tassa ajjhattam sunnatam manasikaroto ajjhattam sunnataya cittam na pakkhandati na pasidati na santitthati nadhimuccati ^2- . evam santametam ananda bhikkhu evam pajanati @Footnote: ¹ Yu. uyyojiyapatisamyuttamyeva . ² Ma. Yu. na vimuccati.

--------------------------------------------------------------------------------------------- page237.

Ajjhattam sunnatam kho me manasikaroto ajjhattam sunnataya cittam na pakkhandati na pasidati na santitthati nadhimuccatiti . Itiha tattha sampajano hoti . so bahiddha sunnatam manasikaroti . So ajjhattabahiddha sunnatam manasikaroti . so anenjam manasikaroti . tassa anenjam manasikaroto anenjaya cittam na pakkhandati na pasidati na santitthati nadhimuccati . evam santametam ananda bhikkhu evam pajanati anenjam kho ^[1]- manasikaroto anenjaya cittam na pakkhandati na pasidati na santitthati nadhimuccatiti. Itiha tattha sampajano hoti. {347.1} Tenananda bhikkhuna tasmimyeva purimasmim samadhinimitte ajjhattameva cittam santhapetabbam sannisadetabbam ekodikatabbam samadahatabbam . so ajjhattam sunnatam manasikaroti . tassa ajjhattam sunnatam manasikaroto ajjhattam sunnataya cittam pakkhandati pasidati santitthati vimuccati . evam santametam ananda bhikkhu evam pajanati ajjhattam sunnatam kho me manasikaroto ajjhattam sunnataya cittam pakkhandati pasidati santitthati vimuccatiti . itiha tattha sampajano hoti. So bahiddha sunnatam manasikaroti . so ajjhattabahiddha sunnatam manasikaroti . so anenjam manasikaroti . tassa anenjam manasikaroto anenjaya ^2- cittam pakkhandati pasidati santitthati vimuccati . Evam santametam ananda bhikkhu evam pajanati anenjam kho @Footnote: ¹ Ma. Yu. etthantare meti atthi. @² Yu. ananjeti dissati. ito param idisameva.

--------------------------------------------------------------------------------------------- page238.

Me manasikaroto anenjaya cittam pakkhandati pasidati santitthati vimuccatiti. Itiha tattha sampajano hoti.

The Pali Tipitaka in Roman Character Volume 14 page 226-238. https://84000.org/tipitaka/read/roman_item.php?book=14&item=333&items=15&pagebreak=1&modeTY=2&mode=bracket Classified by content :- https://84000.org/tipitaka/read/roman_item.php?book=14&item=333&items=15&pagebreak=1&modeTY=2 Compare with The Pali Tipitaka in Thai Character :- https://84000.org/tipitaka/read/pali_item.php?book=14&item=333&items=15&pagebreak=1&modeTY=2&mode=bracket Compare with The Royal Version of Thai Tipitaka :- https://84000.org/tipitaka/read/byitem.php?book=14&item=333&items=15&pagebreak=1&modeTY=2&mode=bracket Study Atthakatha :- https://84000.org/tipitaka/attha/attha.php?b=14&i=333 Contents of The Tipitaka Volume 14 https://84000.org/tipitaka/read/?index_14 https://84000.org/tipitaka/english/?index_14