ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
 ThaiVersion   PaliThai   PaliRoman 
First itemPrevious itemแสดงหมายเลขหน้า
ในกรณี :- 
   บรรทัดแรกของแต่ละหน้าNext itemLast item chage to ROMAN letter
TIPITAKA Volume 14 : PALI ROMAN Sutta Pitaka Vol 6 : Sutta. Ma. U.
                     Sankharupapattisuttam
     [318]   Evamme   sutam   ekam  samayam  bhagava  savatthiyam  viharati
jetavane   anathapindikassa   arame   .   tatra   kho   bhagava  bhikkhu
amantesi   bhikkhavoti  .  bhadanteti  te  bhikkhu  bhagavato  paccassosum .
Bhagava  etadavoca  sankharupapattim  vo  bhikkhave  desissami  1- tam sunatha
sadhukam   manasikarotha   bhasissamiti   .   evam  bhanteti  kho  te  bhikkhu
bhagavato paccassosum.
     [319]    Bhagava   etadavoca   idha   bhikkhave   bhikkhu   saddhaya
samannagato  hoti  silena  samannagato  hoti  sutena  samannagato  hoti
cagena   samannagato   hoti   pannaya   samannagato   hoti  .  tassa
evam  hoti  aho  vataham  kayassa  bheda  parammarana  khattiyamahasalanam
va   2-   sahabyatam  upapajjeyyanti  .  so  tam  cittam  padahati  3-  tam
cittam  adhitthati  tam  cittam  bhaveti  .  tassa  te  sankhara  ca vihara
ca   evam   bhavita   evam  bahulikata  tatrupapattiya  samvattanti  .  ayam
bhikkhave maggo ayam patipada tatrupapattiya samvattati.
     [320]   Puna   caparam  bhikkhave  bhikkhu  saddhaya  samannagato  hoti
silena    samannagato    hoti   sutena   samannagato   hoti   cagena
samannagato   hoti   pannaya  samannagato  hoti  .  tassa  evam  hoti
aho  vataham  kayassa  bheda parammarana brahmanamahasalanam va 4- ...
@Footnote: 1 Po. Ma. desessami .  2 Ma. Yu. vasaddo natthi .  3 Po. Ma. Yu. dahati.
@4 Ma. vasaddo natthi.
Gahapatimahasalanam   va   1-   sahabyatam   upapajjeyyanti   .   so  tam
cittam   padahati   tam   cittam   adhitthati   tam   cittam   bhaveti  .  tassa
te   sankhara   ca   vihara   ca   evam   bhavita   evam  bahulikata
tatrupapattiya   samvattanti   .   ayam   bhikkhave   maggo   ayam   patipada
tatrupapattiya samvattati.
     [321]   Puna   caparam  bhikkhave  bhikkhu  saddhaya  samannagato  hoti
silena    samannagato    hoti   sutena   samannagato   hoti   cagena
samannagato   hoti   pannaya   samannagato  hoti  .  tassa  sutam  hoti
catummaharajika   deva   dighayuka   vannavanto  sukhabahulati  .  tassa
evam  hoti  aho  vataham  kayassa  bheda  parammarana catummaharajikanam
devanam   sahabyatam   upapajjeyyanti   so   tam   cittam  padahati  tam  cittam
adhitthati   tam  cittam  bhaveti  .  tassa  te  sankhara  ca  vihara  ca
evam  bhavita  evam  bahulikata  tatrupapattiya  samvattanti  .  ayam bhikkhave
maggo   ayam   patipada   tatrupapattiya  samvattati  .  puna  caparam  bhikkhave
bhikkhu   saddhaya   samannagato   hoti  silena  samannagato  hoti  sutena
samannagato   hoti   cagena   samannagato  hoti  pannaya  samannagato
hoti   tassa  sutam  hoti  tavatimsa  deva  .pe.  yama  deva  ...
Tusita   deva  ...  nimmanarati  deva  ...  paranimmitavasavatti  deva
dighayuka   vannavanto   sukhabahulati  .  tassa  evam  hoti  aho  vataham
kayassa    bheda    parammarana   paranimmitavasavattinam   devanam   sahabyatam
@Footnote: 1 Ma. vasaddo natthi.
Upapajjeyyanti   .   so   tam   cittam   padahati  tam  cittam  adhitthati  tam
cittam  bhaveti  .  tassa  te  sankhara  ca  vihara  ca  evam  bhavita
evam   bahulikata   tatrupapattiya   samvattanti   .   ayam  bhikkhave  maggo
ayam patipada tatrupapattiya samvattati.
     [322]   Puna   caparam  bhikkhave  bhikkhu  saddhaya  samannagato  hoti
silena  samannagato  hoti  sutena  samannagato  hoti cagena samannagato
hoti   pannaya   samannagato   hoti   .   tassa   sutam  hoti  sahasso
brahma   dighayuko   vannava  sukhabahuloti  .  sahasso  bhikkhave  brahma
sahassilokadhatum   pharitva   adhimuccitva   viharati  .  yepi  tattha  satta
uppanna  1-  tepi  pharitva  adhimuccitva  viharati . Seyyathapi bhikkhave
cakkhuma    puriso   ekam   amandam   hatthe   karitva   paccavekkheyya
evameva   kho   bhikkhave   sahasso   brahma   sahassilokadhatum  pharitva
adhimuccitva   viharati   .  yepi  tattha  satta  uppanna  tepi  pharitva
adhimuccitva   viharati   .   tassa   evam   hoti  aho  vataham  kayassa
bheda    parammarana    sahassabrahmuno    sahabyatam   upapajjeyyanti  .
So   tam   cittam   padahati   tam   cittam  adhitthati  tam  cittam  bhaveti .
Tassa   te   sankhara  ca  vihara  ca  evam  bhavita  evam  bahulikata
tatrupapattiya   samvattanti   .   ayam   bhikkhave   maggo   ayam   patipada
tatrupapattiya samvattati.
@Footnote: 1 Po. Ma. Yu. upapanna.
     [323]   Puna   caparam  bhikkhave  bhikkhu  saddhaya  samannagato  hoti
silena  samannagato  hoti  sutena  samannagato  hoti cagena samannagato
hoti    pannaya    samannagato    hoti    .    tassa    sutam   hoti
dvisahasso   brahma   .pe.   tisahasso   brahma   ...   catusahasso
brahma   ...  pancasahasso  brahma  dighayuko  vannava  sukhabahuloti .
Pancasahasso        bhikkhave        brahma        pancasahassilokadhatum
pharitva   adhimuccitva   viharati   .   yepi   tattha   satta   uppanna
tepi   pharitva   adhimuccitva   viharati  .  seyyathapi  bhikkhave  cakkhuma
puriso   panca   amandani   hatthe   karitva  paccavekkheyya  evameva
kho    bhikkhave    pancasahasso   brahma   pancasahassilokadhatum   pharitva
adhimuccitva    viharati    .   yepi   tattha   satta   uppanna   tepi
pharitva   adhimuccitva   viharati   .   tassa   evam  hoti  aho  vataham
kayassa      bheda     parammarana     pancasahassabrahmuno     sahabyatam
upapajjeyyanti  .  so  tam  cittam  padahati  tam  cittam  adhitthati  tam  cittam
bhaveti  .  tassa  te  sankhara  ca  vihara  ca  evam  bhavita  evam
bahulikata    tatrupapattiya    samvattanti    .    ayam   bhikkhave   maggo
ayam patipada tatrupapattiya samvattati.
     [324]   Puna   caparam  bhikkhave  bhikkhu  saddhaya  samannagato  hoti
silena  samannagato  hoti  sutena  samannagato  hoti cagena samannagato
hoti    pannaya    samannagato    hoti    .    tassa    sutam   hoti
Dasasahasso   brahma   dighayuko   vannava   sukhabahuloti   .  dasasahasso
bhikkhave   brahma   dasasahassilokadhatum   pharitva  adhimuccitva  viharati .
Yepi   tattha   satta  uppanna  tepi  pharitva  adhimuccitva  viharati .
Seyyathapi   bhikkhave   mani   veluriyo   subho   jotima   1-  atthamso
suparikammakato  pandukambale  nikkhitto  bhasati  2-  ca  tapati  ca  virocati
ca   evameva   kho   bhikkhave   dasasahasso   brahma  dasasahassilokadhatum
pharitva   adhimuccitva   viharati   .   yepi   tattha   satta   uppanna
tepi   pharitva   adhimuccitva  viharati  3-  .  tassa  evam  hoti  aho
vataham    kayassa    bheda    parammarana   dasasahassabrahmuno   sahabyatam
upapajjeyyanti   .   so   tam   cittam   padahati  tam  cittam  adhitthati  tam
cittam  bhaveti  .  tassa  te  sankhara  ca  vihara  ca  evam  bhavita
evam   bahulikata   tatrupapattiya   samvattanti   .   ayam  bhikkhave  maggo
ayam patipada tatrupapattiya samvattati.
     [325]   Puna   caparam  bhikkhave  bhikkhu  saddhaya  samannagato  hoti
silena    samannagato    hoti   sutena   samannagato   hoti   cagena
samannagato   hoti   pannaya   samannagato  hoti  .  tassa  sutam  hoti
satasahasso   brahma   dighayuko   vannava   sukhabahuloti   .  satasahasso
bhikkhave   brahma   satasahassilokadhatum   pharitva  adhimuccitva  viharati .
Yepi   tattha   satta  uppanna  tepi  pharitva  adhimuccitva  viharati .
Seyyathapi   bhikkhave   nekkham   4-  jambonadam  dakkhakammaraputtaukkamukhe
@Footnote: 1 Po. Ma. Yu. jatima .  2 Po. bhasate ca pabhassate ca. Ma. bhasate tapate
@3 Po. viharanti .  4 Ma. nikkham.
Sukusalasmpahattham   pandukambale   nikkhittam   bhasati   ca  tapati  ca  virocati
ca   evameva   kho   bhikkhave   satasahasso   brahma  satasahassilokadhatum
pharitva   adhimuccitva   viharati  .  yepi  tattha  satta  uppanna  tepi
pharitva   adhimuccitva   viharati   .   tassa   evam  hoti  aho  vataham
kayassa      bheda      parammarana     satasahassabrahmuno     sahabyatam
upapajjeyyanti   .   so   tam   cittam   padahati  tam  cittam  adhitthati  tam
cittam  bhaveti  .  tassa  te  sankhara  ca  vihara  ca  evam  bhavita
evam   bahulikata   tatrupapattiya   samvattanti   .   ayam  bhikkhave  maggo
ayam patipada tatrupapattiya samvattati.
     [326]   Puna   caparam  bhikkhave  bhikkhu  saddhaya  samannagato  hoti
silena    samannagato    hoti   sutena   samannagato   hoti   cagena
samannagato   hoti   pannaya   samannagato  hoti  .  tassa  sutam  hoti
abha  deva  .pe.  parittabha  deva  ... Appamanabha deva ...
Abhassara   deva   dighayuka   vannavanto  sukhabahulati  .  tassa  evam
hoti    aho    vataham    kayassa   bheda   parammarana   abhassaranam
devanam   sahabyatam   upapajjeyyanti  .  so  tam  cittam  padahati  tam  cittam
adhitthati   tam  cittam  bhaveti  .  tassa  te  sankhara  ca  vihara  ca
evam   bhavita   evam   bahulikata   tatrupapattiya   samvattanti   .  ayam
bhikkhave maggo ayam patipada tatrupapattiya samvattati.
     [327]   Puna   caparam  bhikkhave  bhikkhu  saddhaya  samannagato  hoti
Silena  samannagato  hoti  sutena  samannagato  hoti cagena samannagato
hoti   pannaya   samannagato   hoti   .   tassa   sutam   hoti   subha
deva   .pe.   parittasubha   deva  ...  appamanasubha  deva  ...
Subhakinha    deva    dighayuka    vannavanto    .pe.   tatrupapattiya
samvattati.
     [328]   Puna   caparam  bhikkhave  bhikkhu  saddhaya  samannagato  hoti
silena    samannagato    hoti   sutena   samannagato   hoti   cagena
samannagato    hoti   pannaya   samannagato   hoti   .   tassa   sutam
hoti  vehapphala  deva  ...  aviha  deva  ... Atappa deva ...
Sudassa  deva  ...  sudassi  deva  ...  akanittha  deva  dighayuka
vannavanto    sukhabahulati    .    tassa   evam   hoti   aho   vataham
kayassa     bheda     parammarana    akanitthanam    devanam    sahabyatam
upapajjeyyanti   .   so   tam   cittam   padahati  tam  cittam  adhitthati  tam
cittam  bhaveti  .  tassa  te  sankhara  ca vihara ca evam bhavita evam
bahulikata   tatrupapattiya   samvattanti   .   ayam   bhikkhave   maggo  ayam
patipada tatrupapattiya samvattati.
     [329]   Puna   caparam  bhikkhave  bhikkhu  saddhaya  samannagato  hoti
silena    samannagato    hoti   sutena   samannagato   hoti   cagena
samannagato    hoti   pannaya   samannagato   hoti   .   tassa   sutam
hoti     akasanancayatanupaga     deva     dighayuka    ciratthitika
Sukhabahulati    .    tassa    evam    hoti    aho   vataham   kayassa
bheda     parammarana    akasanancayatanupaganam    devanam    sahabyatam
upapajjeyyanti    .pe.    ayam    bhikkhave    maggo    ayam   patipada
tatrupapattiya samvattati.
     [330]   Puna   caparam  bhikkhave  bhikkhu  saddhaya  samannagato  hoti
silena    samannagato    hoti   sutena   samannagato   hoti   cagena
samannagato    hoti   pannaya   samannagato   hoti   .   tassa   sutam
hoti      vinnanancayatanupaga     deva     dighayuka     ciratthitika
sukhabahulati  tassa  evam  hoti  aho  vataham  kayassa  bheda  parammarana
vinnanancayatanupaganam    devanam    sahabyatam    upapajjeyyanti    .pe.
Ayam bhikkhave maggo ayam patipada tatrupapattiya samvattati.
     [331]   Puna   caparam  bhikkhave  bhikkhu  saddhaya  samannagato  hoti
silena    samannagato    hoti   sutena   samannagato   hoti   cagena
samannagato   hoti   pannaya   samannagato  hoti  .  tassa  sutam  hoti
akincannayatanupaga   deva   ...   nevasannanasannayatanupaga  deva
dighayuka   ciratthitika   sukhabahulati  .  tassa  evam  hoti  aho  vataham
kayassa    bheda    parammarana   nevasannanasannayatanupaganam   devanam
sahabyatam   upapajjeyyanti  .  so  tam  cittam  padahati  tam  cittam  adhitthati
tam  cittam  bhaveti  .  tassa te sankhara ca vihara ca evam bhavita evam
bahulikata   tatrupapattiya   samvattanti   .   ayam   bhikkhave   maggo  ayam
patipada tatrupapattiya samvattati.
     [332]   Puna   caparam  bhikkhave  bhikkhu  saddhaya  samannagato  hoti
silena    samannagato    hoti   sutena   samannagato   hoti   cagena
samannagato   hoti   pannaya  samannagato  hoti  .  tassa  evam  hoti
aho   vataham   asavanam   khaya   anasavam   cetovimuttim   pannavimuttim
dittheva   dhamme   sayam  abhinna  sacchikatva  upasampajja  vihareyyanti .
So   asavanam   khaya   anasavam   cetovimuttim   pannavimuttim   dittheva
dhamme   sayam   abhinna  sacchikatva  upasampajja  viharati  .  ayam  bhikkhave
bhikkhu na katthaci uppajjatiti 1-.
     Idamavoca    bhagava    attamana   te   bhikkhu   bhagavato   bhasitam
abhinandunti.
                Sankharupapattisuttam nitthitam dasamam.
                    Anupadavaggo dutiyo.
                       --------
                        Tassuddanam
         anupadasodhanaporisadhammo    sevitabbabahudhatuvibhatti
         buddhassa kitti nama              cattarisena anapano
         kayagato ca tatopapatti        candake vimale parisuddhe
         punnasampunnasamudani           nirasamattano raddha
         bahujanasevitadhammavaram             yam anupadam vaggavaram dutiyam.
                       --------
@Footnote: 1 Po. Ma. Yu. upapajjatiti.



             The Pali Tipitaka in Roman Character Volume 14 page 217-225. http://www.84000.org/tipitaka/read/roman_item.php?book=14&item=318&items=15              Classified by [Item Number] :- http://www.84000.org/tipitaka/read/roman_item.php?book=14&item=318&items=15&mode=bracket              Compare with The Pali Tipitaka in Thai Character :- http://www.84000.org/tipitaka/read/pali_item.php?book=14&item=318&items=15              Compare with The Royal Version of Thai Tipitaka :- http://www.84000.org/tipitaka/read/byitem.php?book=14&item=318&items=15              Study Atthakatha :- http://www.84000.org/tipitaka/attha/attha.php?b=14&i=318              Contents of The Tipitaka Volume 14 http://www.84000.org/tipitaka/read/?index_14

First itemPrevious itemแสดงหมายเลขหน้า
ในกรณี :- 
   บรรทัดแรกของแต่ละหน้าNext itemLast item chage to ROMAN letter

บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ DhammaPerfect@yahoo.com