paliTIPITAKA Volume 14 - Sutta Pitaka 6

[317] Kayagataya bhikkhave satiya asevitaya bhavitaya bahulikataya yanikataya vatthukataya anutthitaya paricitaya susamaraddhaya ime dasanisamsa patikankha ^[1]- aratiratisaho hoti na ca tam arati sahati uppannam aratim abhibhuyya viharati . bhayabheravasaho hoti na ca tam bhayabheravam sahati uppannam bhayabheravam abhibhuyya viharati . Khamo hoti sitassa unhassa jighacchaya pipasaya damsamakasavatatapasirimsapasamphassanam duruttanam duragatanam vacanapathanam uppannanam saririkanam vedananam dukkhanam tippanam kharanam katukanam asatanam amanapanam panaharanam adhivasikajatiko hoti . catunnam jhananam abhicetasikanam ditthadhammasukhaviharanam nikamalabhi hoti akicchalabhi hoti akasiralabhi hoti. {317.1} So anekavihitam iddhividham paccanubhoti ekopi hutva bahudha hoti bahudhapi hutva eko hoti avibhavam .pe. yava brahmalokapi kayena ^[2]- samvatteti . dibbaya sotadhatuya visuddhaya atikkantamanusikaya ubho sadde sunati dibbe ca manuse ca ye dure santike . parasattanam parapuggalanam cetasa ceto paricca pajanati saragam va cittam saragam cittanti pajanati vitaragam va cittam .p. sadosam va cittam ... vitadosam va cittam ... samoham va cittam ... Vitamoham va cittam ... Sankhittam @Footnote: ¹ Yu. etthantare katame dasati dissanti . ² Ma. vasam vatteti. Va cittam ... vikkhittam va cittam ... Mahaggatam va cittam ... Amahaggatam va cittam ... sauttaram va cittam ... Anuttaram va cittam ... Samahitam va cittam ... asamahitam va cittam ... Vimuttam va cittam ... Avimuttam va cittam avimuttam cittanti pajanati. {317.2} So anekavihitam pubbenivasam anussarati seyyathidam ekampi jatim dvepi jatiyo .pe. iti sakaram sauddesam anekavihitam pubbenivasam anussarati . dibbena cakkhuna visuddhena atikkantamanusakena satte passati cavamane upapajjamane hine panite suvanne dubbanne sugate duggate .pe. yathakammupage satte pajanati. Asavanam khaya anasavam cetovimuttim pannavimuttim dittheva dhamme sayam abhinna sacchikatva upasampajja viharatiti . kayagataya bhikkhave satiya asevitaya bhavitaya bahulikataya yanikataya vatthukataya anutthitaya paricitaya susamaraddhaya ime dasanisamsa patikankhati. Idamavoca bhagava attamana te bhikkhu bhagavato bhasitam abhinandunti. Kayagatasatisuttam nitthitam navamam. ---------- Sankharupapattisuttam [318] Evamme sutam ekam samayam bhagava savatthiyam viharati jetavane anathapindikassa arame . tatra kho bhagava bhikkhu amantesi bhikkhavoti . bhadanteti te bhikkhu bhagavato paccassosum . Bhagava etadavoca sankharupapattim vo bhikkhave desissami ^1- tam sunatha sadhukam manasikarotha bhasissamiti . evam bhanteti kho te bhikkhu bhagavato paccassosum. [319] Bhagava etadavoca idha bhikkhave bhikkhu saddhaya samannagato hoti silena samannagato hoti sutena samannagato hoti cagena samannagato hoti pannaya samannagato hoti . tassa evam hoti aho vataham kayassa bheda parammarana khattiyamahasalanam va ^2- sahabyatam upapajjeyyanti . so tam cittam padahati ^3- tam cittam adhitthati tam cittam bhaveti . tassa te sankhara ca vihara ca evam bhavita evam bahulikata tatrupapattiya samvattanti . ayam bhikkhave maggo ayam patipada tatrupapattiya samvattati. [320] Puna caparam bhikkhave bhikkhu saddhaya samannagato hoti silena samannagato hoti sutena samannagato hoti cagena samannagato hoti pannaya samannagato hoti . tassa evam hoti aho vataham kayassa bheda parammarana brahmanamahasalanam va ^4- ... @Footnote: ¹ Po. Ma. desessami . ² Ma. Yu. vasaddo natthi . ³ Po. Ma. Yu. dahati. @⁴ Ma. vasaddo natthi. Gahapatimahasalanam va ^1- sahabyatam upapajjeyyanti . so tam cittam padahati tam cittam adhitthati tam cittam bhaveti . tassa te sankhara ca vihara ca evam bhavita evam bahulikata tatrupapattiya samvattanti . ayam bhikkhave maggo ayam patipada tatrupapattiya samvattati. [321] Puna caparam bhikkhave bhikkhu saddhaya samannagato hoti silena samannagato hoti sutena samannagato hoti cagena samannagato hoti pannaya samannagato hoti . tassa sutam hoti catummaharajika deva dighayuka vannavanto sukhabahulati . tassa evam hoti aho vataham kayassa bheda parammarana catummaharajikanam devanam sahabyatam upapajjeyyanti so tam cittam padahati tam cittam adhitthati tam cittam bhaveti . tassa te sankhara ca vihara ca evam bhavita evam bahulikata tatrupapattiya samvattanti . ayam bhikkhave maggo ayam patipada tatrupapattiya samvattati . puna caparam bhikkhave bhikkhu saddhaya samannagato hoti silena samannagato hoti sutena samannagato hoti cagena samannagato hoti pannaya samannagato hoti tassa sutam hoti tavatimsa deva .pe. yama deva ... Tusita deva ... nimmanarati deva ... paranimmitavasavatti deva dighayuka vannavanto sukhabahulati . tassa evam hoti aho vataham kayassa bheda parammarana paranimmitavasavattinam devanam sahabyatam @Footnote: ¹ Ma. vasaddo natthi. Upapajjeyyanti . so tam cittam padahati tam cittam adhitthati tam cittam bhaveti . tassa te sankhara ca vihara ca evam bhavita evam bahulikata tatrupapattiya samvattanti . ayam bhikkhave maggo ayam patipada tatrupapattiya samvattati. [322] Puna caparam bhikkhave bhikkhu saddhaya samannagato hoti silena samannagato hoti sutena samannagato hoti cagena samannagato hoti pannaya samannagato hoti . tassa sutam hoti sahasso brahma dighayuko vannava sukhabahuloti . sahasso bhikkhave brahma sahassilokadhatum pharitva adhimuccitva viharati . yepi tattha satta uppanna ^1- tepi pharitva adhimuccitva viharati . Seyyathapi bhikkhave cakkhuma puriso ekam amandam hatthe karitva paccavekkheyya evameva kho bhikkhave sahasso brahma sahassilokadhatum pharitva adhimuccitva viharati . yepi tattha satta uppanna tepi pharitva adhimuccitva viharati . tassa evam hoti aho vataham kayassa bheda parammarana sahassabrahmuno sahabyatam upapajjeyyanti . So tam cittam padahati tam cittam adhitthati tam cittam bhaveti . Tassa te sankhara ca vihara ca evam bhavita evam bahulikata tatrupapattiya samvattanti . ayam bhikkhave maggo ayam patipada tatrupapattiya samvattati. @Footnote: ¹ Po. Ma. Yu. upapanna. [323] Puna caparam bhikkhave bhikkhu saddhaya samannagato hoti silena samannagato hoti sutena samannagato hoti cagena samannagato hoti pannaya samannagato hoti . tassa sutam hoti dvisahasso brahma .pe. tisahasso brahma ... catusahasso brahma ... pancasahasso brahma dighayuko vannava sukhabahuloti . Pancasahasso bhikkhave brahma pancasahassilokadhatum pharitva adhimuccitva viharati . yepi tattha satta uppanna tepi pharitva adhimuccitva viharati . seyyathapi bhikkhave cakkhuma puriso panca amandani hatthe karitva paccavekkheyya evameva kho bhikkhave pancasahasso brahma pancasahassilokadhatum pharitva adhimuccitva viharati . yepi tattha satta uppanna tepi pharitva adhimuccitva viharati . tassa evam hoti aho vataham kayassa bheda parammarana pancasahassabrahmuno sahabyatam upapajjeyyanti . so tam cittam padahati tam cittam adhitthati tam cittam bhaveti . tassa te sankhara ca vihara ca evam bhavita evam bahulikata tatrupapattiya samvattanti . ayam bhikkhave maggo ayam patipada tatrupapattiya samvattati. [324] Puna caparam bhikkhave bhikkhu saddhaya samannagato hoti silena samannagato hoti sutena samannagato hoti cagena samannagato hoti pannaya samannagato hoti . tassa sutam hoti Dasasahasso brahma dighayuko vannava sukhabahuloti . dasasahasso bhikkhave brahma dasasahassilokadhatum pharitva adhimuccitva viharati . Yepi tattha satta uppanna tepi pharitva adhimuccitva viharati . Seyyathapi bhikkhave mani veluriyo subho jotima ^1- atthamso suparikammakato pandukambale nikkhitto bhasati ^2- ca tapati ca virocati ca evameva kho bhikkhave dasasahasso brahma dasasahassilokadhatum pharitva adhimuccitva viharati . yepi tattha satta uppanna tepi pharitva adhimuccitva viharati ^3- . tassa evam hoti aho vataham kayassa bheda parammarana dasasahassabrahmuno sahabyatam upapajjeyyanti . so tam cittam padahati tam cittam adhitthati tam cittam bhaveti . tassa te sankhara ca vihara ca evam bhavita evam bahulikata tatrupapattiya samvattanti . ayam bhikkhave maggo ayam patipada tatrupapattiya samvattati. [325] Puna caparam bhikkhave bhikkhu saddhaya samannagato hoti silena samannagato hoti sutena samannagato hoti cagena samannagato hoti pannaya samannagato hoti . tassa sutam hoti satasahasso brahma dighayuko vannava sukhabahuloti . satasahasso bhikkhave brahma satasahassilokadhatum pharitva adhimuccitva viharati . Yepi tattha satta uppanna tepi pharitva adhimuccitva viharati . Seyyathapi bhikkhave nekkham ^4- jambonadam dakkhakammaraputtaukkamukhe @Footnote: ¹ Po. Ma. Yu. jatima . ² Po. bhasate ca pabhassate ca. Ma. bhasate tapate @³ Po. viharanti . ⁴ Ma. nikkham. Sukusalasmpahattham pandukambale nikkhittam bhasati ca tapati ca virocati ca evameva kho bhikkhave satasahasso brahma satasahassilokadhatum pharitva adhimuccitva viharati . yepi tattha satta uppanna tepi pharitva adhimuccitva viharati . tassa evam hoti aho vataham kayassa bheda parammarana satasahassabrahmuno sahabyatam upapajjeyyanti . so tam cittam padahati tam cittam adhitthati tam cittam bhaveti . tassa te sankhara ca vihara ca evam bhavita evam bahulikata tatrupapattiya samvattanti . ayam bhikkhave maggo ayam patipada tatrupapattiya samvattati. [326] Puna caparam bhikkhave bhikkhu saddhaya samannagato hoti silena samannagato hoti sutena samannagato hoti cagena samannagato hoti pannaya samannagato hoti . tassa sutam hoti abha deva .pe. parittabha deva ... Appamanabha deva ... Abhassara deva dighayuka vannavanto sukhabahulati . tassa evam hoti aho vataham kayassa bheda parammarana abhassaranam devanam sahabyatam upapajjeyyanti . so tam cittam padahati tam cittam adhitthati tam cittam bhaveti . tassa te sankhara ca vihara ca evam bhavita evam bahulikata tatrupapattiya samvattanti . ayam bhikkhave maggo ayam patipada tatrupapattiya samvattati. [327] Puna caparam bhikkhave bhikkhu saddhaya samannagato hoti Silena samannagato hoti sutena samannagato hoti cagena samannagato hoti pannaya samannagato hoti . tassa sutam hoti subha deva .pe. parittasubha deva ... appamanasubha deva ... Subhakinha deva dighayuka vannavanto .pe. tatrupapattiya samvattati. [328] Puna caparam bhikkhave bhikkhu saddhaya samannagato hoti silena samannagato hoti sutena samannagato hoti cagena samannagato hoti pannaya samannagato hoti . tassa sutam hoti vehapphala deva ... aviha deva ... Atappa deva ... Sudassa deva ... sudassi deva ... akanittha deva dighayuka vannavanto sukhabahulati . tassa evam hoti aho vataham kayassa bheda parammarana akanitthanam devanam sahabyatam upapajjeyyanti . so tam cittam padahati tam cittam adhitthati tam cittam bhaveti . tassa te sankhara ca vihara ca evam bhavita evam bahulikata tatrupapattiya samvattanti . ayam bhikkhave maggo ayam patipada tatrupapattiya samvattati. [329] Puna caparam bhikkhave bhikkhu saddhaya samannagato hoti silena samannagato hoti sutena samannagato hoti cagena samannagato hoti pannaya samannagato hoti . tassa sutam hoti akasanancayatanupaga deva dighayuka ciratthitika Sukhabahulati . tassa evam hoti aho vataham kayassa bheda parammarana akasanancayatanupaganam devanam sahabyatam upapajjeyyanti .pe. ayam bhikkhave maggo ayam patipada tatrupapattiya samvattati. [330] Puna caparam bhikkhave bhikkhu saddhaya samannagato hoti silena samannagato hoti sutena samannagato hoti cagena samannagato hoti pannaya samannagato hoti . tassa sutam hoti vinnanancayatanupaga deva dighayuka ciratthitika sukhabahulati tassa evam hoti aho vataham kayassa bheda parammarana vinnanancayatanupaganam devanam sahabyatam upapajjeyyanti .pe. Ayam bhikkhave maggo ayam patipada tatrupapattiya samvattati. [331] Puna caparam bhikkhave bhikkhu saddhaya samannagato hoti silena samannagato hoti sutena samannagato hoti cagena samannagato hoti pannaya samannagato hoti . tassa sutam hoti akincannayatanupaga deva ... nevasannanasannayatanupaga deva dighayuka ciratthitika sukhabahulati . tassa evam hoti aho vataham kayassa bheda parammarana nevasannanasannayatanupaganam devanam sahabyatam upapajjeyyanti . so tam cittam padahati tam cittam adhitthati tam cittam bhaveti . tassa te sankhara ca vihara ca evam bhavita evam bahulikata tatrupapattiya samvattanti . ayam bhikkhave maggo ayam patipada tatrupapattiya samvattati.

The Pali Tipitaka in Roman Character Volume 14 page 215-224. https://84000.org/tipitaka/read/roman_item.php?book=14&item=317&items=15 Classified by [Item Number] :- http://84000.org/tipitaka/read/roman_item.php?book=14&item=317&items=15&mode=bracket Compare with The Pali Tipitaka in Thai Character :- https://84000.org/tipitaka/read/pali_item.php?book=14&item=317&items=15 Compare with The Royal Version of Thai Tipitaka :- https://84000.org/tipitaka/read/byitem.php?book=14&item=317&items=15 Study Atthakatha :- https://84000.org/tipitaka/attha/attha.php?b=14&i=317 Contents of The Tipitaka Volume 14 https://84000.org/tipitaka/read/?index_14 https://84000.org/tipitaka/english/?index_14