[315] Tenahi rajanna upamante karissami upamayapidhekacce
vinnu purisa bhasitassa attham ajananti . bhutapubbam rajanna
annataro sankhadhamo sankhamadaya paccantimam janapadam agamasi .
So yena annataro gamo tenupasankami upasankamitva majjhe
gamassa thito tikkhattum sankham upalasetva sankham bhumiyam nikkhipitva
ekamantam nisidi . athakho rajanna tesam paccantajanapadanam manussanam 4-
@Footnote: 1 leddunatipi patho. 2 Ma. passama. 3 Ma. sava. 4 Si. Yu.
@paccantajanam manussanam. Ma. paccantajanapadamanussanam.
Etadahosi ambho kassa 1- nu kho eso saddo evamrajaniyo
evamkammaniyo evammadaniyo evambandhaniyo evammuncaniyoti . sannipatitva
tam sankhadhamam etadavocum ambho kassa nu kho eso saddo
evamrajaniyo evamkammaniyo evammadaniyo evambandhaniyo evammuncaniyoti
eso kho bho sankho nama yassa so saddo evamrajaniyo
evamkammaniyo evammadaniyo evambandhaniyo evammuncaniyoti . te tam
sankham uttanam nipatesum vadehi bho sankha vadehi bho sankhati .
Neva so sankho saddamakasi . te tam sankham avakujjam nipatesum passena
nipatesum dutiyena passena nipatesum uddham thapesum omuddhakam
thapesum panina akotesum lenduna akotesum dandena
akotesum satthena akotesum odhunimsu sandhunimsu niddhunimsu vadehi
bho sankha vadehi bho sankhati. Neva so sankho saddamakasi.
{315.1} Athakho rajanna tassa sankhadhamassa etadahosi yava kho 2-
bala ime paccantajanapada manussa kathanhi nama ayoniso sankhasaddam
gavesissantiti . tesam pekkhamananam sankham gahetva tikkhattum sankham
upalasetva sankham adaya pakkami . athakho rajanna tesam
paccantajanapadanam manussanam etadahosi yada kira bho ayam sankho
nama purisasahagato ca hoti vayamasahagato ca vayosahagato 3- ca
tadayam sankho saddam karoti yada panayam sankho neva purisasahagato
hoti na vayamasahagato na vayosahagato nayam sankho saddam
@Footnote: 1 Yu. kissa nu kho. ito param idisameva. 2 Ma. Yu. kho saddo
@natthi. 3 Ma. vayusahagato. ito param idisameva.
Karotiti . evameva kho rajanna yadayam kayo ayusahagato ca
hoti usmasahagato ca vinnanasahagato ca tada abhikkamatipi
patikkamatipi titthatipi nisidatipi seyyampi kappeti cakkhunapi rupam
passati sotenapi saddam sunati ghanenapi gandham ghayati
jivhayapi rasam sayati kayenapi photthabbam phusati manasapi dhammam
vijanati yada panayam kayo neva ayusahagato ca hoti na
usmasahagato ca na vinnanasahagato ca tada neva abhikkamati
na patikkamati na titthati na nisidati na seyyam kappeti cakkhunapi
rupam na passati sotenapi saddam na sunati ghanenapi gandham na
ghayati jivhayapi rasam na sayati kayenapi photthabbam na phusati
manasapi dhammam na vijanati . iminapi kho te rajanna pariyayena
evam hotu itipi atthi paro loko atthi satta opapatika
atthi sukatadukkatanam kammanam phalam vipakoti.
Pathamabhanavaram.
[316] Kincapi bhavam kassapo evamaha athakho evamme
ettha hoti itipi natthi paro loko natthi satta opapatika
natthi sukatadukkatanam kammanam phalam vipakoti . atthi pana rajanna
pariyayo .pe. atthi bho kassapa pariyayo .pe. yathakatham viya
rajannati . idha me bho kassapa purisa coram agucarim gahetva
dassenti ayam te bhante coro agucari imassa yam icchasi
Tam dandam vadehiti tyaham evam vadami tenahi bho imassa
purisassa chavim chindatha appevanamassa jivam passeyyamati te
tassa purisassa chavim chindanti . nevassa mayam jivam passama . tyaham
evam vadami tenahi bho imassa purisassa cammam chindatha mamsam chindatha
naharum chindatha atthim chindatha atthiminjam chindatha appevanamassa
jivam passeyyamati te tassa purisassa atthiminjam chindanti .
Nevassa mayam jivam passama 1- . ayampi kho bho kassapa pariyayo
yena me pariyayena evam hoti itipi natthi paro loko natthi
satta opapatika natthi sukatadukkatanam kammanam phalam vipakoti.
[317] Tenahi rajanna upamante karissami upamayapidhekacce
vinnu purisa bhasitassa attham ajananti . bhutapubbam rajanna
annataro aggiko jatilo arannayatane pannakutiya sammati 2- .
Athakho rajanna annataro janapado satthavaso 3- vutthasi . athakho
so satthavaso 4- tassa aggikassa jatilassa assamassa samanta
ekarattim vasitva pakkami . athakho rajanna tassa aggikassa jatilassa
etadahosi yannunaham yena so satthavaso tenupasankameyyam
appevanamettha kinci upakaranam adhigaccheyyanti . athakho so
aggiko jatilo kalasseva vutthaya yena so satthavaso
tenupasankami upasankamitva addasa tasmim satthavase daharam kumaram
@Footnote: 1 Ma. passeyyama. 2 Ma. Si. Yu. vasati. 3 Si. Yu. janapadapadeso.
@Ma. janapade sattho. ito param idisameva. 4 Ma. Yu. so sattho.
Mandam uttanaseyyakam chadditam . disvanassa etadahosi na kho
me tam patirupam yam me pekkhamanassa manussabhuto kalam kareyya
yannunaham imam darakam assamam netva apadeyyam poseyyam
vaddheyyanti . athakho so aggiko jatilo tam darakam assamam
netva apadesi posesi vaddhesi . yada so darako
dasavassuddesiko va hoti dvadasavassuddesiko va athakho tassa
aggikassa jatilassa janapade kincideva karaniyam uppajji . athakho
so aggiko jatilo tam darakam etadavoca icchamaham tata janapadam
gantum aggim tata paricareyyasi ma ca te aggi nibbayi
sace va 1- te aggi nibbayeyya ayam vasi imani katthani idam
aranisahitam aggim nibbattetva aggim paricareyyasiti . athakho
so aggiko jatilo tam darakam evam anusasitva janapadam agamasi .
Tassa khiddapasutassa aggi nibbayi.
{317.1} Athakho tassa darakassa etadahosi pita kho mam evam
avaca aggim tata paricareyyasi ma ca te aggi nibbayi sace va te
aggi nibbayeyya ayam vasi imani katthani idam aranisahitam aggim
nibbattetva aggim paricareyyasiti yannunaham aggim nibbattetva aggim
paricareyyanti . athakho so darako aranisahitam vasiya tacchi appevanama
aggim adhigaccheyyanti . neva so aggim adhigacchi aranisahitam dvidha
phalesi tidha phalesi catudha phalesi pancadha phalesi dasadha
@Footnote: 1 Ma. ... ca. ito param idisameva.
Phalesi visatidha 1- phalesi sakalikam sakalikam akasi sakalikam sakalikam
karitva udukkhale kotesi udukkhale kotetva mahavate ophuni 2-
appevanama aggim adhigaccheyyanti. Neva so aggim adhigacchi.
{317.2} Athakho so aggiko jatilo janapade tam karaniyam tiretva yena
sako assamo tenupasankami upasankamitva tam darakam etadavoca
kacci te tata aggi nibbutoti . idha me tata khiddapasutassa
aggi nibbayi tassa me etadahosi pita kho mam evam avaca
aggim tata paricareyyasi ma ca te tata aggi nibbayi sace va
te aggi nibbayeyya ayam vasi imani katthani idam aranisahitam
aggim nibbattetva aggim paricareyyasiti yannunaham aggim
nibbattetva aggim paricareyyanti athakhoham tata aranisahitam
vasiya tacchim appevanama aggim adhigaccheyyanti . nevaham
aggim adhigacchim aranisahitam dvidha phalesim tidha phalesim catudha
phalesim pancadha phalesim dasadha phalesim visatidha 3- phalesim sakalikam
sakalikam akasim sakalikam sakalikam karitva udukkhale kotesim udukkhale
kotetva mahavate ophunim 4- appevanama aggim adhigaccheyyanti
nevaham aggim adhigacchinti.
{317.3} Athakho tassa aggikassa jatilassa etadahosi yava
balo ayam darako abyatto kathanhi nama ayoniso aggim
gavesissatiti . tassa pekkhamanassa aranisahitam
@Footnote: 1-3 Si. Ma. Yu. satadha. 2 Ma. Yu. opuni. 4 Ma. Yu. opunim.
Gahetva aggim nibbattetva tam darakam etadavoca evam kho
tata aggi nibbattetabbo na tveva yatha tvam balo abyatto
ayoniso aggim gavesissasiti 1- . evameva kho tvam rajanna balo
abyatto ayoniso paralokam gavesissasi patinissajjetam rajanna
papakam ditthigatam patinissajjetam rajanna papakam ditthigatam ma
te ahosi digharattam ahitaya dukkhayati.
[318] Kincapi bhavam kassapo evamaha athakho nevaham sakkomi
idam papakam ditthigatam patinissajjitum rajapi mam pasenadi kosalo
janati tirorajanopi payasi rajanno evamvadi evamditthi
itipi natthi paro loko natthi satta opapatika natthi
sukatadukkatanam kammanam phalam vipakoti . sacaham bho kassapa idam
papakam ditthigatam patinissajjissami bhavissanti me vattaro yava
balo payasi rajanno abyatto duggahitagahiti kopenapi nam
harissami makkhenapi nam harissami palasenapi nam harissamiti.
[319] Tenahi rajanna upamante karissami upamayapidhekacce
vinnu purisa bhasitassa attham ajananti . bhutapubbam rajanna
mahasakatasattho sakatasahassam puratthima janapada pacchimam janapadam
agamasi . soyeva 2- gacchati khippamyeva pariyadiyati tinam katthodakam
haritakapannam 3- . tasmim kho pana satthe dve satthavaha ahesum
@Footnote: 1 Ma. gavesiti. 2 Ma. Yu. so yena yena .... 3 Si. Yu. haritakavantam.
Eko pancannam sakatasatanam eko pancannam sakatasatanam . athakho
tesam satthavahanam etadahosi ayam kho mahasakatasattho sakatasahassam
te mayam yena yena gacchama khippameva pariyadiyati tinam katthodakam
haritakapannam yannuna mayam imam sattham dvidha vibhajeyyama ekato
panca sakatasatani ekato panca sakatasataniti . te tam sattham
dvidha vibhajimsu ekato panca sakatasatani ekato panca sakatasatani.
{319.1} Eko tava satthavaho bahum tinanca katthanca udakanca
aropetva sattham payapesi 1- . dvihatihapayato 2- kho pana so
sattho addasa purisam kalam lohitakkhim 3- asannaddhakalapam
kumudamalam 4- allavattham allakesam kaddamamakkhitehi cakkehi bhadrena
rathena patipatham agacchantam disva etadavoca kuto bho agacchasiti .
Amukamha janapadati . kuhim gamissasiti . amukam nama janapadanti .
Kacci bho purato kantare mahamegho abhippavutthoti. Evam bho purato
kantare mahamegho abhippavuttho asittodakani vatumani bahum
tinanca katthanca udakanca chaddetha bho puranani tinani katthani
udakani lahubharehi sakatehi sigham sigham gacchatha ma yoggani kilamitthati.
{319.2} Athakho so satthavaho satthike amantesi ayam bho puriso
evamaha purato kantare mahamegho abhippavuttho asittodakani
vatumani bahum tinanca katthanca udakanca chaddetha bho puranani
tinani katthani udakani lahubharehi sakatehi sigham gacchatha
@Footnote: 1 Si. Yu. payapesi. 2 Si. Yu. ... payato. 3 Ma. lohitakkham sannaddhakalapam.
@4 Ma. kumudamalim. ito param idisameva.
Ma yoggani kilamitthati chaddetha bho puranani tinani katthani
udakani lahubharehi sakatehi sattham payapethati . evam bhoti
kho te satthika tassa satthavahassa patissutva chaddetva
puranani tinani katthani udakani lahubharehi sakatehi sattham
payapesum . te pathamepi satthavase na addasamsu tinam va kattham
va udakam va dutiyepi satthavase . tatiyepi satthavase. Catutthepi
satthavase . pancamepi satthavase . chatthepi satthavase .
Sattamepi satthavase na addasamsu tinam va kattham va udakam va
sabbe va anayabyasanam apajjimsuyeva 1- . tasmim satthe ahesum
manussa va pasu va . sabbe va so yakkho amanusso bhakkhesi.
Atthikaneva sesani 2-.
{319.3} Yada annasi dutiyo satthavaho bahunikkhantaro
khodani so satthoti bahum tinanca katthanca udakanca aropetva
sattham payapesi . dvihatihapayato kho pana so sattho addasa purisam
kalam lohitakkhim asannaddhakalapam kumudamalam allavattham allakesam
kaddamamakkhitehi cakkehi bhadrena rathena patipatham agacchantam disva
etadavoca kuto bho agacchasiti . amukamha janapadati .
Kuhim gamissasiti . amukam nama janapadanti . kacci bho purato
kantare mahamegho abhippavutthoti . evam bho purato kantare
mahamegho abhippavuttho asittodakani vatumani
@Footnote: 1 Ma. Yu. apajjimsu. ye ca tasmim .... 2 Si. Yu. sesesi.
Bahum tinanca katthanca udakanca chaddetha bho puranani
tinani katthani udakana lahubharehi sakatehi sigham sigham gacchatha
ma yoggani kilamitthati.
{319.4} Athakho so satthavaho satthike amantesi ayam bho
puriso evamaha purato kantare mahamegho abhippavuttho
asittodakani vatumani bahum tinanca katthanca udakanca
chaddetha bho puranani tinani katthani udakani lahubharehi
sakatehi sigham sigham gacchatha ma yoggani kilamitthati ayam bho
puriso neva amhakam mitto na natisalohito katham mayam imassa
saddhaya gamissama na vo chaddetabbani puranani tinani
katthani udakani . yathabhatena 1- bhandena sattham payapetha
na no puranam chaddessamati . evam bhoti kho te satthika
tassa satthavahassa patissutva yathabhatena bhandena sattham payapesum .
Te pathamepi satthavase na addasamsu tinam va kattham va udakam va
dutiyepi satthavase . tatiyepi satthavase . catutthepi satthavase.
Pancamepi satthavase . chatthepi satthavase . sattamepi satthavase
na addasamsu tinam va kattham va udakam va tanca sattham addasamsu
anayabyasanam apannamyeva 2- . tasmim satthe ahesum manussa
va pasu va . tesanca atthikaneva addasamsu . tena yakkhena
amanussena bhakkhita 3-.
{319.5} Athakho so satthavaho satthike amantesi
ayam kho bho so sattho anayabyasanam apanno yatha tam tena
@Footnote: 1 Ma. Yu. yathakatena. ito param idisameva. 2 Ma. apannam. ye ca ....
@Yu. apannam. ye va. 3 Ma. Yu. bhakkhitanam.
Balena satthavahena parinayakena . tenahi bho yanamhakam
satthe appasarani paniyani tani chaddetva yani imasmim
satthe mahasarani paniyani tani adiyathati . evam bhoti
kho te satthika tassa satthavahassa patissutva yani sakasmim
satthe appasarani paniyani tani chaddetva yani tasmim
satthe mahasarani paniyani tani adiyitva sotthina tam
kantaram nittharimsu yatha tam panditena satthavahena parinayakena.
{319.6} Evameva kho tvam rajanna balo abyatto anayabyasanam
apajjissasi ayoniso paralokam gavesanto seyyathapi so puriso
satthavaho yepi tava sotabbam saddhatabbam 1- mannissanti tepi
anayabyasanam apajjissanti seyyathapi te satthika patinissajjetam
rajanna papakam ditthigatam patinissajjetam rajanna papakam ditthigatam
ma te ahosi digharattam ahitaya dukkhayati.
[320] Kincapi bhavam kassapo evamaha athakho nevaham
sakkomi idam papakam ditthigatam patinissajjitum rajapi mam pasenadi
kosalo janati tirorajanopi payasi rajanno evamvadi
evamditthi itipi natthi paro loko natthi satta opapatika
natthi sukatadukkatanam kammanam phalam vipakoti sacaham bho
kassapa imam papakam ditthigatam patinissajjissami bhavissanti me
vattaro yava balo payasi rajanno abyatto duggahitagahiti
@Footnote: 1 Yu. saddahatabbam.
Kopenapi nam harissami makkhenapi nam harissami palasenapi nam
harissamiti.
[321] Tenahi rajanna upamante karissami upamayapidhekacce
vinnu purisa bhasitassa attham ajananti . bhutapubbam rajanna
annataro sukaraposako puriso sakamha gama annam gamam
agamasi tattha addasa pahutam sukkham gutham chadditam . disvanassa
etadahosi ayam kho pahuto sukkhagutho chaddito 1- mama sukaranam
bhakkho 2- yannunaham ito sukkhagutham hareyyanti . so uttarasangam
pattharitva pahutam sukkhagutham akiritva bhandikam bandhitva sise
uccoropetva 3- agamasi.
{321.1} Tassa antaramagge mahaakalamegho pavassi .
So uggharantam paggharantam yava agganakha guthena makkhito guthabharam
adaya agamasi . tamenam manussa disva evamahamsu kacci no tvam
bhane ummatto kacci nu 4- viceto 5- kathanhi nama uggharantam
paggharantam yava agganakha guthena makkhito guthabharam hariyissasiti 6- .
Tumhe khvettha bhane ummatta tumhe viceta 7- tatha hi pana me
sukarabhattanti . evameva kho tvam rajanna guthabharikupamo 8- manne
patibhasi patinissajjetam rajanna papakam ditthigatam patinissajjetam
rajanna papakam ditthigatam ma te ahosi digharattam ahitaya dukkhayati.
@Footnote: 1 Ma. chaddito mamanca sukarabhattam. Yu. chaddito mamanca. 2 Si. mamanca sukarabhatto.
@3 Ma. accaropetva. Si. Yu. ubbahetva. 4 Ma. Yu. nusaddo natthi. 5-7 Yu.
@veceto veceta. 6 harissasiti pathena bhavitabbam. 8 Si. Yu. guthaharikupamo.
[322] Kincapi bhavam kassapo evamaha athakho nevaham
sakkomi idam papakam ditthigatam patinissajjitum rajapi mam pasenadi
kosalo janati tirorajanopi payasi rajanno evamvadi
evamditthi itipi natthi paro loko natthi satta opapatika
natthi sukatadukkatanam kammanam phalam vipakoti sacaham bho kassapa
idam papakam ditthigatam patinissajjissami bhavissanti me vattaro
yava balo payasi rajanno abyatto duggahitagahiti kopenapi
nam harissami makkhenapi nam harissami palasenapi nam harissamiti.
[323] Tenahi rajanna upamante karissami upamayapidhekacce
vinnu purisa bhasitassa attham ajananti . bhutapubbam rajanna
dve akkhadhutta akkhehi dibbimsu . eko akkhadhutto agatagatam kalim
gilati . addasa kho dutiyo akkhadhutto tam akkhadhuttam agatagatam
kalim gilantam disva tam akkhadhuttam etadavoca tvam kho samma
ekantikena jinasi dehi me samma akkhe pajoharissamiti 1-.
{323.1} Evam sammati kho so akkhadhutto tassa akkhadhuttassa
akkhe padasi . athakho so akkhadhutto akkhe visena paribhavetva tam
akkhadhuttam etadavoca ehi kho samma akkhehi dibbissamati .
Evam sammati kho so akkhadhutto tassa akkhadhuttassa paccassosi .
Dutiyampi kho te akkhadhutta akkhehi dibbimsu . dutiyampi kho
@Footnote: 1 pajohissamititi pana pathena bhavitabbam.
So akkhadhutto agatagatam kalim gilati . addasa kho dutiyo
akkhadhutto tam akkhadhuttam dutiyampi agatagatam kalim gilantam disva
tam akkhadhuttam etadavoca
[324] Littam paramena tejasa
gilamakkham puriso na bujjhati
gilare 1- papadhutta kapana
te katukam bhavissatiti.
[325] Evameva kho tvam rajanna akkhadhuttakupamo 2- manne
patibhasi patinissajjetam rajanna papakam ditthigatam patinissajjetam
rajanna papakam ditthigatam ma te ahosi digharattam ahitaya
dukkhayati.
[326] Kincapi bhavam kassapo evamaha athakho nevaham
sakkomi idam papakam ditthigatam patinissajjitum rajapi mam pasenadi
kosalo janati tirorajanopi payasi rajanno evamvadi
evamditthi itipi natthi paro loko natthi satta opapatika
natthi sukatadukkatanam kammanam phalam vipakoti sacaham bho kassapa
idam papakam ditthigatam patinissajjissami bhavissanti me vattaro
yava balo payasi rajanno abyatto duggahitagahiti kopenapi
nam harissami makkhenapi nam harissami palasenapi nam harissamiti.
[327] Tenahi rajanna upamante karissami upamayapidhekacce
@Footnote: 1 Ma. Yu. gilare gila papadhutta paccha te katukam bhavissatiti. 2 Yu. akkhadhuttupamo.
Vinnu purisa bhasitassa attham ajananti . bhutapubbam rajanna
annataro janapade 1- vutthasi . athakho sahayako sahayakam amantesi
ayama samma yena so janapado tenupasankamissama appevanamettha
kinci dhanam adhigaccheyyamati . evam sammati kho sahayako
sahayakassa paccassosi . te yena so janapado yena annataram
gamapajjam 2- tenupasankamimsu tattha addasamsu pahutam sanam chadditam .
Disva sahayako sahayakam amantesi idam kho samma pahutam
sanam chadditam tenahi samma tvanca sanabharam bandha ahanca
sanabharam bandhissami ubho sanabharam adaya gamissamati.
{327.1} Evam sammati kho sahayako sahayakassa patissutva
sanabharam bandhi . te ubho sanabharam adaya yena annataram gamapajjam
tenupasankamimsu tattha addasamsu pahutam sanasuttam chadditam . disva
sahayako sahayakam amantesi yassa kho samma atthaya iccheyyama
sanam idam pahutam sanasuttam chadditam tenahi samma tvanca
sanabharam chaddehi ahanca sanabharam chaddessami ubho
sanasuttabharam adaya gamissamati . ayam kho me samma sanabharo
duragato 3- ca susannaddho ca alam me tvam pajanahiti . athakho
so sahayako sanabharam chaddetva sanasuttabharam adiyi.
{327.2} Te yena annataram gamapajjam tenupasankamimsu tattha addasamsu
pahuta saniyo chaddita . disva sahayako sahayakam amantesi yassa
@Footnote: 1 Ma. Yu. janapado. 2 Ma. gamapattam. Si. gamapattam. Yu. gamapaddhanam. ito
@param idisameva. 3 Ma. Yu. durabhato. ito param idisameva.
Kho samma atthaya iccheyyama sanam va sanasuttam va ima
pahuta saniyo chaddita tenahi samma tvanca sanabharam
chaddehi ahanca sanasuttabharam chaddessami ubho sanibharam
adaya gamissamati . ayam kho me samma sanabharo duragato ca
susannaddho ca alam me tvam pajanahiti . athakho so sahayako
sanasuttabharam chaddetva sanibharam adiyi.
{327.3} Te yena annataram gamapajjam tenupasankamimsu tattha
addasamsu pahutam khomam chadditam . disva pahutam khomasuttam chadditam .
Disva pahutam khomadussam chadditam . disva pahutam kappasam chadditam .
Disva pahutam kappasikasuttam chadditam . disva pahutam kappasikadussam
chadditam . disva pahutam ayasam chadditam . disva pahutam loham chadditam.
Disva pahutam tipum chadditam . disva pahutam sisam chadditam . disva
pahutam sajjhum 1- chadditam . disva pahutam suvannam chadditam . disva
sahayako sahayakam amantesi yassa kho samma atthaya iccheyyama
sanam va sanasuttam va saniyo va khomam va khomasuttam va
khomadussam va kappasam va kappasikasuttam va kappasikadussam
va ayasam va loham va tipum va sisam va sajjhum va idam pahutam
suvannam chadditam tenahi samma tvanca sanabharam chaddehi
ahanca sajjhubharam chaddessami ubho suvannabharam adaya
gamissamati . ayam kho me samma sanabharo duragato ca susannaddho
@Footnote: 1 Ma. sajjham. ito param idisameva.
Ca alam me tvam pajanahiti . athakho so sahayako sajjhubharam
chaddetva suvannabharam adiyi.
{327.4} Te yena sako gamo tenupasankamimsu. Tattha yo so
sahayako sanabharam adaya agamasi tassa neva matapitaro abhinandimsu
na puttadara abhinandimsu na mittamacca abhinandimsu na ca tatonidanam
sukham somanassam adhigacchi . yo pana so sahayako suvannabharam adaya
agamasi tassa matapitaro 1- abhinandimsu puttadarapi abhinandimsu
mittamaccapi abhinandimsu tatonidananca sukham somanassam adhigacchi .
Evameva kho [2]- rajanna sanabharikupamo manne patibhasi patinissajjetam
rajanna papakam ditthigatam patinissajjetam rajanna papakam ditthigatam
ma te ahosi digharattam ahitaya dukkhayati.
[328] Purimena 3- caham opammena bhoto kassapassa attamano
abhiraddho apicaham imani vicitrani panhapatibhanani sotukamo
evaham bhavantam kassapam paccanikam katabbam avamannissam abhikkantam
bho kassapa abhikkantam bho kassapa seyyathapi bho kassapa
nikkujjitam va ukkujjeyya paticchannam va vivareyya mulhassa
va maggam acikkheyya andhakare va telappajjotam dhareyya
cakkhumanto rupani dakkhanti evameva bhota kassapena anekapariyayena
dhammo pakasito esaham bho kassapa bhagavantam gotamam
saranam gacchami dhammanca bhikkhusanghanca upasakam mam bhavam kassapo
@Footnote: 1 Ma. matapitaropi. 2 Ma. Yu. tvam. 3 Ma. purimeneva aham. Yu.
@purimenevaham.
Dharetu ajjatagge panupetam saranangatam icchami caham bho kassapa
mahayannam yajitum anusasatu mam bhavam kassapo yam mama assa
digharattam hitaya sukhayati.
{328.1} Yatharupe kho rajanna yanne gavo va hannanti
ajelaka va hannanti kukkutasukara va hannanti vividha va pana
sanghatam apajjanti patiggahaka ca honti micchaditthi micchasankappa
micchavaca micchakammanta micchaajiva micchavayama micchasati
micchasamadhi . evarupo kho rajanna yanno na mahapphalo hoti na
mahanisamso na mahajutiko na mahavippharo. Seyyathapi rajanna kassako
bijanangalam adaya vanam paviseyya so tattha dukkhette dubbhumme 1-
avihatakhanukantake bijani patitthapeyya khandani putini vatatapahatani
asaradani asukhasayitani devo ca na kalena kalam sammadharam
anuppaveccheyya api nu tani bijani vuddhim virulhim vepullam
apajjeyyum kassako va vipulam phalam adhigaccheyyati.
{328.2} Na 2- evam bho kassapa. Evameva kho rajanna yatharupe
yanne gavo va hannanti ajelaka va hannanti kukkutasukara va
hannanti vividha va pana sanghatam apajjanti patiggahaka ca
honti micchaditthi micchasankappa micchavaca micchakammanta
micchaajiva micchavayama micchasati micchasamadhi . evarupo
@Footnote: 1 dubbhumeti va patho. 2 Ma. Yu. no hidam bho kassapa.
Kho rajanna yanno na mahapphalo hoti na mahanisamso na
mahajutiko na mahavippharo.
{328.3} Yatharupe ca kho rajanna yanne neva gavo hannanti
na ajelaka hannanti na kukkutasukara hannanti na vividha [1]-
pana sanghatam apajjanti patiggahaka ca honti sammaditthi
sammasankappa sammavaca sammakammanta sammaajiva
sammavayama sammasati sammasamadhi . evarupo kho rajanna
yanno mahapphalo hoti mahanisamso mahajutiko mahavippharo.
{328.4} Seyyathapi rajanna kassako bijanangalam adaya
vanam paviseyya so tattha sukkhette subhumme sivihatakhanukantake
bijani patitthapeyya akhandani aputini avatatapahatani saradani
sukhasayitani devo ca kalena kalam sammadharam anuppaveccheyya
api nu tani bijani vuddhim virulhim vepullam apajjeyyum kassako
va vipulam phalam adhigaccheyyati . evam bho kassapa . evameva kho
rajanna yatharupe yanne neva gavo hannanti na ajelaka
hannanti na kukkutasukara hannanti na vividha [2]- pana sanghatam
apajjanti patiggahaka ca honti sammaditthi sammasankappa
sammavaca sammakammanta sammaajiva sammavayama sammasati
sammasamadhi . evarupo kho rajanna yanno mahapphalo hoti
mahanisamso mahajutiko mahavippharoti.
[329] Athakho payasi rajanno danam patthapesi
@Footnote: 1-2 Ma. va.
Samanabrahmanakapanaddhikavanibbakayacakanam . tasmim kho pana dane
evarupam bhojanam diyati kanajikam 1- bilangadutiyam corakani 2- ca vatthani
gulavalakani . tasmim kho pana dane uttaro nama manavo
vavato 3- ahosi . so danam datva evamanuddisati imina danena
payasim rajannameva imasmim loke samagacchim ma parasminti .
Assosi kho payasi rajanno uttaro kira manavo danam datva
evamanuddisati imina 4- danena payasim rajannameva imasmim loke
samagacchim ma parasminti.
{329.1} Athakho payasi rajanno uttaram manavam amantapetva
etadavoca sabbam 5- kira tvam tata uttara danam datva evamanuddisasi
imina danena payasim rajannameva imasmim loke samagacchim ma
parasminti . evam bho . kasma pana tvam tata uttara danam datva
evamanuddisasi imina danena .pe. ma parasminti na nu mayam tata
uttara punnatthika danasseva phalam patikankhinoti . bhoto kho dane
evarupam bhojanam diyati kanajikam bilangadutiyam [6]- bhavam padapi na
iccheyya samphusitum kuto bhunjitum corakani ca vatthani gulavalakani
bhavam padapi na iccheyya samphusitum kuto paridahitum bhavam kho panamhakam
piyo manapo katham mayam piyam manapam amanapena samyojemati .
Tenahi tvam tata uttara yadisaham bhojanam bhunjami tadisam
@Footnote: 1 kajhajakanti va patho. 2 Ma. dhorakani. Si. Yu. therakani. ito param
@idisameva. 3 Si. Yu. vyavato. 4 Ma. imimaham. ito param idisameva.
@5 Ma. Yu. saccam. 6 Ma. yam.
Bhojanam patthapehi yadisani caham vatthani paridahami tadisani
ca vatthani patthapehiti . evam bhoti kho uttaro manavo
payasirajannassa 1- patissutva yadisam bhojanam payasi rajanno
bhunjati tadisam bhojanam patthapesi yadisani ca vatthani payasi
rajanno paridahati tadisani ca vatthani patthapesi.
{329.2} Athakho payasi rajanno asakkaccam danam datva
asahattha danam datva acittikatam 2- danam datva apavittham 3- danam
datva kayassa bheda parammarana catummaharajikanam devanam
sahabyatam upapajji sunnam serisakavimanam . yo panetassa dane vavato
ahosi uttaro nama manavo so sakkaccam danam datva sahattha
danam datva cittikatam danam datva anapavittham danam datva kayassa
bheda parammarana sugatim saggam lokam upapajji devanam tavatimsanam
sahabyatam.
[330] Tena kho pana samayena ayasma gavampati abhikkhanam
sunnam serisakavimanam divaviharam gacchati . athakho payasidevaputto
yenayasma gavampati tenupasankami upasankamitva ayasmantam
gavampatim abhivadetva ekamantam atthasi . ekamantam thitam kho
payasidevaputtam ayasma gavampati etadavoca kosi tvam avusoti .
Aham bhante payasi rajannoti . na nu tvam avuso evamditthiko
ahosi itipi natthi paro loko natthi satta opapatika
@Footnote: 1 payasissa rajannassati pathena bhavitabbam. Ma. idisameva. 2 Ma. acittikatam.
@3 Si. Ma. Yu. apaviddham. ito param idisameva.
Natthi sukatadukkatanam kammanam phalam vipakoti . saccaham bhante
evamditthiko ahosim itipi natthi paro loko natthi satta
opapatika natthi sukatadukkatanam kammanam phalam vipakoti apicaham
ayyena kumarakassapena etasma papaka ditthigata vivecitoti.
{330.1} Yo pana te avuso dane vavato ahosi uttaro
nama manavo so kuhim upapannoti . yo me bhante dane vavato
ahosi uttaro nama manavo so sakkaccam danam datva sahattha
danam datva cittikatam danam datva anapavittham danam datva kayassa
bheda parammarana sugatim saggam lokam upapanno devanam tavatimsanam
sahabyatam aham pana bhante asakkaccam danam datva asahattha
danam datva acittikatam danam datva apavittham danam datva kayassa
bheda parammarana catummaharajikanam devanam sahabyatam upapanno
sunnam serisakavimanam tenahi bhante gavampati manussalokam gantva
evamarocehi sakkaccam danam detha sahattha danam detha cittikatam
danam detha anapavittham danam detha payasi rajanno asakkaccam
danam datva asahattha danam datva acittikatam danam datva
apavittham danam datva kayassa bheda parammarana catummaharajikanam
devanam sahabyatam upapanno sunnam serisakavimanam yo pana tassa
dane vavato ahosi uttaro nama manavo so sakkaccam danam
datva sahattha danam datva cittikatam danam datva anapavittham danam
Datva kayassa bheda parammarana sugatim saggam lokam upapanno
devanam tavatimsanam sahabyatanti.
{330.2} Athakho ayasma gavampati manussalokam agantva
evamarocesi sakkaccam danam detha sahattha danam detha cittikatam danam
detha anapavittham danam detha payasi rajanno asakkaccam danam datva
asahattha danam datva acittikatam danam datva apavittham danam datva
kayassa bheda parammarana catummaharajikanam devanam sahabyatam
upapanno sunnam serisakavimanam yo pana tassa dane vavato ahosi
uttaro nama manavo so sakkaccam danam datva sahattha danam datva
cittikatam danam datva anapavittham danam datva kayassa bheda
parammarana sugatim saggam lokam upapanno devanam tavatimsanam
sahabyatanti.
Payasirajannasuttam nitthitam dasamam.
--------
Tassuddanam
apadanam 1- nidananca nibbananca sudassanam
janavasabhagovindam samayam sakkapanhakam 2-
satipatthanapayasi mahavaggoti vuccatiti 3-.
--------
@Footnote: 1 Ma. mahapadana nidanam. 2 Si. Yu. sakkameva ca. 3 Si. Yu. mahavaggassa
@sangaho.
The Pali Tipitaka in Roman Character Volume 10 page 374-396.
https://84000.org/tipitaka/read/roman_item.php?book=10&item=315&items=16
Classified by [Item Number] :-
http://84000.org/tipitaka/read/roman_item.php?book=10&item=315&items=16&mode=bracket
Compare with The Pali Tipitaka in Thai Character :-
https://84000.org/tipitaka/read/pali_item.php?book=10&item=315&items=16
Compare with The Royal Version of Thai Tipitaka :-
https://84000.org/tipitaka/read/byitem.php?book=10&item=315&items=16
Study Atthakatha :-
https://84000.org/tipitaka/attha/attha.php?b=10&i=315
Contents of The Tipitaka Volume 10
https://84000.org/tipitaka/read/?index_10
https://84000.org/tipitaka/english/?index_10
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]
