บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
ThaiVersion PaliThai PaliRoman |
[651] Sa ce evam vadeyya ayyo maya dittho nisinno matugamena saddhim kayasamsaggam samapajjantoti so ce 1- tam patijanati apattiya karetabbo . sa ce evam vadeyya ayyo maya dittho nisinno matugamena saddhim kayasamsaggam samapajjantoti so ce evam vadeyya saccaham nisinno no ca kho kayasamsaggam samapajjinti nisajjaya karetabbo . sa ce evam vadeyya ayyo maya dittho nisinno matugamena saddhim kayasamsaggam samapajjantoti so ce evam vadeyya naham nisinno apica kho nipannoti nipajjaya karetabbo . sa ce evam vadeyya ayyo maya dittho nisinno matugamena saddhim kayasamsaggam samapajjantoti so ce evam vadeyya naham nisinno apica kho thitoti na karetabbo. [652] Sa ce evam vadeyya ayyo maya dittho nipanno matugamena saddhim kayasamsaggam samapajjantoti so ce tam patijanati apattiya karetabbo .pe. saccaham nipanno no ca kho kayasamsaggam samapajjinti nipajjaya karetabbo .pe. naham nipanno apica kho nisinnoti nisajjaya karetabbo .pe. naham nisinno apica kho thitoti na karetabbo. [653] Sa ce evam vadeyya ayyassa maya sutam nisinnassa matugamam dutthullahi vacahi obhasantassati so ce tam patijanati @Footnote: 1 Yu. Ma. ca. Apattiya karetabbo . sa ce evam vadeyya ayyassa maya sutam nisinnassa matugamam dutthullahi vacahi obhasantassati so ce evam vadeyya saccaham nisinno no ca kho matugamam dutthullahi vacahi obhasinti nisajjaya karetabbo .pe. naham nisinno apica kho nipannoti nipajjaya karetabbo .pe. naham nisinno apica kho thitoti na karetabbo. [654] Sa ce evam vadeyya ayyassa maya sutam nipannassa matugamam dutthullahi vacahi obhasantassati so ce tam patijanati apattiya karetabbo .pe. saccaham nipanno no ca kho dutthullahi vacahi obhasinti nipajjaya karetabbo .pe. naham nipanno apica kho nisinnoti nisajjaya karetabbo .pe. naham nipanno apica kho thitoti na karetabbo. [655] Sa ce evam vadeyya ayyo maya dittho matugamena saddhim eko ekaya raho nisinnoti so ce tam patijanati nisajjaya karetabbo .pe. naham nisinno apica kho nipannoti nipajjaya karetabbo .pe. naham nisinno apica kho thitoti na karetabbo. [656] Sa ce evam vadeyya ayyo maya dittho matugamena saddhim eko ekaya raho nipannoti so ce tam patijanati nipajjaya karetabbo .pe. naham nipanno apica kho nisinnoti Nisajjaya karetabbo .pe. naham nipanno apica kho thitoti na karetabbo. [657] Ayampiti purimam upadaya vuccati . aniyatoti na niyato sanghadiseso va pacittiyam va. [658] Gamanam patijanati nisajjam patijanati apattim patijanati apattiya karetabbo . gamanam patijanati nisajjam na patijanati apattim patijanati apattiya karetabbo . gamanam patijanati nisajjam patijanati apattim na patijanati nisajjaya karetabbo . Gamanam patijanati nisajjam na patijanati apattim na patijanati na karetabbo . gamanam na patijanati nisajjam patijanati apattim patijanati apattiya karetabbo . gamanam na patijanati nisajjam na patijanati apattim patijanati apattiya karetabbo . gamanam na patijanati nisajjam patijanati apattim na patijanati nisajjaya karetabbo . gamanam na patijanati nisajjam na patijanati apattim na patijanati na karetabboti. Dutiyo aniyato nitthito. -------------- [659] Uddittha kho ayasmanto dve aniyata dhamma . Tatthayasmante pucchami kaccittha parisuddha dutiyampi pucchami kaccittha parisuddha tatiyampi pucchami kaccittha parisuddha parisuddhetthayasmanto tasma tunhi. Evametam dharayamiti. Aniyatakandam nitthitam. ------------ Tassuddanam alankammaniyanceva tatheva ca na heva kho aniyata supannatta buddhasetthena tadinati.The Pali Tipitaka in Roman Character Volume 1 page 441-444. https://84000.org/tipitaka/read/roman_item.php?book=1&item=651&items=9 Classified by [Item Number] :- http://84000.org/tipitaka/read/roman_item.php?book=1&item=651&items=9&mode=bracket Compare with The Pali Tipitaka in Thai Character :- https://84000.org/tipitaka/read/pali_item.php?book=1&item=649&items=9 Compare with The Royal Version of Thai Tipitaka :- https://84000.org/tipitaka/read/byitem.php?book=1&item=649&items=9 Study Atthakatha :- https://84000.org/tipitaka/attha/attha.php?b=1&i=649 Contents of The Tipitaka Volume 1 https://84000.org/tipitaka/read/?index_1 https://84000.org/tipitaka/english/?index_1
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]