บาลีพระไตรปิฎกเล่มที่ ๘ - พระวินัยปิฎกเล่มที่ ๘

[๒๓] ยนฺเตน ภควตา ชานตา ปสฺสตา อรหตา สมฺมาสมฺพุทฺเธน ปโม อนิยโต กตฺถ ปญฺตฺโต ฯ กํ อารพฺภ ฯ กิสฺมึ วตฺถุสฺมึ ฯ อตฺถิ ตตฺถ ปญฺตฺติ อนุปฺปญฺตฺติ อนุปฺปนฺนปญฺตฺติ สพฺพตฺถ ปญฺตฺติ ปเทสปญฺตฺติ สาธารณปญฺตฺติ อสาธารณปญฺตฺติ เอกโตปญฺตฺติ อุภโตปญฺตฺติ ฯ ปญฺจนฺนํ ปาติโมกฺขุทฺเทสานํ กตฺโถคธํ กตฺถ ปริยาปนฺนํ กตเมน อุทฺเทเสน อุทฺเทสํ อาคจฺฉติ ฯ จตุนฺนํ วิปตฺตีนํ กตมา วิปตฺติ ฯ สตฺตนฺนํ อาปตฺติกฺขนฺธานํ กตโม อาปตฺติกฺขนฺโธ ฯ ฉนฺนํ อาปตฺติสมุฏฺานานํ กตีหิ สมุฏฺาเนหิ สมุฏฺาติ ฯ จตุนฺนํ อธิกรณานํ กตมํ อธิกรณํ ฯ สตฺตนฺนํ สมถานํ กตีหิ สมเถหิ สมฺมติ ฯ โก ตตฺถ วินโย โก ตตฺถ อภิวินโย ฯ กึ ตตฺถ ปาติโมกฺขํ กึ ตตฺถ อธิปาติโมกฺขํ ฯ กา วิปตฺติ กา สมฺปตฺติ กา ปฏิปตฺติ ฯ กติ อตฺถวเส ปฏิจฺจ ภควตา ปโม อนิยโต ปญฺตฺโต ฯ @เชิงอรรถ: ^๑ ม. ยุ. กายสํสคฺคํ ฯ ^๒ ม. ยุ. อตฺตกามญฺจ ฯ ^๓ ม. ตสฺเสว ฯ

--------------------------------------------------------------------------------------------- หน้าที่ ๑๕.

เก สิกฺขนฺติ ฯ เก สิกฺขิตสิกฺขา ฯ กตฺถ ิตํ ฯ เก ธาเรนฺติ ฯ กสฺส วจนํ ฯ เกนาภฏนฺติ ฯ [๒๔] ยนฺเตน ภควตา ชานตา ปสฺสตา อรหตา สมฺมาสมฺพุทฺเธน ปโม อนิยโต กตฺถ ปญฺตฺโตติ ฯ สาวตฺถิยา ปญฺตฺโต ฯ กํ อารพฺภาติ ฯ อายสฺมนฺตํ อุทายึ อารพฺภ ฯ กิสฺมึ วตฺถุสฺมินฺติ ฯ อายสฺมา อุทายิ มาตุคาเมน สทฺธึ เอโก เอกาย รโห ปฏิจฺฉนฺเน อาสเน อลงฺกมฺมนิเย นิสชฺชํ กปฺเปสิ ตสฺมึ วตฺถุสฺมึ ฯ อตฺถิ ตตฺถ ปญฺตฺติ อนุปฺปญฺตฺติ อนุปฺปนฺนปญฺตฺตีติ ฯ เอกา ปญฺตฺติ อนุปฺปญฺตฺติ อนุปฺปนฺนปญฺตฺติ ตสฺมึ นตฺถิ ฯ สพฺพตฺถ ปญฺตฺติ ปเทสปญฺตฺตีติ ฯ สพฺพตฺถ ปญฺตฺติ ฯ สาธารณปญฺตฺติ อสาธารณปญฺตฺตีติ ฯ {๒๔.๑} อสาธารณปญฺตฺติ ฯ เอกโตปญฺตฺติ อุภโตปญฺตฺตีติ ฯ เอกโตปญฺตฺติ ฯ ปญฺจนฺนํ ปาติโมกฺขุทฺเทสานํ กตฺโถคธํ กตฺถ ปริยาปนฺนนฺติ ฯ นิทาโนคธํ นิทานปริยาปนฺนํ ฯ กตเมน อุทฺเทเสน อุทฺเทสํ อาคจฺฉตีติ ฯ จตุตฺเถน อุทฺเทเสน อุทฺเทสํ อาคจฺฉติ ฯ จตุนฺนํ วิปตฺตีนํ กตมา วิปตฺตีติ ฯ สิยา สีลวิปตฺติ สิยา อาจารวิปตฺติ ฯ สตฺตนฺนํ อาปตฺติกฺขนฺธานํ กตโม อาปตฺติกฺขนฺโธติ ฯ สิยา ปาราชิกาปตฺติกฺขนฺโธ สิยา สงฺฆาทิเสสาปตฺติกฺขนฺโธ สิยา ปาจิตฺติยาปตฺติกฺขนฺโธ ฯ ฉนฺนํ อาปตฺติสมุฏฺานานํ กตีหิ สมุฏฺาเนหิ สมุฏฺาตีติ ฯ เอเกน สมุฏฺาเนน สมุฏฺาติ กายโต

--------------------------------------------------------------------------------------------- หน้าที่ ๑๖.

จ จิตฺตโต จ สมุฏฺาติ น วาจโต ฯ จตุนฺนํ อธิกรณานํ กตมํ อธิกรณนฺติ ฯ อาปตฺตาธิกรณํ ฯ {๒๔.๒} สตฺตนฺนํ สมถานํ กตีหิ สมเถหิ สมฺมตีติ ฯ ตีหิ สมเถหิ สมฺมติ สิยา สมฺมุขาวินเยน จ ปฏิญฺาตกรเณน จ สิยา สมฺมุขาวินเยน จ ติณวตฺถารเกน จ ฯ โก ตตฺถ วินโย โก ตตฺถ อภิวินโยติ ฯ ปญฺตฺติ วินโย วิภตฺติ อภิวินโย ฯ กึ ตตฺถ ปาติโมกฺขํ กึ ตตฺถ อธิปาติโมกฺขนฺติ ฯ ปญฺตฺติ ปาติโมกฺขํ วิภตฺติ อธิปาติโมกฺขํ ฯ กา วิปตฺตีติ ฯ อสํวโร วิปตฺติ ฯ {๒๔.๓} กา สมฺปตฺตีติ ฯ สํวโร สมฺปตฺติ ฯ กา ปฏิปตฺตีติ ฯ น เอวรูปํ กริสฺสามีติ ยาวชีวํ อาปาณโกฏิกํ สมาทาย สิกฺขติ สิกฺขาปเทสุ ฯ กติ อตฺถวเส ปฏิจฺจ ภควตา ปโม อนิยโต ปญฺตฺโตติ ฯ ทส อตฺถวเส ปฏิจฺจ ภควตา ปโม อนิยโต ปญฺตฺโต สงฺฆสุฏฺฐุตาย สงฺฆผาสุตาย ทุมฺมงฺกูนํ ปุคฺคลานํ นิคฺคหาย เปสลานํ ภิกฺขูนํ ผาสุวิหาราย ทิฏฺธมฺมิกานํ อาสวานํ สํวราย สมฺปรายิกานํ อาสวานํ ปฏิฆาตาย อปฺปสนฺนานํ ปสาทาย ปสนฺนานํ ภิยฺโยภาวาย สทฺธมฺมฏฺิติยา วินยานุคฺคหาย ฯ เก สิกฺขนฺตีติ ฯ เสกฺขา จ ปุถุชฺชนกลฺยาณกา จ สิกฺขนฺติ ฯ เก สิกฺขิตสิกฺขาติ ฯ อรหนฺโต สิกฺขิตสิกฺขา ฯ กตฺถ ิตนฺติ ฯ สิกฺขากาเมสุ ิตํ ฯ เก ธาเรนฺตีติ ฯ เยสํ วตฺตติ เต ธาเรนฺติ ฯ กสฺส วจนนฺติ ฯ ภควโต วจนํ อรหโต สมฺมาสมฺพุทฺธสฺส ฯ เกนาภฏนฺติ ฯ ปรมฺปราภฏํ ฯ

--------------------------------------------------------------------------------------------- หน้าที่ ๑๗.

อุปาลิ ทาสโก เจว โสณโก สิคฺคโว ตถา โมคฺคลีปุตฺเตน ปญฺจมา เอเต ชมฺพุสิริวฺหเย ฯ ตโต มหินฺโท อิฏฺฏิโย อุตฺติโย เจว สมฺพโล ฯเปฯ เอเต นาคา มหาปญฺา วินยญฺู มคฺคโกวิทา วินยํ ทีเป ปกาเสสุํ ปิฏกํ ตมฺพปณฺณิยาติ ฯ [๒๕] ยนฺเตน ภควตา ชานตา ปสฺสตา อรหตา สมฺมาสมฺพุทฺเธน ทุติโย อนิยโต กตฺถ ปญฺตฺโตติ ฯ สาวตฺถิยา ปญฺตฺโต ฯ กํ อารพฺภาติ ฯ อายสฺมนฺตํ อุทายึ อารพฺภ ฯ กิสฺมึ วตฺถุสฺมินฺติ ฯ อายสฺมา อุทายิ มาตุคาเมน สทฺธึ เอโก เอกาย รโห นิสฺสชฺชํ กปฺเปสิ ตสฺมึ วตฺถุสฺมึ ^๑- ฯ อตฺถิ ตตฺถ ปญฺตฺติ อนุปฺปญฺตฺติ อนุปฺปนฺนปญฺตฺตีติ ฯ เอกา ปญฺตฺติ อนุปฺปญฺตฺติ อนุปฺปนฺนปญฺตฺติ ตสฺมึ นตฺถิ ฯ สพฺพตฺถ ปญฺตฺติ ปเทสปญฺตฺตีติ ฯ สพฺพตฺถ ปญฺตฺติ ฯ สาธารณปญฺตฺติ อสาธารณปญฺตฺตีติ ฯ อสาธารณปญฺตฺติ ฯ เอกโตปญฺตฺติ อุภโตปญฺตฺตีติ ฯ เอกโต ปญฺตฺติ ฯ ปญฺจนฺนํ ปาติโมกฺขุทฺเทสานํ กตฺโถคธํ กตฺถ ปริยาปนฺนนฺติ ฯ นิทาโนคธํ นิทานปริยาปนฺนํ ฯ กตเมน อุทฺเทเสน อุทฺเทสํ อาคจฺฉตีติ ฯ จตุตฺเถน อุทฺเทเสน อุทฺเทสํ อาคจฺฉติ ฯ จตุนฺนํ วิปตฺตีนํ กตมา วิปตฺตีติ ฯ สิยา สีลวิปตฺติ สิยา อาจารวิปตฺติ ฯ {๒๕.๑} สตฺตนฺนํ อาปตฺติกฺขนฺธานํ กตโม อาปตฺติกฺขนฺโธติ ฯ @เชิงอรรถ: ^๑ ยุ. วตฺถุสฺมินฺติ ฯ

--------------------------------------------------------------------------------------------- หน้าที่ ๑๘.

สิยา สงฺฆาทิเสสาปตฺติกฺขนฺโธ สิยา ปาจิตฺติยาปตฺติกฺขนฺโธ ฯ ฉนฺนํ อาปตฺติสมุฏฺานานํ กตีหิ สมุฏฺาเนหิ สมุฏฺาตีติ ฯ ตีหิ สมุฏฺาเนหิ สมุฏฺาติ สิยา กายโต จ จิตฺตโต จ สมุฏฺาติ น วาจโต สิยา วาจโต จ จิตฺตโต จ สมุฏฺาติ น กายโต สิยา กายโต จ วาจโต จ จิตฺตโต จ สมุฏฺาติ ฯ จตุนฺนํ อธิกรณานํ กตมํ อธิกรณนฺติ ฯ อาปตฺตาธิกรณํ ฯ สตฺตนฺนํ สมถานํ กตีหิ สมเถหิ สมฺมตีติ ฯ ตีหิ สมเถหิ สมฺมติ สิยา สมฺมุขาวินเยน จ ปฏิญฺาตกรเณน จ สิยา สมฺมุขาวินเยน จ ติณวตฺถารเกน จ ฯ เทฺว อนิยตา นิฏฺิตา ฯ ตสฺสุทฺทานํ [๒๖] อลงฺกมฺมนิยญฺเจว ตเถว จ น เหว โข อนิยตา สุปญฺตฺตา พุทฺธเสฏฺเน ตาทินาติ ฯ -----------

เนื้อความพระไตรปิฎกฉบับภาษาบาลี อักษรไทย เล่มที่ ๘ หน้าที่ ๑๔-๑๘. https://84000.org/tipitaka/read/pali_read.php?B=8&A=299&w=&modeTY=1&pagebreak=1 อ่านเทียบพระไตรปิฎกฉบับภาษาบาลี อักษรโรมัน :- https://84000.org/tipitaka/read/roman_read.php?B=8&A=299&modeTY=1&pagebreak=1 อ่านเทียบพระไตรปิฎกภาษาไทยฉบับหลวง :- https://84000.org/tipitaka/read/byitem.php?book=8&item=23&items=4 อ่านเทียบพระไตรปิฎกฉบับมหาจุฬาฯ :- https://84000.org/tipitaka/pitaka_item/m_siri.php?B=8&siri=3 ศึกษาอรรถกถานี้ได้ที่ :- https://84000.org/tipitaka/attha/attha.php?b=8&i=23 สารบัญพระไตรปิฎกเล่มที่ ๘ https://84000.org/tipitaka/read/?index_8 https://84000.org/tipitaka/english/?index_8