บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
| |
ฉบับหลวง ฉบับมหาจุฬาฯ บาลีอักษรไทย PaliRoman |
อาจยคามิตฺติกเหตุทุกํ [๒๑๑] อาจยคามึ เหตุํ ธมฺมํ ปฏิจฺจ อาจยคามี เหตุ ธมฺโม อุปฺปชฺชติ เหตุปจฺจยา: ฯ อปจยคามึ เหตุํ ธมฺมํ ปฏิจฺจ อปจยคามี เหตุ ธมฺโม อุปฺปชฺชติ เหตุปจฺจยา: ฯ เนวาจยคามินาปจยคามึ เหตุํ ธมฺมํ ปฏิจฺจ เนวาจยคามินาปจยคามี เหตุ ธมฺโม อุปฺปชฺชติ เหตุปจฺจยา: ฯ [๒๑๒] เหตุยา ตีณิ อารมฺมเณ ตีณิ อธิปติยา ตีณิ สพฺพตฺถ ตีณิ ฯ [๒๑๓] นอธิปติยา ตีณิ นอาเสวเน เทฺว นวิปาเก ตีณิ นวิปฺปยุตฺเต ตีณิ ฯ [๒๑๔] เหตุปจฺจยา นอธิปติยา ตีณิ ฯ [๒๑๕] นอธิปติปจฺจยา เหตุยา ตีณิ ฯ สหชาตวาโรปิ ฯเปฯ สมฺปยุตฺตวาโรปิ ปฏิจฺจวารสทิสา ฯ [๒๑๖] อาจยคามี เหตุ ธมฺโม อาจยคามิสฺส เหตุสฺส ธมฺมสฺส เหตุปจฺจเยน ปจฺจโย: ฯ อปจยคามี เหตุ ธมฺโม อปจยคามิสฺส เหตุสฺส ธมฺมสฺส เหตุปจฺจเยน ปจฺจโย: ฯ เนวาจยคามินาปจยคามี เหตุ ธมฺโม เนวาจยคามินาปจยคามิสฺส เหตุสฺส ธมฺมสฺส เหตุปจฺจเยน ปจฺจโย: ฯ [๒๑๗] อาจยคามี เหตุ ธมฺโม อาจยคามิสฺส เหตุสฺส ธมฺมสฺส อารมฺมณปจฺจเยน ปจฺจโย: อาจยคามี เหตุ ธมฺโม เนวาจยคามิ- นาปจยคามิสฺส เหตุสฺส ธมฺมสฺส อารมฺมณปจฺจเยน ปจฺจโย: ฯ อปจยคามี เหตุ ธมฺโม อาจยคามิสฺส เหตุสฺส ธมฺมสฺส อารมฺมณปจฺจเยน ปจฺจโย: อปจยคามี เหตุ ธมฺโม เนวาจยคามินาปจยคามิสฺส เหตุสฺส ธมฺมสฺส อารมฺมณปจฺจเยน ปจฺจโย: ฯ เนวาจยคามินาปจยคามี เหตุ ธมฺโม เนวาจยคามินาปจยคามิสฺส เหตุสฺส ธมฺมสฺส อารมฺมณปจฺจเยน ปจฺจโย: เนวาจยคามินาปจยคามี เหตุ ธมฺโม อาจยคามิสฺส เหตุสฺส ธมฺมสฺส อารมฺมณปจฺจเยน ปจฺจโย: ฯ [๒๑๘] อาจยคามี เหตุ ธมฺโม อาจยคามิสฺส เหตุสฺส ธมฺมสฺส อธิปติปจฺจเยน ปจฺจโย: อารมฺมณาธิปติ สหชาตาธิปติ ฯ อปจยคามี เหตุ ธมฺโม อปจยคามิสฺส เหตุสฺส ธมฺมสฺส อธิปติปจฺจเยน ปจฺจโย: สหชาตาธิปติ อปจยคามี เหตุ ธมฺโม อาจยคามิสฺส เหตุสฺส ธมฺมสฺส อธิปติปจฺจเยน ปจฺจโย: ตีณิ ฯ เนวาจยคามินาปจยคามี เหตุ ธมฺโม เนวาจยคามินาปจยคามิสฺส เหตุสฺส ธมฺมสฺส อธิปติปจฺจเยน ปจฺจโย: เนวาจยคามินาปจยคามี เหตุ ธมฺโม อาจยคามิสฺส เหตุสฺส ธมฺมสฺส อธิปติปจฺจเยน ปจฺจโย: ฯ [๒๑๙] อาจยคามี เหตุ ธมฺโม อาจยคามิสฺส เหตุสฺส ธมฺมสฺส อนนฺตรปจฺจเยน ปจฺจโย: อาจยคามี เหตุ ธมฺโม อาจยคามิสฺส เหตุสฺส ธมฺมสฺส อนนฺตรปจฺจเยน ปจฺจโย: อาจยคามี เหตุ ธมฺโม เนวาจยคามินาปจยคามิสฺส เหตุสฺส ธมฺมสฺส อนนฺตรปจฺจเยน ปจฺจโย: ฯ อปจยคามี เหตุ ธมฺโม เนวาจยคามินาปจยคามิสฺส เหตุสฺส ธมฺมสฺส อนนฺตรปจฺจเยน ปจฺจโย: ฯ เนวาจยคามินาปจยคามี เหตุ ธมฺโม เนวาจยคามินาปจยคามิสฺส เหตุสฺส ธมฺมสฺส อนนฺตรปจฺจเยน ปจฺจโย: ฯ [๒๒๐] เหตุยา ตีณิ อารมฺมเณ ฉ อธิปติยา ฉ อนนฺตเร ปญฺจ สมนนฺตเร ปญฺจ สหชาเต ตีณิ อญฺญมญฺเญ ตีณิ นิสฺสเย ตีณิ อุปนิสฺสเย อฏฺฐ อาเสวเน ตีณิ วิปาเก เอกํ อวิคเต ตีณิ ฯ [๒๒๑] นเหตุยา อฏฺฐ นอารมฺมเณ อฏฺฐ ฯ [๒๒๒] เหตุปจฺจยา นอารมฺมเณ ตีณิ ฯ [๒๒๓] นเหตุปจฺจยา อารมฺมเณ ฉ ฯ ยถา กุสลตฺติเก ปญฺหาวารมฺปิ เอวํ วิตฺถาเรตพฺพํ ฯ [๒๒๔] อาจยคามึ นเหตุํ ธมฺมํ ปฏิจฺจ อาจยคามี นเหตุ ธมฺโม อุปฺปชฺชติ เหตุปจฺจยา: อาจยคามึ นเหตุํ ธมฺมํ ปฏิจฺจ เนวาจยคามินาปจยคามี นเหตุ ธมฺโม อุปฺปชฺชติ เหตุปจฺจยา: อาจยคามึ นเหตุํ ธมฺมํ ปฏิจฺจ อาจยคามี นเหตุ จ เนวาจยคามินาปจยคามี นเหตุ จ ธมฺมา อุปฺปชฺชนฺติ เหตุปจฺจยา: ฯ อปจยคามึ นเหตุํ ธมฺมํ ปฏิจฺจ อปจยคามี นเหตุ ธมฺโม อุปฺปชฺชติ เหตุปจฺจยา: อปจยคามึ นเหตุํ ธมฺมํ ปฏิจฺจ เนวาจยคามินาปจยคามี นเหตุ ธมฺโม อุปฺปชฺชติ เหตุปจฺจยา: อปจยคามึ นเหตุํ ธมฺมํ ปฏิจฺจ อปจยคามี นเหตุ จ เนวาจยคามินาปจยคามี นเหตุ จ ธมฺมา อุปฺปชฺชนฺติ เหตุปจฺจยา: ฯ เนวาจยคามินาปจยคามึ นเหตุํ ธมฺมํ ปฏิจฺจ เนวาจยคามินาปจยคามี นเหตุ ธมฺโม อุปฺปชฺชติ เหตุปจฺจยา: ฯ อาจยคามึ นเหตุญฺจ เนวาจยคามินาปจยคามึ นเหตุญฺจ ธมฺมํ ปฏิจฺจ เนวาจยคามินาปจยคามี นเหตุ ธมฺโม อุปฺปชฺชติ เหตุปจฺจยา: ฯ อปจยคามึ นเหตุญฺจ เนวาจยคามินาปจยคามึ นเหตุญฺจ ธมฺมํ ปฏิจฺจ เนวาจยคามินาปจยคามี นเหตุ ธมฺโม อุปฺปชฺชติ เหตุปจฺจยา: ฯ [๒๒๕] อาจยคามึ นเหตุํ ธมฺมํ ปฏิจฺจ อาจยคามี นเหตุ ธมฺโม อุปฺปชฺชติ อารมฺมณปจฺจยา: ฯ อปจยคามึ นเหตุํ ธมฺมํ ปฏิจฺจ อปจยคามี นเหตุ ธมฺโม อุปฺปชฺชติ อารมฺมณปจฺจยา: ฯ เนวาจยคามินาปจยคามึ นเหตุํ ธมฺมํ ปฏิจฺจ เนวาจยคามินาปจยคามี นเหตุ ธมฺโม อุปฺปชฺชติ อารมฺมณปจฺจยา: ฯ [๒๒๖] เหตุยา นว อารมฺมเณ ตีณิ อธิปติยา นว อวิคเต นว ฯ [๒๒๗] เนวาจยคามินาปจยคามึ นเหตุํ ธมฺมํ ปฏิจฺจ เนวาจยคามินาปจยคามี นเหตุ ธมฺโม อุปฺปชฺชติ นเหตุปจฺจยา: ฯ [๒๒๘] อาจยคามึ นเหตุํ ธมฺมํ ปฏิจฺจ เนวาจยคามินาปจยคามี นเหตุ ธมฺโม อุปฺปชฺชติ นอารมฺมณปจฺจยา: ฯ [๒๒๙] นเหตุยา เอกํ นอารมฺมเณ ปญฺจ นอธิปติยา ฉ โนวิคเต ปญฺจ ฯ [๒๓๐] เหตุปจฺจยา นอารมฺมเณ ปญฺจ ฯ [๒๓๑] นเหตุปจฺจยา อารมฺมเณ เอกํ ฯ สหชาตวาโรปิ สมฺปยุตฺตวาโรปิ ปฏิจฺจวารสทิสา ฯ [๒๓๒] อาจยคามี นเหตุ ธมฺโม อาจยคามิสฺส นเหตุสฺส ธมฺมสฺส อารมฺมณปจฺจเยน ปจฺจโย: อาจยคามี นเหตุ ธมฺโม เนวาจยคามินาปจยคามิสฺส นเหตุสฺส ธมฺมสฺส อารมฺมณปจฺจเยน ปจฺจโย: ฯ อปจยคามี นเหตุ ธมฺโม อาจยคามิสฺส นเหตุสฺส ธมฺมสฺส อารมฺมณปจฺจเยน ปจฺจโย: อปจยคามี นเหตุ ธมฺโม เนวาจยคามินาปจยคามิสฺส นเหตุสฺส ธมฺมสฺส อารมฺมณปจฺจเยน ปจฺจโย: ฯ เนวาจยคามินาปจยคามี นเหตุ ธมฺโม เนวาจยคามิ- นาปจยคามิสฺส นเหตุสฺส ธมฺมสฺส อารมฺมณปจฺจเยน ปจฺจโย: เนวาจยคามินาปจยคามี นเหตุ ธมฺโม อาจยคามิสฺส นเหตุสฺส ธมฺมสฺส อารมฺมณปจฺจเยน ปจฺจโย: เนวาจยคามินาปจยคามี นเหตุ ธมฺโม อปจยคามิสฺส นเหตุสฺส ธมฺมสฺส อารมฺมณปจฺจเยน ปจฺจโย: ตีณิ ฯ [๒๓๓] อาจยคามี นเหตุ ธมฺโม อาจยคามิสฺส นเหตุสฺส ธมฺมสฺส อธิปติปจฺจเยน ปจฺจโย: ตีณิ ฯ อปจยคามี นเหตุ ธมฺโม อปจยคามิสฺส นเหตุสฺส ธมฺมสฺส อธิปติปจฺจเยน ปจฺจโย: อปจยคามี นเหตุ ธมฺโม เนวาจยคามินาปจยคามิสฺส นเหตุสฺส ธมฺมสฺส อธิปติปจฺจเยน ปจฺจโย: จตฺตาริ ฯ เนวาจยคามินาปจยคามี นเหตุ ธมฺโม เนวาจยคามินาปจยคามิสฺส นเหตุสฺส ธมฺมสฺส อธิปติปจฺจเยน ปจฺจโย: ตีณิ ฯ [๒๓๔] อาจยคามี นเหตุ ธมฺโม อาจยคามิสฺส นเหตุสฺส ธมฺมสฺส อนนฺตรปจฺจเยน ปจฺจโย: อาจยคามี นเหตุ ธมฺโม อปจยคามิสฺส นเหตุสฺส ธมฺมสฺส อนนฺตรปจฺจเยน ปจฺจโย: อาจยคามี นเหตุ ธมฺโม เนวาจยคามินาปจยคามิสฺส นเหตุสฺส ธมฺมสฺส อนนฺตรปจฺจเยน ปจฺจโย: ฯ อปจยคามี นเหตุ ธมฺโม เนวาจยคามิ- นาปจยคามิสฺส นเหตุสฺส ธมฺมสฺส อนนฺตรปจฺจเยน ปจฺจโย: ฯ เนวาจยคามินาปจยคามี นเหตุ ธมฺโม เนวาจยคามินาปจยคามิสฺส นเหตุสฺส ธมฺมสฺส อนนฺตรปจฺจเยน ปจฺจโย: เนวาจยคามินาปจยคามี นเหตุ ธมฺโม อาจยคามิสฺส นเหตุสฺส ธมฺมสฺส อนนฺตรปจฺจเยน ปจฺจโย: ฯ [๒๓๕] อาจยคามี นเหตุ ธมฺโม อาจยคามิสฺส นเหตุสฺส ธมฺมสฺส อุปนิสฺสยปจฺจเยน ปจฺจโย: ฯ [๒๓๖] อารมฺมเณ สตฺต อธิปติยา ทส อนนฺตเร ฉ สมนนฺตเร ฉ สหชาเต นว อญฺญมญฺเญ ตีณิ นิสฺสเย เตรส อุปนิสฺสเย นว อวิคเต เตรส ฯ [๒๓๗] นเหตุยา ปณฺณรส นอารมฺมเณ ปณฺณรส ฯ [๒๓๘] อารมฺมณปจฺจยา นเหตุยา สตฺต ฯ [๒๓๙] นเหตุปจฺจยา อารมฺมเณ สตฺต ฯ ยถา กุสลตฺติเก ปญฺหาวารมฺปิ เอวํ วิตฺถาเรตพฺพํ ฯ อาจยคามิตฺติกเหตุทุกํ นิฏฺฐิตํ ฯ --------
เนื้อความพระไตรปิฎกฉบับภาษาบาลี อักษรไทย เล่มที่ ๔๔ หน้าที่ ๓๘๗-๓๙๓. https://84000.org/tipitaka/read/pali_read.php?B=44&A=7582&w=&modeTY=2 อ่านเทียบพระไตรปิฎกฉบับภาษาบาลี อักษรโรมัน :- https://84000.org/tipitaka/read/roman_read.php?B=44&A=7582&modeTY=2 อ่านเทียบพระไตรปิฎกภาษาไทยฉบับหลวง :- https://84000.org/tipitaka/read/byitem.php?book=44.2&item=211&items=29 อ่านเทียบพระไตรปิฎกฉบับมหาจุฬาฯ :- https://84000.org/tipitaka/pitaka_item/m_siri.php?B=44&siri=139 ศึกษาอรรถกถานี้ได้ที่ :- https://84000.org/tipitaka/attha/attha.php?b=44&i=2122 สารบัญพระไตรปิฎกเล่มที่ ๔๔ https://84000.org/tipitaka/read/?index_44 https://84000.org/tipitaka/english/?index_44
|
บันทึก ๖ ธันวาคม พ.ศ. ๒๕๕๙. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรไทย. หากพบข้อผิดพลาด กรุณาแจ้งได้ที่ [email protected]