บาลีพระไตรปิฎกเล่มที่ ๓๗ - พระอภิธรรมปิฎกเล่มที่ ๔

                                ปญฺจวิญฺาณา สาโภคาติกถา
     [๑๓๙๖]   ปญฺจวิญฺาณา   สาโภคาติ   ฯ   อามนฺตา   ฯ   นนุ
ปญฺจวิญฺาณา    อุปฺปนฺนวตฺถุกา   อุปฺปนฺนารมฺมณาติ   ฯ   อามนฺตา   ฯ
หญฺจิ     ปญฺจวิญฺาณา     อุปฺปนฺนวตฺถุกา     อุปฺปนฺนารมฺมณา     โน
วต  เร  วตฺตพฺเพ  ปญฺจวิญฺาณา  สาโภคาติ  ฯเปฯ  นนุ  ปญฺจวิญฺาณา
ปุเรชาตวตฺถุกา    ปุเรชาตารมฺมณา    อชฺฌตฺติกวตฺถุกา   พาหิรารมฺมณา
อสมฺภินฺนวตฺถุกา     อสมฺภินฺนารมฺมณา     นานาวตฺถุกา    นานารมฺมณา
น    อญฺมญฺสฺส    โคจรวิสยํ    ปจฺจนุโภนฺติ    น    อสมนฺนาหารา
อุปฺปชฺชนฺติ     น     อมนสิการา     อุปฺปชฺชนฺติ    น    อพฺโพกิณฺณา
อุปฺปชฺชนฺติ    น    อปุพฺพํ    อจริมํ   อุปฺปชฺชนฺติ   นนุ   ปญฺจวิญฺาณา
น   อญฺมญฺสฺส   สมนนฺตรา   อุปฺปชฺชนฺตีติ   ฯ   อามนฺตา   ฯ  หญฺจิ
ปญฺจวิญฺาณา     น    อญฺมญฺสฺส    สมนนฺตรา    อุปฺปชฺชนฺติ    โน
วต เร วตฺตพฺเพ ปญฺจวิญฺาณา สาโภคาติ ฯ
     [๑๓๙๗]   จกฺขุวิญฺาณํ  สาโภคนฺติ  ฯ  อามนฺตา  ฯ  จกฺขุวิญฺาณํ
สุญฺตํ  อารพฺภ  อุปฺปชฺชตีติ  ฯ  น  เหวํ  วตฺตพฺเพ  ฯเปฯ  จกฺขุวิญฺาณํ
สุญฺตํ  อารพฺภ  อุปฺปชฺชตีติ  ฯ  อามนฺตา  ฯ  จกฺขุญฺจ  ปฏิจฺจ  สุญฺตญฺจ
อุปฺปชฺชติ  จกฺขุวิญฺาณนฺติ  ฯ  น  เหวํ  วตฺตพฺเพ  ฯเปฯ  จกฺขุญฺจ ปฏิจฺจ
สุญฺตญฺจ   อุปฺปชฺชติ   จกฺขุวิญฺาณนฺติ  ฯ  อามนฺตา  ฯ  จกฺขุญฺจ  ปฏิจฺจ
สุญฺตญฺจ   อุปฺปชฺชติ   จกฺขุวิญฺาณนฺติ  อตฺเถว  สุตฺตนฺโตติ  ฯ  นตฺถิ  ฯ
จกฺขุญฺจ  ปฏิจฺจ  รูเป  จ  อุปฺปชฺชติ  จกฺขุวิญฺาณนฺติ อตฺเถว สุตฺตนฺโตติ ฯ
อามนฺตา  ฯ  หญฺจิ  จกฺขุญฺจ  ปฏิจฺจ  รูเป  จ  อุปฺปชฺชติ  จกฺขุวิญฺาณนฺติ
อตฺเถว   สุตฺตนฺโต  โน  วต  เร  วตฺตพฺเพ  จกฺขุญฺจ  ปฏิจฺจ  สุญฺตญฺจ
อุปฺปชฺชติ จกฺขุวิญฺาณนฺติ ฯ
     [๑๓๙๘]   จกฺขุวิญฺาณํ  สาโภคนฺติ  ฯ  อามนฺตา  ฯ  จกฺขุวิญฺาณํ
อตีตานาคตํ    อารพฺภ    อุปฺปชฺชตีติ    ฯ    น    เหวํ    วตฺตพฺเพ
ฯเปฯ    จกฺขุวิญฺาณํ    สาโภคนฺติ   ฯ   อามนฺตา   ฯ   จกฺขุวิญฺาณํ
ผสฺสํ   อารพฺภ   ฯเปฯ   โผฏฺพฺพํ   อารพฺภ  อุปฺปชฺชตีติ  ฯ  น  เหวํ
วตฺตพฺเพ    ฯเปฯ    มโนวิญฺาณํ    สาโภคํ    มโนวิญฺาณํ    สุญฺตํ
อารพฺภ    อุปฺปชฺชตีติ    ฯ    อามนฺตา    ฯ   จกฺขุวิญฺาณํ   สาโภคํ
จกฺขุวิญฺาณํ   สุญฺตํ   อารพฺภ   อุปฺปชฺชตีติ   ฯ   น   เหวํ  วตฺตพฺเพ
ฯเปฯ    มโนวิญฺาณํ    สาโภคํ   มโนวิญฺาณํ   อตีตานาคตํ   อารพฺภ
อุปฺปชฺชตีติ    ฯ   อามนฺตา   ฯ   จกฺขุวิญฺาณํ   สาโภคํ   จกฺขุวิญฺาณํ
อตีตานาคตํ   อารพฺภ   อุปฺปชฺชตีติ   ฯ   น   เหวํ   วตฺตพฺเพ  ฯเปฯ
มโนวิญฺาณํ     สาโภคํ     มโนวิญฺาณํ    ผสฺสํ    อารพฺภ    ฯเปฯ
โผฏฺพฺพํ    อารพฺภ    อุปฺปชฺชตีติ    ฯ   อามนฺตา   ฯ   จกฺขุวิญฺาณํ
สาโภคํ    จกฺขุวิญฺาณํ   ผสฺสํ   อารพฺภ   ฯเปฯ   โผฏฺพฺพํ   อารพฺภ
อุปฺปชฺชตีติ ฯ น เหวํ วตฺตพฺเพ ฯเปฯ
     [๑๓๙๙]   น   วตฺตพฺพํ  ปญฺจวิญฺาณา  สาโภคาติ  ฯ  อามนฺตา  ฯ
นนุ  วุตฺตํ  ภควตา  อิธ  ภิกฺขเว  ภิกฺขุ  จกฺขุนา  รูปํ ทิสฺวา นิมิตฺตคฺคาหี
โหติ  ฯเปฯ  น  นิมิตฺตคฺคาหี  โหติ  ฯเปฯ  กาเยน  โผฏฺพฺพํ  ผุสิตฺวา
นิมิตฺตคฺคาหี  โหติ  ฯเปฯ  น  นิมิตฺตคฺคาหี  โหตีติ  อตฺเถว สุตฺตนฺโตติ ฯ
อามนฺตา ฯ เตน หิ ปญฺจวิญฺาณา สาโภคาติ ฯเปฯ
                              ปญฺจวิญฺาณา สาโภคาติกถา ฯ
                                        --------------

เนื้อความพระไตรปิฎกฉบับภาษาบาลี อักษรไทย เล่มที่ ๓๗ หน้าที่ ๔๕๙-๔๖๑. https://84000.org/tipitaka/read/pali_read.php?B=37&A=9156&w=&modeTY=1 อ่านเทียบพระไตรปิฎกฉบับภาษาบาลี อักษรโรมัน :- https://84000.org/tipitaka/read/roman_read.php?B=37&A=9156&modeTY=1 อ่านเทียบพระไตรปิฎกภาษาไทยฉบับหลวง :- https://84000.org/tipitaka/read/byitem.php?book=37&item=1396&items=4 อ่านเทียบพระไตรปิฎกฉบับมหาจุฬาฯ :- https://84000.org/tipitaka/pitaka_item/m_siri.php?B=37&siri=120 ศึกษาอรรถกถานี้ได้ที่ :- https://84000.org/tipitaka/attha/attha.php?b=37&i=1396 อ่านอรรถกถาภาษาบาลีอักษรไทย :- https://84000.org/tipitaka/atthapali/read_th.php?B=55&A=5683 The Pali Atthakatha in Roman :- https://84000.org/tipitaka/atthapali/read_rm.php?B=55&A=5683 สารบัญพระไตรปิฎกเล่มที่ ๓๗ https://84000.org/tipitaka/read/?index_37 https://84000.org/tipitaka/english/?index_37