ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
     ฉบับหลวง   ฉบับมหาจุฬาฯ   บาลีอักษรไทย   PaliRoman 
อ่านหน้า[ต่าง] แรกอ่านหน้า[ต่าง] ที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหน้า[ต่าง] ถัดไปอ่านหน้า[ต่าง] สุดท้าย คลิกเพื่อเปลี่ยน ฐญ เป็นแบบดั้งเดิม
พระไตรปิฎกเล่มที่ ๓๗ ภาษาบาลี อักษรไทย พระอภิธรรมปิฎกเล่มที่ ๔ อภิ. กถาวตฺถุ

                                      ฌานสงฺกนฺติกถา
     [๑๗๕๐]   ฌานา  ฌานํ  สงฺกมตีติ  ฯ  อามนฺตา  ฯ  ปฐมา ฌานา
ตติยํ   ฌานํ   สงฺกมตีติ   ฯ  น  เหวํ  วตฺตพฺเพ  ฯเปฯ  ฌานา  ฌานํ
สงฺกมตีติ   ฯ  อามนฺตา  ฯ  ทุติยา  ฌานา  จตุตฺถํ  ฌานํ  สงฺกมตีติ  ฯ
น เหวํ วตฺตพฺเพ ฯเปฯ
     [๑๗๕๑]   ปฐมา  ฌานา  ทุติยํ  ฌานํ  สงฺกมตีติ  ฯ  อามนฺตา  ฯ
ยา   ปฐมสฺส   ฌานสฺส   อุปฺปาทาย   อาวชฺชนา   ฯเปฯ  ปณิธิ  สาว
ทุติยสฺส   ฌานสฺส   อุปฺปาทาย   อาวชฺชนา   ฯเปฯ   ปณิธีติ   ฯ   น
เหวํ   วตฺตพฺเพ   ฯเปฯ  ปฐมา  ฌานา  ทุติยํ  ฌานํ  สงฺกมตีติ  ฯ  น
วตฺตพฺพํ   ยา   ปฐมสฺส   ฌานสฺส  อุปฺปาทาย  อาวชฺชนา  ฯเปฯ  ปณิธิ
สาว   ทุติยสฺส   ฌานสฺส   อุปฺปาทาย   อาวชฺชนา   ฯเปฯ  ปณิธีติ  ฯ
อามนฺตา    ฯ    ทุติยํ    ฌานํ    อนาวชฺชนฺตสฺส   อุปฺปชฺชติ   ฯเปฯ
อปณิทหนฺตสฺส   อุปฺปชฺชตีติ   ฯ   น  เหวํ  วตฺตพฺเพ  ฯเปฯ  นนุ  ทุติยํ
ฌานํ   อาวชฺชนฺตสฺส   อุปฺปชฺชติ   ฯเปฯ   ปณิทหนฺตสฺส   อุปฺปชฺชตีติ  ฯ
อามนฺตา ฯ
     {๑๗๕๑.๑}   หญฺจิ   ทุติยํ  ฌานํ  อาวชฺชนฺตสฺส  อุปฺปชฺชติ  ฯเปฯ
ปณิทหนฺตสฺส   อุปฺปชฺชติ   โน   วต   เร   วตฺตพฺเพ   ปฐมา   ฌานา
ทุติยํ   ฌานํ   สงฺกมตีติ   ฯ  ปฐมา  ฌานา  ทุติยํ  ฌานํ  สงฺกมตีติ  ฯ
อามนฺตา  ฯ  ปฐมํ  ฌานํ  กาเม  อาทีนวโต  มนสิกโรโต  อุปฺปชฺชตีติ ฯ
อามนฺตา  ฯ  ทุติยํ  ฌานํ  กาเม  อาทีนวโต  มนสิกโรโต  อุปฺปชฺชตีติ ฯ
น   เหวํ   วตฺตพฺเพ   ฯเปฯ   ปฐมํ   ฌานํ   สวิตกฺกํ  สวิจารนฺติ  ฯ
อามนฺตา   ฯ  ทุติยํ  ฌานํ  สวิตกฺกํ  สวิจารนฺติ  ฯ  น  เหวํ  วตฺตพฺเพ
ฯเปฯ   ปฐมา   ฌานา   ทุติยํ   ฌานํ   สงฺกมตีติ   ฯ   อามนฺตา  ฯ
ตญฺเญว ปฐมํ ฌานํ ตํ ทุติยํ ฌานนฺติ ฯ น เหวํ วตฺตพฺเพ ฯเปฯ
     [๑๗๕๒]   ทุติยา  ฌานา  ตติยํ  ฌานํ  สงฺกมตีติ  ฯ  อามนฺตา  ฯ
ยา   ทุติยสฺส   ฌานสฺส   อุปฺปาทาย   อาวชฺชนา   ฯเปฯ  ปณิธิ  สาว
ตติยสฺส   ฌานสฺส   อุปฺปาทาย  อาวชฺชนา  ฯเปฯ  ปณิธีติ  ฯ  น  เหวํ
วตฺตพฺเพ  ฯเปฯ  ทุติยา  ฌานา  ตติยํ  ฌานํ  สงฺกมตีติ  ฯ  น  วตฺตพฺพํ
ยา   ทุติยสฺส   ฌานสฺส   อุปฺปาทาย   อาวชฺชนา   ฯเปฯ  ปณิธิ  สาว
ตติยสฺส  ฌานสฺส  อุปฺปาทาย  อาวชฺชนา  ฯเปฯ  ปณิธีติ  ฯ  อามนฺตา ฯ
ตติยํ    ฌานํ    อนาวชฺชนฺตสฺส    อุปฺปชฺชติ    ฯเปฯ    อปณิทหนฺตสฺส
อุปฺปชฺชตีติ  ฯ  น  เหวํ  วตฺตพฺเพ  ฯเปฯ  นนุ  ตติยํ ฌานํ อาวชฺชนฺตสฺส
อุปฺปชฺชติ ฯเปฯ ปณิทหนฺตสฺส อุปฺปชฺชตีติ ฯ อามนฺตา ฯ
     {๑๗๕๒.๑}   หญฺจิ   ตติยํ  ฌานํ  อาวชฺชนฺตสฺส  อุปฺปชฺชติ  ฯเปฯ
ปณิทหนฺตสฺส   อุปฺปชฺชติ   โน   วต   เร   วตฺตพฺเพ   ทุติยา   ฌานา
ตติยํ   ฌานํ   สงฺกมตีติ   ฯ  ทุติยา  ฌานา  ตติยํ  ฌานํ  สงฺกมตีติ  ฯ
อามนฺตา   ฯ   ทุติยํ   ฌานํ   วิตกฺกวิจาเร   อาทีนวโต   มนสิกโรโต
อุปฺปชฺชตีติ   ฯ   อามนฺตา   ฯ   ตติยํ  ฌานํ  วิตกฺกวิจาเร  อาทีนวโต
มนสิกโรโต   อุปฺปชฺชตีติ   ฯ   น  เหวํ  วตฺตพฺเพ  ฯเปฯ  ทุติยํ  ฌานํ
สปฺปีติกนฺติ   ฯ   อามนฺตา   ฯ   ตติยํ  ฌานํ  สปฺปีติกนฺติ  ฯ  น  เหวํ
วตฺตพฺเพ  ฯเปฯ  ทุติยา  ฌานา  ตติยํ  ฌานํ  สงฺกมตีติ  ฯ  อามนฺตา ฯ
ตญฺเญว    ทุติยํ    ฌานํ    ตํ    ตติยํ    ฌานนฺติ    ฯ   น   เหวํ
วตฺตพฺเพ ฯเปฯ
     [๑๗๕๓]   ตติยา  ฌานา  จตุตฺถํ  ฌานํ  สงฺกมตีติ  ฯ อามนฺตา ฯ
ยา   ตติยสฺส   ฌานสฺส   อุปฺปาทาย   อาวชฺชนา   ฯเปฯ  ปณิธิ  สาว
จตุตฺถสฺส   ฌานสฺส   อุปฺปาทาย   อาวชฺชนา   ฯเปฯ   ปณิธีติ   ฯ  น
เหวํ   วตฺตพฺเพ  ฯเปฯ  ตติยา  ฌานา  จตุตฺถํ  ฌานํ  สงฺกมตีติ  ฯ  น
วตฺตพฺพํ    ยา    ตติยสฺส   ฌานสฺส   อุปฺปาทาย   อาวชฺชนา   ฯเปฯ
ปณิธิ    สาว    จตุตฺถสฺส   ฌานสฺส   อุปฺปาทาย   อาวชฺชนา   ฯเปฯ
ปณิธีติ   ฯ   อามนฺตา   ฯ   จตุตฺถํ   ฌานํ   อนาวชฺชนฺตสฺส  อุปฺปชฺชติ
ฯเปฯ   อปณิทหนฺตสฺส   อุปฺปชฺชตีติ   ฯ   น   เหวํ   วตฺตพฺเพ  ฯเปฯ
นนุ    จตุตฺถํ   ฌานํ   อาวชฺชนฺตสฺส   อุปฺปชฺชติ   ฯเปฯ   ปณิทหนฺตสฺส
อุปฺปชฺชตีติ ฯ อามนฺตา ฯ
     {๑๗๕๓.๑}   หญฺจิ  จตุตฺถํ  ฌานํ  อาวชฺชนฺตสฺส  อุปฺปชฺชติ  ฯเปฯ
ปณิทหนฺตสฺส   อุปฺปชฺชติ  โน  วต  เร  วตฺตพฺเพ  ตติยา  ฌานา  จตุตฺถํ
ฌานํ  สงฺกมตีติ  ฯ  ตติยา  ฌานา  จตุตฺถํ  ฌานํ สงฺกมตีติ ฯ อามนฺตา ฯ
ตติยํ   ฌานํ  ปีตึ  อาทีนวโต  มนสิกโรโต  อุปฺปชฺชตีติ  ฯ  อามนฺตา  ฯ
จตุตฺถํ   ฌานํ   ปีตึ   อาทีนวโต  มนสิกโรโต  อุปฺปชฺชตีติ  ฯ  น  เหวํ
วตฺตพฺเพ   ฯเปฯ   ตติยํ   ฌานํ  สุขสหคตนฺติ  ฯ  อามนฺตา  ฯ  จตุตฺถํ
ฌานํ   สุขสหคตนฺติ   ฯ   น   เหวํ   วตฺตพฺเพ  ฯเปฯ  ตติยา  ฌานา
จตุตฺถํ   ฌานํ   สงฺกมตีติ   ฯ   อามนฺตา  ฯ  ตญฺเญว  ตติยํ  ฌานํ  ตํ
จตุตฺถํ ฌานนฺติ ฯ น เหวํ วตฺตพฺเพ ฯเปฯ
     [๑๗๕๔]   น  วตฺตพฺพํ  ฌานา  ฌานํ  สงฺกมตีติ  ฯ  อามนฺตา  ฯ
นนุ   วุตฺตํ   ภควตา   อิธ   ภิกฺขเว  ภิกฺขุ  วิวิจฺเจว  กาเมหิ  ฯเปฯ
จตุตฺถํ    ฌานํ    อุปสมฺปชฺช    วิหรตีติ    อตฺเถว    สุตฺตนฺโตติ   ฯ
อามนฺตา ฯ เตนหิ ฌานา ฌานํ สงฺกมตีติ ฯ
                                      ฌานสงฺกนฺติกถา ฯ
                                            --------


             เนื้อความพระไตรปิฎกฉบับภาษาบาลี อักษรไทย เล่มที่ ๓๗ หน้าที่ ๕๙๙-๖๐๒. https://84000.org/tipitaka/read/pali_read.php?B=37&A=11874&w=&modeTY=2              อ่านเทียบพระไตรปิฎกฉบับภาษาบาลี อักษรโรมัน :- https://84000.org/tipitaka/read/roman_read.php?B=37&A=11874&modeTY=2              อ่านเทียบพระไตรปิฎกภาษาไทยฉบับหลวง :- https://84000.org/tipitaka/read/byitem.php?book=37&item=1750&items=5              อ่านเทียบพระไตรปิฎกฉบับมหาจุฬาฯ :- https://84000.org/tipitaka/pitaka_item/m_siri.php?B=37&siri=200              ศึกษาอรรถกถานี้ได้ที่ :- https://84000.org/tipitaka/attha/attha.php?b=37&i=1750              อ่านอรรถกถาภาษาบาลีอักษรไทย :- https://84000.org/tipitaka/atthapali/read_th.php?B=55&A=6758              The Pali Atthakatha in Roman :- https://84000.org/tipitaka/atthapali/read_rm.php?B=55&A=6758              สารบัญพระไตรปิฎกเล่มที่ ๓๗ https://84000.org/tipitaka/read/?index_37 https://84000.org/tipitaka/english/?index_37

อ่านหน้า[ต่าง] แรกอ่านหน้า[ต่าง] ที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหน้า[ต่าง] ถัดไปอ่านหน้า[ต่าง] สุดท้าย คลิกเพื่อเปลี่ยน ฐญ เป็นแบบดั้งเดิม

บันทึก ๖ ธันวาคม พ.ศ. ๒๕๕๙. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรไทย. หากพบข้อผิดพลาด กรุณาแจ้งได้ที่ [email protected]