บาลีพระไตรปิฎกเล่มที่ ๒๕ - พระสุตตันตปิฎกเล่มที่ ๑๗

[๑๗๘] ๑๐ เอวมฺเม สุตํ ฯ เอกํ สมยํ ภควา สาวตฺถิยํ วิหรติ เชตวเน อนาถปิณฺฑิกสฺส อาราเม ฯ ตตฺร โข ภควา ภิกฺขู อามนฺเตสิ ภิกฺขโวติ ฯ ภทนฺเตติ เต ภิกฺขู ภควโต ปจฺจสฺโสสุํ ฯ ภควา เอตทโวจ ทพฺพสฺส ภิกฺขเว มลฺลปุตฺตสฺส เวหาสํ อพฺภุคฺคนฺตฺวา อากาเส อนฺตลิกฺเข ปลฺลงฺเกน นิสีทิตฺวา เตโชธาตุํ สมาปชฺชิตฺวา วุฏฺหิตฺวา ปรินิพฺพุตสฺส สรีรสฺส ฌายมานสฺส ฑยฺหมานสฺส เนว ฉาริกา ปญฺายิตฺถ น มสิ เสยฺยถาปิ นาม สปฺปิสฺส วา ฌายมานสฺส ฑยฺหมานสฺส เนว ฉาริกา ปญฺายติ น มสิ เอวเมว ภิกฺขเว ทพฺพสฺส มลฺลปุตฺตสฺส เวหาสํ อพฺภุคฺคนฺตฺวา อากาเส อนฺตลิกฺเข ปลฺลงฺเกน นิสีทิตฺวา เตโชธาตุํ สมาปชฺชิตฺวา ปรินิพฺพุตสฺส สรีรสฺส ฌายมานสฺส ฑยฺหมานสฺส เนว ฉาริกา ปญฺายิตฺถ น มสีติ ฯ อถ โข ภควา เอตมตฺถํ วิทิตฺวา ตายํ เวลายํ อิมํ อุทานํ อุทาเนสิ อโยฆนหตสฺเสว ชลโต ชาตเวทสฺส ^๒- อนุปุพฺพูปสนฺตสฺส ยถา น ายเต คติ @เชิงอรรถ: ^๑ วณฺณนายํ เวทนาสีติภวึสุ ฯ ^๒ ม. ชาตเวทโส ฯ

--------------------------------------------------------------------------------------------- หน้าที่ ๒๒๘.

เอวํ สมฺมาวิมุตฺตานํ กามพนฺโธฆตารินํ ปญฺาเปตุํ คติ นตฺถิ ปตฺตานํ อจลํ สุขนฺติ ฯ ทสมํ ฯ ปาฏลิคามิยวคฺโค อฏฺโม ฯ ตสฺสุทฺทานํ นิพฺพานา จตุโร วุตฺตา จุนฺโท ปาฏลิคามิยา ทฺวิธาปโถ วิสาขา จ ทพฺเพน จ สห เต ทสาติ ฯ วคฺคมิทํ ปมํ วรโพธิ วคฺคมิทํ ทุติโย มุจฺจลินฺโท นนฺทกวคฺควโร ตติโย เมฆิยวคฺควโร จตุตฺโถ ปญฺจมวคฺควรนฺติ โสโณ ฉฏฺมวคฺควรนฺติ ชจฺจนฺโธ สตฺตมวคฺควรนฺติ จ จูโฬ ปาฏลิคามิยวรฏฺมวคฺโค ฯ อสีติอนูนกสุตฺตวรํ ^๑- วคฺคมิทฏฺมํ สุวิภตฺตํ ทสฺสิตํ จกฺขุมตา วิมเลน สทฺธา ^๒- หิ ตํ อุทานนฺติทมาหูติ ฯ อุทานํ สมตฺตํ ฯ @เชิงอรรถ: ^๑ ม. อสีติมนูนกสุตฺตวรํ ฯ ^๒ ม. อทฺธา ฯ