บาลีพระไตรปิฎกเล่มที่ ๒๔ - พระสุตตันตปิฎกเล่มที่ ๑๖

                 ปณฺณาสกาสงฺคหิตา สุตฺตนฺตา
     [๒๒๙]   ๒๒  เอกาทสหิ  ภิกฺขเว  องฺเคหิ  สมนฺนาคโต  โคปาลโก
อภพฺโพ   โคคณํ   ปริหริตุํ  ผาติกาตุํ  กตเมหิ  เอกาทสหิ  อิธ  ภิกฺขเว
โคปาลโก   น   รูปญฺู   โหติ   น   ลกฺขณกุสโล  โหติ  น  อาสาฏิกํ
สาเฏตา   โหติ   น   วณํ  ปฏิจฺฉาเทตา  โหติ  น  ธูมํ  กตฺตา  โหติ
น   ติตฺถํ  ชานาติ  น  ปีตํ  ชานาติ  น  วิถึ  ชานาติ  น  โคจรกุสโล
โหติ   อนวเสสโทหี   โหติ   เย  เต  อุสภา  โคปิตโร  โคปรินายกา
เต   น  อติเรกปูชาย  ปูเชตา  โหติ  อิเมหิ  โข  ภิกฺขเว  เอกาทสหิ
องฺเคหิ   สมนฺนาคโต   โคปาลโก   อภพฺโพ  โคคณํ  ปริหริตุํ  ผาติกาตุํ
เอวเมว    โข   ภิกฺขเว   เอกาทสหิ   ธมฺเมหิ   สมนฺนาคโต   ภิกฺขุ
อภพฺโพ   จกฺขุสฺมึ   อนิจฺจานุปสฺสี   วิหริตุํ   ฯเปฯ   อภพฺโพ   จกฺขุสฺมึ
ทุกฺขานุปสฺสี    วิหริตุํ    อภพฺโพ    จกฺขุสฺมึ    อนตฺตานุปสฺสี    วิหริตุํ
อภพฺโพ   จกฺขุสฺมึ   ขยานุปสฺสี   วิหริตุํ   อภพฺโพ   จกฺขุสฺมึ  วยานุปสฺสี
วิหริตุํ   อภพฺโพ   จกฺขุสฺมึ   วิราคานุปสฺสี   วิหริตุํ   อภพฺโพ   จกฺขุสฺมึ
นิโรธานุปสฺสี     วิหริตุํ     อภพฺโพ     จกฺขุสฺมึ     ปฏินิสฺสคฺคานุปสฺสี
วิหริตุํ   อภพฺโพ   โสตสฺมึ   ฆานสฺมึ   ชิวฺหาย  กายสฺมึ  มนสฺมึ  รูเปสุ
สทฺเทสุ    คนฺเธสุ    รเสสุ    โผฏฺพฺเพสุ    ธมฺเมสุ   จกฺขุวิญฺาเณ
โสตวิญฺาเณ      ฆานวิญฺาเณ      ชิวฺหาวิญฺาเณ      กายวิญฺาเณ
มโนวิญฺาเณ       จกฺขุสมฺผสฺเส      โสตสมฺผสฺเส      ฆานสมฺผสฺเส
ชิวฺหาสมฺผสฺเส      กายสมฺผสฺเส     มโนสมฺผสฺเส     จกฺขุสมฺผสฺสชาย
เวทนาย    โสตสมฺผสฺสชาย    เวทนาย    ฆานสมฺผสฺสชาย   เวทนาย
ชิวฺหาสมฺผสฺสชาย       เวทนาย       กายสมฺผสฺสชาย      เวทนาย
มโนสมฺผสฺสชาย        เวทนาย        รูปสญฺาย       สทฺทสญฺาย
คนฺธสญฺาย       รสสญฺาย       โผฏฺพฺพสญฺาย       ธมฺมสญฺาย
รูปสญฺเจตนาย     สทฺทสญฺเจตนาย    คนฺธสญฺเจตนาย    รสสญฺเจตนาย
โผฏฺพฺพสญฺเจตนาย     ธมฺมสญฺเจตนาย     รูปตณฺหาย     สทฺทตณฺหาย
คนฺธตณฺหาย       รสตณฺหาย       โผฏฺพฺพตณฺหาย       ธมฺมตณฺหาย
รูปวิตกฺเก    สทฺทวิตกฺเก    คนฺธวิตกฺเก   รสวิตกฺเก   โผฏฺพฺพวิตกฺเก
ธมฺมวิตกฺเก     รูปวิจาเร    สทฺทวิจาเร    คนฺธวิจาเร    รสวิจาเร
โผฏฺพฺพวิจาเร    ธมฺมวิจาเร    อนิจฺจานุปสฺสี    วิหริตุํ   ทุกฺขานุปสฺสี
วิหริตุํ    อนตฺตานุปสฺสี    วิหริตุํ    ขยานุปสฺสี    วิหริตุํ    วยานุปสฺสี
วิหริตุํ   วิราคานุปสฺสี   วิหริตุํ   นิโรธานุปสฺสี  วิหริตุํ  ปฏินิสฺสคฺคานุปสฺสี
วิหริตุนฺติ ฯ
     [๒๓๐]   ๒๓  เอกาทสหิ  ภิกฺขเว  องฺเคหิ  สมนฺนาคโต โคปาลโก
ภพฺโพ   โคคณํ   ปริหริตุํ   ผาติกาตุํ  กตเมหิ  เอกาทสหิ  อิธ  ภิกฺขเว
โคปาลโก  รูปญฺู  โหติ  ฯเปฯ  เอวเมว โข ภิกฺขเว เอกาทสหิ ธมฺเมหิ
สมนฺนาคโต   ภิกฺขุ   ภพฺโพว   จกฺขุสฺมึ   อนิจฺจานุปสฺสี   วิหริตุํ  ฯเปฯ
ปฏินิสฺสคฺคานุปสฺสี   วิหริตุนฺติ   ฯ  ราคสฺส  ภิกฺขเว  อภิญฺาย  เอกาทส
ธมฺมา    ภาเวตพฺพา    กตเม    เอกาทส    ปมชฺฌานํ   ทุติยชฺฌานํ
ตติยชฺฌานํ     จตุตฺถชฺฌานํ     เมตฺตาเจโตวิมุตฺติ     กรุณาเจโตวิมุตฺติ
มุทิตาเจโตวิมุตฺติ        อุเปกฺขาเจโตวิมุตฺติ        อากาสานญฺจายตนํ
วิญฺาณญฺจายตนํ     อากิญฺจญฺายตนํ    ราคสฺส    ภิกฺขเว    อภิญฺาย
อิเม เอกาทส ธมฺมา ภาเวตพฺพาติ ^๑- ฯ
     [๒๓๑]   ๒๔   ราคสฺส   ภิกฺขเว   อภิญฺาย   ^๒-   ปริญฺาย
ปริกฺขยาย   ปหานาย   ขยาย   วยาย   วิราคาย   นิโรธาย  จาคาย
ปฏินิสฺสคฺคาย    อิเม    เอกาทส    ธมฺมา    ภาเวตพฺพา    โทสสฺส
โมหสฺส     โกธสฺส     อุปนาหสฺส    มกฺขสฺส    ปฬาสสฺส    อิสฺสาย
มจฺฉริยสฺส    มายาย    สาเยฺยสฺส    ถมฺภสฺส   สารมฺภสฺส   มานสฺส
มทสฺส    ปมาทสฺส    อภิญฺาย    ปริญฺาย    ปริกฺขยาย    ปหานาย
ขยาย   วยาย   วิราคาย   นิโรธาย   จาคาย   ปฏินิสฺสคฺคาย   อิเม
เอกาทส    ธมฺมา   ภาเวตพฺพาติ   อิทมโวจ   ภควา   ฯ   อตฺตมนา
เต ภิกฺขู ภควโต ภาสิตํ อภินนฺทุนฺติ ฯ
          นวสุตฺตสหสฺสานิ             ภิยฺโย ปญฺจสตานิ จ
          สตฺตปญฺาสสุตฺตนฺตา     องฺคุตฺตรสมายุตาติ ฯ
                  เอกาทสกนิปาโต นิฏฺิโต ฯ
                              -----------
@เชิงอรรถ: ^๑ ม. อิติสทฺโท นตฺถิ ฯ  ^๒ ม. อยํ ปาโ นตฺถิ ฯ

เนื้อความพระไตรปิฎกฉบับภาษาบาลี อักษรไทย เล่มที่ ๒๔ หน้าที่ ๓๙๑-๓๙๓. https://84000.org/tipitaka/read/pali_read.php?B=24&A=8243&w=&modeTY=1 อ่านเทียบพระไตรปิฎกฉบับภาษาบาลี อักษรโรมัน :- https://84000.org/tipitaka/read/roman_read.php?B=24&A=8243&modeTY=1 อ่านเทียบพระไตรปิฎกภาษาไทยฉบับหลวง :- https://84000.org/tipitaka/read/byitem.php?book=24&item=229&items=3 อ่านเทียบพระไตรปิฎกฉบับมหาจุฬาฯ :- https://84000.org/tipitaka/pitaka_item/m_siri.php?B=24&siri=218 ศึกษาอรรถกถานี้ได้ที่ :- https://84000.org/tipitaka/attha/attha.php?b=24&i=229 อ่านอรรถกถาภาษาบาลีอักษรไทย :- https://84000.org/tipitaka/atthapali/read_th.php?B=16&A=8892 The Pali Atthakatha in Roman :- https://84000.org/tipitaka/atthapali/read_rm.php?B=16&A=8892 สารบัญพระไตรปิฎกเล่มที่ ๒๔ https://84000.org/tipitaka/read/?index_24 https://84000.org/tipitaka/english/?index_24