บาลีพระไตรปิฎกเล่มที่ ๒ - พระวินัยปิฎกเล่มที่ ๒

                     อเจลกวคฺคสฺส ปมสิกฺขาปทํ
     [๕๒๗]   เตน  สมเยน  พุทฺโธ  ภควา  เวสาลิยํ  วิหรติ มหาวเน
กูฏาคารสาลายํ  ฯ  เตน  โข  ปน  สมเยน  สงฺฆสฺส  ขาทนียํ  อุปฺปนฺนํ
โหติ  ฯ  อถโข  อายสฺมา  อานนฺโท  ภควโต  เอตมตฺถํ  อาโรเจสิ  ฯ
เตนหานนฺท  วิฆาสาทานํ  ปูวํ  เทหีติ  ฯ  เอวํ  ภนฺเตติ  โข  อายสฺมา
อานนฺโท   ภควโต   ปฏิสฺสุณิตฺวา   วิฆาสาเท  ปฏิปาฏิยา  นิสีทาเปตฺวา
เอเกกํ   ปูวํ   เทนฺโต   อญฺตริสฺสา   ปริพฺพาชิกาย  เอกํ  มญฺมาโน
เทฺว ปูเว อทาสิ ฯ
     {๕๒๗.๑}   สามนฺตา   ปริพฺพาชิกาโย  ตํ  ปริพฺพาชิกํ  เอตทโวจุํ
ชาโร  เต  เอโส  สมโณติ  ฯ  น  เมโส สมโณ ชาโร เอกํ มญฺมาโน
เทฺว  ปูเว  อทาสีติ  ฯ  ทุติยมฺปิ  โข  อายสฺมา  อานนฺโท  เอเกกํ ปูวํ
เทนฺโต   ตสฺสาเยว   ปริพฺพาชิกาย   เอกํ   มญฺมาโน   เทฺว   ปูเว
อทาสิ   ฯ  สามนฺตา  ปริพฺพาชิกาโย  ตํ  ปริพฺพาชิกํ  เอตทโวจุํ  ชาโร
เต  เอโส  สมโณติ  ฯ  น  เมโส  สมโณ  ชาโร เอกํ มญฺมาโน เทฺว
ปูเว  อทาสีติ  ฯ  ตติยมฺปิ  โข  อายสฺมา  อานนฺโท เอเกกํ ปูวํ เทนฺโต
ตสฺสาเยว ปริพฺพาชิกาย เอกํ มญฺมาโน เทฺว ปูเว อทาสิ ฯ
     {๕๒๗.๒}   สามนฺตา  ปริพฺพาชิกาโย ตํ ปริพฺพาชิกํ เอตทโวจุํ ชาโร
เต  เอโส  สมโณติ  ฯ น เมโส สมโณ ชาโร เอกํ มญฺมาโน เทฺว ปูเว
อทาสีติ  ฯ  ชาโร  น  ชาโรติ อุปฺผณฺฑึสุ ฯ อญฺตโรปิ อาชีวโก ปริเวสนํ
อคมาสิ   ฯ  อญฺตโร  ภิกฺขุ  ปหูเตน  สปฺปินา  โอทนํ  มทฺทิตฺวา  ตสฺส
อาชีวกสฺส   มหนฺตํ   ปิณฺฑํ  อทาสิ  ฯ  อถโข  โส  อาชีวโก  ตํ  ปิณฺฑํ
อาทาย   อคมาสิ   ฯ   อญฺตโร   อาชีวโก   ตํ  อาชีวกํ  เอตทโวจ
กุโต  ตยา  อาวุโส  ปิณฺโฑ  ลทฺโธติ  ฯ  ตสฺสาวุโส  สมณสฺส  โคตมสฺส
มุณฺฑกคหปติกสฺส ปริเวสนาย ลทฺโธติ ฯ
     {๕๒๗.๓}   อสฺโสสุํ โข อุปาสกา เตสํ อาชีวกานํ อิมํ กถาสลฺลาปํ ฯ
อถโข  เต  อุปาสกา  เยน  ภควา  เตนุปสงฺกมึสุ  อุปสงฺกมิตฺวา ภควนฺตํ
อภิวาเทตฺวา  เอกมนฺตํ  นิสีทึสุ  ฯ   เอกมนฺตํ  นิสินฺนา โข เต อุปาสกา
ภควนฺตํ   เอตทโวจุํ   อิเม   ภนฺเต   ติตฺถิยา   อวณฺณกามา   พุทฺธสฺส
อวณฺณกามา   ธมฺมสฺส   อวณฺณกามา   สงฺฆสฺส   สาธุ   ภนฺเต   อยฺยา
ติตฺถิยานํ สหตฺถา น ทเทยฺยุนฺติ ฯ อถโข ภควา เต อุปาสเก ธมฺมิยา กถาย
สนฺทสฺเสสิ สมาทเปสิ สมุตฺเตเชสิ สมฺปหํเสสิ ฯ
     {๕๒๗.๔}   อถโข  เต  อุปาสกา ภควตา ธมฺมิยา กถาย สนฺทสฺสิตา
สมาทปิตา     สมุตฺเตชิตา     สมฺปหํสิตา     อุฏฺายาสนา    ภควนฺตํ
อภิวาเทตฺวา   ปทกฺขิณํ   กตฺวา   ปกฺกมึสุ   ฯ  อถโข  ภควา  เอตสฺมึ
นิทาเน    เอตสฺมึ    ปกรเณ    ภิกฺขุสงฺฆํ   สนฺนิปาตาเปตฺวา   ภิกฺขูนํ
ตทนุจฺฉวิกํ   ตทนุโลมิกํ   ^๑-   ธมฺมึ   กถํ   กตฺวา   ภิกฺขู  อามนฺเตสิ
เตนหิ   ภิกฺขเว   ภิกฺขูนํ   สิกฺขาปทํ   ปญฺาเปสฺสามิ   ทส   อตฺถวเส
ปฏิจฺจ     สงฺฆสุฏฺฐุตาย     สงฺฆผาสุตาย     ฯเปฯ    สทฺธมฺมฏฺิติยา
วินยานุคฺคหาย เอวญฺจ ปน ภิกฺขเว อิมํ สิกฺขาปทํ อุทฺทิเสยฺยาถ
     {๕๒๗.๕}   โย ปน ภิกฺขุ อเจลกสฺส วา ปริพฺพาชกสฺส วา ปริพฺพาชิกาย
@เชิงอรรถ: ^๑ ม. ภิกฺขุสงฺฆํ ... ตทนุโลมิกนฺติ อิเม ปาา นตฺถิ ฯ
วา สหตฺถา ขาทนียํ วา โภชนียํ วา ทเทยฺย ปาจิตฺติยนฺติ ฯ
     [๕๒๘]   โย  ปนาติ  โย  ยาทิโส  ฯเปฯ ภิกฺขูติ ฯเปฯ อยํ อิมสฺมึ
อตฺเถ   อธิปฺเปโต  ภิกฺขูติ  ฯ  อเจลโก  นาม  โย  โกจิ  ปริพฺพาชก-
สมาปนฺโน   นคฺโค   ฯ   ปริพฺพาชโก   นาม   ภิกฺขุญฺจ   สามเณรญฺจ
เปตฺวา   โย   โกจิ   ปริพฺพาชกสมาปนฺโน   ฯ   ปริพฺพาชิกา   นาม
ภิกฺขุนิญฺจ     สิกฺขมานญฺจ     สามเณริญฺจ    เปตฺวา    ยา    กาจิ
ปริพฺพาชิกสมาปนฺนา    ฯ   ขาทนียํ   นาม   ปญฺจ   โภชนานิ   อุทก-
ทนฺตโปณํ   เปตฺวา  อวเสสํ  ขาทนียํ  นาม  ฯ  โภชนียํ  นาม  ปญฺจ
โภชนานิ  โอทโน  กุมฺมาโส  สตฺตุ  มจฺโฉ  มํสํ  ฯ  ทเทยฺยาติ  กาเยน
วา กายปฏิพทฺเธน วา นิสฺสคฺคิเยน วา เทติ อาปตฺติ ปาจิตฺติยสฺส ฯ
     [๕๒๙]   ติตฺถิเย  ติตฺถิยสญฺี  สหตฺถา  ขาทนียํ  วา  โภชนียํ  วา
เทติ  อาปตฺติ  ปาจิตฺติยสฺส  ฯ  ติตฺถิเย  เวมติโก  สหตฺถา  ขาทนียํ วา
โภชนียํ   วา   เทติ   อาปตฺติ   ปาจิตฺติยสฺส  ฯ  ติตฺถิเย  อติตฺถิยสญฺี
สหตฺถา   ขาทนียํ   วา   โภชนียํ  วา  เทติ  อาปตฺติ  ปาจิตฺติยสฺส  ฯ
อุทกทนฺตโปณํ   เทติ   อาปตฺติ   ทุกฺกฏสฺส   ฯ   อติตฺถิเย   ติตฺถิยสญฺี
อาปตฺติ   ทุกฺกฏสฺส   ฯ   อติตฺถิเย   เวมติโก   อาปตฺติ  ทุกฺกฏสฺส  ฯ
อติตฺถิเย อติตฺถิยสญฺี อนาปตฺติ ฯ
     [๕๓๐]   อนาปตฺติ   ทาเปติ   น   เทติ   อุปนิกฺขิปิตฺวา   เทติ
พาหิรเลปํ ^๑- เทติ อุมฺมตฺตกสฺส อาทิกมฺมิกสฺสาติ ฯ
                          ปมสิกฺขาปทํ นิฏฺิตํ ฯ
@เชิงอรรถ: ^๑ ม. พาหิราเลปํ ฯ

เนื้อความพระไตรปิฎกฉบับภาษาบาลี อักษรไทย เล่มที่ ๒ หน้าที่ ๓๔๗-๓๔๙. https://84000.org/tipitaka/read/pali_read.php?B=2&A=6228&w=&modeTY=1 อ่านเทียบพระไตรปิฎกฉบับภาษาบาลี อักษรโรมัน :- https://84000.org/tipitaka/read/roman_read.php?B=2&A=6228&modeTY=1 อ่านเทียบพระไตรปิฎกภาษาไทยฉบับหลวง :- https://84000.org/tipitaka/read/byitem.php?book=2&item=527&items=4 อ่านเทียบพระไตรปิฎกฉบับมหาจุฬาฯ :- https://84000.org/tipitaka/pitaka_item/m_siri.php?B=2&siri=77 ศึกษาอรรถกถานี้ได้ที่ :- https://84000.org/tipitaka/attha/attha.php?b=2&i=527 อ่านอรรถกถาภาษาบาลีอักษรไทย :- https://84000.org/tipitaka/atthapali/read_th.php?B=2&A=9370 The Pali Atthakatha in Roman :- https://84000.org/tipitaka/atthapali/read_rm.php?B=2&A=9370 สารบัญพระไตรปิฎกเล่มที่ ๒ https://84000.org/tipitaka/read/?index_2 https://84000.org/tipitaka/english/?index_2