บาลีพระไตรปิฎกเล่มที่ ๑๕ - พระสุตตันตปิฎกเล่มที่ ๗

ตติยํ โทณปากสุตฺตํ [๓๖๔] สาวตฺถิยํ วิหรติ ... เตน โข ปน สมเยน ราชา ปเสนทิโกสโล โทณปากสุธํ ^๓- ภุญฺชติ ฯ อถ โข ราชา @เชิงอรรถ: ^๑ สี. จนฺทนงฺกลิโกติ ปาโ ทิสฺสติ ฯ อ. จนฺทนงฺคลิโย ฯ ^๒ ภควโตติปิ ปาโ ฯ @^๓ ม. โทณปากกุรํ ฯ โป. ยุ. โทณปากสุทํ ฯ

--------------------------------------------------------------------------------------------- หน้าที่ ๑๑๙.

ปเสนทิโกสโล ภุตฺตาวี มหสฺสาสี เยน ภควา เตนุปสงฺกมิ อุปสงฺกมิตฺวา ภควนฺตํ อภิวาเทตฺวา เอกมนฺตํ นิสีทิ ฯ [๓๖๕] อถ โข ภควา ตํ ^๑- ราชานํ ปเสนทิโกสลํ ภุตฺตาวึ มหสฺสาสึ วิทิตฺวา ตายํ เวลายํ อิมํ คาถํ อภาสิ มนุชสฺส สทา สติมโต มตฺตํ ชานโต ลทฺธโภชเน ตนุกสฺส ^๒- ภวนฺติ เวทนา สณิกํ ชีรติ อายุ ปาลยนฺติ ฯ [๓๖๖] เตน โข ปน สมเยน สุทสฺสโน มาณโว รญฺโ ปเสนทิโกสลสฺส ปิฏฺิโต ิโต โหติ ฯ อถ โข ราชา ปเสนทิโกสโล สุทสฺสนํ มาณวํ อามนฺเตสิ เอหิ ตฺวํ ตาต สุทสฺสน ภควโต สนฺติเก อิมํ คาถํ ปริยาปุณิตฺวา มม ภตฺตาภิหาเร ภาส อหญฺจ เต เทวสิกํ กหาปณสตํ นิจฺจภตฺตํ ^๓- ปวตฺตยิสฺสามีติ ฯ ปรมํ โภติ ^๔- โข สุทสฺสโน มาณโว รญฺโ ปเสนทิโกสลสฺส ปฏิสฺสุณิตฺวา ภควโต สนฺติเก อิมํ คาถํ ปริยาปุณิตฺวา รญฺโ ปเสนทิโกสลสฺส ภตฺตาภิหาเร ^[๕]- ภาสติ มนุชสฺส สทา สติมโต มตฺตํ ชานโต ลทฺธโภชเน @เชิงอรรถ: ^๑ โป. ม. ตนฺติ นตฺถิ ฯ ^๒ ยุ. ตนุ ตสฺส ฯ ^๓ นิจฺจภิกฺขนฺติปิ ปาโ ฯ @^๔ ยุ. เอวํ เทวาติ ฯ ^๕ โป. ม. ยุ เอตฺถนฺตเร สุทนฺติ ทิสฺสติ ฯ

--------------------------------------------------------------------------------------------- หน้าที่ ๑๒๐.

ตนุกสฺส ภวนฺติ เวทนา สณิกํ ชีรติ อายุ ปาลยนฺติ ฯ [๓๖๗] อถ โข ราชา ปเสนทิโกสโล อนุปุพฺเพน นาฬิโกทน- ปรมตาย สณฺาสิ ฯ อถ โข ราชา ปเสนทิโกสโล อปเรน สมเยน สุสลฺลิขิตคตฺโต ปาณินา คตฺตานิ อนุมชฺชนฺโต ตายํ เวลายํ อิมํ อุทานํ อุทาเนสิ อุภเยน วต มํ โส ภควา อตฺเถน อนุกมฺปิ ทิฏฺธมฺมิเกน เจว อตฺเถน ^๑- สมฺปรายิเกน จาติ ฯ

เนื้อความพระไตรปิฎกฉบับภาษาบาลี อักษรไทย เล่มที่ ๑๕ หน้าที่ ๑๑๘-๑๒๐. https://84000.org/tipitaka/read/pali_read.php?B=15&A=2276&w=&modeTY=1&pagebreak=1 อ่านเทียบพระไตรปิฎกฉบับภาษาบาลี อักษรโรมัน :- https://84000.org/tipitaka/read/roman_read.php?B=15&A=2276&modeTY=1&pagebreak=1 อ่านเทียบพระไตรปิฎกภาษาไทยฉบับหลวง :- https://84000.org/tipitaka/read/byitem.php?book=15&item=364&items=4 อ่านเทียบพระไตรปิฎกฉบับมหาจุฬาฯ :- https://84000.org/tipitaka/pitaka_item/m_siri.php?B=15&siri=124 ศึกษาอรรถกถานี้ได้ที่ :- https://84000.org/tipitaka/attha/attha.php?b=15&i=364 อ่านอรรถกถาภาษาบาลีอักษรไทย :- https://84000.org/tipitaka/atthapali/read_th.php?B=11&A=3790 The Pali Atthakatha in Roman :- https://84000.org/tipitaka/atthapali/read_rm.php?B=11&A=3790 สารบัญพระไตรปิฎกเล่มที่ ๑๕ https://84000.org/tipitaka/read/?index_15 https://84000.org/tipitaka/english/?index_15