บาลีพระไตรปิฎกเล่มที่ ๑ - พระวินัยปิฎกเล่มที่ ๑

[๖๓๒] อุทฺทิฏฺฐา โข อายสฺมนฺโต เตรส สงฺฆาทิเสสา ธมฺมา นว ปฐมาปตฺติกา จตฺตาโร ยาวตติยกา เยสํ ภิกฺขุ อญฺญตรํ วา อญฺญตรํ วา อาปชฺชิตฺวา ยาวติหํ ชานํ ปฏิจฺฉาเทติ ตาวติหํ เตน @เชิงอรรถ: ^๑-๒ อิทํ ปาฐทฺวยํ ยุ. ม. โปตฺถเกสุ น ทิสฺสติ ฯ

--------------------------------------------------------------------------------------------- หน้าที่ ๔๓๐.

ภิกฺขุนา อกามา ปริวตฺถพฺพํ ฯ ปริวุตฺถปริวาเสน ภิกฺขุนา อุตฺตรึ ฉารตฺตํ ภิกฺขุมานตฺตาย ปฏิปชฺชิตพฺพํ ฯ จิณฺณมานตฺโต ภิกฺขุ ยตฺถ สิยา วีสติคโณ ภิกฺขุสงฺโฆ ตตฺถ โส ภิกฺขุ อพฺเภตพฺโพ ฯ เอเกนปิ เจ อูโน วีสติคโณ ภิกฺขุสงฺโฆ ตํ ภิกฺขุํ อพฺเภยฺย โส จ ภิกฺขุ อนพฺภิโต เต จ ภิกฺขู คารยฺหา ฯ อยํ ตตฺถ สามีจิ ฯ ตตฺถายสฺมนฺเต ปุจฺฉามิ กจฺจิตฺถ ปริสุทฺธา ทุติยมฺปิ ปุจฺฉามิ กจฺจิตฺถ ปริสุทฺธา ตติยมฺปิ ปุจฺฉามิ กจฺจิตฺถ ปริสุทฺธา ปริสุทฺเธตฺถายสฺมนฺโต ตสฺมา ตุณฺหี ฯ เอวเมตํ ธารยามีติ ฯ เตรสกํ นิฏฺฐิตํ ฯ ---------- ตสฺสุทฺทานํ วิสฏฺฐิ กายสํสคฺโค ^๑- ทุฏฺฐุลฺลํ ^๒- อตฺตกามญฺจ สญฺจริตฺตํ กุฏี เจว วิหาโร จ อมูลกํ กิญฺจิ เลสญฺจ ^๓- เภโท จ ตสฺเสว อนุวตฺตกา ทุพฺพจํ กุลทูสญฺจ สงฺฆาทิเสสา เตรสาติ ^๔- ฯ -------------- @เชิงอรรถ: ^๑ ยุ. กายสํสคฺคํ ฯ ^๒ ยุ. ทุฏฺฐุลฺโล ฯ ^๓ ยุ. เทสญฺจ ฯ @^๔ มรมฺมรามญฺญโปตฺถเกสุ ตสฺสุทฺทานํ น โหติ ฯ