ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
     ฉบับหลวง   ฉบับมหาจุฬาฯ   บาลีอักษรไทย   PaliRoman 
อ่านหน้า[ต่าง] แรกอ่านหน้า[ต่าง] ที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหน้า[ต่าง] ถัดไปอ่านหน้า[ต่าง] สุดท้าย คลิกเพื่อเปลี่ยน ฐญ เป็นแบบดั้งเดิม
พระไตรปิฎกเล่มที่ ๑ ภาษาบาลี อักษรไทย พระวินัยปิฎกเล่มที่ ๑ วินย. มหาวิภงฺโค (๑)

                               ทุติยสงฺฆาทิเสสํ
     [๓๗๗]   เตน  สมเยน  พุทฺโธ  ภควา  สาวตฺถิยํ  วิหรติ เชตวเน
อนาถปิณฺฑิกสฺส   อาราเม   ฯ   เตน   โข   ปน   สมเยน  อายสฺมา
อุทายิ   อรญฺเญ   วิหรติ   ฯ   ตสฺสายสฺมโต   วิหาโร  อภิรูโป  โหติ
ทสฺสนีโย   ปาสาทิโก   มชฺเฌคพฺโภ   สมนฺตา   ปริยาคาโร   สุปญฺญตฺตํ
มญฺจปีฐํ     ภิสิพิมฺโพหนํ    ปานียํ    ปริโภชนียํ    สุปฏฺฐิตํ    ปริเวณํ
สุสมฺมฏฺฐํ   ฯ   พหู   มนุสฺสา   อายสฺมโต   อุทายิสฺส   วิหารเปกฺขกา
อาคจฺฉนฺติ    ฯ    อญฺญตโรปิ   พฺราหฺมโณ   สปชาปติโก   เยนายสฺมา
อุทายิ    เตนุปสงฺกมิ   อุปสงฺกมิตฺวา   อายสฺมนฺตํ   อุทายึ   เอตทโวจ
อิจฺฉาม มยํ โภโต อุทายิสฺส วิหารํ เปกฺขิตุนฺติ ฯ
     {๓๗๗.๑}   เตนหิ  พฺราหฺมณ  เปกฺขสฺสูติ  อปาปุรณํ  อาทาย  ฆฏิกํ
อุคฺฆาเฏตฺวา  กวาฏํ  ปณาเมตฺวา  วิหารํ  ปาวิสิ  ฯ โสปิ โข พฺราหฺมโณ
อายสฺมโต   อุทายิสฺส   ปิฏฺฐิโต   ปาวิสิ   ฯ   สาปิ   โข   พฺราหฺมณี
ตสฺส   พฺราหฺมณสฺส   ปิฏฺฐิโต   ปาวิสิ   ฯ   อถโข   อายสฺมา  อุทายิ
เอกจฺเจ   วาตปาเน   วิวรนฺโต  เอกจฺเจ  วาตปาเน  ถเกนฺโต  คพฺภํ
อนุปริคนฺตฺวา   ปิฏฺฐิโต   อาคนฺตฺวา   ตสฺสา   พฺราหฺมณิยา  องฺคมงฺคานิ
ปรามสิ   ฯ   อถโข   โส   พฺราหฺมโณ   อายสฺมตา   อุทายินา  สทฺธึ
ปฏิสมฺโมทิตฺวา    อคมาสิ    ฯ   อถโข   โส   พฺราหฺมโณ   อตฺตมโน
อตฺตมนวาจํ   นิจฺฉาเรสิ   อุฬารา   อิเม   สมณา   สกฺยปุตฺติยา   เย
อิเม  เอวรูเป  อรญฺเญ  วิหรนฺติ  ภวํปิ  อุทายิ  อุฬาโร  โย  เอวรูเป
อรญฺเญ วิหรตีติ ฯ
     {๓๗๗.๒}   เอวํ  วุตฺเต  สา พฺราหฺมณี ตํ พฺราหฺมณํ เอตทโวจ กุโต
ตสฺส  อุฬารตา  ยเถว  เม  ตฺวํ องฺคมงฺคานิ ปรามสิ เอวเมว เม สมโณ
อุทายิ  องฺคมงฺคานิ  ปรามสีติ  ฯ  อถโข  โส  พฺราหฺมโณ อุชฺฌายติ ขียติ
วิปาเจติ  อลชฺชิโน  อิเม  สมณา สกฺยปุตฺติยา ทุสฺสีลา มุสาวาทิโน อิเม หิ
นาม ธมฺมจาริโน สมจาริโน พฺรหฺมจาริโน สจฺจวาทิโน สีลวนฺโต กลฺยาณธมฺมา
ปฏิชานิสฺสนฺติ   นตฺถิ   อิเมสํ   สามญฺญํ   นตฺถิ  อิเมสํ  พฺรหฺมญฺญํ  นฏฺฐํ
อิเมสํ   สามญฺญํ   นฏฺฐํ   อิเมสํ   พฺรหฺมญฺญํ   กุโต   อิเมสํ   สามญฺญํ
กุโต   อิเมสํ   พฺรหฺมญฺญํ   อปคตา   อิเม   สามญฺญา   อปคตา  อิเม
พฺรหฺมญฺญา   กถํ   หิ   นาม  สมโณ  อุทายิ  มม  ภริยาย  องฺคมงฺคานิ
ปรามสิสฺสติ   น   หิ  สกฺกา  กุลิตฺถีหิ  กุลธีตาหิ  กุลกุมารีหิ  กุลสุณฺหาหิ
กุลทาสีหิ  อารามํ  วา  วิหารํ  วา  คนฺตุํ  สเจ  หิ กุลิตฺถิโย กุลธีตาโย
กุลกุมาริโย    กุลสุณฺหาโย   กุลทาสิโย   อารามํ   วา   วิหารํ   วา
คจฺเฉยฺยุํ ตาปิ สมณา สกฺยปุตฺติยา ทูเสยฺยุนฺติ ฯ
     {๓๗๗.๓}   อสฺโสสุํ โข ภิกฺขู ตสฺส พฺราหฺมณสฺส อุชฺฌายนฺตสฺส ขียนฺตสฺส
วิปาเจนฺตสฺส  ฯ  เย  เต  ภิกฺขู  อปฺปิจฺฉา  สนฺตุฏฺฐา ลชฺชิโน กุกฺกุจฺจกา
สิกฺขากามา  เต  อุชฺฌายนฺติ  ขียนฺติ  วิปาเจนฺติ  กถํ  หิ  นาม อายสฺมา
อุทายิ   มาตุคาเมน   สทฺธึ  กายสํสคฺคํ  สมาปชฺชิสฺสตีติ  ฯ  อถโข  เต
ภิกฺขู  ภควโต  เอตมตฺถํ  อาโรเจสุํ  ฯ  อถโข  ภควา  เอตสฺมึ นิทาเน
เอตสฺมึ    ปกรเณ   ภิกฺขุสงฺฆํ   สนฺนิปาตาเปตฺวา   อายสฺมนฺตํ   อุทายึ
ปฏิปุจฺฉิ   สจฺจํ   กิร   ตฺวํ   อุทายิ   มาตุคาเมน   สทฺธึ   กายสํสคฺคํ
สมาปชฺชสีติ   ฯ   สจฺจํ  ภควาติ  ฯ  วิครหิ  พุทฺโธ  ภควา  อนนุจฺฉวิกํ
โมฆปุริส   อนนุโลมิกํ   อปฺปฏิรูปํ   อสฺสามณกํ   อกปฺปิยํ   อกรณียํ  กถํ
หิ   นาม   ตฺวํ  โมฆปุริส  มาตุคาเมน  สทฺธึ  กายสํสคฺคํ  สมาปชฺชิสฺสสิ
นนุ   มยา   โมฆปุริส   อเนกปริยาเยน   วิราคาย   ธมฺโม   เทสิโต
โน    สราคาย   ฯเปฯ   กามปริฬาหานํ   วูปสโม   อกฺขาโต   เนตํ
โมฆปุริส    อปฺปสนฺนานํ    วา    ปสาทาย    ฯเปฯ   เอวญฺจ   ปน
ภิกฺขเว อิมํ สิกฺขาปทํ อุทฺทิเสยฺยาถ
     {๓๗๗.๔}   โย  ปน  ภิกฺขุ โอติณฺโณ วิปริณเตน จิตฺเตน มาตุคาเมน
สทฺธึ  กายสํสคฺคํ  สมาปชฺเชยฺย  หตฺถคาหํ  วา  เวณิคาหํ  วา อญฺญตรสฺส
วา อญฺญตรสฺส วา องฺคสฺส ปรามสนํ สงฺฆาทิเสโสติ ฯ
     [๓๗๘]   โย   ปนาติ  โย  ยาทิโส  ฯเปฯ  ภิกฺขูติ  ฯเปฯ  อยํ
อิมสฺมึ   อตฺเถ   อธิปฺเปโต   ภิกฺขูติ   ฯ   โอติณฺโณ   นาม  สารตฺโต
อเปกฺขวา    ปฏิพทฺธจิตฺโต   ฯ   วิปริณตนฺติ   รตฺตํปิ   จิตฺตํ   วิปริณตํ
ทุฏฺฐํปิ    จิตฺตํ    วิปริณตํ    มูฬฺหํปิ    จิตฺตํ   วิปริณตํ   อปิจ   รตฺตํ
จิตฺตํ    อิมสฺมึ    อตฺเถ    อธิปฺเปตํ    วิปริณตนฺติ    ฯ   มาตุคาโม
นาม   มนุสฺสิตฺถี   น   ยกฺขี   น   เปตี   น  ติรจฺฉานคตา  อนฺตมโส
ตทหุชาตาปิ   ทาริกา   ปเคว  มหนฺตตรี  ๑-  ฯ  สทฺธินฺติ  เอกโต  ฯ
@เชิงอรรถ:  ยุ. ม. มหตฺตรี ฯ
กายสํสคฺคํ   สมาปชฺเชยฺยาติ   อชฺฌาจาโร   วุจฺจติ   ฯ   หตฺโถ  นาม
กปฺปุรํ   อุปาทาย   ยาว   อคฺคนขา   ฯ  เวณิ  นาม  สุทฺธเกสา  วา
สุตฺตมิสฺสา   วา   มาลามิสฺสา   วา   หิรญฺญมิสฺสา   วา   สุวณฺณมิสฺสา
วา   มุตฺตามิสฺสา   วา   มณิมิสฺสา   วา   ฯ   องฺคํ   นาม  หตฺถญฺจ
เวณิญฺจ ฐเปตฺวา อวเสสํ องฺคํ นาม ฯ
     [๓๗๙]   อามสนา   ปรามสนา   โอมสนา  อุมฺมสนา  โอลงฺฆนา
อุลฺลงฺฆนา     อากฑฺฒนา    ปฏิกฑฺฒนา    อภินิคฺคณฺหนา    อภินิปฺปีฬนา
คหณํ ฉุปนนฺติ ฯ
     [๓๘๐]   อามสนา   นาม   อามฏฺฐมตฺตา   ฯ  ปรามสนา  นาม
อิโต  จิโต  จ  สญฺโจปนา  ฯ  โอมสนา  นาม  เหฏฺฐา  โอโรปนา  ฯ
อุมฺมสนา   นาม   อุทฺธํ   อุจฺจารณา   ฯ   โอลงฺฆนา   นาม  เหฏฺฐา
โอนมนา   ฯ  อุลฺลงฺฆนา  นาม  อุทฺธํ  อุจฺจารณา  ฯ  อากฑฺฒนา  นาม
อาวิญฺชนา    ฯ   ปฏิกฑฺฒนา   นาม   ปฏิปณามนา   ฯ   อภินิคฺคณฺหนา
นาม  องฺคํ  คเหตฺวา  นิปฺปีฬนา  ๑-  ฯ  อภินิปฺปีฬนา  นาม  เกนจิ สห
นิปฺปีฬนา ฯ คหณํ นาม คหิตมตฺตํ ฯ ฉุปนํ นาม ผุฏฺฐมตฺตํ ฯ
     [๓๘๑]   สงฺฆาทิเสโสติ  สงฺโฆ  ว  ตสฺสา อาปตฺติยา ฯเปฯ เตนปิ
วุจฺจติ สงฺฆาทิเสโสติ ฯ
     [๓๘๒]   อิตฺถี   จ  โหติ  อิตฺถีสญฺญี  สารตฺโต  จ  ภิกฺขุ  จ  นํ
อิตฺถิยา   กาเยน  กายํ  อามสติ  ปรามสติ  โอมสติ  อุมฺมสติ  โอลงฺฆติ
@เชิงอรรถ:  ยุ. ม. นิคฺคณฺหนา ฯ
อุลฺลงฺฆติ     อากฑฺฒติ     ปฏิกฑฺฒติ     อภินิคฺคณฺหาติ     อภินิปฺปีเฬติ
คณฺหาติ   ฉุปติ   อาปตฺติ  สงฺฆาทิเสสสฺส  ฯ  อิตฺถี  จ  โหติ  เวมติโก
สารตฺโต   จ  ภิกฺขุ  จ  นํ  อิตฺถิยา  กาเยน  กายํ  อามสติ  ปรามสติ
ฯเปฯ   คณฺหาติ   ฉุปติ   อาปตฺติ   ถุลฺลจฺจยสฺส   ฯ   อิตฺถี  จ  โหติ
ปณฺฑกสญฺญี   สารตฺโต   จ   ภิกฺขุ   จ   นํ   อิตฺถิยา   กาเยน  กายํ
อามสติ   ปรามสติ   ฯเปฯ   คณฺหาติ   ฉุปติ  อาปตฺติ  ถุลฺลจฺจยสฺส  ฯ
อิตฺถี   จ   โหติ   ปุริสสญฺญี   สารตฺโต   จ   ภิกฺขุ   จ  นํ  อิตฺถิยา
กาเยน   กายํ   อามสติ   ปรามสติ   ฯเปฯ   คณฺหาติ  ฉุปติ  อาปตฺติ
ถุลฺลจฺจยสฺส   ฯ   อิตฺถี   จ   โหติ   ติรจฺฉานคตสญฺญี   สารตฺโต   จ
ภิกฺขุ   จ   นํ   อิตฺถิยา   กาเยน   กายํ   อามสติ  ปรามสติ  ฯเปฯ
คณฺหาติ ฉุปติ อาปตฺติ ถุลฺลจฺจยสฺส ฯ
     {๓๘๒.๑}   ปณฺฑโก  จ  โหติ  ปณฺฑกสญฺญี  สารตฺโต  จ ภิกฺขุ จ นํ
ปณฺฑกสฺส   กาเยน   กายํ   อามสติ   ปรามสติ  ฯเปฯ  คณฺหาติ  ฉุปติ
อาปตฺติ   ถุลฺลจฺจยสฺส   ฯ   ปณฺฑโก  จ  โหติ  เวมติโก  สารตฺโต  จ
ภิกฺขุ   จ   นํ   ปณฺฑกสฺส   กาเยน   กายํ  อามสติ  ปรามสติ  ฯเปฯ
คณฺหาติ    ฉุปติ    อาปตฺติ    ทุกฺกฏสฺส    ฯ    ปณฺฑโก   จ   โหติ
ปุริสสญฺญี   สารตฺโต   จ   ภิกฺขุ   จ   นํ   ปณฺฑกสฺส   กาเยน  กายํ
อามสติ   ปรามสติ   ฯเปฯ   คณฺหาติ   ฉุปติ   อาปตฺติ   ทุกฺกฏสฺส  ฯ
ปณฺฑโก   จ   โหติ   ติรจฺฉานคตสญฺญี   สารตฺโต   จ   ภิกฺขุ   จ  นํ
ปณฺฑกสฺส    กาเยน    กายํ    อามสติ   ปรามสติ   ฯเปฯ   คณฺหาติ
ฉุปติ    อาปตฺติ    ทุกฺกฏสฺส    ฯ    ปณฺฑโก   จ   โหติ   อิตฺถีสญฺญี
สารตฺโต   จ   ภิกฺขุ   จ   นํ   ปณฺฑกสฺส   กาเยน   กายํ   อามสติ
ปรามสติ ฯเปฯ คณฺหาติ ฉุปติ อาปตฺติ ทุกฺกฏสฺส ฯ
     {๓๘๒.๒}   ปุริโส  จ  โหติ  ปุริสสญฺญี  สารตฺโต  จ  ภิกฺขุ  จ นํ
ปุริสสฺส   กาเยน   กายํ   อามสติ   ปรามสติ   ฯเปฯ  คณฺหาติ  ฉุปติ
อาปตฺติ  ทุกฺกฏสฺส  ฯ  ปุริโส  จ  โหติ  เวมติโก  สารตฺโต  จ ภิกฺขุ จ
นํ   ปุริสสฺส   กาเยน   กายํ   อามสติ   ปรามสติ   ฯเปฯ   คณฺหาติ
ฉุปติ   อาปตฺติ   ทุกฺกฏสฺส   ฯ   ปุริโส   จ   โหติ   ติรจฺฉานคตสญฺญี
สารตฺโต    จ   ภิกฺขุ   จ   นํ   ปุริสสฺส   กาเยน   กายํ   อามสติ
ปรามสติ   ฯเปฯ   คณฺหาติ   ฉุปติ   อาปตฺติ   ทุกฺกฏสฺส   ฯ   ปุริโส
จ   โหติ   อิตฺถีสญฺญี   สารตฺโต   จ   ภิกฺขุ  จ  นํ  ปุริสสฺส  กาเยน
กายํ    อามสติ    ปรามสติ    ฯเปฯ    คณฺหาติ    ฉุปติ    อาปตฺติ
ทุกฺกฏสฺส   ฯ   ปุริโส   จ   โหติ   ปณฺฑกสญฺญี   สารตฺโต   จ  ภิกฺขุ
จ   นํ   ปุริสสฺส   กาเยน   กายํ  อามสติ  ปรามสติ  ฯเปฯ  คณฺหาติ
ฉุปติ อาปตฺติ ทุกฺกฏสฺส ฯ
     {๓๘๒.๓}   ติรจฺฉานคโต   จ   โหติ  ติรจฺฉานคตสญฺญี  สารตฺโต
จ  ภิกฺขุ  จ  นํ  ติรจฺฉานคตสฺส  กาเยน  กายํ  ปรามสติ ฯเปฯ คณฺหาติ
ฉุปติ  อาปตฺติ  ทุกฺกฏสฺส  ฯ  ติรจฺฉานคโต  จ  โหติ  เวมติโก สารตฺโต
จ  ภิกฺขุ  จ  นํ  ติรจฺฉานคตสฺส  กาเยน  กายํ  อามสติ ปรามสติ ฯเปฯ
คณฺหาติ  ฉุปติ  อาปตฺติ  ทุกฺกฏสฺส  ฯ  ติรจฺฉานคโต  จ  โหติ  อิตฺถีสญฺญี
สารตฺโต   จ   ภิกฺขุ   จ   นํ  ติรจฺฉานคตสฺส  กาเยน  กายํ  อามสติ
ปรามสติ   ฯเปฯ   คณฺหาติ  ฉุปติ  อาปตฺติ  ทุกฺกฏสฺส  ฯ  ติรจฺฉานคโต
จ   โหติ   ปณฺฑกสญฺญี   สารตฺโต   จ   ภิกฺขุ   จ  นํ  ติรจฺฉานคตสฺส
กาเยน   กายํ   อามสติ   ปรามสติ   ฯเปฯ   คณฺหาติ  ฉุปติ  อาปตฺติ
ทุกฺกฏสฺส    ฯ   ติรจฺฉานคโต   จ   โหติ   ปุริสสญฺญี   สารตฺโต   จ
ภิกฺขุ   จ   นํ   ติรจฺฉานคตสฺส   กาเยน   กายํ   อามสติ   ปรามสติ
ฯเปฯ คณฺหาติ ฉุปติ อาปตฺติ ทุกฺกฏสฺส ๑- ฯ
     [๓๘๓]   เทฺว   อิตฺถิโย   ทฺวินฺนํ   อิตฺถีนํ   อิตฺถีสญฺญี  สารตฺโต
จ   ภิกฺขุ   จ   นํ   ทฺวินฺนํ  อิตฺถีนํ  กาเยน  กายํ  อามสติ  ปรามสติ
ฯเปฯ   คณฺหาติ   ฉุปติ   อาปตฺติ   ทฺวินฺนํ   สงฺฆาทิเสสานํ   ฯ  เทฺว
อิตฺถิโย   ทฺวินฺนํ   อิตฺถีนํ  เวมติโก  สารตฺโต  จ  ภิกฺขุ  จ  นํ  ทฺวินฺนํ
อิตฺถีนํ   กาเยน   กายํ   อามสติ   ปรามสติ   ฯเปฯ   คณฺหาติ  ฉุปติ
อาปตฺติ   ทฺวินฺนํ   ถุลฺลจฺจยานํ   ฯ   เทฺว   อิตฺถิโย   ทฺวินฺนํ   อิตฺถีนํ
ปณฺฑกสญฺญี    ฯเปฯ    เทฺว    อิตฺถิโย    ทฺวินฺนํ   อิตฺถีนํ   ปุริสสญฺญี
ฯเปฯ   เทฺว   อิตฺถิโย   ทฺวินฺนํ   อิตฺถีนํ   ติรจฺฉานคตสญฺญี   สารตฺโต
จ   ภิกฺขุ   จ   นํ   ทฺวินฺนํ  อิตฺถีนํ  กาเยน  กายํ  อามสติ  ปรามสติ
ฯเปฯ คณฺหาติ ฉุปติ อาปตฺติ ทฺวินฺนํ ถุลฺลจฺจยานํ ฯ
     {๓๘๓.๑}   เทฺว  ปณฺฑกา  ทฺวินฺนํ  ปณฺฑกานํ  ปณฺฑกสญฺญี  สารตฺโต
จ  ภิกฺขุ  จ  นํ  ทฺวินฺนํ  ปณฺฑกานํ  กาเยน กายํ อามสติ ปรามสติ ฯเปฯ
@เชิงอรรถ:  อิโต ปรํ ยุ. ม. โปตฺถเกสุ เอกมูลกนฺติ ทิสฺสติ ฯ
คณฺหาติ   ฉุปติ   อาปตฺติ   ทฺวินฺนํ   ถุลฺลจฺจยานํ   ฯ   เทฺว   ปณฺฑกา
ทฺวินฺนํ    ปณฺฑกานํ    เวมติโก    ฯเปฯ    เทฺว    ปณฺฑกา   ทฺวินฺนํ
ปณฺฑกานํ    ปุริสสญฺญี    ฯเปฯ    เทฺว   ปณฺฑกา   ทฺวินฺนํ   ปณฺฑกานํ
ติรจฺฉานคตสญฺญี     ฯเปฯ     เทฺว    ปณฺฑกา    ทฺวินฺนํ    ปณฺฑกานํ
อิตฺถีสญฺญี   สารตฺโต   จ   ภิกฺขุ   จ   นํ   ทฺวินฺนํ  ปณฺฑกานํ  กาเยน
กายํ   อามสติ   ปรามสติ   ฯเปฯ   คณฺหาติ   ฉุปติ   อาปตฺติ  ทฺวินฺนํ
ทุกฺกฏานํ   ฯ   เทฺว   ปุริสา   ทฺวินฺนํ   ปุริสานํ   ปุริสสญฺญี  สารตฺโต
จ   ภิกฺขุ   จ   นํ  ทฺวินฺนํ  ปุริสานํ  กาเยน  กายํ  อามสติ  ปรามสติ
ฯเปฯ คณฺหาติ ฉุปติ อาปตฺติ ทฺวินฺนํ ทุกฺกฏานํ ฯ
     {๓๘๓.๒}   เทฺว  ปุริสา ทฺวินฺนํ ปุริสานํ เวมติโก ฯเปฯ เทฺว ปุริสา
ทฺวินฺนํ   ปุริสานํ  ติรจฺฉานคตสญฺญี  ฯเปฯ  เทฺว  ปุริสา  ทฺวินฺนํ  ปุริสานํ
อิตฺถีสญฺญี    ฯเปฯ    เทฺว    ปุริสา    ทฺวินฺนํ   ปุริสานํ   ปณฺฑกสญฺญี
สารตฺโต   จ   ภิกฺขุ   จ  นํ  ทฺวินฺนํ  ปุริสานํ  กาเยน  กายํ  อามสติ
ปรามสติ ฯเปฯ คณฺหาติ ฉุปติ อาปตฺติ ทฺวินฺนํ ทุกฺกฏานํ ฯ
     {๓๘๓.๓}   เทฺว  ติรจฺฉานคตา  ทฺวินฺนํ ติรจฺฉานคตานํ ติรจฺฉานคต-
สญฺญี  สารตฺโต  จ  ภิกฺขุ  จ  นํ  ทฺวินฺนํ  ติรจฺฉานคตานํ  กาเยน กายํ
อามสติ    ปรามสติ    ฯเปฯ    คณฺหาติ    ฉุปติ    อาปตฺติ   ทฺวินฺนํ
ทุกฺกฏานํ   ฯ   เทฺว   ติรจฺฉานคตา   ทฺวินฺนํ  ติรจฺฉานคตานํ  เวมติโก
ฯเปฯ    เทฺว    ติรจฺฉานคตา    ทฺวินฺนํ    ติรจฺฉานคตานํ   อิตฺถีสญฺญี
ฯเปฯ    เทฺว    ติรจฺฉานคตา    ทฺวินฺนํ   ติรจฺฉานคตานํ   ปณฺฑกสญฺญี
ฯเปฯ    เทฺว    ติรจฺฉานคตา    ทฺวินฺนํ    ติรจฺฉานคตานํ   ปุริสสญฺญี
สารตฺโต   จ   ภิกฺขุ   จ   นํ   ทฺวินฺนํ  ติรจฺฉานคตานํ  กาเยน  กายํ
อามสติ    ปรามสติ    ฯเปฯ    คณฺหาติ    ฉุปติ    อาปตฺติ   ทฺวินฺนํ
ทุกฺกฏานํ ฯ
     [๓๘๔]   อิตฺถี   จ   ปณฺฑโก   จ   อุภินฺนํ  อิตฺถีสญฺญี  สารตฺโต
จ   ภิกฺขุ   จ   นํ   อุภินฺนํ  กาเยน  กายํ  อามสติ  ปรามสติ  ฯเปฯ
คณฺหาติ   ฉุปติ   อาปตฺติ   สงฺฆาทิเสเสน   ทุกฺกฏสฺส   ฯ   อิตฺถี   จ
ปณฺฑโก   จ   อุภินฺนํ   เวมติโก   สารตฺโต   จ  ภิกฺขุ  จ  นํ  อุภินฺนํ
กาเยน   กายํ   อามสติ   ปรามสติ   ฯเปฯ   คณฺหาติ  ฉุปติ  อาปตฺติ
ถุลฺลจฺจเยน    ทุกฺกฏสฺส    ฯ    อิตฺถี    จ    ปณฺฑโก   จ   อุภินฺนํ
ปณฺฑกสญฺญี   สารตฺโต   จ   ภิกฺขุ   จ   นํ   อุภินฺนํ   กาเยน   กายํ
อามสติ    ปรามสติ    ฯเปฯ    คณฺหาติ    ฉุปติ    อาปตฺติ   ทฺวินฺนํ
ถุลฺลจฺจยานํ   ฯ   อิตฺถี   จ   ปณฺฑโก  จ  อุภินฺนํ  ปุริสสญฺญี  สารตฺโต
จ   ภิกฺขุ   จ   นํ   อุภินฺนํ  กาเยน  กายํ  อามสติ  ปรามสติ  ฯเปฯ
คณฺหาติ    ฉุปติ    อาปตฺติ   ถุลฺลจฺจเยน   ทุกฺกฏสฺส   ฯ   อิตฺถี   จ
ปณฺฑโก   จ   อุภินฺนํ   ติรจฺฉานคตสญฺญี   สารตฺโต   จ   ภิกฺขุ  จ  นํ
อุภินฺนํ   กาเยน   กายํ   อามสติ   ปรามสติ   ฯเปฯ   คณฺหาติ  ฉุปติ
อาปตฺติ ถุลฺลจฺจเยน ทุกฺกฏสฺส ฯ
     {๓๘๔.๑}   อิตฺถี  จ  ปุริโส  จ  อุภินฺนํ  อิตฺถีสญฺญี  สารตฺโต  จ
ภิกฺขุ   จ   นํ   อุภินฺนํ   กาเยน   กายํ   อามสติ   ปรามสติ  ฯเปฯ
คณฺหาติ     ฉุปติ     อาปตฺติ     สงฺฆาทิเสเสน     ทุกฺกฏสฺส     ฯ
อิตฺถี   จ   ปุริโส   จ   อุภินฺนํ  เวมติโก  สารตฺโต  จ  ภิกฺขุ  จ  นํ
อุภินฺนํ   กาเยน   กายํ   อามสติ   ปรามสติ   ฯเปฯ   คณฺหาติ  ฉุปติ
อาปตฺติ   ถุลฺลจฺจเยน   ทุกฺกฏสฺส   ฯ   อิตฺถี   จ   ปุริโส  จ  อุภินฺนํ
ปณฺฑกสญฺญี   สารตฺโต   จ   ภิกฺขุ   จ   นํ   อุภินฺนํ   กาเยน   กายํ
อามสติ    ปรามสติ   ฯเปฯ   คณฺหาติ   ฉุปติ   อาปตฺติ   ถุลฺลจฺจเยน
ทุกฺกฏสฺส   ฯ   อิตฺถี   จ   ปุริโส   จ   อุภินฺนํ   ปุริสสญฺญี  สารตฺโต
จ   ภิกฺขุ   จ   นํ   อุภินฺนํ  กาเยน  กายํ  อามสติ  ปรามสติ  ฯเปฯ
คณฺหาติ    ฉุปติ    อาปตฺติ   ถุลฺลจฺจเยน   ทุกฺกฏสฺส   ฯ   อิตฺถี   จ
ปุริโส   จ   อุภินฺนํ   ติรจฺฉานคตสญฺญี   สารตฺโต   จ   ภิกฺขุ   จ  นํ
อุภินฺนํ   กาเยน   กายํ   อามสติ   ปรามสติ   ฯเปฯ   คณฺหาติ  ฉุปติ
อาปตฺติ ถุลฺลจฺจเยน ทุกฺกฏสฺส ฯ
     {๓๘๔.๒}   อิตฺถี  จ  ติรจฺฉานคโต  จ อุภินฺนํ อิตฺถีสญฺญี สารตฺโต จ
ภิกฺขุ  จ  นํ  อุภินฺนํ  กาเยน  กายํ อามสติ ปรามสติ ฯเปฯ คณฺหาติ ฉุปติ
อาปตฺติ   สงฺฆาทิเสเสน  ทุกฺกฏสฺส  ฯ  อิตฺถีจ  ติรจฺฉานคโต  จ  อุภินฺนํ
เวมติโก  สารตฺโต  จ  ภิกฺขุ  จ นํ อุภินฺนํ กาเยน กายํ อามสติ ปรามสติ
ฯเปฯ   คณฺหาติ   ฉุปติ   อาปตฺติ  ถุลฺลจฺจเยน  ทุกฺกฏสฺส  ฯ  อิตฺถี  จ
ติรจฺฉานคโต   จ   อุภินฺนํ   ปณฺฑกสญฺญี   สารตฺโต   จ   ภิกฺขุ  จ  นํ
อุภินฺนํ   กาเยน   กายํ   อามสติ   ปรามสติ   ฯเปฯ   คณฺหาติ  ฉุปติ
อาปตฺติ   ถุลฺลจฺจเยน   ทุกฺกฏสฺส   ฯ   อิตฺถี   จ   ติรจฺฉานคโต   จ
อุภินฺนํ   ปุริสสญฺญี   สารตฺโต   จ  ภิกฺขุ  จ  นํ  อุภินฺนํ  กาเยน  กายํ
อามสติ    ปรามสติ   ฯเปฯ   คณฺหาติ   ฉุปติ   อาปตฺติ   ถุลฺลจฺจเยน
ทุกฺกฏสฺส   ฯ   อิตฺถี   จ   ติรจฺฉานคโต   จ  อุภินฺนํ  ติรจฺฉานคตสญฺญี
สารตฺโต   จ   ภิกฺขุ  จ  นํ  อุภินฺนํ  กาเยน  กายํ  อามสติ  ปรามสติ
ฯเปฯ คณฺหาติ ฉุปติ อาปตฺติ ถุลฺลจฺจเยน ทุกฺกฏสฺส ฯ
     {๓๘๔.๓}   ปณฺฑโก  จ  ปุริโส  จ  อุภินฺนํ  ปณฺฑกสญฺญี  สารตฺโต
จ  ภิกฺขุ  จ  นํ  อุภินฺนํ  กาเยน  กายํ  อามสติ ปรามสติ ฯเปฯ คณฺหาติ
ฉุปติ   อาปตฺติ   ถุลฺลจฺจเยน   ทุกฺกฏสฺส   ฯ   ปณฺฑโก  จ  ปุริโส  จ
อุภินฺนํ   เวมติโก   ฯเปฯ   อาปตฺติ   ทฺวินฺนํ   ทุกฺกฏานํ   ฯ  ปณฺฑโก
จ   ปุริโส   จ   อุภินฺนํ   ปุริสสญฺญี   ฯเปฯ   ปณฺฑโก  จ  ปุริโส  จ
อุภินฺนํ   ติรจฺฉานคตสญฺญี   ฯเปฯ   ปณฺฑโก   จ   ปุริโส   จ   อุภินฺนํ
อิตฺถีสญฺญี    สารตฺโต   จ   ภิกฺขุ   จ   นํ   อุภินฺนํ   กาเยน   กายํ
อามสติ    ปรามสติ    ฯเปฯ    คณฺหาติ    ฉุปติ    อาปตฺติ   ทฺวินฺนํ
ทุกฺกฏานํ ฯ
     {๓๘๔.๔}   ปณฺฑโก   จ   ติรจฺฉานคโต   จ  อุภินฺนํ  ปณฺฑกสญฺญี
สารตฺโต   จ   ภิกฺขุ  จ  นํ  อุภินฺนํ  กาเยน  กายํ  อามสติ  ปรามสติ
ฯเปฯ    คณฺหาติ    ฉุปติ    อาปตฺติ    ถุลฺลจฺจเยน    ทุกฺกฏสฺส   ฯ
ปณฺฑโก   จ   ติรจฺฉานคโต   จ   อุภินฺนํ   เวมติโก   ฯเปฯ  ปณฺฑโก
จ    ติรจฺฉานคโต    จ    อุภินฺนํ   ปุริสสญฺญี   ฯเปฯ   ปณฺฑโก   จ
ติรจฺฉานคโต    จ    อุภินฺนํ   ติรจฺฉานคตสญฺญี   ฯเปฯ   ปณฺฑโก   จ
ติรจฺฉานคโต   จ   อุภินฺนํ   อิตฺถีสญฺญี   สารตฺโต   จ   ภิกฺขุ   จ  นํ
อุภินฺนํ   กาเยน   กายํ   อามสติ   ปรามสติ   ฯเปฯ   คณฺหาติ  ฉุปติ
อาปตฺติ ทฺวินฺนํ ทุกฺกฏานํ ฯ
     {๓๘๔.๕}   ปุริโส  จ  ติรจฺฉานคโต  จ  อุภินฺนํ ปุริสสญฺญี สารตฺโต
จ  ภิกฺขุ  จ  นํ  อุภินฺนํ  กาเยน  กายํ  อามสติ ปรามสติ ฯเปฯ คณฺหาติ
ฉุปติ  อาปตฺติ  ทฺวินฺนํ  ทุกฺกฏานํ  ฯ  ปุริโส  จ  ติรจฺฉานคโต  จ อุภินฺนํ
เวมติโก   ฯเปฯ  ปุริโส  จ  ติรจฺฉานคโต  จ  อุภินฺนํ  ติรจฺฉานคตสญฺญี
ฯเปฯ  ปุริโส  จ  ติรจฺฉานคโต  จ  อุภินฺนํ  อิตฺถีสญฺญี  ฯเปฯ  ปุริโส จ
ติรจฺฉานคโต  จ  อุภินฺนํ  ปณฺฑกสญฺญี  สารตฺโต  จ  ภิกฺขุ  จ  นํ  อุภินฺนํ
กาเยน   กายํ   อามสติ   ปรามสติ   ฯเปฯ   คณฺหาติ  ฉุปติ  อาปตฺติ
ทฺวินฺนํ ทุกฺกฏานํ ๑- ฯ
     [๓๘๕]   อิตฺถี  จ  โหติ  อิตฺถีสญฺญี  สารตฺโต จ ภิกฺขุ จ นํ อิตฺถิยา
กาเยน    กายปฏิพทฺธํ   อามสติ   ปรามสติ   ฯเปฯ   คณฺหาติ   ฉุปติ
อาปตฺติ ถุลฺลจฺจยสฺส ฯ
     {๓๘๕.๑}   เทฺว  อิตฺถิโย  ทฺวินฺนํ  อิตฺถีสญฺญี สารตฺโต จ ภิกฺขุ จ นํ
ทฺวินฺนํ  อิตฺถีนํ  กาเยน  กายปฏิพทฺธํ  อามสติ  ปรามสติ  ฯเปฯ  คณฺหาติ
ฉุปติ อาปตฺติ ทฺวินฺนํ ถุลฺลจฺจยานํ ฯ
     {๓๘๕.๒}   อิตฺถี  จ  ปณฺฑโก  จ  อุภินฺนํ  อิตฺถีสญฺญี  สารตฺโต  จ
ภิกฺขุ   จ   นํ  อุภินฺนํ  กาเยน  กายปฏิพทฺธํ  อามสติ  ปรามสติ  ฯเปฯ
คณฺหาติ ฉุปติ อาปตฺติ ถุลฺลจฺจเยน ทุกฺกฏสฺส ฯ
     {๓๘๕.๓}   อิตฺถี  จ  โหติ อิตฺถีสญฺญี สารตฺโต จ ภิกฺขุ จ นํ อิตฺถิยา
กายปฏิพทฺเธน    กายํ   อามสติ   ปรามสติ   ฯเปฯ   คณฺหาติ   ฉุปติ
@เชิงอรรถ:  อิโต ปรํ ยุ. ม. โปตฺถเกสุ ทุมูลกนฺติ ทิสฺสติ ฯ
อาปตฺติ ถุลฺลจฺจยสฺส ฯ
     {๓๘๕.๔}   เทฺว   อิตฺถิโย   ทฺวินฺนํ  อิตฺถีนํ  อิตฺถีสญฺญี  สารตฺโต
จ   ภิกฺขุ   จ   นํ   ทฺวินฺนํ   อิตฺถีนํ   กายปฏิพทฺเธน   กายํ  อามสติ
ปรามสติ ฯเปฯ คณฺหาติ ฉุปติ อาปตฺติ ทฺวินฺนํ ถุลฺลจฺจยานํ ฯ
     {๓๘๕.๕}   อิตฺถี   จ   ปณฺฑโก  จ  อุภินฺนํ  อิตฺถีสญฺญี  สารตฺโต
จ   ภิกฺขุ   จ   นํ   อุภินฺนํ   กายปฏิพทฺเธน  กายํ  อามสติ  ปรามสติ
ฯเปฯ คณฺหาติ ฉุปติ อาปตฺติ ถุลฺลจฺจเยน ทุกฺกฏสฺส ฯ
     {๓๘๕.๖}   อิตฺถี  จ  โหติ อิตฺถีสญฺญี สารตฺโต จ ภิกฺขุ จ นํ อิตฺถิยา
กายปฏิพทฺเธน    กายปฏิพทฺธํ    อามสติ   ปรามสติ   ฯเปฯ   คณฺหาติ
ฉุปติ อาปตฺติ ทุกฺกฏสฺส ฯ
     {๓๘๕.๗}   เทฺว   อิตฺถิโย   ทฺวินฺนํ  อิตฺถีนํ  อิตฺถีสญฺญี  สารตฺโต
จ   ภิกฺขุ   จ  นํ  ทฺวินฺนํ  อิตฺถีนํ  กายปฏิพทฺเธน  กายปฏิพทฺธํ  อามสติ
ปรามสติ ฯเปฯ คณฺหาติ ฉุปติ อาปตฺติ ทฺวินฺนํ ทุกฺกฏานํ ฯ
     {๓๘๕.๘}   อิตฺถี   จ   ปณฺฑโก  จ  อุภินฺนํ  อิตฺถีสญฺญี  สารตฺโต
จ    ภิกฺขุ   จ   นํ   อุภินฺนํ   กายปฏิพทฺเธน   กายปฏิพทฺธํ   อามสติ
ปรามสติ ฯเปฯ คณฺหาติ ฉุปติ อาปตฺติ ทฺวินฺนํ ทุกฺกฏานํ ฯ
     {๓๘๕.๙}   อิตฺถี  จ  โหติ อิตฺถีสญฺญี สารตฺโต จ ภิกฺขุ จ นํ อิตฺถิยา
นิสฺสคฺคิเยน กายํ อามสติ ปรามสติ ๑- อาปตฺติ ทุกฺกฏสฺส ฯ
     {๓๘๕.๑๐}   เทฺว  อิตฺถิโย  ทฺวินฺนํ  อิตฺถีนํ  อิตฺถีสญฺญี  สารตฺโต จ
ภิกฺขุ  จ  นํ  ทฺวินฺนํ  อิตฺถีนํ  นิสฺสคฺคิเยน  กายํ อามสติ ปรามสติ อาปตฺติ
@เชิงอรรถ:  ยุ. โปตฺถเก อยํ ปาโฐ น ทิสฺสติ ฯ เอวํ สพฺพสฺมึ อีทิเส ฐาเน ทฏฺฐพฺพํ ฯ
ทฺวินฺนํ ทุกฺกฏานํ ฯ
     {๓๘๕.๑๑}   อิตฺถี  จ  ปณฺฑโก  จ  อุภินฺนํ  อิตฺถีสญฺญี  สารตฺโต จ
ภิกฺขุ  จ  นํ  อุภินฺนํ  นิสฺสคฺคิเยน  กายํ  อามสติ ปรามสติ อาปตฺติ ทฺวินฺนํ
ทุกฺกฏานํ ฯ
     {๓๘๕.๑๒}   อิตฺถี  จ โหติ อิตฺถีสญฺญี สารตฺโต จ ภิกฺขุ จ นํ อิตฺถิยา
นิสฺสคฺคิเยน กายปฏิพทฺธํ อามสติ ปรามสติ อาปตฺติ ทุกฺกฏสฺส ฯ
     {๓๘๕.๑๓}   เทฺว  อิตฺถิโย  ทฺวินฺนํ  อิตฺถีนํ  อิตฺถีสญฺญี  สารตฺโต จ
ภิกฺขุ  จ  นํ  ทฺวินฺนํ  อิตฺถีนํ  นิสฺสคฺคิเยน  กายปฏิพทฺธํ  อามสติ ปรามสติ
อาปตฺติ ทฺวินฺนํ ทุกฺกฏานํ ฯ
     {๓๘๕.๑๔}   อิตฺถี  จ  ปณฺฑโก จ อุภินฺนํ อิตฺถีสญฺญี สารตฺโต จ ภิกฺขุ
จ   นํ   อุภินฺนํ   นิสฺสคฺคิเยน  กายปฏิพทฺธํ  อามสติ  ปรามสติ  อาปตฺติ
ทฺวินฺนํ ทุกฺกฏานํ ฯ
     {๓๘๕.๑๕}   อิตฺถี  จ โหติ อิตฺถีสญฺญี สารตฺโต จ ภิกฺขุ จ นํ อิตฺถิยา
นิสฺสคฺคิเยน นิสฺสคฺคิยํ อามสติ ปรามสติ อาปตฺติ ทุกฺกฏสฺส ฯ
     {๓๘๕.๑๖}   เทฺว  อิตฺถิโย ทฺวินฺนํ อิตฺถีนํ อิตฺถีสญฺญี สารตฺโต จ ภิกฺขุ
จ  นํ  ทฺวินฺนํ  อิตฺถีนํ  นิสฺสคฺคิเยน  นิสฺสคฺคิยํ  อามสติ  ปรามสติ อาปตฺติ
ทฺวินฺนํ ทุกฺกฏานํ ฯ
     {๓๘๕.๑๗}   อิตฺถี  จ  ปณฺฑโก  จ  อุภินฺนํ  อิตฺถีสญฺญี  สารตฺโต จ
ภิกฺขุ  จ  นํ  อุภินฺนํ  นิสฺสคฺคิเยน  นิสฺสคฺคิยํ  อามสติ  ปรามสติ  อาปตฺติ
ทฺวินฺนํ ทุกฺกฏานํ ฯ
                           ภิกฺขุเปยฺยาโล นิฏฺฐิโต ฯ
     [๓๘๖]   อิตฺถี   จ  โหติ  อิตฺถีสญฺญี  สารตฺโต  จ  อิตฺถี  จ  นํ
ภิกฺขุสฺส    กาเยน    กายํ    อามสติ   ปรามสติ   โอมสติ   อุมฺมสติ
โอลงฺเฆติ     อุลฺลงฺเฆติ     อากฑฺฒติ     ปฏิกฑฺฒติ     อภินิคฺคณฺหาติ
อภินิปฺปีเฬติ   คณฺหาติ   ฉุปติ   เสวนาธิปฺปาโย  กาเยน  วายมติ  ผสฺสํ
ปฏิวิชานาติ อาปตฺติ สงฺฆาทิเสสสฺส ฯ
     {๓๘๖.๑}   เทฺว อิตฺถิโย ทฺวินฺนํ อิตฺถีนํ อิตฺถีสญฺญี สารตฺโต จ อิตฺถิโย
จ  นํ  ภิกฺขุสฺส  กาเยน  กายํ  อามสนฺติ  ปรามสนฺติ  โอมสนฺติ อุมฺมสนฺติ
โอลงฺเฆนฺติ    อุลฺลงฺเฆนฺติ    อากฑฺฒนฺติ    ปฏิกฑฺฒนฺติ    อภินิคฺคณฺหนฺติ
อภินิปฺปีเฬนฺติ    คณฺหนฺติ   ฉุปนฺติ   เสวนาธิปฺปาโย   กาเยน   วายมติ
ผสฺสํ ปฏิวิชานาติ อาปตฺติ ทฺวินฺนํ สงฺฆาทิเสสานํ ฯ
     {๓๘๖.๒}   อิตฺถี  จ  ปณฺฑโก  จ อุภินฺนํ อิตฺถีสญฺญี สารตฺโต จ อุโภ
จ   นํ   ภิกฺขุสฺส  กาเยน  กายํ  อามสนฺติ  ปรามสนฺติ  ฯเปฯ  คณฺหนฺติ
ฉุปนฺติ   เสวนาธิปฺปาโย   กาเยน  วายมติ  ผสฺสํ  ปฏิวิชานาติ  อาปตฺติ
สงฺฆาทิเสเสน ทุกฺกฏสฺส ฯ
     {๓๘๖.๓}   อิตฺถี  จ  โหติ อิตฺถีสญฺญี สารตฺโต จ อิตฺถี จ นํ ภิกฺขุสฺส
กาเยน  กายปฏิพทฺธํ อามสติ ปรามสติ ฯเปฯ คณฺหาติ ฉุปติ เสวนาธิปฺปาโย
กาเยน วายมติ ผสฺสํ ปฏิวิชานาติ อาปตฺติ ถุลฺลจฺจยสฺส ฯ
     {๓๘๖.๔}   เทฺว อิตฺถิโย ทฺวินฺนํ อิตฺถีนํ อิตฺถีสญฺญี สารตฺโต จ อิตฺถิโย
จ  นํ  ภิกฺขุสฺส  กาเยน  กายปฏิพทฺธํ  อามสนฺติ ปรามสนฺติ ฯเปฯ คณฺหนฺติ
ฉุปนฺติ  เสวนาธิปฺปาโย  กาเยน  วายมติ ผสฺสํ ปฏิวิชานาติ อาปตฺติ ทฺวินฺนํ
ถุลฺลจฺจยานํ ฯ
     {๓๘๖.๕}   อิตฺถี  จ ปณฺฑโก จ อุภินฺนํ อิตฺถีสญฺญี สารตฺโต จ อุโภ จ
นํ  ภิกฺขุสฺส  กาเยน  กายปฏิพทฺธํ  อามสนฺติ  ปรามสนฺติ  ฯเปฯ  คณฺหนฺติ
ฉุปนฺติ   เสวนาธิปฺปาโย   กาเยน  วายมติ  ผสฺสํ  ปฏิวิชานาติ  อาปตฺติ
ถุลฺลจฺจเยน ทุกฺกฏสฺส ฯ
     {๓๘๖.๖}   อิตฺถี  จ  โหติ อิตฺถีสญฺญี สารตฺโต จ อิตฺถี จ นํ ภิกฺขุสฺส
กายปฏิพทฺเธน    กายํ   อามสติ   ปรามสติ   ฯเปฯ   คณฺหาติ   ฉุปติ
เสวนาธิปฺปาโย    กาเยน    วายมติ    ผสฺสํ   ปฏิวิชานาติ   อาปตฺติ
ถุลฺลจฺจยสฺส ฯ
     {๓๘๖.๗}   เทฺว   อิตฺถิโย   ทฺวินฺนํ  อิตฺถีนํ  อิตฺถีสญฺญี  สารตฺโต
จ  อิตฺถิโย  จ  นํ  ภิกฺขุสฺส  กายปฏิพทฺเธน  กายํ  อามสนฺติ  ปรามสนฺติ
ฯเปฯ   คณฺหนฺติ   ฉุปนฺติ   เสวนาธิปฺปาโย   กาเยน   วายมติ   ผสฺสํ
ปฏิวิชานาติ อาปตฺติ ทฺวินฺนํ ถุลฺลจฺจยานํ ฯ
     {๓๘๖.๘}   อิตฺถี   จ   ปณฺฑโก  จ  อุภินฺนํ  อิตฺถีสญฺญี  สารตฺโต
จ  อุโภ  จ  นํ  ภิกฺขุสฺส  กายปฏิพทฺเธน กายํ อามสนฺติ ปรามสนฺติ ฯเปฯ
คณฺหนฺติ   ฉุปนฺติ   เสวนาธิปฺปาโย  กาเยน  วายมติ  ผสฺสํ  ปฏิวิชานาติ
อาปตฺติ ถุลฺลจฺจเยน ทุกฺกฏสฺส ฯ
     {๓๘๖.๙}   อิตฺถี  จ  โหติ อิตฺถีสญฺญี สารตฺโต จ อิตฺถี จ นํ ภิกฺขุสฺส
กายปฏิพทฺเธน    กายปฏิพทฺธํ    อามสติ   ปรามสติ   ฯเปฯ   คณฺหาติ
ฉุปติ   เสวนาธิปฺปาโย   กาเยน   วายมติ  ผสฺสํ  ปฏิวิชานาติ  อาปตฺติ
ทุกฺกฏสฺส ฯ
     {๓๘๖.๑๐}   เทฺว   อิตฺถิโย  ทฺวินฺนํ  อิตฺถีนํ  อิตฺถีสญฺญี  สารตฺโต
จ   อิตฺถิโย   จ   นํ   ภิกฺขุสฺส  กายปฏิพทฺเธน  กายปฏิพทฺธํ  อามสนฺติ
ปรามสนฺติ    ฯเปฯ    คณฺหนฺติ    ฉุปนฺติ    เสวนาธิปฺปาโย   กาเยน
วายมติ ผสฺสํ ปฏิวิชานาติ อาปตฺติ ทฺวินฺนํ ทุกฺกฏานํ ฯ
     {๓๘๖.๑๑}   อิตฺถี  จ  ปณฺฑโก จ อุภินฺนํ อิตฺถีสญฺญี สารตฺโต จ อุโภ
จ  นํ  ภิกฺขุสฺส  กายปฏิพทฺเธน  กายปฏิพทฺธํ  อามสนฺติ  ปรามสนฺติ ฯเปฯ
คณฺหนฺติ   ฉุปนฺติ   เสวนาธิปฺปาโย  กาเยน  วายมติ  ผสฺสํ  ปฏิวิชานาติ
อาปตฺติ ทฺวินฺนํ ทุกฺกฏานํ ฯ
     {๓๘๖.๑๒}   อิตฺถี  จ  โหติ  อิตฺถีสญฺญี  สารตฺโต  จ  อิตฺถี  จ นํ
ภิกฺขุสฺส    นิสฺสคฺคิเยน    กายํ   อามสติ   ปรามสติ   เสวนาธิปฺปาโย
กาเยน วายมติ ผสฺสํ ปฏิวิชานาติ อาปตฺติ ทุกฺกฏสฺส ฯ
     {๓๘๖.๑๓}   เทฺว อิตฺถิโย ทฺวินฺนํ อิตฺถีนํ อิตฺถีสญฺญี สารตฺโต จ อิตฺถิโย
จ  นํ  ภิกฺขุสฺส  นิสฺสคฺคิเยน  กายํ  อามสนฺติ  ปรามสนฺติ เสวนาธิปฺปาโย
กาเยน วายมติ ผสฺสํ ปฏิวิชานาติ อาปตฺติ ทฺวินฺนํ ทุกฺกฏานํ ฯ
     {๓๘๖.๑๔}   อิตฺถี  จ  ปณฺฑโก จ อุภินฺนํ อิตฺถีสญฺญี สารตฺโต จ อุโภ
จ  นํ  ภิกฺขุสฺส  นิสฺสคฺคิเยน  กายํ  อามสนฺติ  ปรามสนฺติ เสวนาธิปฺปาโย
กาเยน วายมติ ผสฺสํ ปฏิวิชานาติ อาปตฺติ ทฺวินฺนํ ทุกฺกฏานํ ฯ
     {๓๘๖.๑๕}   อิตฺถี จ โหติ อิตฺถีสญฺญี สารตฺโต จ  อิตฺถี จ นํ ภิกฺขุสฺส
นิสฺสคฺคิเยน   กายปฏิพทฺธํ   อามสติ  ปรามสติ  เสวนาธิปฺปาโย  กาเยน
วายมติ ผสฺสํ ปฏิวิชานาติ อาปตฺติ ทุกฺกฏสฺส ฯ
     {๓๘๖.๑๖}   เทฺว  อิตฺถิโย  ทฺวินฺนํ  อิตฺถีนํ  อิตฺถีสญฺญี  สารตฺโต จ
อิตฺถิโย  จ  นํ  ภิกฺขุสฺส  นิสฺสคฺคิเยน  กายปฏิพทฺธํ  อามสนฺติ  ปรามสนฺติ
เสวนาธิปฺปาโย   กาเยน   วายมติ  ผสฺสํ  ปฏิวิชานาติ  อาปตฺติ  ทฺวินฺนํ
ทุกฺกฏานํ ฯ
     {๓๘๖.๑๗}   อิตฺถี   จ  ปณฺฑโก  จ  อุภินฺนํ  อิตฺถีสญฺญี  สารตฺโต
จ    อุโภ   จ   นํ   ภิกฺขุสฺส   นิสฺสคฺคิเยน   กายปฏิพทฺธํ   อามสนฺติ
ปรามสนฺติ    เสวนาธิปฺปาโย   กาเยน   วายมติ   ผสฺสํ   ปฏิวิชานาติ
อาปตฺติ ทฺวินฺนํ ทุกฺกฏานํ ฯ
     {๓๘๖.๑๘}   อิตฺถี  จ  โหติ  อิตฺถีสญฺญี  สารตฺโต  จ  อิตฺถี  จ นํ
ภิกฺขุสฺส       นิสฺสคฺคิเยน      นิสฺสคฺคิยํ      อามสติ      ปรามสติ
เสวนาธิปฺปาโย    กาเยน    วายมติ    ผสฺสํ   ปฏิวิชานาติ   อาปตฺติ
ทุกฺกฏสฺส ฯ
     {๓๘๖.๑๙}   เทฺว   อิตฺถิโย  ทฺวินฺนํ  อิตฺถีนํ  อิตฺถีสญฺญี  สารตฺโต
จ  อิตฺถิโย  จ  นํ  ภิกฺขุสฺส  นิสฺสคฺคิเยน  นิสฺสคฺคิยํ  อามสนฺติ ปรามสนฺติ
เสวนาธิปฺปาโย   กาเยน   วายมติ  ผสฺสํ  ปฏิวิชานาติ  อาปตฺติ  ทฺวินฺนํ
ทุกฺกฏานํ ฯ
     {๓๘๖.๒๐}   อิตฺถี  จ  ปณฺฑโก จ อุภินฺนํ อิตฺถีสญฺญี สารตฺโต จ อุโภ
จ  นํ  ภิกฺขุสฺส  นิสฺสคฺคิเยน นิสฺสคฺคิยํ อามสนฺติ ปรามสนฺติ เสวนาธิปฺปาโย
กาเยน วายมติ ผสฺสํ ปฏิวิชานาติ อาปตฺติ ทฺวินฺนํ ทุกฺกฏานํ ฯ
     [๓๘๗]   เสวนาธิปฺปาโย   กาเยน   วายมติ  ผสฺสํ  ปฏิวิชานาติ
อาปตฺติ  สงฺฆาทิเสสสฺส  ฯ  เสวนาธิปฺปาโย  กาเยน  วายมติ น จ ผสฺสํ
ปฏิวิชานาติ   อาปตฺติ   ทุกฺกฏสฺส   ฯ  เสวนาธิปฺปาโย  น  จ  กาเยน
วายมติ  ผสฺสํ  ปฏิวิชานาติ  อนาปตฺติ  ฯ  เสวนาธิปฺปาโย  น จ กาเยน
วายมติ  น  จ  ผสฺสํ  ปฏิวิชานาติ  อนาปตฺติ  ฯ โมกฺขาธิปฺปาโย กาเยน
วายมติ   ผสฺสํ   ปฏิวิชานาติ   อนาปตฺติ   ฯ  โมกฺขาธิปฺปาโย  กาเยน
วายมติ   น   จ  ผสฺสํ  ปฏิวิชานาติ  อนาปตฺติ  ฯ  โมกฺขาธิปฺปาโย  น
จ   กาเยน  วายมติ  ผสฺสํ  ปฏิวิชานาติ  อนาปตฺติ  ฯ  โมกฺขาธิปฺปาโย
น จ กาเยน วายมติ น จ ผสฺสํ ปฏิวิชานาติ อนาปตฺติ ฯ
     [๓๘๘]   อนาปตฺติ  อสญฺจิจฺจ  อสติยา  อชานนฺตสฺส  อสาทิยนฺตสฺส
อุมฺมตฺตกสฺส ขิตฺตจิตฺตสฺส เวทนฏฺฏสฺส อาทิกมฺมิกสฺสาติ ฯ
     [๓๘๙]   มาตา ธีตา จ ภคินี ๑-                ชายา ยกฺขี จ ปณฺฑโก
                  สุตฺตา มตา ติรจฺฉานา               ทารุธีตลิกาย จ
                  สมฺปีเฬ สงฺกโม ๒- มคฺโค           รุกฺโข นาวา จ รชฺชุ จ
                  ทณฺโฑ ปตฺตํ ๓- ปณาเมสิ          วนฺเท วายมิ นจฺฉุสีติ ฯ
     [๓๙๐]   เตน   โข   ปน   สมเยน   อญฺญตโร  ภิกฺขุ  มาตุยา
มาตุเปเมน   อามสติ   ฯ   ตสฺส  กุกฺกุจฺจํ  อโหสิ  กจฺจิ  นุ  โข  อหํ
สงฺฆาทิเสสํ   อาปตฺตึ  อาปนฺโนติ  ฯ  ภควโต  เอตมตฺถํ  อาโรเจสิ  ฯ
อนาปตฺติ ภิกฺขุ สงฺฆาทิเสสสฺส อาปตฺติ ทุกฺกฏสฺสาติ ฯ
     {๓๙๐.๑}   เตน  โข  ปน สมเยน อญฺญตโร ภิกฺขุ ธีตุยา ธีตุเปเมน
อามสติ  ฯเปฯ  ภคินิยา  ภคินีเปเมน  อามสติ  ฯ  ตสฺส  กุกฺกุจฺจํ อโหสิ
ฯเปฯ  ภควโต  เอตมตฺถํ  อาโรเจสิ  ฯ  อนาปตฺติ  ภิกฺขุ สงฺฆาทิเสสสฺส
อาปตฺติ ทุกฺกฏสฺสาติ ฯ
     [๓๙๑]   เตน  โข  ปน  สมเยน  อญฺญตโร  ภิกฺขุ  ปุราณทุติยิกาย
กายสํสคฺคํ  สมาปชฺชิ  ฯ  ตสฺส  กุกฺกุจฺจํ  อโหสิ  ฯเปฯ อาปตฺตึ ตฺวํ ภิกฺขุ
อาปนฺโน สงฺฆาทิเสสนฺติ ฯ
     {๓๙๑.๑}   เตน โข ปน สมเยน อญฺญตโร ภิกฺขุ ยกฺขินิยา กายสํสคฺคํ
สมาปชฺชิ  ฯ  ตสฺส  กุกฺกุจฺจํ  อโหสิ  ฯเปฯ อนาปตฺติ ภิกฺขุ สงฺฆาทิเสสสฺส
อาปตฺติ   ถุลฺลจฺจยสฺสาติ  ฯ   เตน  โข  ปน  สมเยน  อญฺญตโร  ภิกฺขุ
ปณฺฑกสฺส    กายสํสคฺคํ    สมาปชฺชิ    ฯ    ตสฺส    กุกฺกุจฺจํ   อโหสิ
@เชิงอรรถ:  ยุ. ม. มาตา ธีตา ภคินี จ ฯ  รา. สงฺกเม ฯ  รา. ปตฺเตน ฯ
ฯเปฯ   อนาปตฺติ   ภิกฺขุ   สงฺฆาทิเสสสฺส   อาปตฺติ  ถุลฺลจฺจยสฺสาติ  ฯ
เตน   โข   ปน   สมเยน   อญฺญตโร   ภิกฺขุ   สุตฺติตฺถิยา  กายสํสคฺคํ
สมาปชฺชิ   ฯ   ตสฺส   กุกฺกุจฺจํ   อโหสิ   ฯเปฯ   อาปตฺตึ  ตฺวํ  ภิกฺขุ
อาปนฺโน   สงฺฆาทิเสสนฺติ   ฯ   เตน   โข   ปน   สมเยน  อญฺญตโร
ภิกฺขุ  มติตฺถิยา  กายสํสคฺคํ  สมาปชฺชิ  ฯ  ตสฺส  กุกฺกุจฺจํ  อโหสิ  ฯเปฯ
อนาปตฺติ ภิกฺขุ สงฺฆาทิเสสสฺส อาปตฺติ ถุลฺลจฺจยสฺสาติ ฯ
     {๓๙๑.๒}   เตน  โข  ปน สมเยน อญฺญตโร ภิกฺขุ ติรจฺฉานคติตฺถิยา
กายสํสคฺคํ  สมาปชฺชิ  ฯ  ตสฺส  กุกฺกุจฺจํ  อโหสิ  ฯเปฯ  อนาปตฺติ  ภิกฺขุ
สงฺฆาทิเสสสฺส   อาปตฺติ   ทุกฺกฏสฺสาติ   ฯ   เตน   โข  ปน  สมเยน
อญฺญตโร    ภิกฺขุ    ทารุธีตลิกาย   กายสํสคฺคํ   สมาปชฺชิ   ฯ   ตสฺส
กุกฺกุจฺจํ   อโหสิ   ฯเปฯ   อนาปตฺติ   ภิกฺขุ   สงฺฆาทิเสสสฺส   อาปตฺติ
ทุกฺกฏสฺสาติ ฯ
     [๓๙๒]   เตน   โข   ปน  สมเยน  สมฺพหุลา  อิตฺถิโย  อญฺญตรํ
ภิกฺขุํ   สมฺปีเฬตฺวา   พาหาปรมฺปราย   เนสุํ  ฯ  ตสฺส  กุกฺกุจฺจํ  อโหสิ
ฯเปฯ   สาทิยสิ   ตฺวํ   ภิกฺขูติ   ฯ   นาหํ   ภควา   สาทิยามีติ   ฯ
อนาปตฺติ ภิกฺขุ อสาทิยนฺตสฺสาติ ฯ
     [๓๙๓]   เตน   โข   ปน   สมเยน   อญฺญตโร  ภิกฺขุ  อิตฺถิยา
อภิรุฬฺหํ   สงฺกมํ   สารตฺโต   สญฺจาเลสิ   ฯ   ตสฺส   กุกฺกุจฺจํ  อโหสิ
ฯเปฯ อนาปตฺติ ภิกฺขุ สงฺฆาทิเสสสฺส อาปตฺติ ทุกฺกฏสฺสาติ ฯ
     [๓๙๔]   เตน  โข  ปน  สมเยน  อญฺญตโร  ภิกฺขุ  อิตฺถึ  ปฏิปเถ
ปสฺสิตฺวา   สารตฺโต   อํสกูเฏน   ปหารํ   อทาสิ   ฯ   ตสฺส  กุกฺกุจฺจํ
อโหสิ ฯเปฯ อาปตฺตึ ตฺวํ ภิกฺขุ อาปนฺโน สงฺฆาทิเสสนฺติ ฯ
     [๓๙๕]   เตน   โข   ปน   สมเยน   อญฺญตโร  ภิกฺขุ  อิตฺถิยา
อภิรุฬฺหํ   รุกฺขํ   สารตฺโต   สญฺจาเลสิ   ฯ   ตสฺส   กุกฺกุจฺจํ   อโหสิ
ฯเปฯ อนาปตฺติ ภิกฺขุ สงฺฆาทิเสสสฺส อาปตฺติ ทุกฺกฏสฺสาติ ฯ
     [๓๙๖]   เตน   โข   ปน   สมเยน   อญฺญตโร  ภิกฺขุ  อิตฺถิยา
อภิรุฬฺหํ   นาวํ   สารตฺโต   สญฺจาเลสิ   ฯ   ตสฺส   กุกฺกุจฺจํ   อโหสิ
ฯเปฯ อนาปตฺติ ภิกฺขุ สงฺฆาทิเสสสฺส อาปตฺติ ทุกฺกฏสฺสาติ ฯ
     [๓๙๗]   เตน  โข  ปน  สมเยน  อญฺญตโร  ภิกฺขุ  อิตฺถิยา  คหิตํ
รชฺชุํ   สารตฺโต   อาวิญฺชิ  ฯ  ตสฺส  กุกฺกุจฺจํ  อโหสิ  ฯเปฯ  อนาปตฺติ
ภิกฺขุ   สงฺฆาทิเสสสฺส   อาปตฺติ   ถุลฺลจฺจยสฺสาติ   ฯ   เตน  โข  ปน
สมเยน   อญฺญตโร   ภิกฺขุ  อิตฺถิยา  คหิตํ  ทณฺฑํ  สารตฺโต  อาวิญฺชิ  ฯ
ตสฺส    กุกฺกุจฺจํ    อโหสิ   ฯเปฯ   อนาปตฺติ   ภิกฺขุ   สงฺฆาทิเสสสฺส
อาปตฺติ ถุลฺลจฺจยสฺสาติ ฯ
     [๓๙๘]   เตน  โข  ปน  สมเยน  อญฺญตโร  ภิกฺขุ  สารตฺโต อิตฺถึ
ปตฺเตน   ปณาเมสิ   ฯ  ตสฺส  กุกฺกุจฺจํ  อโหสิ  ฯเปฯ  อนาปตฺติ  ภิกฺขุ
สงฺฆาทิเสสสฺส อาปตฺติ ถุลฺลจฺจยสฺสาติ ฯ
     {๓๙๘.๑}   เตน  โข ปน สมเยน อญฺญตโร ภิกฺขุ อิตฺถิยา วนฺทนฺติยา
สารตฺโต  ปาทํ  อุจฺจาเรสิ  ฯ  ตสฺส  กุกฺกุจฺจํ  อโหสิ ฯเปฯ อาปตฺตึ ตฺวํ
ภิกฺขุ   อาปนฺโน  สงฺฆาทิเสสนฺติ  ฯ  เตน  โข  ปน  สมเยน  อญฺญตโร
ภิกฺขุ   อิตฺถึ   คเหสฺสามีติ   วายมิตฺวา   น   ฉุปิ   ฯ  ตสฺส  กุกฺกุจฺจํ
อโหสิ   กจฺจิ   นุ   โข   อหํ   สงฺฆาทิเสสํ   อาปตฺตึ  อาปนฺโนติ  ฯ
ภควโต   เอตมตฺถํ   อาโรเจสิ   ฯ   อนาปตฺติ   ภิกฺขุ  สงฺฆาทิเสสสฺส
อาปตฺติ ทุกฺกฏสฺสาติ ฯ
                          ทุติยสงฺฆาทิเสสํ นิฏฺฐิตํ ฯ
                                    ---------


             เนื้อความพระไตรปิฎกฉบับภาษาบาลี อักษรไทย เล่มที่ ๑ หน้าที่ ๒๕๑-๒๗๒. https://84000.org/tipitaka/read/pali_read.php?B=1&A=4953&w=&modeTY=2              อ่านเทียบพระไตรปิฎกฉบับภาษาบาลี อักษรโรมัน :- https://84000.org/tipitaka/read/roman_read.php?B=1&A=4953&modeTY=2              อ่านเทียบพระไตรปิฎกภาษาไทยฉบับหลวง :- https://84000.org/tipitaka/read/byitem.php?book=1&item=377&items=22              อ่านเทียบพระไตรปิฎกฉบับมหาจุฬาฯ :- https://84000.org/tipitaka/pitaka_item/m_siri.php?B=1&siri=39              ศึกษาอรรถกถานี้ได้ที่ :- https://84000.org/tipitaka/attha/attha.php?b=1&i=375              อ่านอรรถกถาภาษาบาลีอักษรไทย :- https://84000.org/tipitaka/atthapali/read_th.php?B=2&A=415              The Pali Atthakatha in Roman :- https://84000.org/tipitaka/atthapali/read_rm.php?B=2&A=415              สารบัญพระไตรปิฎกเล่มที่ ๑ https://84000.org/tipitaka/read/?index_1 https://84000.org/tipitaka/english/?index_1

อ่านหน้า[ต่าง] แรกอ่านหน้า[ต่าง] ที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหน้า[ต่าง] ถัดไปอ่านหน้า[ต่าง] สุดท้าย คลิกเพื่อเปลี่ยน ฐญ เป็นแบบดั้งเดิม

บันทึก ๖ ธันวาคม พ.ศ. ๒๕๕๙. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรไทย. หากพบข้อผิดพลาด กรุณาแจ้งได้ที่ [email protected]