พระไตรปิฎกเล่มที่ ๑ ภาษาบาลี อักษรไทย
 พระวินัยปิฎกเล่มที่ ๑ วินย. มหาวิภงฺโค (๑)

     [๙๐]   ภุมฺมฏฺ  ถลฏฺ  อากาสฏฺ  เวหาสฏฺ  อุทกฏฺ  นาวฏฺ
ยานฏฺ   ภารฏฺ   อารามฏฺ   วิหารฏฺ   เขตฺตฏฺ  วตฺถุฏฺ  คามฏฺ
อรญฺฏฺ    อุทกํ    ทนฺตโปณํ    วนปฺปติ   หรณกํ   อุปนิธิ   สุงฺกฆาตํ
ปาโณ    อปทํ    ทฺวิปทํ    จตุปฺปทํ   พหุปฺปทํ   โอจรโก   โอณิรกฺโข
สํวิธาวหาโร สงฺเกตกมฺมํ นิมิตฺตกมฺมนฺติ ฯ
     [๙๑]   ภุมฺมฏฺ  นาม  ภณฺฑํ  ภูมิยํ  นิกฺขิตฺตํ  โหติ ๑- ปฏิจฺฉนฺนํ ฯ
ภุมฺมฏฺ    ภณฺฑํ   อวหริสฺสามีติ   เถยฺยจิตฺโต   ทุติยํ   วา   ปริเยสติ
กุทฺทาลํ   วา  ปิฏกํ  วา  ปริเยสติ  คจฺฉติ  วา  อาปตฺติ  ทุกฺกฏสฺส  ฯ
ตตฺถ   ชาตกํ   กฏฺ   วา   ลตํ   วา  ฉินฺทติ  อาปตฺติ  ทุกฺกฏสฺส  ฯ
ปํสุํ   ขณติ  วา  วิยูหติ  ๒-  วา  อุทฺธรติ  วา  อาปตฺติ  ทุกฺกฏสฺส  ฯ
กุมฺภึ    อามสติ    อาปตฺติ    ทุกฺกฏสฺส    ฯ    ผนฺทาเปติ   อาปตฺติ
ถุลฺลจฺจยสฺส   ฯ   านา   จาเวติ   อาปตฺติ  ปาราชิกสฺส  ฯ  อตฺตโน
ภาชนํ   ปเวเสตฺวา   ปญฺจมาสกํ   วา  อติเรกปญฺจมาสกํ  วา  อคฺฆนกํ
เถยฺยจิตฺโต   อามสติ   อาปตฺติ   ทุกฺกฏสฺส   ฯ   ผนฺทาเปติ   อาปตฺติ
ถุลฺลจฺจยสฺส   ฯ   อตฺตโน   ภาชนคตํ   วา  กโรติ  มุฏฺึ  วา  ฉินฺทติ
อาปตฺติ  ปาราชิกสฺส  ฯ  สุตฺตารูฬฺหํ  ภณฺฑํ  ๓-  ปามงฺคํ  วา กณฺสุตฺตกํ
@เชิงอรรถ: ๑ อิโต ปรํ ยุโรปิยมรมฺมโปตฺถเกสุ นิขาตนฺติปิ อตฺถิ ฯ ๒ ยุ. วฺยูหติ
@ม. รา. พฺยูหติ ฯ ๓ อิโต ปรํ ยุโรปิยโปตฺถเก วาสทฺโท ทิสฺสติ ฯ
---------------------------------------------------------------------------------------------
หน้าที่ ๘๘.
วา  ๑-  กฏิสุตฺตกํ  วา  สาฏกํ  วา  เวนํ  วา  เถยฺยจิตฺโต  อามสติ
อาปตฺติ   ทุกฺกฏสฺส   ฯ   ผนฺทาเปติ   อาปตฺติ  ถุลฺลจฺจยสฺส  ฯ  โกฏิยํ
คเหตฺวา    อุจฺจาเรติ   อาปตฺติ   ถุลฺลจฺจยสฺส   ฯ   ฆํสนฺโต   นิหรติ
อาปตฺติ    ถุลฺลจฺจยสฺส    ฯ    อนฺตมโส    เกสคฺคมตฺตมฺปิ   กุมฺภีมุขา
โมเจติ  อาปตฺติ  ปาราชิกสฺส  ฯ  สปฺปึ  วา  เตลํ  วา  มธุํ วา ผาณิตํ
วา   ปญฺจมาสกํ   วา   อติเรกปญฺจมาสกํ   วา   อคฺฆนกํ  เถยฺยจิตฺโต
เอเกน  ปโยเคน  ปิวติ  อาปตฺติ  ปาราชิกสฺส  ฯ  ตตฺเถว  ภินฺทติ  วา
ฉฑฺเฑติ วา ฌาเปติ วา อปริโภคํ วา กโรติ อาปตฺติ ทุกฺกฏสฺส ฯ
     [๙๒]   ถลฏฺ   นาม   ภณฺฑํ   ถเล  นิกฺขิตฺตํ  โหติ  ฯ  ถลฏฺ
ภณฺฑํ    อวหริสฺสามีติ    เถยฺยจิตฺโต   ทุติยํ   วา   ปริเยสติ   คจฺฉติ
วา    อาปตฺติ    ทุกฺกฏสฺส    ฯ   อามสติ   อาปตฺติ   ทุกฺกฏสฺส   ฯ
ผนฺทาเปติ    อาปตฺติ    ถุลฺลจฺจยสฺส   ฯ   านา   จาเวติ   อาปตฺติ
ปาราชิกสฺส ฯ
     [๙๓]   อากาสฏฺ   นาม   ภณฺฑํ  อากาสคตํ  โหติ  โมโร  วา
กปิญฺชโร   วา   ติตฺติโร   วา  วฏฺฏโก  วา  สาฏกํ  วา  เวนํ  วา
หิรญฺ   วา   สุวณฺณํ   วา   ฉิชฺชมานํ   ปตติ   ฯ   อากาสฏฺ  ภณฺฑํ
อวหริสฺสามีติ   เถยฺยจิตฺโต   ทุติยํ  วา  ปริเยสติ  คจฺฉติ  วา  อาปตฺติ
@เชิงอรรถ: ๑ อิโต ปรํ ตตฺถ จ มรมฺมโปตฺถเก จ กณฺณสุตฺตกํ วาติ ปาโ
@อตฺถิ ฯ
---------------------------------------------------------------------------------------------
หน้าที่ ๘๙.
ทุกฺกฏสฺส   ฯ   คมนํ   อุปจฺฉินฺทติ   อาปตฺติ   ทุกฺกฏสฺส   ฯ   อามสติ
อาปตฺติ   ทุกฺกฏสฺส   ฯ   ผนฺทาเปติ   อาปตฺติ  ถุลฺลจฺจยสฺส  ฯ  านา
จาเวติ อาปตฺติ ปาราชิกสฺส ฯ
     [๙๔]   เวหาสฏฺ   นาม   ภณฺฑํ  เวหาสคตํ  โหติ  มญฺเจ  วา
ปีเ   วา  จีวรวํเส  วา  จีวรรชฺชุยา  วา  ภิตฺติขีเล  วา  นาคทนฺเต
วา  รุกฺเข  วา  ลคฺคิตํ  โหติ  อนฺตมโส  ปตฺตาธารเกปิ  ฯ  เวหาสฏฺ
ภณฺฑํ   อวหริสฺสามีติ   เถยฺยจิตฺโต   ทุติยํ   วา  ปริเยสติ  คจฺฉติ  วา
อาปตฺติ   ทุกฺกฏสฺส   ฯ   อามสติ   อาปตฺติ   ทุกฺกฏสฺส  ฯ  ผนฺทาเปติ
อาปตฺติ ถุลฺลจฺจยสฺส ฯ านา จาเวติ อาปตฺติ ปาราชิกสฺส ฯ
     [๙๕]   อุทกฏฺ  นาม  ภณฺฑํ  อุทเก  นิกฺขิตฺตํ  โหติ  ฯ  อุทกฏฺ
ภณฺฑํ   อวหริสฺสามีติ   เถยฺยจิตฺโต   ทุติยํ   วา  ปริเยสติ  คจฺฉติ  วา
อาปตฺติ    ทุกฺกฏสฺส    ฯ   นิมุชฺชติ   วา   อุมฺมุชฺชติ   วา   อาปตฺติ
ทุกฺกฏสฺส   ฯ   อามสติ   อาปตฺติ   ทุกฺกฏสฺส   ฯ  ผนฺทาเปติ  อาปตฺติ
ถุลฺลจฺจยสฺส   ฯ   านา   จาเวติ   อาปตฺติ   ปาราชิกสฺส   ฯ  ตตฺถ
ชาตกํ   อุปฺปลํ   วา   ปทุมํ   วา  ปุณฺฑรีกํ  วา  ภิสํ  วา  มจฺฉํ  วา
กจฺฉปํ    วา    ปญฺจมาสกํ    วา   อติเรกปญฺจมาสกํ   วา   อคฺฆนกํ
เถยฺยจิตฺโต   อามสติ   อาปตฺติ   ทุกฺกฏสฺส   ฯ   ผนฺทาเปติ   อาปตฺติ
ถุลฺลจฺจยสฺส ฯ านา จาเวติ อาปตฺติ ปาราชิกสฺส ฯ
     [๙๖]   นาวา  นาม  ยาย  ตรติ  ฯ  นาวฏฺ  นาม ภณฺฑํ นาวาย
นิกฺขิตฺตํ    โหติ    ฯ    นาวฏฺ   ภณฺฑํ   อวหริสฺสามีติ   เถยฺยจิตฺโต
---------------------------------------------------------------------------------------------
หน้าที่ ๙๐.
ทุติยํ   วา   ปริเยสติ   คจฺฉติ   วา   อาปตฺติ  ทุกฺกฏสฺส  ฯ  อามสติ
อาปตฺติ   ทุกฺกฏสฺส   ฯ   ผนฺทาเปติ   อาปตฺติ  ถุลฺลจฺจยสฺส  ฯ  านา
จาเวติ   อาปตฺติ   ปาราชิกสฺส   ฯ   นาวํ  อวหริสฺสามีติ  เถยฺยจิตฺโต
ทุติยํ   วา   ปริเยสติ   คจฺฉติ   วา   อาปตฺติ  ทุกฺกฏสฺส  ฯ  อามสติ
อาปตฺติ   ทุกฺกฏสฺส   ฯ   ผนฺทาเปติ   อาปตฺติ  ถุลฺลจฺจยสฺส  ฯ  พนฺธนํ
โมเจติ    อาปตฺติ    ทุกฺกฏสฺส    ฯ    พนฺธนํ   โมเจตฺวา   อามสติ
อาปตฺติ   ทุกฺกฏสฺส   ฯ   ผนฺทาเปติ   อาปตฺติ   ถุลฺลจฺจยสฺส  ฯ  อุทฺธํ
วา   อโธ   วา   ติริยํ   วา   อนฺตมโส   เกสคฺคมตฺตมฺปิ  สงฺกาเมติ
อาปตฺติ ปาราชิกสฺส ฯ
     [๙๗]   ยานํ  นาม  วยฺหํ  รโถ  สกฏํ  สนฺทมานิกา  ฯ  ยานฏฺ
นาม   ภณฺฑํ   ยาเน   นิกฺขิตฺตํ  โหติ  ฯ  ยานฏฺ  ภณฺฑํ  อวหริสฺสามีติ
เถยฺยจิตฺโต   ทุติยํ   วา  ปริเยสติ  คจฺฉติ  วา  อาปตฺติ  ทุกฺกฏสฺส  ฯ
อามสติ   อาปตฺติ   ทุกฺกฏสฺส   ฯ  ผนฺทาเปติ  อาปตฺติ  ถุลฺลจฺจยสฺส  ฯ
านา    จาเวติ    อาปตฺติ   ปาราชิกสฺส   ฯ   ยานํ   อวหริสฺสามีติ
เถยฺยจิตฺโต     ทุติยํ    วา    ปริเยสติ    คจฺฉติ    วา    อาปตฺติ
ทุกฺกฏสฺส   ฯ   อามสติ   อาปตฺติ   ทุกฺกฏสฺส   ฯ  ผนฺทาเปติ  อาปตฺติ
ถุลฺลจฺจยสฺส ฯ านา จาเวติ อาปตฺติ ปาราชิกสฺส ฯ
     [๙๘]   ภาโร  นาม  สีสภาโร  ขนฺธภาโร  กฏิภาโร โอลมฺพโก ฯ
สีเส   ภารํ   เถยฺยจิตฺโต   อามสติ  อาปตฺติ  ทุกฺกฏสฺส  ฯ  ผนฺทาเปติ
อาปตฺติ   ถุลฺลจฺจยสฺส   ฯ   ขนฺธํ  โอโรเปติ  อาปตฺติ  ปาราชิกสฺส  ฯ
---------------------------------------------------------------------------------------------
หน้าที่ ๙๑.
ขนฺเธ   ภารํ   เถยฺยจิตฺโต  อามสติ  อาปตฺติ  ทุกฺกฏสฺส  ฯ  ผนฺทาเปติ
อาปตฺติ   ถุลฺลจฺจยสฺส   ฯ   กฏึ   โอโรเปติ  อาปตฺติ  ปาราชิกสฺส  ฯ
กฏิยา   ภารํ   เถยฺยจิตฺโต  อามสติ  อาปตฺติ  ทุกฺกฏสฺส  ฯ  ผนฺทาเปติ
อาปตฺติ   ถุลฺลจฺจยสฺส   ฯ   หตฺเถน  คณฺหาติ  อาปตฺติ  ปาราชิกสฺส  ฯ
หตฺเถ   ภารํ   เถยฺยจิตฺโต   ภูมิยํ   นิกฺขิปติ  อาปตฺติ  ปาราชิกสฺส  ฯ
เถยฺยจิตฺโต ภูมิโต คณฺหาติ อาปตฺติ ปาราชิกสฺส ฯ
     [๙๙]   อาราโม   นาม  ปุปฺผาราโม  ผลาราโม  ฯ  อารามฏฺ
นาม    ภณฺฑํ   อาราเม   จตูหิ   าเนหิ   นิกฺขิตฺตํ   โหติ   ภุมฺมฏฺ
ถลฏฺ   อากาสฏฺ   เวหาสฏฺ   ฯ   อารามฏฺ   ภณฺฑํ  อวหริสฺสามีติ
เถยฺยจิตฺโต   ทุติยํ   วา  ปริเยสติ  คจฺฉติ  วา  อาปตฺติ  ทุกฺกฏสฺส  ฯ
อามสติ   อาปตฺติ   ทุกฺกฏสฺส   ฯ  ผนฺทาเปติ  อาปตฺติ  ถุลฺลจฺจยสฺส  ฯ
านา  จาเวติ  อาปตฺติ  ปาราชิกสฺส  ฯ  ตตฺถ  ชาตกํ  มูลํ วา ตจํ วา
ปตฺตํ  วา  ปุปฺผํ  วา  ผลํ  วา  ปญฺจมาสกํ  วา  อติเรกปญฺจมาสกํ  วา
อคฺฆนกํ   เถยฺยจิตฺโต   อามสติ   อาปตฺติ   ทุกฺกฏสฺส   ฯ   ผนฺทาเปติ
อาปตฺติ   ถุลฺลจฺจยสฺส   ฯ   านา   จาเวติ  อาปตฺติ  ปาราชิกสฺส  ฯ
อารามํ   อภิยุญฺชติ   อาปตฺติ  ทุกฺกฏสฺส  ฯ  สามิกสฺส  วิมตึ  อุปฺปาเทติ
อาปตฺติ   ถุลฺลจฺจยสฺส   ฯ   สามิโก  น  มยฺหํ  ภวิสฺสตีติ  ธุรํ  นิกฺขิปติ
อาปตฺติ   ปาราชิกสฺส   ฯ   ธมฺมํ   จรนฺโต  สามิกํ  ปราเชติ  อาปตฺติ
ปาราชิกสฺส ฯ ธมฺมํ จรนฺโต ปรชติ อาปตฺติ ถุลฺลจฺจยสฺส ฯ
---------------------------------------------------------------------------------------------
หน้าที่ ๙๒.
     [๑๐๐]   วิหารฏฺ  นาม  ภณฺฑํ  วิหาเร  จตูหิ  าเนหิ  นิกฺขิตฺตํ
โหติ   ภุมฺมฏฺ   ถลฏฺ   อากาสฏฺ   เวหาสฏฺ   ฯ  วิหารฏฺ  ภณฺฑํ
อวหริสฺสามีติ   เถยฺยจิตฺโต   ทุติยํ  วา  ปริเยสติ  คจฺฉติ  วา  อาปตฺติ
ทุกฺกฏสฺส   ฯ   อามสติ   อาปตฺติ   ทุกฺกฏสฺส   ฯ  ผนฺทาเปติ  อาปตฺติ
ถุลฺลจฺจยสฺส   ฯ   านา   จาเวติ   อาปตฺติ   ปาราชิกสฺส  ฯ  วิหารํ
อภิยุญฺชติ    อาปตฺติ    ทุกฺกฏสฺส    ฯ   สามิกสฺส   วิมตึ   อุปฺปาเทติ
อาปตฺติ   ถุลฺลจฺจยสฺส   ฯ   สามิโก  น  มยฺหํ  ภวิสฺสตีติ  ธุรํ  นิกฺขิปติ
อาปตฺติ   ปาราชิกสฺส   ฯ   ธมฺมํ   จรนฺโต  สามิกํ  ปราเชติ  อาปตฺติ
ปาราชิกสฺส ฯ ธมฺมํ จรนฺโต ปรชติ อาปตฺติ ถุลฺลจฺจยสฺส ฯ
     [๑๐๑]   เขตฺตํ   นาม   ยตฺถ   ปุพฺพณฺณํ   วา   อปรณฺณํ   วา
ชายติ   ฯ   เขตฺตฏฺ   นาม   ภณฺฑํ  เขตฺเต  จตูหิ  าเนหิ  นิกฺขิตฺตํ
โหติ   ภุมฺมฏฺ   ถลฏฺ   อากาสฏฺ   เวหาสฏฺ   ฯ  เขตฺตฏฺ  ภณฺฑํ
อวหริสฺสามีติ   เถยฺยจิตฺโต   ทุติยํ  วา  ปริเยสติ  คจฺฉติ  วา  อาปตฺติ
ทุกฺกฏสฺส   ฯ   อามสติ   อาปตฺติ   ทุกฺกฏสฺส   ฯ  ผนฺทาเปติ  อาปตฺติ
ถุลฺลจฺจยสฺส  ฯ  านา  จาเวติ  อาปตฺติ  ปาราชิกสฺส  ฯ  ตตฺถ  ชาตกํ
ปุพฺพณฺณํ    วา    อปรณฺณํ   วา   ปญฺจมาสกํ   วา   อติเรกปญฺจมาสกํ
วา    อคฺฆนกํ    เถยฺยจิตฺโต    อามสติ    อาปตฺติ    ทุกฺกฏสฺส   ฯ
ผนฺทาเปติ    อาปตฺติ    ถุลฺลจฺจยสฺส   ฯ   านา   จาเวติ   อาปตฺติ
ปาราชิกสฺส    ฯ    เขตฺตํ    อภิยุญฺชติ    อาปตฺติ    ทุกฺกฏสฺส    ฯ
สามิกสฺส    วิมตึ    อุปฺปาเทติ   อาปตฺติ   ถุลฺลจฺจยสฺส   ฯ   สามิโก
---------------------------------------------------------------------------------------------
หน้าที่ ๙๓.
น   มยฺหํ   ภวิสฺสตีติ   ธุรํ   นิกฺขิปติ   อาปตฺติ  ปาราชิกสฺส  ฯ  ธมฺมํ
จรนฺโต   สามิกํ   ปราเชติ   อาปตฺติ   ปาราชิกสฺส  ฯ  ธมฺมํ  จรนฺโต
ปรชติ  อาปตฺติ  ถุลฺลจฺจยสฺส  ฯ  ขีลํ  วา  รชฺชุํ  วา  วตึ  วา มริยาทํ
วา  สงฺกาเมติ  อาปตฺติ  ทุกฺกฏสฺส  ฯ  เอกํ  ปโยคํ  อนาคเต  อาปตฺติ
ถุลฺลจฺจยสฺส ฯ ตสฺมึ ปโยเค อาคเต อาปตฺติ ปาราชิกสฺส ฯ
     [๑๐๒]   วตฺถุ  นาม  อารามวตฺถุ  วิหารวตฺถุ ฯ วตฺถุฏฺ นาม ภณฺฑํ
วตฺถุสฺมึ   จตูหิ   าเนหิ   นิกฺขิตฺตํ   โหติ  ภุมฺมฏฺ  ถลฏฺ  อากาสฏฺ
เวหาสฏฺ   ฯ   วตฺถุฏฺ   ภณฺฑํ  อวหริสฺสามีติ  เถยฺยจิตฺโต  ทุติยํ  วา
ปริเยสติ   คจฺฉติ   วา   อาปตฺติ   ทุกฺกฏสฺส   ฯ   อามสติ   อาปตฺติ
ทุกฺกฏสฺส   ฯ   ผนฺทาเปติ   อาปตฺติ   ถุลฺลจฺจยสฺส  ฯ  านา  จาเวติ
อาปตฺติ   ปาราชิกสฺส   ฯ   วตฺถุํ   อภิยุญฺชติ   อาปตฺติ   ทุกฺกฏสฺส  ฯ
สามิกสฺส   วิมตึ   อุปฺปาเทติ   อาปตฺติ   ถุลฺลจฺจยสฺส   ฯ  สามิโก  น
มยฺหํ   ภวิสฺสตีติ  ธุรํ  นิกฺขิปติ  อาปตฺติ  ปาราชิกสฺส  ฯ  ธมฺมํ  จรนฺโต
สามิกํ   ปราเชติ   อาปตฺติ   ปาราชิกสฺส   ฯ   ธมฺมํ  จรนฺโต  ปรชติ
อาปตฺติ  ถุลฺลจฺจยสฺส  ฯ  ขีลํ  วา  รชฺชุํ  วา  วตึ  วา   ปาการํ  วา
สงฺกาเมติ   อาปตฺติ   ทุกฺกฏสฺส   ฯ   เอกํ  ปโยคํ  อนาคเต  อาปตฺติ
ถุลฺลจฺจยสฺส ฯ ตสฺมึ ปโยเค อาคเต อาปตฺติ ปาราชิกสฺส ฯ
     [๑๐๓]   คามฏฺ   นาม   ภณฺฑํ  คาเม  จตูหิ  าเนหิ  นิกฺขิตฺตํ
---------------------------------------------------------------------------------------------
หน้าที่ ๙๔.
โหติ    ภุมฺมฏฺ    ถลฏฺ    อากาสฏฺ    เวหาสฏฺ    ฯ   คามฏฺ
ภณฺฑํ    อวหริสฺสามีติ    เถยฺยจิตฺโต   ทุติยํ   วา   ปริเยสติ   คจฺฉติ
วา    อาปตฺติ    ทุกฺกฏสฺส    ฯ   อามสติ   อาปตฺติ   ทุกฺกฏสฺส   ฯ
ผนฺทาเปติ    อาปตฺติ    ถุลฺลจฺจยสฺส   ฯ   านา   จาเวติ   อาปตฺติ
ปาราชิกสฺส ฯ
     [๑๐๔]   อรญฺ  นาม  ยํ  มนุสฺสานํ  ปริคฺคหิตํ  โหติ  เอตํ  ๑-
อรญฺ   ฯ   อรญฺฏฺ   นาม   ภณฺฑํ  อรญฺเ  จตูหิ  าเนหิ  นิกฺขิตฺตํ
โหติ   ภุมฺมฏฺ   ถลฏฺ   อากาสฏฺ   เวหาสฏฺ   ฯ  อรญฺฏฺ  ภณฺฑํ
อวหริสฺสามีติ   เถยฺยจิตฺโต   ทุติยํ  วา  ปริเยสติ  คจฺฉติ  วา  อาปตฺติ
ทุกฺกฏสฺส   ฯ   อามสติ   อาปตฺติ   ทุกฺกฏสฺส   ฯ  ผนฺทาเปติ  อาปตฺติ
ถุลฺลจฺจยสฺส  ฯ  านา  จาเวติ  อาปตฺติ  ปาราชิกสฺส  ฯ  ตตฺถ  ชาตกํ
กฏฺ   วา  ลตํ  วา  ติณํ  วา  ปญฺจมาสกํ  วา  อติเรกปญฺจมาสกํ  วา
อคฺฆนกํ   เถยฺยจิตฺโต   อามสติ   อาปตฺติ   ทุกฺกฏสฺส   ฯ   ผนฺทาเปติ
อาปตฺติ ถุลฺลจฺจยสฺส ฯ านา จาเวติ อาปตฺติ ปาราชิกสฺส ฯ
     [๑๐๕]   อุทกํ  นาม  ภาชนคตํ  วา  โหติ  โปกฺขรณิยํ  ๒-  วา
ตฬาเก   วา   ฯ   เถยฺยจิตฺโต   อามสติ  ๓-  อาปตฺติ  ทุกฺกฏสฺส  ฯ
ผนฺทาเปติ    อาปตฺติ    ถุลฺลจฺจยสฺส   ฯ   านา   จาเวติ   อาปตฺติ
@เชิงอรรถ: ๑ ยุ. ม. ตํ ฯ ๒ ยุ. ม. โปกฺขรณิยา ฯ ๓ ยุ. ม. ตํ เถยฺยจิตฺโต อามสติ ฯ
---------------------------------------------------------------------------------------------
หน้าที่ ๙๕.
ปาราชิกสฺส    ฯ    อตฺตโน   ภาชนํ   ปเวเสตฺวา   ปญฺจมาสกํ   วา
อติเรกปญฺจมาสกํ    วา    อคฺฆนกํ    อุทกํ    เถยฺยจิตฺโต    อามสติ
อาปตฺติ   ทุกฺกฏสฺส   ฯ   ผนฺทาเปติ  อาปตฺติ  ถุลฺลจฺจยสฺส  ฯ  อตฺตโน
ภาชนคตํ   กโรติ   อาปตฺติ   ปาราชิกสฺส  ฯ  มริยาทํ  ฉินฺทติ  อาปตฺติ
ทุกฺกฏสฺส   ฯ   มริยาทํ   ฉินฺทิตฺวา   ปญฺจมาสกํ  วา  อติเรกปญฺจมาสกํ
วา   อคฺฆนกํ  อุทกํ  นิกฺขาเมติ  อาปตฺติ  ปาราชิกสฺส  ฯ  อติเรกมาสกํ
วา  อูนปญฺจมาสกํ  วา  อคฺฆนกํ  อุทกํ  นิกฺขาเมติ อาปตฺติ ถุลฺลจฺจยสฺส ฯ
มาสกํ วา อูนมาสกํ วา อคฺฆนกํ  อุทกํ นิกฺขาเมติ อาปตฺติ ทุกฺกฏสฺส ฯ
     [๑๐๖]   ทนฺตโปณํ  นาม  ฉินฺนํ  วา  อจฺฉินฺนํ  วา  ฯ  ปญฺจมาสกํ
วา   อติเรกปญฺจมาสกํ   วา   อคฺฆนกํ   เถยฺยจิตฺโต  อามสติ  อาปตฺติ
ทุกฺกฏสฺส   ฯ   ผนฺทาเปติ   อาปตฺติ   ถุลฺลจฺจยสฺส  ฯ  านา  จาเวติ
อาปตฺติ ปาราชิกสฺส ฯ
     [๑๐๗]   วนปฺปติ  นาม  โย  มนุสฺสานํ  ปริคฺคหิโต  โหติ  รุกฺโข
ปริโภโค  ฯ  เถยฺยจิตฺโต  ฉินฺทติ  ปหาเร  ปหาเร  อาปตฺติ ทุกฺกฏสฺส ฯ
เอกํ  ปหารํ  อนาคเต  อาปตฺติ  ถุลฺลจฺจยสฺส  ฯ  ตสฺมึ  ปหาเร อาคเต
อาปตฺติ ปาราชิกสฺส ฯ
     [๑๐๘]   หรณกํ   นาม   อญฺสฺส  หรณกํ  ภณฺฑํ  ฯ  เถยฺยจิตฺโต
อามสติ   อาปตฺติ   ทุกฺกฏสฺส   ฯ  ผนฺทาเปติ  อาปตฺติ  ถุลฺลจฺจยสฺส  ฯ
านา     จาเวติ     อาปตฺติ     ปาราชิกสฺส    ฯ    สหภณฺฑหารกํ
---------------------------------------------------------------------------------------------
หน้าที่ ๙๖.
เนสฺสามีติ   ปมํ   ปาทํ   สงฺกาเมติ   อาปตฺติ  ถุลฺลจฺจยสฺส  ฯ  ทุติยํ
ปาทํ   สงฺกาเมติ   อาปตฺติ   ปาราชิกสฺส  ฯ  ปติตํ  ภณฺฑํ  คเหสฺสามีติ
ปาตาเปติ   อาปตฺติ   ทุกฺกฏสฺส   ฯ   ปติตํ   ภณฺฑํ   ปญฺจมาสกํ   วา
อติเรกปญฺจมาสกํ    วา    อคฺฆนกํ    เถยฺยจิตฺโต   อามสติ   อาปตฺติ
ทุกฺกฏสฺส   ฯ   ผนฺทาเปติ   อาปตฺติ   ถุลฺลจฺจยสฺส  ฯ  านา  จาเวติ
อาปตฺติ ปาราชิกสฺส ฯ
     [๑๐๙]   อุปนิธิ  นาม  อุปนิกฺขิตฺตํ  ภณฺฑํ  ฯ  เทหิ  เม  ภณฺฑนฺติ
วุจฺจมาโน    นาหํ    คณฺหามีติ    ภณติ    อาปตฺติ    ทุกฺกฏสฺส    ฯ
สามิกสฺส    วิมตึ    อุปฺปาเทติ   อาปตฺติ   ถุลฺลจฺจยสฺส   ฯ   สามิโก
น   มยฺหํ   ทสฺสตีติ   ธุรํ   นิกฺขิปติ   อาปตฺติ   ปาราชิกสฺส  ฯ  ธมฺมํ
จรนฺโต   สามิกํ   ปราเชติ   อาปตฺติ   ปาราชิกสฺส  ฯ  ธมฺมํ  จรนฺโต
ปรชติ อาปตฺติ ถุลฺลจฺจยสฺส ฯ
     [๑๑๐]   สุงฺกฆาตํ   นาม   รญฺา   ปิตํ   โหติ   ปพฺพตขณฺเฑ
วา  นทีติตฺเถ  วา  คามทฺวาเร  วา  อตฺร  ปวิฏฺสฺส  สุงฺกํ คณฺหนฺตูติ ฯ
ตตฺร   ปวิสิตฺวา   ราชคฺฆํ   ภณฺฑํ   ปญฺจมาสกํ   วา  อติเรกปญฺจมาสกํ
วา   อคฺฆนกํ   เถยฺยจิตฺโต  อามสติ  อาปตฺติ  ทุกฺกฏสฺส  ฯ  ผนฺทาเปติ
อาปตฺติ    ถุลฺลจฺจยสฺส    ฯ    ปมํ   ปาทํ   สุงฺกฆาตํ   อติกฺกาเมติ
อาปตฺติ    ถุลฺลจฺจยสฺส    ฯ    ทุติยํ    ปาทํ   อติกฺกาเมติ   อาปตฺติ
ปาราชิกสฺส    ฯ    อนฺโตสุงฺกฆาเต    ิโต    พหิสุงฺกฆาตํ   ปาเตติ
อาปตฺติ ปาราชิกสฺส ฯ สุงฺกํ ปริหรติ อาปตฺติ ทุกฺกฏสฺส ฯ
---------------------------------------------------------------------------------------------
หน้าที่ ๙๗.
     [๑๑๑]   ปาโณ   นาม   มนุสฺสปาโณ   วุจฺจติ   ฯ  เถยฺยจิตฺโต
อามสติ   อาปตฺติ   ทุกฺกฏสฺส   ฯ  ผนฺทาเปติ  อาปตฺติ  ถุลฺลจฺจยสฺส  ฯ
านา    จาเวติ    อาปตฺติ    ปาราชิกสฺส   ฯ   ปทสา   เนสฺสามีติ
ปมํ    ปาทํ   สงฺกาเมติ   อาปตฺติ   ถุลฺลจฺจยสฺส   ฯ   ทุติยํ   ปาทํ
สงฺกาเมติ อาปตฺติ ปาราชิกสฺส ฯ
     [๑๑๒]   อปทํ  นาม  อหิ มจฺฉา ฯ ปญฺจมาสกํ วา อติเรกปญฺจมาสกํ
วา   อคฺฆนกํ   เถยฺยจิตฺโต  อามสติ  อาปตฺติ  ทุกฺกฏสฺส  ฯ  ผนฺทาเปติ
อาปตฺติ ถุลฺลจฺจยสฺส ฯ านา จาเวติ อาปตฺติ ปาราชิกสฺส ฯ
     [๑๑๓]   ทฺวิปทํ  นาม  มนุสฺสา  ปกฺขชาตา  ฯ เถยฺยจิตฺโต อามสติ
อาปตฺติ   ทุกฺกฏสฺส   ฯ   ผนฺทาเปติ   อาปตฺติ  ถุลฺลจฺจยสฺส  ฯ  านา
จาเวติ   อาปตฺติ   ปาราชิกสฺส   ฯ   ปทสา   เนสฺสามีติ  ปมํ  ปาทํ
สงฺกาเมติ   อาปตฺติ   ถุลฺลจฺจยสฺส  ฯ  ทุติยํ  ปาทํ  สงฺกาเมติ  อาปตฺติ
ปาราชิกสฺส ฯ
     [๑๑๔]   จตุปฺปทํ   นาม  หตฺถี  อสฺสา  โอฏฺา  โคณา  คทฺรภา
ปสุกา   ฯ   เถยฺยจิตฺโต   อามสติ   อาปตฺติ  ทุกฺกฏสฺส  ฯ  ผนฺทาเปติ
อาปตฺติ   ถุลฺลจฺจยสฺส   ฯ   านา   จาเวติ  อาปตฺติ  ปาราชิกสฺส  ฯ
ปทสา   เนสฺสามีติ   ปมํ   ปาทํ  สงฺกาเมติ  อาปตฺติ  ถุลฺลจฺจยสฺส  ฯ
ทุติยํ    ปาทํ   สงฺกาเมติ   อาปตฺติ   ถุลฺลจฺจยสฺส   ฯ   ตติยํ   ปาทํ
สงฺกาเมติ    อาปตฺติ    ถุลฺลจฺจยสฺส   ฯ   จตุตฺถํ   ปาทํ   สงฺกาเมติ
---------------------------------------------------------------------------------------------
หน้าที่ ๙๘.
อาปตฺติ ปาราชิกสฺส ฯ
     [๑๑๕]   พหุปฺปทํ   นาม   วิจฺฉิกา  สตปที  อุจฺจาลิงฺคปาณกา  ฯ
ปญฺจมาสกํ    วา    อติเรกปญฺจมาสกํ    วา    อคฺฆนกํ   เถยฺยจิตฺโต
อามสติ   อาปตฺติ   ทุกฺกฏสฺส   ฯ  ผนฺทาเปติ  อาปตฺติ  ถุลฺลจฺจยสฺส  ฯ
านา    จาเวติ    อาปตฺติ    ปาราชิกสฺส   ฯ   ปทสา   เนสฺสามีติ
สงฺกาเมติ   ปเท   ปเท   อาปตฺติ   ถุลฺลจฺจยสฺส   ฯ   ปจฺฉิมํ   ปาทํ
สงฺกาเมติ อาปตฺติ ปาราชิกสฺส ฯ
     [๑๑๖]   โอจรโก  นาม  ภณฺฑํ  โอจริตฺวา  อาจิกฺขติ  อิตฺถนฺนามํ
ภณฺฑํ  อวหราติ  อาปตฺติ  ทุกฺกฏสฺส  ฯ  โส  ตํ  ภณฺฑํ  อวหรติ  อาปตฺติ
อุภินฺนํ ปาราชิกสฺส ฯ
     [๑๑๗]   โอณิรกฺโข  นาม  อาหฏํ  ภณฺฑํ  โคเปนฺโต  ฯ ปญฺจมาสกํ
วา   อติเรกปญฺจมาสกํ   วา   อคฺฆนกํ   เถยฺยจิตฺโต  อามสติ  อาปตฺติ
ทุกฺกฏสฺส   ฯ   ผนฺทาเปติ   อาปตฺติ   ถุลฺลจฺจยสฺส  ฯ  านา  จาเวติ
อาปตฺติ ปาราชิกสฺส ฯ
     [๑๑๘]   สํวิธาวหาโร  นาม  สมฺพหุลา  สํวิทหิตฺวา  เอโก  ภณฺฑํ
อวหรติ อาปตฺติ สพฺเพสํ ปาราชิกสฺส ฯ
     [๑๑๙]   สงฺเกตกมฺมํ   นาม   สงฺเกตํ   กโรติ   ปุเรภตฺตํ  วา
ปจฺฉาภตฺตํ   วา   รตฺตึ   วา   ทิวา  วา  เตน  สงฺเกเตน  ตํ  ภณฺฑํ
อวหราติ    อาปตฺติ    ทุกฺกฏสฺส   ฯ   เตน   สงฺเกเตน   ตํ   ภณฺฑํ
อวหรติ   อาปตฺติ   อุภินฺนํ   ปาราชิกสฺส   ฯ   ตํ  สงฺเกตํ  ปุเร  วา
---------------------------------------------------------------------------------------------
หน้าที่ ๙๙.
ปจฺฉา   วา   ตํ   ภณฺฑํ   อวหรติ   มูลฏฺสฺส   อนาปตฺติ  อวหารกสฺส
อาปตฺติ ปาราชิกสฺส ฯ
     [๑๒๐]   นิมิตฺตกมฺมํ  นาม  นิมิตฺตํ  กโรติ  อกฺขึ  วา  นิกฺขนิสฺสามิ
ภมุกํ   วา   อุกฺขิปิสฺสามิ   สีสํ   วา  อุกฺขิปิสฺสามิ  เตน  นิมิตฺเตน  ตํ
ภณฺฑํ   อวหราติ   อาปตฺติ   ทุกฺกฏสฺส   ฯ   เตน  นิมิตฺเตน  ตํ  ภณฺฑํ
อวหรติ  อาปตฺติ  อุภินฺนํ  ปาราชิกสฺส  ฯ  ตํ  นิมิตฺตํ  ปุเร  วา  ปจฺฉา
วา   ตํ   ภณฺฑํ   อวหรติ   มูลฏฺสฺส   อนาปตฺติ  อวหารกสฺส  อาปตฺติ
ปาราชิกสฺส ฯ

             เนื้อความพระไตรปิฎกฉบับภาษาบาลี อักษรไทย เล่มที่ ๑ หน้าที่ ๘๗-๙๙.
https://84000.org/tipitaka/read/pali_read.php?B=1&A=1672&w=&modeTY=1&pagebreak=1
             อ่านเทียบพระไตรปิฎกฉบับภาษาบาลี อักษรโรมัน :-
https://84000.org/tipitaka/read/roman_read.php?B=1&A=1672&modeTY=1&pagebreak=1
             อ่านเทียบพระไตรปิฎกภาษาไทยฉบับหลวง :-
https://84000.org/tipitaka/read/byitem.php?book=1&item=90&items=31
             อ่านเทียบพระไตรปิฎกฉบับมหาจุฬาฯ :-
https://84000.org/tipitaka/pitaka_item/m_siri.php?B=1&siri=17
             ศึกษาอรรถกถานี้ได้ที่ :-
https://84000.org/tipitaka/attha/attha.php?b=1&i=90
             อ่านอรรถกถาภาษาบาลีอักษรไทย :-
https://84000.org/tipitaka/atthapali/read_th.php?B=1&A=7842
             The Pali Atthakatha in Roman :-
https://84000.org/tipitaka/atthapali/read_rm.php?B=1&A=7842
             สารบัญพระไตรปิฎกเล่มที่ ๑
https://84000.org/tipitaka/read/?index_1
https://84000.org/tipitaka/english/?index_1