บาลีพระไตรปิฎกเล่มที่ ๒๑ - พระสุตตันตปิฎกเล่มที่ ๑๓

ปุคฺคลวคฺโค จตุตฺโถ [๑๓๑] จตฺตาโรเม ภิกฺขเว ปุคฺคลา สนฺโต สํวิชฺชมานา โลกสฺมึ กตเม จตฺตาโร อิธ ภิกฺขเว เอกจฺจสฺส ปุคฺคลสฺส โอรมฺภาคิยานิ สญฺโชนานิ อปฺปหีนานิ โหนฺติ อุปฺปตฺติปฏิลาภิกานิ ^๑- สญฺโชนานิ อปฺปหีนานิ โหนฺติ ภวปฏิลาภิกานิ สญฺโชนานิ อปฺปหีนานิ โหนฺติ ฯ {๑๓๑.๑} อิธ ปน ภิกฺขเว เอกจฺจสฺส ปุคฺคลสฺส โอรมฺภาคิยานิ สญฺโชนานิ ปหีนานิ โหนฺติ อุปฺปตฺติปฏิลาภิกานิ สญฺโชนานิ อปฺปหีนานิ โหนฺติ ภวปฏิลาภิกานิ สญฺโชนานิ อปฺปหีนานิ โหนฺติ ฯ {๑๓๑.๒} อิธ ปน ภิกฺขเว เอกจฺจสฺส ปุคฺคลสฺส โอรมฺภาคิยานิ สญฺโชนานิ ปหีนานิ โหนฺติ อุปฺปตฺติปฏิลาภิกานิ สญฺโชนานิ ปหีนานิ โหนฺติ ภวปฏิลาภิกานิ สญฺโชนานิ อปฺปหีนานิ โหนฺติ ฯ {๑๓๑.๓} อิธ ปน ภิกฺขเว เอกจฺจสฺส ปุคฺคลสฺส โอรมฺภาคิยานิ สญฺโชนานิ ปหีนานิ โหนฺติ อุปฺปตฺติปฏิลาภิกานิ สญฺโชนานิ ปหีนานิ โหนฺติ ภวปฏิลาภิกานิ สญฺโชนานิ ปหีนานิ โหนฺติ ฯ {๑๓๑.๔} กตมสฺส ภิกฺขเว ปุคฺคลสฺส โอรมฺภาคิยานิ สญฺโชนานิ อปฺปหีนานิ อุปฺปตฺติปฏิลาภิกานิ สญฺโชนานิ อปฺปหีนานิ ภวปฏิลาภิกานิ สญฺโชนานิ อปฺปหีนานิ สกทาคามิสฺส อิมสฺส โข ภิกฺขเว ปุคฺคลสฺส โอรมฺภาคิยานิ สญฺโชนานิ อปฺปหีนานิ อุปฺปตฺติปฏิลาภิกานิ สญฺโชนานิ อปฺปหีนานิ ภวปฏิลาภิกานิ สญฺโชนานิ อปฺปหีนานิ ฯ {๑๓๑.๕} กตมสฺส ภิกฺขเว ปุคฺคลสฺส โอรมฺภาคิยานิ สญฺโชนานิ ปหีนานิ อุปฺปตฺติปฏิลาภิกานิ สญฺโชนานิ อปฺปหีนานิ ภวปฏิลาภิกานิ @เชิงอรรถ: ^๑ โป. ม. อุปปตฺติปฏิลาภิยานิ ฯ อิโต ปรํ อีทิสเมว ฯ สญฺโชนานิ อปฺปหีนานิ อุทฺธํโสตสฺส อกนิฏฺคามิโน อิมสฺส โข ภิกฺขเว ปุคฺคลสฺส โอรมฺภาคิยานิ สญฺโชนานิ ปหีนานิ อุปฺปตฺติปฏิลาภิกานิ สญฺโชนานิ อปฺปหีนานิ ภวปฏิลาภิกานิ สญฺโชนานิ อปฺปหีนานิ ฯ {๑๓๑.๖} กตมสฺส ภิกฺขเว ปุคฺคลสฺส โอรมฺภาคิยานิ สญฺโชนานิ ปหีนานิ อุปฺปตฺติปฏิลาภิกานิ สญฺโชนานิ ปหีนานิ ภวปฏิลาภิกานิ สญฺโชนานิ อปฺปหีนานิ อนฺตราปรินิพฺพายิสฺส อิมสฺส โข ภิกฺขเว ปุคฺคลสฺส โอรมฺภาคิยานิ สญฺโชนานิ ปหีนานิ อุปฺปตฺติปฏิลาภิกานิ สญฺโชนานิ ปหีนานิ ภวปฏิลาภิกานิ สญฺโชนานิ อปฺปหีนานิ ฯ {๑๓๑.๗} กตมสฺส ภิกฺขเว ปุคฺคลสฺส โอรมฺภาคิยานิ สญฺโชนานิ ปหีนานิ อุปฺปตฺติปฏิลาภิกานิ สญฺโชนานิ ปหีนานิ ภวปฏิลาภิกานิ สญฺโชนานิ ปหีนานิ อรหโต ขีณาสวสฺส ^๑- อิมสฺส โข ภิกฺขเว ปุคฺคลสฺส โอรมฺภาคิยานิ สญฺโชนานิ ปหีนานิ อุปฺปตฺติปฏิลาภิกานิ สญฺโชนานิ ปหีนานิ ภวปฏิลาภิกานิ สญฺโชนานิ ปหีนานิ ฯ อิเม โข ภิกฺขเว จตฺตาโร ปุคฺคลา สนฺโต สํวิชฺชมานา โลกสฺมินฺติ ฯ

เนื้อความพระไตรปิฎกฉบับภาษาบาลีอักษรไทย เล่มที่ ๒๑ หน้าที่ ๑๘๑-๑๘๒. http://84000.org/tipitaka/read/pali_item_s.php?book=21&item=131&items=1 อ่านโดยใช้เครื่องหมาย [เลขข้อ] เป็นเกณฑ์แบ่งข้อ :- http://84000.org/tipitaka/read/pali_item_s.php?book=21&item=131&items=1&mode=bracket อ่านเทียบพระไตรปิฎกฉบับภาษาบาลีอักษรโรมัน :- http://84000.org/tipitaka/read/roman_item_s.php?book=21&item=131&items=1 อ่านเทียบพระไตรปิฎกภาษาไทยฉบับหลวง :- http://84000.org/tipitaka/read/byitem_s.php?book=21&item=131&items=1 ศึกษาอรรถกถานี้ได้ที่ :- http://84000.org/tipitaka/attha/attha.php?b=21&i=131 The Pali Atthakatha in Thai :- http://84000.org/tipitaka/atthapali/read_th.php?B=15&A=8741 The Pali Atthakatha in Roman :- http://84000.org/tipitaka/atthapali/read_rm.php?B=15&A=8741 สารบัญพระไตรปิฎกเล่มที่ ๒๑ http://84000.org/tipitaka/read/?index_21