พระไตรปิฎกเล่มที่ ๕ ภาษาบาลี อักษรไทย
พระวินัยปิฎกเล่มที่ ๕ วินย. มหาวคฺโค (๒)

     [๑๓๒]   เตน  โข  ปน  สมเยน ราชคหกสฺส เสฏฺิสฺส สตฺตวสฺสิโก
สีสาพาโธ   โหติ   ฯ   พหู  มหนฺตา  มหนฺตา  ทิสาปาโมกฺขา  เวชฺชา
อาคนฺตฺวา   ติกิจฺฉนฺตา   นาสกฺขึสุ   อโรคํ  กาตุํ  พหุํ  หิรญฺ  อาทาย
อคมํสุ   ฯ   อปิจ  เวชฺเชหิ  ปจฺจกฺขาโต  โหติ  ฯ  เอกจฺเจ  เวชฺชา
เอวมาหํสุ   ปญฺจมํ  ทิวสํ  เสฏฺี  คหปติ  กาลํ  กริสฺสตีติ  ฯ  เอกจฺเจ
เวชฺชา เอวมาหํสุ สตฺตมํ ทิวสํ เสฏฺี คหปติ กาลํ กริสฺสตีติ ฯ
     {๑๓๒.๑}   อถโข   ราชคหกสฺส  เนคมสฺส  เอตทโหสิ  อยํ  โข
เสฏฺี   คหปติ  พหูปกาโร  รญฺโ  เจว  เนคมสฺส  จ  อปิจ  เวชฺเชหิ
ปจฺจกฺขาโต   เอกจฺเจ   เวชฺชา   เอวมาหํสุ   ปญฺจมํ   ทิวสํ   เสฏฺี
คหปติ   กาลํ   กริสฺสตีติ   เอกจฺเจ  เวชฺชา  เอวมาหํสุ  สตฺตมํ  ทิวสํ
เสฏฺี  คหปติ  กาลํ  กริสฺสตีติ  อยํ  จ  รญฺโ  ชีวโก  เวชฺโช  ตรุโณ
ภทฺรโก   ยนฺนูน   มยํ   ราชานํ   ชีวกํ   เวชฺชํ   ยาเจยฺยาม  เสฏฺึ
@เชิงอรรถ: ๑ ยุ. ภูสาเปตฺวา ฯ ๒ โป. ม. อุปฏฺาหิ ฯ
คหปตึ   ติกิจฺฉิตุนฺติ   ฯ   อถโข   ราชคหโก   เนคโม   เยน  ราชา
มาคโธ    เสนิโย   พิมฺพิสาโร   เตนุปสงฺกมิ   อุปสงฺกมิตฺวา   ราชานํ
มาคธํ   เสนิยํ   พิมฺพิสารํ   เอตทโวจ   อยํ   เทว   เสฏฺี   คหปติ
พหูปกาโร   เทวสฺส   เจว  เนคมสฺส  จ  อปิจ  เวชฺเชหิ  ปจฺจกฺขาโต
[๑]-   เอกจฺเจ   เวชฺชา   เอวมาหํสุ   ปญฺจมํ  ทิวสํ  เสฏฺี  คหปติ
กาลํ   กริสฺสตีติ   เอกจฺเจ   เวชฺชา  เอวมาหํสุ  สตฺตมํ  ทิวสํ  เสฏฺี
คหปติ   กาลํ   กริสฺสตีติ   สาธุ   เทโว   ชีวกํ   เวชฺชํ   อาณาเปตุ
เสฏฺึ คหปตึ ติกิจฺฉิตุนฺติ ฯ
     {๑๓๒.๒}   อถโข   ราชา   มาคโธ  เสนิโย  พิมฺพิสาโร  ชีวกํ
โกมารภจฺจํ  อาณาเปสิ  คจฺฉ  ภเณ  ชีวก  เสฏฺึ  คหปตึ  ติกิจฺฉาหีติ ฯ
เอวํ   เทวาติ   โข  ชีวโก  โกมารภจฺโจ  รญฺโ  มาคธสฺส  เสนิยสฺส
พิมฺพิสารสฺส    ปฏิสฺสุณิตฺวา    เยน    เสฏฺี    คหปติ    เตนุปสงฺกมิ
อุปสงฺกมิตฺวา    เสฏฺิสฺส    คหปติสฺส   วิการํ   สลฺลกฺเขตฺวา   เสฏฺึ
คหปตึ  เอตทโวจ  สจาหนฺตํ  คหปติ  อโรคํ  กเรยฺยํ  ๒-  กึ  เม อสฺส
เทยฺยธมฺโมติ   ฯ  สพฺพํ  สาปเตยฺยญฺจ  เต  อาจริย  โหตุ  อหญฺจ  เต
ทาโสติ   ฯ   สกฺขสิ  ปน  ตฺวํ  คหปติ  เอเกน  ปสฺเสน  สตฺต  มาเส
นิปชฺชิตุนฺติ   ฯ   สกฺโกมหํ   อาจริย   เอเกน   ปสฺเสน  สตฺต  มาเส
นิปชฺชิตุนฺติ  ฯ  สกฺขสิ  ปน  ตฺวํ  คหปติ  ทุติเยน  ปสฺเสน  สตฺต  มาเส
นิปชฺชิตุนฺติ   ฯ   สกฺโกมหํ   อาจริย   ทุติเยน   ปสฺเสน  สตฺต  มาเส
@เชิงอรรถ: ๑ โป. โหติ ฯ ๒ ยุ. อโรคาเปยฺยํ ฯ
นิปชฺชิตุนฺติ   ฯ   สกฺขสิ  ๑-  ปน  ตฺวํ  คหปติ  อุตฺตาโน  สตฺต  มาเส
นิปชฺชิตุนฺติ ฯ สกฺโกมหํ อาจริย อุตฺตาโน สตฺต มาเส นิปชฺชิตุนฺติ ฯ
     {๑๓๒.๓}   อถโข  ชีวโก  โกมารภจฺโจ  เสฏฺึ  คหปตึ  มญฺจเก
นิปชฺชาเปตฺวา   ๒-   มญฺจเก  สมฺพนฺธิตฺวา  สีสจฺฉวึ  อุปฺปาเฏตฺวา  ๓-
สิพฺพินึ  วินาเมตฺวา  เทฺว  ปาณเก  นีหริตฺวา  ชนสฺส  ทสฺเสสิ ปสฺสถ ๔-
อิเม   เทฺว  ปาณเก  เอกํ  ขุทฺทกํ  เอกํ  มหลฺลกํ  เย  เต  อาจริยา
เอวมาหํสุ   ปญฺจมํ   ทิวสํ   เสฏฺี   คหปติ   กาลํ  กริสฺสตีติ  เตหายํ
มหลฺลโก    ปาณโก    ทิฏฺโ    ปญฺจมํ   ทิวสํ   เสฏฺิสฺส   คหปติสฺส
มตฺถลุงฺคํ     ปริยาทยิสฺสติ     มตฺถลุงฺคสฺส     ปริยาทานา     เสฏฺี
คหปติ   กาลํ  กริสฺสติ  สุทิฏฺโ  เตหิ  อาจริเยหิ  เยปิ  เต  อาจริยา
เอวมาหํสุ   สตฺตมํ   ทิวสํ   เสฏฺี   คหปติ   กาลํ  กริสฺสตีติ  เตหายํ
ขุทฺทโก    ปาณโก    ทิฏฺโ    สตฺตมํ    ทิวสํ   เสฏฺิสฺส   คหปติสฺส
มตฺถลุงฺคํ     ปริยาทยิสฺสติ     มตฺถลุงฺคสฺส     ปริยาทานา     เสฏฺี
คหปติ   กาลํ   กริสฺสติ   สุทิฏฺโ   เตหิปิ   ๕-   อาจริเยหีติ  สิพฺพินึ
สมฺปฏิจฺฉาเทตฺวา ๖- สีสจฺฉวึ สิพฺเพตฺวา อาเลปํ อทาสิ ฯ
     {๑๓๒.๔}   อถโข    เสฏฺี    คหปติ   สตฺตาหสฺส   อจฺจเยน
ชีวกํ    โกมารภจฺจํ   เอตทโวจ   นาหํ   อาจริย   สกฺโกมิ   เอเกน
ปสฺเสน    สตฺต   มาเส   นิปชฺชิตุนฺติ   ฯ   นนุ   เม   ตฺวํ   คหปติ
ปฏิสฺสุณิ        สกฺโกมหํ       อาจริย       เอเกน       ปสฺเสน
@เชิงอรรถ: ๑ ม. ยุ. สกฺขิสฺสสิ ฯ ๒ โป. นิปาเตตฺวา ฯ ๓ ยุ. อุปฺผาเลตฺวา ฯ ๔ ยุ.
@ปสฺสถยฺโย ฯ ๕ ม. ยุ. ปิสทฺโท น ทิสฺสติ ฯ ๖ ยุ. สมฺปาเทตฺวา ฯ
สตฺต   มาเส   นิปชฺชิตุนฺติ   ฯ   สจฺจาหํ   อาจริย   ปฏิสฺสุณึ   อปาหํ
มริสฺสามิ  นาหํ  สกฺโกมิ  เอเกน  ปสฺเสน  สตฺต  มาเส  นิปชฺชิตุนฺติ  ฯ
เตนหิ ตฺวํ คหปติ ทุติเยน ปสฺเสน สตฺต มาเส นิปชฺชาหีติ ฯ
     {๑๓๒.๕}   อถโข   เสฏฺี   คหปติ  สตฺตาหสฺส  อจฺจเยน  ชีวกํ
โกมารภจฺจํ   เอตทโวจ   นาหํ   อาจริย   สกฺโกมิ   ทุติเยน  ปสฺเสน
สตฺต   มาเส  นิปชฺชิตุนฺติ  ฯ  นนุ  เม  ตฺวํ  คหปติ  ปฏิสฺสุณิ  สกฺโกมหํ
อาจริย  ทุติเยน  ปสฺเสน  สตฺต  มาเส  นิปชฺชิตุนฺติ  ฯ  สจฺจาหํ อาจริย
ปฏิสฺสุณึ    อปาหํ    มริสฺสามิ    นาหํ    สกฺโกมิ   ทุติเยน   ปสฺเสน
สตฺต   มาเส   นิปชฺชิตุนฺติ   ฯ   เตนหิ   ตฺวํ  คหปติ  อุตฺตาโน  สตฺต
มาเส นิปชฺชาหีติ ฯ
     {๑๓๒.๖}   อถโข   เสฏฺี   คหปติ  สตฺตาหสฺส  อจฺจเยน  ชีวกํ
โกมารภจฺจํ   เอตทโวจ   นาหํ   อาจริย   สกฺโกมิ   อุตฺตาโน   สตฺต
มาเส   นิปชฺชิตุนฺติ   ฯ   นนุ   เม   ตฺวํ   คหปติ  ปฏิสฺสุณี  สกฺโกมหํ
อาจริย   อุตฺตาโน   สตฺต   มาเส   นิปชฺชิตุนฺติ   ฯ  สจฺจาหํ  อาจริย
ปฏิสฺสุณึ    อปาหํ    มริสฺสามิ    นาหํ    สกฺโกมิ    อุตฺตาโน   สตฺต
มาเส   นิปชฺชิตุนฺติ   ฯ   อหญฺเจ   ตํ   คหปติ  น  วเทยฺยํ  เอตฺตกํปิ
ตฺวํ   น   นิปชฺเชยฺยาสิ   อปิจ   ปฏิกจฺเจวาสิ  ๑-  มยา  าโต  ตีหิ
สตฺตาเหหิ    เสฏฺี    คหปติ   อโรโค   ภวิสฺสตีติ   อุฏฺเหิ   คหปติ
อโรโคสิ   ชานาหิ   กึ   เม   เทยฺยธมฺโมติ   ฯ  สพฺพํ  สาปเตยฺยญฺจ
เต   อาจริย   โหตุ   อหญฺจ   เต   ทาโสติ   ฯ   อลํ  คหปติ  มา
@เชิงอรรถ: ๑ ยุ. ปฏิคจฺเจว ฯ
เม   ตฺวํ   สพฺพํ   สาปเตยฺยํ   อทาสิ   มา   จ  เม  ทาโส  รญฺโ
สตสหสฺสํ    เทหิ   มยฺหํ   สตสหสฺสนฺติ   ฯ   อถโข   เสฏฺี   คหปติ
อโรโค   สมาโน   รญฺโ   สตสหสฺสํ   อทาสิ  ชีวกสฺส  โกมารภจฺจสฺส
สตสหสฺสํ ฯ

             เนื้อความพระไตรปิฎกฉบับภาษาบาลีอักษรไทย เล่มที่ ๕ หน้าที่ ๑๗๘-๑๘๒.
https://84000.org/tipitaka/read/pali_item.php?book=5&item=132&items=1
             อ่านโดยใช้เครื่องหมาย [เลขข้อ] เป็นเกณฑ์แบ่งข้อ :-
https://84000.org/tipitaka/read/pali_item.php?book=5&item=132&items=1&mode=bracket
             อ่านเทียบพระไตรปิฎกฉบับภาษาบาลีอักษรโรมัน :-
https://84000.org/tipitaka/read/roman_item.php?book=5&item=132&items=1
             อ่านเทียบพระไตรปิฎกภาษาไทยฉบับหลวง :-
https://84000.org/tipitaka/read/byitem.php?book=5&item=132&items=1
             ศึกษาอรรถกถานี้ได้ที่ :-
https://84000.org/tipitaka/attha/attha.php?b=5&i=132
             สารบัญพระไตรปิฎกเล่มที่ ๕
https://84000.org/tipitaka/read/?index_5
https://84000.org/tipitaka/english/?index_5