บาลี ข้อ 1614-1616 พระไตรปิฎกเล่มที่ 19

     [๑๖๑๔]   จตูหิ  ภิกฺขเว  ธมฺเมหิ  สมนฺนาคโต  อริยสาวโก อฑฺโฒ
@เชิงอรรถ: ^๑ สี. ยุ. มจฺจุราชคมิสฺสตีติ ฯ ม. มจฺจุราชาคมนสฺมินฺติ ฯ
มหทฺธโน  มหาโภโค  ^๑-  มหายโสติ  วุจฺจติ  ฯ  กตเมหิ  จตูหิ  ฯ อิธ
ภิกฺขเว   อริยสาวโก   พุทฺเธ   อเวจฺจปฺปสาเทน   สมนฺนาคโต   โหติ
อิติปิ  โส  ภควา  ฯเปฯ  สตฺถา  เทวมนุสฺสานํ  พุทฺโธ ภควาติ ฯ ธมฺเม
สงฺเฆ   ฯ   อริยกนฺเตหิ  สีเลหิ  สมนฺนาคโต  โหติ  อกฺขณฺเฑหิ  ฯเปฯ
สมาธิสํวตฺตนิเกหิ   ฯ  อิเมหิ  โข  ภิกฺขเว  จตูหิ  ธมฺเมหิ  สมนฺนาคโต
อริยสาวโก อฑฺโฒ มหทฺธโน มหาโภโค มหายโสติ วุจฺจตีติ ฯ
     [๑๖๑๕]   จตูหิ  ภิกฺขเว  ธมฺเมหิ  สมนฺนาคโต  อริยสาวโก อฑฺโฒ
มหทฺธโน   มหาโภโค   มหายโสติ   วุจฺจติ  ฯ  กตเมหิ  จตูหิ  ฯ  อิธ
ภิกฺขเว   อริยสาวโก   พุทฺเธ   อเวจฺจปฺปสาเทน   สมนฺนาคโต   โหติ
อิติปิ   โส   ภควา   ฯเปฯ  สตฺถา  เทวมนุสฺสานํ  พุทฺโธ  ภควาติ  ฯ
ธมฺเม   สงฺเฆ   ฯ  อริยกนฺเตหิ  สีเลหิ  สมนฺนาคโต  โหติ  อกฺขณฺเฑหิ
ฯเปฯ   สมาธิสํวตฺตนิเกหิ   ฯ   อิเมหิ   โข   ภิกฺขเว  จตูหิ  ธมฺเมหิ
สมนฺนาคโต   อริยสาวโก   อฑฺโฒ   มหทฺธโน   มหาโภโค   มหายโสติ
วุจฺจตีติ ฯ
     [๑๖๑๖]   จตูหิ   ภิกฺขเว   ธมฺเมหิ   สมนฺนาคโต   อริยสาวโก
โสตาปนฺโน   โหติ  อวินิปาตธมฺโม  นิยโต  สมฺโพธิปรายโน  ฯ  กตเมหิ
จตูหิ  ฯ  อิธ  ภิกฺขเว  อริยสาวโก  พุทฺเธ อเวจฺจปฺปสาเทน สมนฺนาคโต
โหติ    อิติปิ   โส   ภควา   ฯเปฯ   สตฺถา   เทวมนุสฺสานํ   พุทฺโธ
ภควาติ   ฯ  ธมฺเม  สงฺเฆ  ฯ  อริยกนฺเตหิ  สีเลหิ  สมนฺนาคโต  โหติ
@เชิงอรรถ: ^๑ ม. มหาโภโคติ วุจฺจติ ฯ เอวมุปริ ฯ
อกฺขณฺเฑหิ   ฯเปฯ   สมาธิสํวตฺตนิเกหิ   ฯ  อิเมหิ  โข  ภิกฺขเว  จตูหิ
ธมฺเมหิ   สมนฺนาคโต   อริยสาวโก   โสตาปนฺโน  โหติ  อวินิปาตธมฺโม
นิยโต สมฺโพธิปรายโนติ ฯ

เนื้อความพระไตรปิฎกฉบับภาษาบาลีอักษรไทย เล่มที่ ๑๙ หน้าที่ ๕๐๖-๕๐๘. https://84000.org/tipitaka/read/pali_item.php?book=19&item=1614&items=3 อ่านโดยใช้เครื่องหมาย [เลขข้อ] เป็นเกณฑ์แบ่งข้อ :- https://84000.org/tipitaka/read/pali_item.php?book=19&item=1614&items=3&mode=bracket อ่านเทียบพระไตรปิฎกฉบับภาษาบาลีอักษรโรมัน :- https://84000.org/tipitaka/read/roman_item.php?book=19&item=1614&items=3 อ่านเทียบพระไตรปิฎกภาษาไทยฉบับหลวง :- https://84000.org/tipitaka/read/byitem.php?book=19&item=1614&items=3 ศึกษาอรรถกถานี้ได้ที่ :- https://84000.org/tipitaka/attha/attha.php?b=19&i=1614 สารบัญพระไตรปิฎกเล่มที่ ๑๙ https://84000.org/tipitaka/read/?index_19 https://84000.org/tipitaka/english/?index_19