พระไตรปิฎกเล่มที่ ๑๗ ภาษาบาลี อักษรไทย
พระสุตตันตปิฎกเล่มที่ ๙ สุตฺต. สํ. ขนฺธวารวคฺโค

     [๒๕๐]   ภูตปุพฺพาหํ  ภิกฺขุ  ราชา  อโหสึ  ขตฺติโย  มุทฺธาวสิตฺโต ฯ
ตสฺส    มยฺหํ    ภิกฺขุ    รญฺโ    สโต    ขตฺติยสฺส   มุทฺธาวสิตฺตสฺส
จตุราสีติ    นครสหสฺสานิ   อเหสุํ   กุสาวติราชธานิปฺปมุขานิ   ๑-   ฯ
ตสฺส   มยฺหํ   ภิกฺขุ   รญฺโ  สโต  ขตฺติยสฺส  มุทฺธาวสิตฺตสฺส  จตุราสีติ
ปาสาทสหสฺสานิ   อเหสุํ   ธมฺมปาสาทปฺปมุขานิ   ฯ   ตสฺส  มยฺหํ  ภิกฺขุ
รญฺโ   สโต   ขตฺติยสฺส   มุทฺธาวสิตฺตสฺส   จตุราสีติ  กูฏาคารสหสฺสานิ
อเหสุํ    มหาพฺยูหกูฏาคารปฺปมุขานิ   ฯ   ตสฺส   มยฺหํ   ภิกฺขุ   รญฺโ
สโต   ขตฺติยสฺส   มุทฺธาวสิตฺตสฺส   จตุราสีติ   ปลฺลงฺกสหสฺสานิ   อเหสุํ
ทนฺตมยานิ    สารมยานิ    โสวณฺณมยานิ    รูปิยมยานิ    โคนกตฺถตานิ
ปฏิกตฺถตานิ       ปฏลิกตฺถตานิ      กทลิมิคปวรปจฺจตฺถรณานิ      ๒-
สอุตฺตรจฺฉทานิ    อุภโตโลหิตกูปธานานิ    ฯ    ตสฺส    มยฺหํ    ภิกฺขุ
รญฺโ    สโต    ขตฺติยสฺส   มุทฺธาวสิตฺตสฺส   จตุราสีติ   นาคสหสฺสานิ
อเหสุํ     โสวณฺณาลงฺการานิ     โสวณฺณธชานิ     เหมชาลปฏิจฺฉนฺนานิ
อุโปสถนาคราชปฺปมุขานิ ฯ
     {๒๕๐.๑}   ตสฺส  มยฺหํ  ภิกฺขุ  รญฺโ สโต ขตฺติยสฺส มุทฺธาวสิตฺตสฺส
จตุราสีติ    อสฺสสหสฺสานิ    อเหสุํ   โสวณฺณาลงฺการานิ   โสวณฺณธชานิ
เหมชาลปฏิจฺฉนฺนานิ   วลาหกอสฺสราชปฺปมุขานิ   ฯ   ตสฺส   มยฺหํ  ภิกฺขุ
รญฺโ   สโต   ขตฺติยสฺส  มุทฺธาวสิตฺตสฺส  จตุราสีติ  รถสหสฺสานิ  อเหสุํ
โสวณฺณาลงฺการานิ          โสวณฺณธชานิ         เหมชาลปฏิจฺฉนฺนานิ
@เชิงอรรถ: ๑ ยุ. กุสาวตินาม ฯ  ๒ โป. กทลิปิตฺตปจฺจตฺถรณานิ ฯ
ปฏิจฺฉนฺนานิ    เวชยนฺตรถปฺปมุขานิ   ฯ   ตสฺส   มยฺหํ   ภิกฺขุ   รญฺโ
สโต    ขตฺติยสฺส    มุทฺธาวสิตฺตสฺส    จตุราสีติ   มณิสหสฺสานิ   อเหสุํ
มณิรตนปฺปมุขานิ   ฯ   ตสฺส   มยฺหํ   ภิกฺขุ   รญฺโ   สโต   ขตฺติยสฺส
มุทฺธาวสิตฺตสฺส  จตุราสีติ  อิตฺถีสหสฺสานิ  อเหสุํ  ภทฺทาเทวิปฺปมุขานิ ๑- ฯ
ตสฺส    มยฺหํ    ภิกฺขุ    ฯเปฯ    จตุราสีติ   ขตฺติยสหสฺสานิ   อเหสุํ
อนุยนฺตานิ    ปริณายกรตนปฺปมุขานิ   ฯ   ตสฺส   มยฺหํ   ภิกฺขุ   ฯเปฯ
จตุราสีติ   เธนุสหสฺสานิ   อเหสุํ   ทุกุลสนฺทนานิ   กํสูปธรณานิ  ๒-  ฯ
ตสฺส    มยฺหํ    ภิกฺขุ   ฯเปฯ   จตุราสีติ   วตฺถโกฏิสหสฺสานิ   อเหสุํ
โขมสุขุมานิ    โกเสยฺยสุขุมานิ    กมฺพลสุขุมานิ    กปฺปาสิกสุขุมานิ   ฯ
ตสฺส   มยฺหํ   ภิกฺขุ   ฯเปฯ  จตุราสีติ  ถาลิปากสหสฺสานิ  อเหสุํ  สายํ
ปาตํ ภตฺตาภิหาโร อภิหริยิตฺถ ฯ

             เนื้อความพระไตรปิฎกฉบับภาษาบาลีอักษรไทย เล่มที่ ๑๗ หน้าที่ ๑๗๖-๑๗๗.
https://84000.org/tipitaka/read/pali_item.php?book=17&item=250&items=1
             อ่านโดยใช้เครื่องหมาย [เลขข้อ] เป็นเกณฑ์แบ่งข้อ :-
https://84000.org/tipitaka/read/pali_item.php?book=17&item=250&items=1&mode=bracket
             อ่านเทียบพระไตรปิฎกฉบับภาษาบาลีอักษรโรมัน :-
https://84000.org/tipitaka/read/roman_item.php?book=17&item=250&items=1
             อ่านเทียบพระไตรปิฎกภาษาไทยฉบับหลวง :-
https://84000.org/tipitaka/read/byitem.php?book=17&item=250&items=1
             ศึกษาอรรถกถานี้ได้ที่ :-
https://84000.org/tipitaka/attha/attha.php?b=17&i=250
             สารบัญพระไตรปิฎกเล่มที่ ๑๗
https://84000.org/tipitaka/read/?index_17
https://84000.org/tipitaka/english/?index_17