Nekkhammassitati evam chattimsa, ta atite chattimsa, anagate chattimsa, paccuppanne
chattimsati evam atthasatavedana veditabba. 1-
[90] Panca kho ime ananda kamagunati ayam patiyekko anusandhi.
Na kevalam hi dve adim katva vedana bhagavata pannatta, pariyayena ekapi
vedana kathita. Tam dassento pancakangassa thapatino vadam upatthambhetum imam
desanam arabhi.
Abhikkantataranti sundarataram. Panitataranti anukappataram. 2- Ettheva 3-
catutthajjhanato patthaya adukkhamasukhavedana, sapi santatthena panitatthena ca
ca sukhanti vutta. Cha gehassitani sukhanti vuttani. Nirodho avedayitasukhavasena
sukham nama jato. Pancakamagunavasena hi atthasamapattivasena ca uppannam
vedayitasukham nama. Nirodho avedayitasukham nama. Iti vedayitasukham va hotu
avedayitasukham va, tam niddukkhabhavasankhatena sukhatthena ekasukhameva 4- jatam.
[91] Yattha yatthati yasmim yasmim thane. Sukham upalabbhatiti vedayitasukham
va avedayitasukham va upalabbhatiti. Tam tam tathagato sukhasmim pannapetiti tam
sabbam tathagato niddukkhabhavam sukhasmimyeva pannapetiti. Idha bhagava nirodhasamapattim
sisam katva neyyapuggalavasena arahattanikuteneva desanam nitthapesiti.
Papancasudaniya majjhimanikayatthakathaya
bahuvedaniyasuttavannana nitthita.
Navamam.
--------------
@Footnote: 1 cha.Ma. atthavedanasatam veditabbam 2 cha.Ma. atappakataram
@3 cha.Ma. ettha ca 4 cha.Ma. ekantasukhameva
The Pali Atthakatha in Roman Character Volume 9 Page 86.
http://84000.org/tipitaka/read/attha_page.php?book=9&page=86&pages=1&modeTY=2&edition=roman
ศึกษาพระสูตร (เนื้อความ) นี้แยกตามสารบัญ :-
http://84000.org/tipitaka/pitaka_item/read_rm.php?B=9&A=2159&modeTY=2&pagebreak=1
http://84000.org/tipitaka/atthapali/rm_line.php?B=9&A=2159&modeTY=2&pagebreak=1#p86
