Va. 1- Arabhiyamanoti mariyamano. Akappiyena assadetiti acchamamsam sukaramamsam 2-
dipimamsam va migamamsanti khadapetva "tvam kim samano nama, akappiyamamsam te
khaditan"ti ghatteti. Ye pana dubbhikkhadisu va byadhiniggahanattham va "acchamamsam
nama sukaramamsasadisam, dipimamsam migamamsasadisan"ti jananta "sukaramamsam idam, migamamsam
idan"ti vatva hitajjhasayena khadapenti, na te sandhayetam vuttam. Tesanhi
bahupunnameva hoti. Esaham bhante bhagavantam saranam gacchami dhammanca bhikkhusamghancati
ayam agataphalo vinnatasasano ditthasacco ariyasavako. Imam pana dhammadesanam
ogahanto pasadam uppadetva dhammakathaya thutim karonto evamaha. Sesam
sabbattha uttanamevati.
Papancasudaniya majjhimanikayatthakathaya
jivakasuttavannana nitthita.
Pancamam.
-------------
6. Upalivadasuttavannana
[56] Evamme sutanti upalivadasuttam. Tattha nalandayanti nalandati
evamnamake nagare tam nagaram gocaragamam katva. Pavarikambavaneti dussapavarikasetthino
ambavane. Tam kira tassa uyyanam ahosi, so bhagavato dhammadesanam
sutva bhagavati pasanno tasmim uyyane kutilenamandapadipatimanditam bhagavato
viharam katva niyyadesi, so viharo jivakambavanam viya pavarikambavananteva
sankham gato. Tasmim pavarikambavane viharatiti attho. Dighatapassiti dighatapatta 3-
evamladdhanamako. Pindapatapatikkantoti pindapatato patikkanto. Sasane viya
hi 4- bahirayatane pindapatoti voharo atthiti natthi.
Pannapetiti dasseti thapeti. Dandani pannapetiti idam niganthasamayena
pucchanto aha. Kayadandam vacidandam manodandanti ettha purimadandadvayam thokam 5-
@Footnote: 1 cha.Ma. ayam saddo na dissati 2 cha.Ma. sukaramamsanti 3 cha.Ma. dighatta
@4 cha.Ma. kim pana 5 cha.Ma. te
The Pali Atthakatha in Roman Character Volume 9 Page 39.
http://84000.org/tipitaka/read/attha_page.php?book=9&page=39&pages=1&modeTY=2&edition=roman
ศึกษาพระสูตร (เนื้อความ) นี้แยกตามสารบัญ :-
http://84000.org/tipitaka/pitaka_item/read_rm.php?B=9&A=962&modeTY=2&pagebreak=1
http://84000.org/tipitaka/atthapali/rm_line.php?B=9&A=962&modeTY=2&pagebreak=1#p39
