อรรถกถาเล่มที่ ๙ หน้าที่ ๒๓๘.

อิเมหิ ปเทหิ วิปสฺสนาปญฺาว กถิตา. ทุปฺปญฺสฺส หิ ปธานํ น อิชฺฌติ. อิมินา จ ปญฺจ ปธานิยงฺคานิ โลกิยาเนว เวทิตพฺพานิ. [๓๔๕] สายมนุสิฏฺโ ปาโต วิเสสํ อธิคมิสฺสตีติ อตฺถงฺคเต สูริเย อนุสิฏฺโ อรุณุคฺคมเน วิเสสํ อธิคจฺฉติ. ปาตมนุสิฏฺโ สายนฺติ อรุณุคฺคมเน อนุสิฏฺโ สูริยตฺถงฺคมนเวลายํ. อยญฺจ ปน เทสนา เนยฺยปุคฺคลวเสน วุตฺตา. ทนฺธปญฺโ หิ เนยฺยปุคฺคโล สตฺตทิวเสหิ อรหตฺตํ ปาปุณาติ, ติกฺขปญฺโ เอกทิวเสน, เสสทิวเส มชฺฌิมปญฺาวเสน เวทิตพฺพํ. อโห พุทฺโธ อโห ธมฺโม อโห ธมฺมสฺส สฺวากฺขาตตาติ ยสฺมา พุทฺธธมฺมานํ โอฬารตาย ธมฺมสฺส จ สฺวากฺขาตตาย ปาโตว กมฺมฏฺานํ กถาเปตฺวา สายํ อรหตฺตํ ปาปุณาติ, ตสฺมา ปสํสนฺโต เอวมาห. ยตฺร หิ นามาติ วิมฺหยตฺเถ นิปาโต. [๓๔๖] กุจฺฉิมตีติ อาสนฺนสตฺตา. ^๑- โย เม อยํ ภนฺเต กุจฺฉิคโตติ กึ ปเนวํ สรณํ คหิตํ โหตีติ. น โหติ. อจิตฺตกสรณคมนํ นาม นตฺถิ, อารกฺโข ปน ปจฺจุปฏฺิโตว โหติ. อถ นํ ยทา มหลฺลกกาเล มาตาปิตโร "ตาต กุจฺฉิคตเมว ตํ สรณํ คณฺหาปยิมฺหา"ติ สาเรนฺติ, โส จ สลฺลกฺเขตฺวา "อหํ สรณํ คโต อุปาสโก"ติ สตึ อุปฺปาเทติ, ตทา สรณํ คหิตํ นาม โหติ. เสสํ สพฺพตฺถ อุตฺตานเมวาติ. ปปญฺจสูทนิยา มชฺฌิมนิกายฏฺกถาย โพธิราชกุมารสุตฺตวณฺณนา นิฏฺิตา. ------ ๖. องฺคุลิมาลสุตฺตวณฺณนา [๓๔๗] เอวมฺเม สุตนฺติ องฺคุลิมาลสุตฺตํ. ตตฺถ องฺคุลีนํ มาลํ ธาเรตีติ กสฺมา ธาเรติ? อาจริยวจเนน. ตตฺรายํ อนุปุพฺพิกถา:- @เชิงอรรถ: ^๑ ฉ.ม. อาปนฺนสตฺตา

เนื้อความอรรถกถาฉบับภาษาบาลี อักษรไทย เล่มที่ ๙ หน้าที่ ๒๓๘. http://84000.org/tipitaka/read/attha_page.php?book=9&page=238&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=9&A=5991&pagebreak=1 http://84000.org/tipitaka/atthapali/th_line.php?B=9&A=5991&pagebreak=1#p238