ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบดั้งเดิม
อรรถกถาเล่มที่ ๙ ภาษาบาลี อักษรไทย ม.อ. (ปปญฺจ.๓)

หน้าที่ ๒๓๘.

อิเมหิ ปเทหิ วิปสฺสนาปญฺญาว กถิตา. ทุปฺปญฺญสฺส หิ ปธานํ น อิชฺฌติ.
อิมินา จ ปญฺจ ปธานิยงฺคานิ โลกิยาเนว เวทิตพฺพานิ.
      [๓๔๕] สายมนุสิฏฺโฐ ปาโต วิเสสํ อธิคมิสฺสตีติ อตฺถงฺคเต สูริเย
อนุสิฏฺโฐ อรุณุคฺคมเน วิเสสํ อธิคจฺฉติ. ปาตมนุสิฏฺโฐ สายนฺติ อรุณุคฺคมเน
อนุสิฏฺโฐ สูริยตฺถงฺคมนเวลายํ. อยญฺจ ปน เทสนา เนยฺยปุคฺคลวเสน วุตฺตา.
ทนฺธปญฺโญ หิ เนยฺยปุคฺคโล สตฺตทิวเสหิ อรหตฺตํ ปาปุณาติ, ติกฺขปญฺโญ
เอกทิวเสน, เสสทิวเส มชฺฌิมปญฺญาวเสน เวทิตพฺพํ. อโห พุทฺโธ อโห
ธมฺโม อโห ธมฺมสฺส สฺวากฺขาตตาติ ยสฺมา พุทฺธธมฺมานํ โอฬารตาย ธมฺมสฺส
จ สฺวากฺขาตตาย ปาโตว กมฺมฏฺฐานํ กถาเปตฺวา สายํ อรหตฺตํ ปาปุณาติ,
ตสฺมา ปสํสนฺโต เอวมาห. ยตฺร หิ นามาติ วิมฺหยตฺเถ นิปาโต.
      [๓๔๖] กุจฺฉิมตีติ อาสนฺนสตฺตา. ๑- โย เม อยํ ภนฺเต กุจฺฉิคโตติ
กึ ปเนวํ สรณํ คหิตํ โหตีติ. น โหติ. อจิตฺตกสรณคมนํ นาม นตฺถิ,
อารกฺโข ปน ปจฺจุปฏฺฐิโตว โหติ. อถ นํ ยทา มหลฺลกกาเล มาตาปิตโร
"ตาต กุจฺฉิคตเมว ตํ สรณํ คณฺหาปยิมฺหา"ติ สาเรนฺติ, โส จ สลฺลกฺเขตฺวา
"อหํ สรณํ คโต อุปาสโก"ติ สตึ อุปฺปาเทติ, ตทา สรณํ คหิตํ นาม โหติ.
เสสํ สพฺพตฺถ อุตฺตานเมวาติ.
                    ปปญฺจสูทนิยา มชฺฌิมนิกายฏฺฐกถาย
                    โพธิราชกุมารสุตฺตวณฺณนา นิฏฺฐิตา.
                             ------
                       ๖. องฺคุลิมาลสุตฺตวณฺณนา
      [๓๔๗] เอวมฺเม สุตนฺติ องฺคุลิมาลสุตฺตํ. ตตฺถ องฺคุลีนํ มาลํ ธาเรตีติ
กสฺมา ธาเรติ? อาจริยวจเนน. ตตฺรายํ อนุปุพฺพิกถา:-
@เชิงอรรถ:  ฉ.ม. อาปนฺนสตฺตา



เนื้อความอรรถกถาฉบับภาษาบาลี อักษรไทย เล่มที่ ๙ หน้าที่ ๒๓๘. http://84000.org/tipitaka/read/attha_page.php?book=9&page=238&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=9&A=5991&modeTY=2&pagebreak=1 http://84000.org/tipitaka/atthapali/th_line.php?B=9&A=5991&modeTY=2&pagebreak=1#p238


จบการแสดงผล หน้าที่ ๒๓๘.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]