อรรถกถาเล่มที่ ๙ หน้าที่ ๒๓๒.

ตตฺถ สีลวา ภิกฺขุ "น สกฺกา มยา อรหตฺตํ ลทฺธุนฺ"ติ วิริยํ อกโรนฺโต สมุจฺฉินฺทติ. ทุสฺสีเลน สมุจฺฉินฺนํ นาม โหติ. สตฺต เสขา ปวตฺเตนฺติ. ขีณาสเวน ปวตฺติตํ นาม โหติ, เสสํ สพฺพตฺถ อุตฺตานเมวาติ. ปปญฺจสูทนิยา มชฺฌิมนิกายฏฺกถาย มฆเทวสุตฺตวณฺณนา นิฏฺิตา. ---------- ๔. มธุรสุตฺตวณฺณนา [๓๑๗] เอวมฺเม สุตนฺติ มธุรสุตฺตํ. ตตฺถ มหากจฺจาโนติ คิหิกาเล อุชฺเชนิกรญฺโ ปุโรหิตปุตฺโต อภิรูโป ทสฺสนีโย ปาสาทิโก สุวณฺณวณฺโณ จ. มธุรายนฺติ เอวํนามเก นคเร. คุนฺธาวเนติ กณฺหกคุนฺธาวเน. ^๑- อวนฺติปุตฺโตติ อวนฺติรฏฺเ รญฺโ ธีตาย ปุตฺโต. วุฑฺโฒ เจว อรหา จาติ ทหรํ อรหนฺตํปิ น ตถา สมฺภาเวนฺติ ยถา มหลฺลกํ, เถโร ปน วุฑฺโฒ เจว อโหสิ อรหา จ. พฺราหฺมณา โภ กจฺจานาติ โส กิร ราชา พฺราหฺมณลทฺธิโก, ตสฺมา เอวมาห. พฺราหฺมโณว เสฏฺโ วณฺโณติอาทีสุ ชาติโคตฺตาทีนํ ปญฺาปนฏฺาเน พฺราหฺมณาว เสฏฺาติ ทสฺเสติ. หีโน อญฺโ วณฺโณติ อิตเร ตโย วณฺณา หีนา ลามกาติ วทติ. สุกฺโกติ ปณฺฑโร. กโณฺหติ กาฬโก. สุชฺฌนฺตีติ ชาติโคตฺตาทิปญฺาปนฏฺาเน ^๒- สุชฺฌนฺติ. พฺรหฺมุโน ปุตฺตาติ มหาพฺรหฺมุโน ปุตฺตา. โอรสา มุขโต ชาตาติ อุเร วสิตฺวา มุขโต นิกฺขนฺตา, อุเร กตฺวา สํวฑฺฒิตาติ วา โอรสา. พฺรหฺมชาติ พฺรหฺมโต นิพฺพตฺตา. พฺรหฺมนิมฺมิตาติ พฺรหฺมุนา นิมฺมิตา. พฺรหฺมทายาทาติ พฺรหฺมุโน ทายาทา. โฆโสเยว โข เอโสติ โวหารมตฺตเมว เอตํ. [๓๑๘] อิชฺเฌยฺยาติ สมิชฺเฌยฺย, ยตฺตกานิ ธนาทีนิ ปตฺเถยฺย, ตตฺตเกหิสฺส มโนรโถ ปูเรยฺยาติ อตฺโถ. ขตฺติโยปิสฺสาสฺสาติ ขตฺติโย อปิ อสฺส @เชิงอรรถ: ^๑ ฉ.ม. คุนฺทาวเนติ กณฺหกคุนฺทาวเน ^๒ ฉ.ม....าเนสุ

เนื้อความอรรถกถาฉบับภาษาบาลี อักษรไทย เล่มที่ ๙ หน้าที่ ๒๓๒. http://84000.org/tipitaka/read/attha_page.php?book=9&page=232&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=9&A=5845&pagebreak=1 http://84000.org/tipitaka/atthapali/th_line.php?B=9&A=5845&pagebreak=1#p232