อรรถกถาเล่มที่ ๙ หน้าที่ ๒๐๑.

อโหสิ. เถรสฺส เมตฺตานุภาเวน ติรจฺฉานคตาปิ เมตฺตจิตฺตํ ปฏิลภึสุ, เถโร สกลชมฺพูทีเป ภิกฺขุสํฆสฺส โอวาทาจริโย หุตฺวา วตฺตนิเสนาสเน ^๑- อาวสิ, ตึสโยชนมตฺตา อฏวี เอกปธานฆรํ อโหสิ. เถโร อากาเส จมฺมกฺขณฺฑํ ปตฺถริตฺวา ตตฺถ นิสินฺโน กมฺมฏฺฐานํ กเถสิ. คจฺฉนฺเต คจฺฉนฺเต กาเล ภิกฺขาจารํปิ อคนฺตฺวา วิหาเร นิสินฺโน กมฺมฏฺฐานํ กเถสิ, มนุสฺสา วิหารเมว คนฺตฺวา ทานมทํสุ. ธมฺมาโสกราชา เถรสฺส คุณํ สุตฺวา ทฏฺฐุกาโม ติกฺขตฺตุํ ปหิณิ. เถโร ภิกฺขุสํฆสฺส โอวาทํ ทมฺมีติ เอกวารํปิ น คโตติ. ปปญฺจสูทนิยา มชฺฌิมนิกายฏฺฐกถาย จูฬสกุลุทายิสุตฺตวณฺณนา นิฏฺฐิตา. ----------- ๑๐. เวขณสสุตฺตวณฺณนา [๒๗๘] เอวมฺเม สุตนฺติ เวขณสสุตฺตํ. ตตฺถ เวขณโสติ อยํ กิร สกุลุทายิสฺส อาจริโย. โส "สกุลุทายิปริพฺพาชโก ปรมวณฺณปเญฺห ปราชิโต"ติ สุตฺวา "มยา โส สาธุกํ อุคฺคณฺหาปิโต, เตนาปิ สาธุกํ อุคฺคหิตํ, กถํ นุ โข ปราชิโต, หนฺทาหํ สยํ คนฺตฺวา สมณํ โคตมํ ปรมวณฺณปญฺหํ ปุจฺฉิตฺวา ปริชานิสฺสามี"ติ ^๒- ราชคหโต ปญฺจจตฺตาฬีสโยชนํ สาวตฺถึ คนฺตฺวา เยน ภควา, เตนุปสงฺกมิ, อุปสงฺกมิตฺวา ปน ฐิตโกว ภควโต สนฺติเก อุทานํ อุทาเนสิ. ตตฺถ ปุริมสทิสํ วุตฺตนเยเนว เวทิตพฺพํ. [๒๘๐] ปญฺจ โข อิเมติ กสฺมา อารภิ? อาคาริโยปิ เอกจฺโจ กามครุโก กามาธิมุตฺโต โหติ, เอกจฺโจ เนกฺขมฺมครุโก เนกฺขมฺมาธิมุตฺโต โหติ. ปพฺพชิโตปิ จ เอกจฺโจ กามครุโก กามาธิมุตฺโต โหติ, เอกจฺโจ เนกฺขมฺมครุโก เนกฺขมฺมาธิมุตฺโต โหติ. อยํ ปน กามครุโก กามาธิมุตฺโต โหติ. โส อิมาย @เชิงอรรถ: ^๑ สี. วตฺตนิยเสนาสเน ^๒ ฉ.ม. ชานิสฺสามีติ

เนื้อความอรรถกถาฉบับภาษาบาลี อักษรไทย เล่มที่ ๙ หน้าที่ ๒๐๑. http://84000.org/tipitaka/read/attha_page.php?book=9&page=201&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=9&A=5067&modeTY=2&pagebreak=1 http://84000.org/tipitaka/atthapali/th_line.php?B=9&A=5067&modeTY=2&pagebreak=1#p201