อรรถกถาเล่มที่ ๙ หน้าที่ ๑๕๔.

น เกนจิ วิวทตีติ ^๑- สสฺสตํ คเหตฺวา "สสฺสตวาที อหนฺ"ติ สสฺสตวาทินา ^๒- สทฺธึ น วิวทติ. ตเมว คเหตฺวา "สสฺสตวาที อหนฺ"ติ เอกจฺจสสฺสตวาทินา สทฺธึ น วิวทติ. เอวํ ตโยปิ วาทา ปริวตฺเตตฺวา โยเชตพฺพา. ยญฺจ โลเก วุตฺตนฺติ ยํ โลเก กถิตํ โวหริตํ, เตน โวหรติ. อปรามสนฺโต กญฺจิ ธมฺมํ ปรามาสคฺคาเหน อคฺคณฺหนฺโต. วุตฺตมฺปิ เจตํ:- "โย โหติ ภิกฺขุ อรหํ กตาวี ขีณาสโว อนฺติมเทหธารี อหํ วทามีติปิ โส วเทยฺย มมํ วทนฺตีติปิ โส วเทยฺย โลเก สมญฺ ^๓- กุสโล วิทิตฺวา โวหารมตฺเตน โส โวหเรยฺยา"ติ. ^๔- อปรมฺปิ วุตฺตํ "อิมา โข จิตฺต โลกสมญฺา โลกนิรุตฺติโย โลกโวหารา โลกปญฺตฺติโย, ยาหิ ตถาคโต โวหรติ อปรามสนฺ"ติ. ^๕- [๒๐๖] อภิญฺา ปหานมาหาติ สสฺสตาทีสุ เตสํ เตสํ ธมฺมานํ สสฺสตํ อภิญฺาย ชานิตฺวา สสฺสตสฺส ปหานํ อาห, อุจฺเฉทํ, เอกจฺจสสฺสตํ อภิญฺาย เอกจฺจสสฺสตสฺส ปหานํ วทติ. รูปํ อภิญฺาย รูปสฺส ปหานํ วทตีติอาทินา นเยเนตฺถ อตฺโถ เวทิตพฺโพ. ปฏิสญฺจิกฺขโตติ ปจฺจเวกฺขนฺตสฺส. อนุปาทาย อาสเวหิ จิตฺตํ วิมุจฺจีติ อนุปฺปาทนิโรเธน นิรุทฺเธหิ อาสเวหิ อคฺคเหตฺวาว จิตฺตํ วิมุจฺจิ. เอตฺตาวตา เจส ปรสฺส วฑฺฒิตํ ภตฺตํ ภุญฺชิตฺวา ขุทํ วิโนเทนฺโต วิย ปรสฺส อารทฺธาย ธมฺมเทสนาย าณํ เปเสตฺวา วิปสฺสนํ วฑฺเฒตฺวา อรหตฺตญฺเจว ปตฺโต, สาวกปารมีาณสฺส จ มตฺถกํ, โสฬส จ ปญฺา ปฏิวิชฺฌิตฺวา ิโต. ทีฆนโข ปน โสตาปตฺติผลํ ปตฺวา สรเณสุ ปติฏฺิโต. ภควา ปน อิมํ เทสนํ สุริเย ธรมาเนเยว นิฏฺเปตฺวา คิชฺฌกูฏา โอรุยฺห เวฬุวนํ คนฺตฺวา สาวกสนฺนิปาตํ อกาสิ, จตุรงฺคสมนฺนาคโต สนฺนิปาโต @เชิงอรรถ: ^๑ ฉ.ม. สํวทตีติ, เอวมุปริปิ ^๒ ฉ.ม. อุจฺเฉทวาทินาปิ ^๓ ม. สมญฺา @^๔ สํ ส. ๑๕/๒๕/๑๗ อรหนฺตสุตฺต ^๕ ที.สี. ๙/๔๓๙/๑๙๕

เนื้อความอรรถกถาฉบับภาษาบาลี อักษรไทย เล่มที่ ๙ หน้าที่ ๑๕๔. http://84000.org/tipitaka/read/attha_page.php?book=9&page=154&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=9&A=3868&pagebreak=1 http://84000.org/tipitaka/atthapali/th_line.php?B=9&A=3868&pagebreak=1#p154