ATTHAKATHA Book 9 : PALI ROMAN
Ma.A. (papa–ca.3)
Page 135.

      Janakuhanatthanti janavimhapanattham. Janalapanatthanti mahajanassa upalapanattham
na iti mam jano janatuti evam mam mahajano janissati, evam me mahajanassa
antare kittisaddo uggacchissatiti iminapi karanena na byakarotiti attho.
Ularavedati mahantatutthino.
      [169] So kho panassa ayasmati so parinibbuto ayasma imassa
thitassa ayasmato. Evamsilotiadisu lokiyalokuttaramissakava siladayo veditabba.
Evamdhammoti ettha pana samadhipakkhika dhamma dhammati adhippeta. Phasuviharo
hotiti tena bhikkhuna puritapatipattim purentassa arahattaphalam sacchikatva
phalasamapattiviharena phasuviharo hoti, arahattam pattum asakkontassa patipattim
purayamanassa caratopi phasuviharoyeva nama hoti. Imina nayena sabbavaresu
attho veditabboti.
                    Papancasudaniya majjhimanikayatthakathaya
                      nalakapanasuttavannana nitthita.
                              Atthamam.
                       ------------------
                      9. Golissanisuttavannana 1-
      [173] Evamme sutanti golissanisuttam. Tattha padarasamacaroti 2-
dubbalasamacaro olarikacaro, paccayesu sapekkho maharakkhitatthero viya. Tam
kira upatthakakule nisinnam upatthako aha "asukattherassa me bhante civaram
dinnan"ti. Sadhu te katam tamyeva takketva viharantassa civaram dentenati.
Tumhakampi bhante dassamiti. Sadhu karissasi tamyeva takkentassati aha. Ayampi
@Footnote: 1 cha.Ma. goliyanisutta...              2 cha.Ma. padasamacaroti


The Pali Atthakatha in Roman Character Volume 9 Page 135.
http://84000.org/tipitaka/read/attha_page.php?book=9&page=135&pages=1&modeTY=2&edition=roman
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_rm.php?B=9&A=3394&modeTY=2&pagebreak=1
http://84000.org/tipitaka/atthapali/rm_line.php?B=9&A=3394&modeTY=2&pagebreak=1#p135