ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ  พระวินัยปิฎก  พระสุตตันตปิฎก  พระอภิธรรมปิฎก  ค้นพระไตรปิฎก  ชาดก  หนังสือธรรมะ 
หน้า
แสดง
หน้า
คลิกเพื่อเปลี่ยน ฐญ เป็นแบบดั้งเดิม
อรรถกถาเล่มที่ ๘ ภาษาบาลี อักษรไทย ม.อ. (ปปญฺจ.๒)

หน้าที่ ๓๑๒.

โหตี"ติ. "อิมานิ สตฺต ญาณานิ อริยสาวกสฺส ปจฺจเวกฺขณญาณาเนว,
โลกุตฺตรมคฺโค พหุจิตฺตกฺขณิโก นาม นตฺถิ, เอกจิตฺตกฺขณิโกเยวา"ติ
สญฺญาเปตพฺโพ. สเจ สญฺชานาติ สญฺชานาตุ. โน เจ สญฺชานาติ, "คจฺฉ ปาโตว
วิหารํ ปวิสิตฺวา ยาคุํ ปิวาหี"ติ อุยฺโยเชตพฺโพ. เสสํ สพฺพตฺถ อุตฺตานเมวาติ.
                    ปปญฺจสูทนิยา มชฺฌิมนิกายฏฺฐกถาย
                      โกสมฺพิยสุตฺตวณฺณนา นิฏฺฐิตา.
                          ------------
                      ๙. พฺรหฺมนิมนฺตนิกสุตฺตวณฺณนา
    [๕๐๑] เอวมฺเม สุตนฺติ พฺรหฺมนิมนฺตนิกสุตฺตํ. ตตฺถ ปาปกํ ทิฏฺฐิคตนฺติ
ลามกา สสฺสตทิฏฺฐิ. อิทํ นิจฺจนฺติ อิทํ สโหกาเสน ๑- พฺรหฺมฏฺฐานํ อนิจฺจํ
"นิจฺจนฺ"ติ. วทติ. ธุวาทีนิ ตสฺเสว เววจนานิ. ตตฺถ ธุวนฺติ ถิรํ. สสฺสตนฺติ
สทา วิชฺชมานํ. เกวลนฺติ อขณฺฑํ สกลํ. อจวนธมฺมนฺติ อจวนสภาวํ. อิทํ หิ
น ชายตีติอาทีสุ อิมสฺมึ ฐาเนปิ โกจิ ชายนโก วา ชิยฺยนโก วา มิยฺยนโก
วา จวนโก วา อุปปชฺชนโก วา นตฺถีติ ๒- สนฺธาย วทติ, อิโต จ ปนญฺญนฺติ
อิโต สห กายกา พฺรหฺมฏฺฐานา อุตฺตรึ อญฺญํ นิสฺสรณการณํ ๓- นาม นตฺถีติ
เอวมสฺส ถามคตา สสฺสตทิฏฺฐิ อุปฺปนฺนา โหติ, เอวํวาที ปน โส อุปริ
ติสฺโส ฌานภูมิโย จตฺตาโร มคฺคา จตฺตาริ ผลานิ นิพฺพานนฺติ สพฺพํ ปฏิพาหติ.
อวิชฺชาคโตติ อวิชฺชาย คโต สมนฺนาคโต อญฺญาณี อนฺธภูโต. ๔- ยตฺร หิ นามาติ
โย นาม.
    [๕๐๒] อถโข ภิกฺขเว มาโร ปาปิมาติ มาโร กถํ ภควนฺตํ อทฺทส?
โส กิร อตฺตโน ภวเน นิสีทิตฺวา กาเลน กาลํ สตฺถารํ อาวชฺเชติ "อชฺช สมโณ
@เชิงอรรถ:  ฉ.ม. สห กาเยน    ม. นตฺถิ    ฉ.ม. นิสฺสรณํ     ฉ.ม. อนฺธีภูโต



เนื้อความอรรถกถาฉบับภาษาบาลี อักษรไทย เล่มที่ ๘ หน้าที่ ๓๑๒. http://84000.org/tipitaka/read/attha_page.php?book=8&page=312&pages=1&modeTY=2&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=8&A=7987&modeTY=2&pagebreak=1 http://84000.org/tipitaka/atthapali/th_line.php?B=8&A=7987&modeTY=2&pagebreak=1#p312


จบการแสดงผล หน้าที่ ๓๑๒.

บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถาบาลี อักษรไทย. หากพบข้อผิดพลาด กรุณาแจ้งได้ที่ [email protected]