อรรถกถาเล่มที่ ๗ ภาษาบาลี อักษรไทย
ม.อ. (ปปญฺจ.๑)
หน้าที่ ๒๓๙.

ปฏิจฺจสมุปฺปาทปเทสุ เชฏฺิกา อวิชฺชา, ตสฺสาปิ ปจฺจยทสฺสนวเสน วุตฺโต.
เอวํ วุตฺเตน วาเรน สํสารสฺส อนมตคฺคตา สาธิตา โหติ. กถํ? อาสวสมุทเยน
หิ อวิชฺชาสมุทโย. อวิชฺชาสมุทเยนาปิ อาสวสมุทโย. เอวํ อาสวา อวิชฺชาย
อวิชฺชาปิ อาสวานํ ปจฺจโยติ กตฺวา ปุพฺพา โกฏิ น ปญฺายติ อวิชฺชาย,
ตสฺสา อปญฺายนโต สํสารสฺส อนมตคฺคตา สิทฺธา โหตีติ.
     เอวํ สพฺเพปิเม อิมสฺมึ สุตฺเต กมฺมปถวาโร อาหารวาโร ทุกฺขวาโร
ชรามรณชาติภวอุปาทานตณฺหาเวทนาผสฺสสฬายตนนามรูปวิญฺาณสงฺขารอวิชฺชา-
อาสววาโรติ โสฬส วารา วุตฺตา.
     เตสุ เอกสฺส วารสฺส สงฺเขปวิตฺถารวเสน ทฺวิธา วิภตฺตา ทฺวตฺตึสฏฺานานิ
โหนฺติ. อิติ อิมสฺมึ สุตฺเต อิเมสุ ทฺวตฺตึสฏฺาเนสุ จตฺตาริ สจฺจานิ กถิตานิ.
เอเตสํเยว วิตฺถารวเสน วุตฺเตสุ โสฬสสุ าเนสุ อรหตฺตํ กถิตํ. เถรสฺส ปน
มเตน ทฺวตฺตึสายปิ าเนสุ จตฺตาริ สจฺจานิ จตฺตาโร จ มคฺคา กถิตาติ. อิติ
สกเลปิ ปญฺจมหานิกายสงฺคหิเต พุทฺธวจเน นตฺถิ ตํ สุตฺตํ, ยตฺถ ทฺวตฺตึสกฺขตฺตุํ
จตฺตาริ สจฺจานิ ทฺวตฺตึสกฺขตฺตุํ จ อรหตฺตํ ปกาสิตํ อญฺตฺร อิมมฺหา
สมฺมาทิฏฺิสุตฺตาติ.
     อิทมโวจายสฺมา สาริปุตฺโตติ อิทํ ทฺวตฺตึสาย จตุสจฺจปริยาเยหิ ทฺวตฺตึสาย
อรหตฺตปริยาเยหีติ จตุสฏฺิยา การเณหิ อลงฺกริตฺวา สมฺมาทิฏฺิสุตฺตํ อายสฺมา
สาริปุตฺโต อโวจ, อตฺตมนา เต ภิกฺขู อายสฺมโต สาริปุตฺตสฺส ภาสิตํ
อภินนฺทุนฺติ.
                    ปปญฺจสูทนิยา มชฺฌิมนิกายฏฺกถาย
                     สมฺมาทิฏฺิสุตฺตวณฺณนา นิฏฺิตา.
                         ---------------


เนื้อความอรรถกถาฉบับภาษาบาลี อักษรไทย เล่มที่ ๗ หน้าที่ ๒๓๙.
http://84000.org/tipitaka/read/attha_page.php?book=7&page=239&pages=1&edition=pali
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_th.php?B=7&A=6113&pagebreak=1
http://84000.org/tipitaka/atthapali/th_line.php?B=7&A=6113&pagebreak=1#p239