อรรถกถาเล่มที่ ๗ หน้าที่ ๑๖๕.

อุปริ โหติ, ตทา สพฺรหฺมจารี สาริปุตฺโต อเมฺห อกุสลา วุฏฺาเปตฺวาติ อตฺโถ. ยทา สพฺรหฺมจารีนํ, ตทา สพฺรหฺมจาริโน อกุสลา วุฏฺาเปตฺวาติ อตฺโถ. ทหโรติ ตรุโณ. ยุวาติ โยพฺพนภาเว ิโต. มณฺฑนกชาติโกติ อลงฺการกสภาโว, ตตฺถ โกจิ ตรุโณปิ ยุวา น โหติ ยถา อติตรุโณ, โกจิ ยุวาปิ มณฺฑนกชาติโก น โหติ ยถา อุปสนฺตสภาโว, อาลสิยพฺยสนาทีหิ วา อภิภูโต, อิธ ปน ทหโร เจว ยุวา จ มณฺฑนกชาติโก จ อธิปฺเปโต, ตสฺมา เอวมาห. อุนฺนฬาทีนิ ^๑- โลกสมฺมตตฺตา วุตฺตานิ. อิติห เตติ เอวํ เต. อุโภ มหานาคาติ เทฺวปิ มหานาคา, เทฺวปิ หิ เอเต อคฺคสาวกา "มหานาคา"ติ วุจฺจนฺติ. ตตฺรายํ วจนตฺโถ, ฉนฺทาทีหิ น คจฺฉนฺตีติ นาคา, เตน เตน มคฺเคน ปหีนกิเลเส น อาคจฺฉนฺตีติ นาคา, นานปฺปการกํ อาคุํ น กโรนฺตีติ นาคา, อยเมตฺถ สงฺเขโป, วิตฺถาโร ปน มหานิทฺเทเส ^๒- วุตฺตนเยเนว เวทิตพฺโพ. อปิจ:- "อาคุํ น กโรติ กิญฺจิปิ โลเก สพฺพสํโยเค วิสชฺช พนฺธนานิ สพฺพตฺถ น สชฺชติ วิปฺปมุตฺโต ^๓- นาโค ตาทิ ปวุจฺจเต ตถตฺตา"ติ. ^๔- เอวเมตฺถ อตฺโถ เวทิตพฺโพ. มหนฺตา นาคา มหานาคา, อญฺเหิ ขีณาสวนาเคหิ ปุชฺชตรา จ ปาสํสตรา จาติ อตฺโถ. อญฺมญฺสฺสาติ อญฺโ อญฺสฺส. สมนุโมทึสูติ สมํ อนุโมทึสุ. ตตฺถ อิมาย อุปมาย มหาโมคฺคลฺลาโน อนุโมทิ, ปฏิภาตุ ตํ อาวุโสติ ธมฺมเสนาปติ. เตน วุตฺตํ "อญฺมญฺสฺส สุภาสิตํ สมนุโมทึสู"ติ. ปปญฺจสูทนียา มชฺฌิมนิกายฏฺกถาย อนงฺคณสุตฺตวณฺณนา นิฏฺิตา. ------------- @เชิงอรรถ: ^๑ ฉ.ม., อิ. อุปฺปลาทีนิ ^๒ ขุ. มหา. ๒๙/๓๖๓/๒๔๒ มาคนฺทิยสุตฺตนิทฺเทส (สฺยา) @^๓ ฉ.ม., อิ. วิมุตฺโต ^๔ ขุ.สุ. ๒๕/๕๒๘/๔๓๗, ขุ. มหา. ๒๙/๓๖๓/๒๔๒

เนื้อความอรรถกถาฉบับภาษาบาลี อักษรไทย เล่มที่ ๗ หน้าที่ ๑๖๕. http://84000.org/tipitaka/read/attha_page.php?book=7&page=165&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=7&A=4211&pagebreak=1 http://84000.org/tipitaka/atthapali/th_line.php?B=7&A=4211&pagebreak=1#p165