Atthakathayam vuttagathaya dipita dhammapaccaniyapatthane cha naya niddittha honti.
Paccayavasena panettha ekekasmim patthane anulomadayo cattaro cattaro
nayati ekena pariyayena catuvisatinayapatimanditam paccaniyapatthananneva
veditabbanti.
Paccaniyapatthanavannana nitthita.
-----------
13-18. Anulomapaccaniyapatthanavannana
[1] Idani kusaladisu dhammesu paccayadhammam appatikkhipitva paccayuppannassa
kusaladibhavappatikkhepavasena dhammanam anulomapaccaniyataya laddhanamam anuloma-
paccaniyapatthanam dassetum kusalam dhammam paticca nakusalo dhammo uppajjati
hetupaccayatiadi araddham. Tattha kusalam dhammam paticcati kusalassa paccayabhavam
anujanati, nakusalo dhammo uppajjatiti kusalassa uppattim vareti. Tasma
"kusale khandhe paticca cittasamutthanam rupan"tiadina nayena vissajjanam dassitam,
tam sabbam palim oloketva sadhukam sallakkhetabbam. Yanhi 1- yena sadisam, yanca
yattha labbhati, yo ca yesam vissajjananam yesu paccayesu gananaparicchedo, so
sabbo paliyam dassito, tasma paliyevettha attho. Yatha cettha, evam
dukapatthanadisupiti.
Ettavata:-
tikanca patthanavaram dukuttamam
dukam tikanceva tikam dukanca
tikam tikanceva dukam dukanca
cha anulomapaccaniyamhi naya sugambhirati
@Footnote: 1 cha.Ma. yampi
The Pali Atthakatha in Roman Character Volume 55 Page 571.
http://84000.org/tipitaka/read/attha_page.php?book=55&page=571&pages=1&modeTY=2&edition=roman
ศึกษาพระสูตร (เนื้อความ) นี้แยกตามสารบัญ :-
http://84000.org/tipitaka/pitaka_item/read_rm.php?B=55&A=12899&modeTY=2&pagebreak=1
http://84000.org/tipitaka/atthapali/rm_line.php?B=55&A=12899&modeTY=2&pagebreak=1#p571
