อรรถกถาเล่มที่ ๕๕ หน้าที่ ๕๗๑.

อฏฺกถายํ วุตฺตคาถาย ทีปิตา ธมฺมปจฺจนียปฏฺาเน ฉ นยา นิทฺทิฏฺา โหนฺติ. ปจฺจยวเสน ปเนตฺถ เอเกกสฺมึ ปฏฺาเน อนุโลมาทโย จตฺตาโร จตฺตาโร นยาติ เอเกน ปริยาเยน จตุวีสตินยปฏิมณฺฑิตํ ปจฺจนียปฏฺานญฺเว เวทิตพฺพนฺติ. ปจฺจนียปฏฺานวณฺณนา นิฏฺิตา. ----------- ๑๓-๑๘. อนุโลมปจฺจนียปฏฺานวณฺณนา [๑] อิทานิ กุสลาทีสุ ธมฺเมสุ ปจฺจยธมฺมํ อปฺปฏิกฺขิปิตฺวา ปจฺจยุปฺปนฺนสฺส กุสลาทิภาวปฺปฏิกฺเขปวเสน ธมฺมานํ อนุโลมปจฺจนียตาย ลทฺธนามํ อนุโลม- ปจฺจนียปฏฺานํ ทสฺเสตุํ กุสลํ ธมฺมํ ปฏิจฺจ นกุสโล ธมฺโม อุปฺปชฺชติ เหตุปจฺจยาติอาทิ อารทฺธํ. ตตฺถ กุสลํ ธมฺมํ ปฏิจฺจาติ กุสลสฺส ปจฺจยภาวํ อนุชานาติ, นกุสโล ธมฺโม อุปฺปชฺชตีติ กุสลสฺส อุปฺปตฺตึ วาเรติ. ตสฺมา "กุสเล ขนฺเธ ปฏิจฺจ จิตฺตสมุฏฺานํ รูปนฺ"ติอาทินา นเยน วิสฺสชฺชนํ ทสฺสิตํ, ตํ สพฺพํ ปาลึ โอโลเกตฺวา สาธุกํ สลฺลกฺเขตพฺพํ. ยญฺหิ ^๑- เยน สทิสํ, ยญฺจ ยตฺถ ลพฺภติ, โย จ เยสํ วิสฺสชฺชนานํ เยสุ ปจฺจเยสุ คณนปริจฺเฉโท, โส สพฺโพ ปาลิยํ ทสฺสิโต, ตสฺมา ปาลิเยเวตฺถ อตฺโถ. ยถา เจตฺถ, เอวํ ทุกปฏฺานาทีสุปีติ. เอตฺตาวตา:- ติกญฺจ ปฏฺานวรํ ทุกุตฺตมํ ทุกํ ติกญฺเจว ติกํ ทุกญฺจ ติกํ ติกญฺเจว ทุกํ ทุกญฺจ ฉ อนุโลมปจฺจนียมฺหิ นยา สุคมฺภีราติ @เชิงอรรถ: ^๑ ฉ.ม. ยมฺปิ

เนื้อความอรรถกถาฉบับภาษาบาลี อักษรไทย เล่มที่ ๕๕ หน้าที่ ๕๗๑. http://84000.org/tipitaka/read/attha_page.php?book=55&page=571&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=55&A=12899&pagebreak=1 http://84000.org/tipitaka/atthapali/th_line.php?B=55&A=12899&pagebreak=1#p571