อรรถกถาเล่มที่ ๕๕ หน้าที่ ๑๑๖.

ปิณฺฑปาติกา. นามมตฺเตน ปน ปิณฺฑปาติกาติ เวทิตพฺพา. ขลุปจฺฉาภตฺติกาทีสุปิ เอเสว นโย. ปญฺจกนิทฺเทสวณฺณนา นิฏฺิตา. -------------- ๖. ฉกฺกนิทฺเทสวณฺณนา [๒๐๒] ฉกฺเก ตตฺราติ เตสุ ฉสุ ปุคฺคเลสุ. สมฺมาสมฺพุทฺโธ เตน ทฏฺพฺโพติ โส ปุคฺคโล เตน อนาจริยเกน อตฺตนา อุปฺปาทิเตน สพฺพญฺุตาเณน สพฺพญฺุพุทฺโธ ทฏฺพฺโพ. ปจฺเจกสมฺพุทฺโธ เตนาติอาทีสุปิ เตน ปจฺเจกสมฺโพธิาเณน โส ปุคฺคโล ปจฺเจกสมฺพุทฺโธ, เตน สาวกปารมีาเณน เต ปุคฺคลา สาริปุตฺตโมคฺคลฺลานา, เตน ทุกฺขสฺส อนฺตกรเณน เต ปุคฺคลา อวเสสา อรหนฺโต, เตน อิตฺถตฺตํ อนาคมเนน โส ปุคฺคโล อนาคามี, เตน อิตฺถตฺตํ อาคมเนน เต ปุคฺคลา โสตาปนฺนสกทาคามิโน ทฏฺพฺพาติ. ฉกฺกนิทฺเทสวณฺณนา นิฏฺิตา. ------------ ๗. สตฺตกนิทฺเทสวณฺณนา [๒๐๓] สตฺตเก สกึ นิมุคฺโคติ เอกวารํ นิมุคฺโค. เอกนฺตกาฬเกหีติ เอกนฺเตเนว กาฬเกหิ นตฺถิกวาทอเหตุกวาทอกิริยวาทสงฺขาเตหิ นิยตมิจฺฉาทิฏฺิ- ธมฺเมหิ. เอวํ ปุคฺคโลติ อิมินา การเณน ปุคฺคโล เอกวารํ นิมุคฺโค ตถา นิมุคฺโคว โหติ. เอตสฺส หิ ปุน ภวโต วุฏฺานํ นาม นตฺถีติ วทนฺติ. มกฺขลิโคสาลาทโย วิย เหฏฺา นรกคฺคีนํเยว อาหาโร โหติ.

เนื้อความอรรถกถาฉบับภาษาบาลี อักษรไทย เล่มที่ ๕๕ หน้าที่ ๑๑๖. http://84000.org/tipitaka/read/attha_page.php?book=55&page=116&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=55&A=2603&pagebreak=1 http://84000.org/tipitaka/atthapali/th_line.php?B=55&A=2603&pagebreak=1#p116