Duggatibhayanti cattaro apaye paticca uppajjanakabhayam. Iti imehi catuhi catukkehi
solasa mahabhayani nama kathitani.
Ditthicatukke timbarukkhaditthi 1- nama kathita. Tattha sayamkatam sukhadukkhanti
vedanam attato samanupassato vedanayaeva vedana katati uppanna ditthi.
Evanca sati tassa vedanaya pubbepi atthita apajjatiti ayam sassataditthi
nama hoti. Saccato thetatoti saccato thirato. Paramkatanti paccuppannavedanato
annam vedanakaranam vedanattanam samanupassato annaya vedanaya ayam vedana
katati uppanna ditthi. Evam sati purimaya vedanaya karakavedanaya ucchedo
apajjatiti ayam ucchedaditthi nama hoti. Sayamkatanca paramkatancati yathavutteneva
atthena upaddham sayam katam upaddham parena katanti ganhato uppanna ditthi.
Ayam sassatucchedaditthi nama. Catuttha akaranaeva sukhadukkham hotiti ganhato
uppanna ditthi. Evam sati ayam ahetukaditthi nama. Sesamettha hettha
vuttanayatta uttanatthamevati.
Catukkaniddesavannana nitthita.
-------------
5. Pancakaniddesavannana
[940] Pancakaniddese yasma yesam sakkayaditthiadini appahinani,
te bhavaggepi nibbattante 2- etani akaddhitva kamabhaveyeva patenti,
tasma orambhagiyani sannojananiti vuttani. Iti etani panca gacchantam na
varenti, gatam pana anenti. Ruparagadinipi panca gacchantam na varenti,
agantum pana na denti. Ragadayo panca lagganatthena sanga, anupavitthatthena
pana sallati vutta.
@Footnote: 1 cha.Ma. timbarukaditthi, sam.ni. 16/18/22 2 cha.Ma. nibbatte
The Pali Atthakatha in Roman Character Volume 54 Page 545.
http://84000.org/tipitaka/read/attha_page.php?book=54&page=545&pages=1&modeTY=2&edition=roman
ศึกษาพระสูตร (เนื้อความ) นี้แยกตามสารบัญ :-
http://84000.org/tipitaka/pitaka_item/read_rm.php?B=54&A=12804&modeTY=2&pagebreak=1
http://84000.org/tipitaka/atthapali/rm_line.php?B=54&A=12804&modeTY=2&pagebreak=1#p545
