อรรถกถาเล่มที่ ๕๐ หน้าที่ ๓๗๒.

นิคมนกถา สีหฬทีปเก อปฺปิจฺฉตาทิคุณวนฺตานํ เถรวํสปฺปทีปานํ อานนฺทตฺเถราทีนํ สพฺพสตฺตานํ ตณฺหามานทิฏฺาทโย เฉทนนิคฺคหวิเวจนาทฺยตฺถํ สตฺตหิ มาเสหิ อติวิย อาราธเนน ลทฺธโกสลฺเลน โพธิสมฺภารํ คเวสนฺเตน สติธิติคติวีริย- ปรกฺกมนฺเตน มหาสมนฺตคุณโสภเนน ติปิฏกธเรน ปณฺฑิเตน อาภตํ อิมํ อปทานฏฺกถํ สพฺโพ สเทวโลโก ชานาตูติ. อเนน โลภาทิมลา ปชานํ จกฺขาทิโรคา วิวิธา จ ทุกฺขา กลหาทิภยา ทุกฺขิตา ชาตา ^๑- โจราทโยนตฺถกรา จ โลเก. นสฺสนฺตุ เม ปญฺจ เวรา จ ปาปา นสฺสนฺตุ คิเมฺห ยถา วุฏฺิวาตา อฏฺงฺคิกมคฺควเรน ปตฺวา นิพฺพานปุรํ ปฏิปาทยามิ. สพฺพทิฏฺิญฺจ มทฺทนฺโต ราคโทสาทิปาปเก สํสารวฏฺฏํ ฉินฺทิตฺวา อุเปมิ สคฺคโมกฺขเก. อาณาเขตฺตมฺหิ สพฺพตฺถ อวีจิมฺหิ ภวคฺคโต สพฺเพ ธมฺมานุยายนฺตุ ตโย โลกา อุตุปิ จาติ. อปทานฏฺกถา สมตฺตา. ----------

เนื้อความอรรถกถาฉบับภาษาบาลี อักษรไทย เล่มที่ ๕๐ หน้าที่ ๓๗๒. http://84000.org/tipitaka/read/attha_page.php?book=50&page=372&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=50&A=8001&pagebreak=1 http://84000.org/tipitaka/atthapali/th_line.php?B=50&A=8001&pagebreak=1#p372