อรรถกถาเล่มที่ ๔ ภาษาบาลี อักษรไทย
ที.อ. (สุมงฺคล.๑)
หน้าที่ ๑๒๑.

อกมฺปิตฺถ. กาฬการามโคตมกสุตฺเตสุ "อหํ สกฺขี ภควา"ติ สกฺขิภาเวน อกมฺปิตฺถ.
อิมสฺมิมฺปน พฺรหฺมชาเล ทฺวาสฏฺิยา ทิฏฺิคเตสุ วิชเฏตฺวา นิคฺคุมฺพํ กตฺวา
เทสิยมาเนสุ สาธุการทานวเสน อกมฺปิตฺถาติ เวทิตพฺพา.
      น เกวลญฺจ เอเตสุ าเนสุเยว ปวี อกมฺปิตฺถ, อถ โข ตีสุ
สงฺคเหสุปิ มหามหินฺทตฺเถรสฺส อิมํ ทีปํ อาคนฺตฺวา โชติวเน ๑- นิสีทิตฺวา ธมฺมํ
เทสิตทิวเสปิ อกมฺปิตฺถ. กลฺยาณิยวิหาเร จ ปิณฑปาติยตฺเถรสฺส เจติยงฺคณํ
สมฺมชฺชิตฺวา ตตฺเถว นิสีทิตฺวา พุทฺธารมฺมณํ ปีตึ คเหตฺวา อิมํ สุตฺตนฺตํ
อารทฺธสฺส สุตฺตปริโยสาเน อุทกปริยนฺตํ กตฺวา อกมฺปิตฺถ. โลหปาสาทสฺส
ปาจีนอมฺพลฏฺิกฏฺานํ ๒- นาม อโหสิ. ตตฺถ นิสีทิตฺวา ทีฆภาณกตฺเถรา พฺรหฺม-
ชาลสุตฺตํ อารภึสุ, เตสํ สชฺฌายปริโยสาเนปิ อุทกปริยนฺตเมว กตฺวา ปวี
อกมฺปิตฺถาติ.
              เอวํ ยสฺสานุภาเวน        อกมฺปิตฺถ อเนกโส
              เมทนี สุตฺตเสฏฺสฺส        เทสิตสฺส สยมฺภุนา.
              พฺรหฺมชาลสฺส ตสฺสีธ        ธมฺมํ อตฺถญฺจ ปณฺฑิตา
              สกฺกจฺจํ อุคฺคเหตฺวาน,      ปฏิปชฺชนฺตุ โยนิโสติ.
                 อิติ สุมงฺคลวิลาสินิยา    ทีฆนิกายฏฺกถายํ
                   พฺรหฺมชาลสุตฺตวณฺณนา นิฏฺิตา.
                         ๒. สามญฺผลสุตฺต
                         ราชามจฺจกถาวณฺณนา
      [๑๕๐] เอวมฺเม สุตํ ฯเปฯ ราชคเหติ สามญฺผลสุตฺตํ. ตตฺรายํ
อนุปุพฺพปทวณฺณนา. ๓- ราชคเหติ เอวํ นามเก นคเร. ตํ หิ มนฺธาตุมหา-
โควินฺทาทีหิ ปริคฺคหิตตฺตา ราชคหนฺติ วุจฺจติ. อญฺเเปตฺถ ปกาเร วณฺณยนฺติ.
กินฺเตหิ. นามมตฺตเมตํ ตสฺส นครสฺส. ตมฺปเนตํ พุทฺธกาเล จ จกฺกวตฺติกาเล จ
นครํ โหติ, เสสกาเล สุญฺ โหติ ยกฺขปริคฺคหิตํ, เตสํ วสนวนํ ๔- หุตฺวา
@เชิงอรรถ: ๑ ก. ชาติวเน   ๒ สี. ปาจีนํ  ๓ ฉ.ม.อิ. อปุพฺพปทวณฺณนา  ๔ สี. วสนฺตวนํ


เนื้อความอรรถกถาฉบับภาษาบาลี อักษรไทย เล่มที่ ๔ หน้าที่ ๑๒๑.
http://84000.org/tipitaka/read/attha_page.php?book=4&page=121&pages=1&edition=pali
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_th.php?B=4&A=3168&pagebreak=1
http://84000.org/tipitaka/atthapali/th_line.php?B=4&A=3168&pagebreak=1#p121