อรรถกถาเล่มที่ ๔ ภาษาบาลี อักษรไทย
ที.อ. (สุมงฺคล.๑)
หน้าที่ ๑๒๑.

อกมฺปิตฺถ. กาฬการามโคตมกสุตฺเตสุ "อหํ สกฺขี ภควา"ติ สกฺขิภาเวน อกมฺปิตฺถ.
อิมสฺมิมฺปน พฺรหฺมชาเล ทฺวาสฏฺฐิยา ทิฏฺฐิคเตสุ วิชเฏตฺวา นิคฺคุมฺพํ กตฺวา
เทสิยมาเนสุ สาธุการทานวเสน อกมฺปิตฺถาติ เวทิตพฺพา.
      น เกวลญฺจ เอเตสุ ฐาเนสุเยว ปฐวี อกมฺปิตฺถ, อถ โข ตีสุ
สงฺคเหสุปิ มหามหินฺทตฺเถรสฺส อิมํ ทีปํ อาคนฺตฺวา โชติวเน ๑- นิสีทิตฺวา ธมฺมํ
เทสิตทิวเสปิ อกมฺปิตฺถ. กลฺยาณิยวิหาเร จ ปิณฑปาติยตฺเถรสฺส เจติยงฺคณํ
สมฺมชฺชิตฺวา ตตฺเถว นิสีทิตฺวา พุทฺธารมฺมณํ ปีตึ คเหตฺวา อิมํ สุตฺตนฺตํ
อารทฺธสฺส สุตฺตปริโยสาเน อุทกปริยนฺตํ กตฺวา อกมฺปิตฺถ. โลหปาสาทสฺส
ปาจีนอมฺพลฏฺฐิกฏฺฐานํ ๒- นาม อโหสิ. ตตฺถ นิสีทิตฺวา ทีฆภาณกตฺเถรา พฺรหฺม-
ชาลสุตฺตํ อารภึสุ, เตสํ สชฺฌายปริโยสาเนปิ อุทกปริยนฺตเมว กตฺวา ปฐวี
อกมฺปิตฺถาติ.
              เอวํ ยสฺสานุภาเวน        อกมฺปิตฺถ อเนกโส
              เมทนี สุตฺตเสฏฺฐสฺส        เทสิตสฺส สยมฺภุนา.
              พฺรหฺมชาลสฺส ตสฺสีธ        ธมฺมํ อตฺถญฺจ ปณฺฑิตา
              สกฺกจฺจํ อุคฺคเหตฺวาน,      ปฏิปชฺชนฺตุ โยนิโสติ.
                 อิติ สุมงฺคลวิลาสินิยา    ทีฆนิกายฏฺฐกถายํ
                   พฺรหฺมชาลสุตฺตวณฺณนา นิฏฺฐิตา.
                         ๒. สามญฺญผลสุตฺต
                         ราชามจฺจกถาวณฺณนา
      [๑๕๐] เอวมฺเม สุตํ ฯเปฯ ราชคเหติ สามญฺญผลสุตฺตํ. ตตฺรายํ
อนุปุพฺพปทวณฺณนา. ๓- ราชคเหติ เอวํ นามเก นคเร. ตํ หิ มนฺธาตุมหา-
โควินฺทาทีหิ ปริคฺคหิตตฺตา ราชคหนฺติ วุจฺจติ. อญฺเญเปตฺถ ปกาเร วณฺณยนฺติ.
กินฺเตหิ. นามมตฺตเมตํ ตสฺส นครสฺส. ตมฺปเนตํ พุทฺธกาเล จ จกฺกวตฺติกาเล จ
นครํ โหติ, เสสกาเล สุญฺญํ โหติ ยกฺขปริคฺคหิตํ, เตสํ วสนวนํ ๔- หุตฺวา
@เชิงอรรถ: ๑ ก. ชาติวเน   ๒ สี. ปาจีนํ  ๓ ฉ.ม.อิ. อปุพฺพปทวณฺณนา  ๔ สี. วสนฺตวนํ


เนื้อความอรรถกถาฉบับภาษาบาลี อักษรไทย เล่มที่ ๔ หน้าที่ ๑๒๑.
http://84000.org/tipitaka/read/attha_page.php?book=4&page=121&pages=1&modeTY=2&edition=pali
ศึกษาพระสูตร (เนื้อความ) นี้แยกตามสารบัญ  :-
http://84000.org/tipitaka/pitaka_item/read_th.php?B=4&A=3168&modeTY=2&pagebreak=1
http://84000.org/tipitaka/atthapali/th_line.php?B=4&A=3168&modeTY=2&pagebreak=1#p121