romanATTHA book 39 Page 6.

So kujjhitva tvameva imam kutatapasam paharitum na desiti utthaya tam paharitva patesi. Atha bhattapati patitva bhijji. Bhariyaya ca garugabbhaya gabbho bhumiyam pati. Atha nam manussa samparivaretva purisaghatakacoroti gahetva bandhitva ranno dassesum. Raja vinicchinitva tassa rajanam karesi. Sattha abhisambuddho hutva tamattham pakasento osanagathamaha bhattam bhinnam hata bhariya gabbho ca patito chama migova jatarupena na tenattham avaddhitunti. Tattha bhattam bhinnanti bhattapati bhinna. Hatati pahata. Chamati bhumiyam. Migova jatarupenati yatha migo suvannam va hirannam va muttamaniadini va madditva gacchantopi attharitva nipajjantopi tena jatarupena attano attham vaddhitum nibbattetum na sakkoti evameva so andhabalo panditehi dinnam ovadam sutvapi attano attham vaddhitum nibbattetum na sakkotiti vuttam hoti. Sattha imam dhammadesanam aharitva saccani pakasetva jatakam samodhanesi. Saccapariyosane so bhikkhu sotapattiphale patitthahi. Tada naviko idani navikova raja anando tapaso pana ahamevati. Avariyajatakam pathamam.

The Pali Atthakatha in Roman Character Volume 39 Page 6. http://84000.org/tipitaka/read/attha_page.php?book=39&page=6&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=39&A=104&modeTY=2&pagebreak=1 http://84000.org/tipitaka/atthapali/rm_line.php?B=39&A=104&modeTY=2&pagebreak=1#p6