อรรถกถาเล่มที่ ๓๗ หน้าที่ ๖.

วฏฺฏตีติ โอวาทํ ทตฺวา พาราณสึ คนฺตวา ทานาทีนิ ปญฺานิ กตฺวา ชีวิตปริโยสาเน สคฺคปทํ ปูเรสิ ฯ พลฺลิกราชาปิ ตสฺส โอวาทํ คเหตฺวา ชนปทํ ปริคฺคเหตฺวา อตฺตโน อคุณวาทึ อทิสฺวา สกนครํ คนฺตฺวา ทานาทีนิ ปุญฺานิ กตฺวา ชีวิตปริโยสาเน สคฺคปทเมว ปูเรสิ ฯ สตฺถา โกสลราชสฺส โอวาทนตฺถาย อิมํ ธมฺมเทสนํ อาหริตฺวา ชาตกํ สโมธาเนสิ ฯ ตทา พลฺลิกรญฺโ สารถิ โมคฺคลฺลาโน อโหสิ, พลฺลิกราชา อานนฺโท, พาราณสิรญฺโ สารถิ สาริปุตฺโต อโหสิ, ราชา ปน อหเมวาติ ฯ ราโชวาทชาตกํ ปมํ ฯ ------------ ๒ สิคาลชาตกํ อสเมกฺขิตกมฺมนฺตนฺติ อิทํ สตฺถา กูฏาคารสาลายํ วิหรนฺโต เวสาลิวาสิกํ เอกํ นฺหาปิตปุตฺตํ อารพฺภ กเถสิ ฯ ตสฺส กิร ปิตา ราชูนํ ราโชโรธานํ ราชกุมารานํ ราชกุมาริกานญฺจ มสฺสุกรณเกสสณฺาปนอฏฺปทฏฺปนาทีนิ สพฺพกิจฺจานิ กโรติ สทฺโธ ปสนฺโน ติสรณคโต สมาทินฺนปญฺจสีโล, อนฺตรนฺตเรน สตฺถุ ธมฺมํ สุณนฺโต กาลํ วีตินาเมติ ฯ โส เอกทิวสํ ราชนิเวสเน กมฺมํ กาตุํ คจฺฉนฺโต อตฺตโน ปุตฺตํ คเหตฺวา คโต ฯ

เนื้อความอรรถกถาฉบับภาษาบาลี อักษรไทย เล่มที่ ๓๗ หน้าที่ ๖. http://84000.org/tipitaka/read/attha_page.php?book=37&page=6&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=37&A=102&pagebreak=1 http://84000.org/tipitaka/atthapali/th_line.php?B=37&A=102&pagebreak=1#p6