บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 3 : PALI ROMAN Vinaya.A. (samanta.3) Page 99.
Sāsanaṃ uddhammaṃ ubbinayaṃ katvā catunnaṃ kammānaṃ aññataravasena saṅghaṃ bhindati ayaṃ saṅghabhedako nāma. Etassa pabbajjā ca upasampadā ca vāritā. Lohituppādako bhikkhaveti etthāpi yo devadatto viya duṭṭhacittena vadhakacittena tathāgatassa jīvamānakasarīre khuddakamakkhikāya pivanakamattampi lohitaṃ uppādeti ayaṃ lohituppādako nāma. Etassa pabbajjā ca upasampadā ca vāritā. Yo pana rogavūpasamanatthaṃ jīvako viya satthena phāletvā pūtimaṃsañca lohitañca nīharitvā phāsuṃ karoti bahuṃ so puññaṃ pasavatīti. {116} Ubhatobyañjanakoti itthīnimittuppādanakammato ca purisanimittup- pādanakammato ca ubhatobyañjanamassa atthīti ubhatobyañjanako. Karotīti purisanimittena itthīsu methunavītikkamaṃ karoti. Kārāpetīti paraṃ samādapetvā attano itthīnimitte kārāpeti. So duvidho hoti itthīubhatobyañjanako purisaubhatobyañjanakoti. Tattha itthīubhatobyañjanakassa itthīnimittaṃ pākaṭaṃ hoti purisanimittaṃ paṭicchannaṃ purisaubhatobyañjanakassa purisanimittaṃ pākaṭaṃ itthīnimittaṃ paṭicchannaṃ. Itthīubhatobyañjanakassa itthīsu purisattaṃ karontassa itthīnimittaṃ paṭicchananaṃ hoti purisanimittaṃ pākaṭaṃ purisaubhato- byañjanakassa purisānaṃ itthībhāvaṃ upagacchantassa purisanimittaṃ paṭicchannaṃ hoti itthīnimittaṃ pākaṭaṃ hoti. Itthīubhatobyañjanako sayañca gabbhaṃ gaṇhāti parañca gaṇhāpeti purisaubhato- byañjanako pana sayaṃ na gaṇhāti paraṃ gaṇhāpetīti idametesaṃThe Pali Atthakatha in Roman Character Volume 3 Page 99. http://84000.org/tipitaka/read/attha_page.php?book=3&page=99&pages=1&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=3&A=2060&pagebreak=1 http://84000.org/tipitaka/atthapali/rm_line.php?B=3&A=2060&pagebreak=1#p99
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]