บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 3 : PALI ROMAN Vinaya.A. (samanta.3) Page 97.
Devarajanam upadaya yokoci amanussajatiyo sabbova imasmim atthe tiracchanagatoti veditabbo. So neva upasampadetabbo na pabbajetabbo upasampannopi nasetabboti. Tiracchanagatavatthukatha nitthita. {112} Matughatakadivatthusu nikkhantim kareyyanti nikkhamanam niggamanam apavahanam kareyyanti attho. Matughatako bhikkhaveti ettha yena manussitthibhuta janika mata sayampi manussajatikeneva sata sancicca jivita voropita ayam anantariyena matughatakakammena matughatako. Etassa pabbajja ca upasampada ca patikkhitta. Yena pana manussitthibhutapi ajanika posavanikamata va mahamata va culamata va janikapi va namanussitthibhuta mata ghatita tassa pabbajja na varita na ca anantariyo hoti. Yena sayam tiracchanabhutena manussitthibhuta mata ghatita sopi anantariyo na hoti. Tiracchanagatatta panassa pabbajja patikkhitta. Sesam uttanameva. Pitughatakepi eseva nayo. Sacepi hi vesiyaputto hoti ayam me pitati na janati yassa sambhavena nibbatto so ca anena ghatito pitughatako- tveva sankham gacchati anantariyanca phusati. {114} Arahantaghatakopi manussaarahantavaseneva veditabbo. Manussajatiyam hi antamaso apabbajitampi khinasavam darakam va darikam va sancicca jivita voropento arahantaghatakova hoti. Anantariyanca phusatiThe Pali Atthakatha in Roman Character Volume 3 Page 97. http://84000.org/tipitaka/read/attha_page.php?book=3&page=97&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=3&A=2018&modeTY=2&pagebreak=1 http://84000.org/tipitaka/atthapali/rm_line.php?B=3&A=2018&modeTY=2&pagebreak=1#p97
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]