บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 3 : PALI ROMAN Vinaya.A. (samanta.3) Page 87.
Karetva accayam desapetabbo. Sace na nissajjati tatheva adaya paggayha titthati linganasanaya nasetabboti vuttam. Tam yuttam. Ayameva hi nasana idhadhippetati. Micchaditthikepi eseva nayo. Sassatucchedananhi annataraditthiko sace acariyadihi ovadiyamano nissajjati dandakammam karetva accayam desapetabbo appatinissajjantova nasetabboti. Bhikkhunidusako cettha kamam abrahmacariggahanena gahitova. Abrahmacarim pana ayatim samvare thatukamam saranani datva upasampadetum vattati. Bhikkhunidusako ayatim samvare thatukamopi pabbajjampi na labhati pageva upasampadanti etamattham dassetum bhikkhunidusakoti imam visum dasamam angam vuttanti veditabbam. {109} Dahare dahareti tarune tarune. Moligalleti thulasarire. Hatthibhande assabhandeti hatthigopake ca assagopake ca. Pandako bhikkhaveti ettha asittapandako usuyyapandako opakkamiyapandako pakkhapandako napumsakapandakoti panca pandaka. Tattha yassa paresam angajatam mukhena gahetva asucina asittassa parilaho vupasammati ayam asittapandako. Yassa pana paresam ajjhacaram passato usuyyaya uppannaya parilaho vupasammati ayam usuyyapandako. Yassa upakkamena bijani apanitani ayam opakkamiyapandako. Ekacco pana akusalavipakanubhavena kalapakkhe pandako hoti junhapakkhe panassa parilaho vupasammati ayam pakkhapandako.The Pali Atthakatha in Roman Character Volume 3 Page 87. http://84000.org/tipitaka/read/attha_page.php?book=3&page=87&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=3&A=1808&modeTY=2&pagebreak=1 http://84000.org/tipitaka/atthapali/rm_line.php?B=3&A=1808&modeTY=2&pagebreak=1#p87
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]