romanATTHA book 3 Page 44.

Parimandalehi padabyanjanehi kammavacam savetum byanjanam va padam va hapesi annatha va vattabbam annatha vadati ayam appatibalo tabbiparito imasmim atthe patibaloti veditabbo. Sangho napetabboti sangho janapetabbo. Tato param yam sangho janapetabbo tam dassetum sunatu me bhantetiadimaha. {71} Upasampanna- samanantarati upasampanno hutva va samanantara. Anacaram acaratiti pannattivitikkamam karoti. Ullumpatu manti uddharatu mam. Akusala vutthapetva kusale patitthapetu samanerabhava va uddharitva bhikkhubhave patitthapetuti. Anukampam upadayati anudayam paticca mayi anukampam katvati attho. {73} Atthita hotiti niccappavattini hoti. Cattaro nissayeti cattaro paccaye. Yasma cattaro paccaye nissaya attabhavo pavattati tasma te nissayati vuccanti. {75} Kintayam bhikkhu hotiti kinte ayam bhikkhu hoti. Annehi ovadiyo anusasiyoti annehi ovaditabbo ceva anusasitabbo ca. Bahullaya avatto yadidam ganabandhikanti ganabandho etassa bahullassa atthiti ganabandhikam bahullam. Yam idam ganabandhikam nama bahullam tadatthaya atilahum tvam apannoti vuttam hoti. {76} Abyattati pannaveyyattiyena virahita. Annataropi annatitthiyapubboti pasuro paribbajako. So kira dhammam thenissamiti udayittherassa santike pabbajitva tena sahadhammika vuccamano tassa vadam aropesi. Anujanami bhikkhave byattena bhikkhunatiadimhi byatto

The Pali Atthakatha in Roman Character Volume 3 Page 44. http://84000.org/tipitaka/read/attha_page.php?book=3&page=44&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=3&A=905&modeTY=2&pagebreak=1 http://84000.org/tipitaka/atthapali/rm_line.php?B=3&A=905&modeTY=2&pagebreak=1#p44