romanATTHA book 3 Page 395.

Sace tattika va katasarako va natthi colakena pada vethetabba. Tasmim asati pannampi attharitum vattati kinci anattharitva thapentassa pana dukkatam. Yadi pana tattha nevasika atthatayapi bhumiya thapenti adhotapadehi valanjenti tatheva valanjetum vattati. Na bhikkhave parikammakata bhittiti setabhitti va cittakammakata va na kevalanca bhittimyeva dvarampi vatapanampi apassenaphalakampi pasanatthambhampi rukkhatthambhampi civarena va kenaci va appaticchadetva apassayitum na labhatiyeva. Dhotapadakati dhotapadaka hutva dhotehi padehi akkamitabbat- thane nipajjitum kukkuccayanti. Dhotapadaketipi patho. Dhotehi padehi akkamitabbatthanassetam adhivacanam. Paccattharitvati paribhandakatabhumim va bhummattharanasenasanam va sanghikam mancapitham va attano santakena paccattharanena paccattharitvava nipajjitabbam. Sace niddayatopi paccattharane sankutike koci sariravayavo mancam va pitham va phusati apattiyeva. Lomesu pana lomagananaya apattiyo. Paribhogasisena apassayantassapi eseva nayo. Hatthatalapadatalehi pana phusitum va akkamitum va vattati. Mancapitham niharantassa kaye patihannati anapatti. {325} Na sakkonti sanghabhattam katunti sakalassa ca sanghassa bhattam katum na sakkonti. Icchanti uddesabhattanti adisu ekam va

The Pali Atthakatha in Roman Character Volume 3 Page 395. http://84000.org/tipitaka/read/attha_page.php?book=3&page=395&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=3&A=8109&modeTY=2&pagebreak=1 http://84000.org/tipitaka/atthapali/rm_line.php?B=3&A=8109&modeTY=2&pagebreak=1#p395