อรรถกถาเล่มที่ ๓ หน้าที่ ๓๖๑.

กุรุนฺทิยํ วุตฺตํ ฯ {๓๑๐} ปิฏฺิโต ปิฏฺิโต คนฺตฺวาติ เถโร กิร คิลาเน ปฏิชคฺคนฺโต ชิณฺเณ วุฑฺเฒ สงฺคณฺหนฺโต สพฺพปจฺฉโต อาคจฺฉติ ฯ อิทมสฺส จาริตฺตํ ฯ เตน วุตฺตํ ปิฏฺิโต ปิฏฺิโต คนฺตฺวาติ ฯ อคฺคาสนนฺติ เถราสนํ ฯ อคฺโคทกนฺติ ทกฺขิโณทกํ ฯ อคฺคปิณฺฑนฺติ สงฺฆตฺเถรปิณฺฑํ ฯ {๓๑๕} ปติฏฺาเปสีติ อฏฺารสโกฏิปริจฺจาคํ กตฺวา ปติฏฺาเปสิ ฯ เอวํ สพฺพาปิ จตุปณฺณาสโกฏิโย ปริจฺจชิ ฯ {๓๑๖} วิปฺปกตโภชเนติ อนฺตรฆเร วา วิหาเร วา อรญฺเ วา ยตฺถ กตฺถจิ ภุญฺชมาโน ภิกฺขุ อนิฏฺิเต โภชเน น วุฏฺาเปตพฺโพ ฯ อนฺตรฆเร ปจฺฉา อาคเตน ภิกฺขํ คเหตฺวา สภาคฏฺานํ คนฺตพฺพํ ฯ สเจ มนุสฺสา วา ภิกฺขู วา ปวิสถาติ วทนฺติ มยิ ปวิสนฺเต ภิกฺขู อุฏฺหิสฺสนฺตีติ วตฺตพฺพํ ฯ เอตฺถ ภนฺเต อาสนํ อตฺถีติ วุตฺเตน ปวิสิตพฺพํ ฯ สเจ โกจิ กิญฺจิ น วทติ อาสนสาลาย คนฺตฺวา อติสมีปํ อาคนฺตฺวา สภาคฏฺาเน าตพฺพํ โอกาเส กเต ปวิสถาติ วุตฺเตน ปวิสิตพฺพํ ฯ สเจ ปน ยํ อาสนํ ตสฺส ปาปุณาติ ตตฺถ อภุญฺชนฺโต ภิกฺขุ นิสินฺโน โหติ ตํ อุฏฺาเปตุํ วฏฺฏติ ฯ ยาคุขชฺชกาทีสุ ปน ยงฺกิญฺจิ ปิวิตฺวา วา ขาทิตฺวา วา ยาว อญฺโ อาคจฺฉติ ตาว นิสินฺนํ ริตฺตหตฺถมฺปิ อุฏฺาเปตุํ น วฏฺฏติ วิปฺปกตโภชโนเยว หิ โส โหติ ฯ สเจ วุฏฺาเปตีติ สเจ สญฺจิจฺจ อาปตฺตึ อติกฺกมิตฺวาปิ วุฏฺาเปติเยว ฯ ปวาริโต จ

เนื้อความอรรถกถาฉบับภาษาบาลี อักษรไทย เล่มที่ ๓ หน้าที่ ๓๖๑. http://84000.org/tipitaka/read/attha_page.php?book=3&page=361&pages=1&edition=pali ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_th.php?B=3&A=7397&pagebreak=1 http://84000.org/tipitaka/atthapali/th_line.php?B=3&A=7397&pagebreak=1#p361